Lava

ഓപ്പോ A6s 5G, iQOO Z11x 5G, ലാവ ബ്ലേസ് ഡ്യുവോ 3 എന്നിവ ഒരേ വില നിലവാരത്തിലുള്ള ബജറ്റ് 5G സ്മാർട്ട്ഫോണുകളാണ്. വലിയ ബാറ്ററിയും എഐ (AI) ഫീച്ചറുകളുമാണ് ഓപ്പോ A6s 5G നൽകുന്നത്. എന്നാൽ iQOO Z11x 5G-യുടെ പ്രത്യേകത അതിന്റെ 7,200mAh ബാറ്ററിയും മികച്ച ഈടുനിൽപ്പുമാണ്. രണ്ട് ഡിസ്‌പ്ലേകളും കുറഞ്ഞ വിലയുമാണ് ലാവ ബ്ലേസ് ഡ്യുവോ 3-നെ ആകർഷകമാക്കുന്നത്. മികച്ച പ്രകടനവും മൂല്യവും ആഗ്രഹിക്കുന്നവർക്കായി 120Hz ഡിസ്‌പ്ലേ, 50 മെഗാപിക്സൽ മെയിൻ ക്യാമറ, ഫാസ്റ്റ് ചാർജിംഗ് എന്നിവ ഈ മൂന്ന് ഫോണുകളിലും ഉൾപ്പെടുത്തിയിട്ടുണ്ട്.

ലാവ ബോൾഡ് 2 5ജി ഇന്ത്യയിൽ മാർച്ച് 13-ന് ലോഞ്ച് ചെയ്യും. ഫോണിൽ ഇൻ-ഡിസ്‌പ്ലേ ഫിംഗർപ്രിന്റ് സ്കാനറും സെൻട്രൽ ഹോൾ പഞ്ച് ഡിസ്പ്ലേ കട്ടൗട്ടും ഉണ്ട്. ഡ്യൂഅൽ റിയർ ക്യാമറ, 6.67 ഇഞ്ച് 3ഡി കർവഡ് ആമോലെഡ് ഡിസ്പ്ലേ, 5,000mAh ബാറ്ററി, 33W ഫാസ്റ്റ് ചാർജിംഗ് എന്നിവയും ഫീച്ചറുകളിലുണ്ട്.

ഫെബ്രുവരി 17-ന് ഇന്ത്യൻ സമയം ഉച്ചയ്ക്ക് 12 മണിക്ക് ലാവ ബോൾഡ് N2 ഇന്ത്യയിൽ ലോഞ്ച് ചെയ്യുമെന്ന് കമ്പനി സ്ഥിരീകരിച്ചു. "Be Fearless, Be Bold" എന്ന ടാഗ്‌ലൈനോടെ എക്സിലെ ഒരു പോസ്റ്റിലൂടെയാണ് കമ്പനി ഇക്കാര്യം അറിയിച്ചത്. മുൻ ലാവ മോഡലുകളെപ്പോലെ ആമസോൺ വഴി മാത്രമായിരിക്കും ഈ സ്മാർട്ട്‌ഫോൺ വിൽക്കുക. ഫോണിനായുള്ള ഒരു ഡെഡിക്കേറ്റഡ് മൈക്രോസൈറ്റ് ഇതിനകം ആമസോണിൽ ലൈവ് ആയിട്ടുണ്ട്, അതിൽ ഡിസൈനും കളർ ഓപ്ഷനുകളും വെളിപ്പെടുത്തുന്നു. ലാവ ബോൾഡ് N2 ഗ്രേ, ബ്ലാക്ക് എന്നിങ്ങനെ കുറഞ്ഞത് രണ്ട് നിറങ്ങളിലെങ്കിലും ലഭ്യമാകും. താഴെ ഇടത് മൂലയിലായി ലാവ ബ്രാൻഡിംഗ് നൽകിയിട്ടുള്ള ഫ്ലാറ്റ് റിയർ പാനലാണ് ഫോണിന്റെ സവിശേഷത. ഒരു ഫ്ലാറ്റ് മെറ്റൽ ഫ്രെയിമും ഇതിലുണ്ട്. ഇത് ഫോണിനൊരു പ്രീമിയം ലുക്ക് നൽകുന്നു.

ഡ്യുവൽ സിം ലാവ യുവ സ്റ്റാർ 3 ആൻഡ്രോയിഡ് 15 ഗോ എഡിഷനിലാണ് പ്രവർത്തിക്കുന്നത്, ഇത് മിതമായ ഹാർഡ്‌വെയറുള്ള എൻട്രി ലെവൽ സ്മാർട്ട്‌ഫോണുകൾക്കായി രൂപകൽപ്പന ചെയ്‌തിരിക്കുന്ന ഓപ്പറേറ്റിങ്ങ് സിസ്റ്റമാണ്. 720x1,600 പിക്‌സൽ റെസല്യൂഷനുള്ള 6.75 ഇഞ്ച് HD+ ഡിസ്‌പ്ലേയാണ് ഇതിനുള്ളത്. സ്‌ക്രീൻ 90Hz റീഫ്രഷ് റേറ്റിനെ പിന്തുണയ്ക്കുന്നു, കൂടാതെ 20:9 ആസ്പക്റ്റ് റേഷ്യോയുമുണ്ട്. ഹൂഡിന് കീഴിൽ, സ്മാർട്ട്‌ഫോണിന് കരുത്ത് പകരുന്നത് ഒക്ടാ-കോർ യൂണിസോക്ക് SC9863A പ്രോസസറാണ്. ഇത് 4GB റാമും 64GB ഇന്റേണൽ സ്റ്റോറേജുമായി ജോടിയാക്കിയിരിക്കുന്നു. ഉപയോഗിക്കാത്ത സ്റ്റോറേജ് സ്‌പെയ്‌സ് ഉപയോഗിച്ച് റാം 8GB വരെ വികസിപ്പിക്കാൻ കഴിയും. ബ്രൗസിംഗ്, സോഷ്യൽ മീഡിയ തുടങ്ങിയ അടിസ്ഥാന ജോലികൾക്കും മൾട്ടിടാസ്കിംഗ് പെർഫോമൻസ് മെച്ചപ്പെടുത്താനും ഇത് സഹായിക്കും.

ലാവ ബോൾഡ് N2 ഇന്ത്യയിൽ ആമസോൺ വഴിയാണ് വിൽക്കുന്നത്. ബ്ലാക്ക്, സിൽവർ എന്നീ രണ്ട് നിറങ്ങളിൽ ഫോൺ ലഭ്യമാകുമെന്ന് ലൈവ് മൈക്രോസൈറ്റ് സ്ഥിരീകരിക്കുന്നു. ഓൺലൈനിൽ പങ്കിട്ട ചിത്രങ്ങളിൽ നിന്ന്, ബോൾഡ് N2-ന് താഴെ ഇടത് മൂലയിൽ ലാവ ബ്രാൻഡിംഗ് നൽകിയിട്ടുള്ള ഫ്ലാറ്റ് ബാക്ക് പാനൽ ഉണ്ട്. ഫോണിന് ഒരു ഫ്ലാറ്റ് മെറ്റൽ ഫ്രെയിം ഉള്ളതായും തോന്നുന്നു. അതിനാൽ കൈയിൽ വെക്കുമ്പോൾ ഒരു ദൃഢതയുള്ള അനുഭവം നൽകും. പിന്നിൽ, ചതുരാകൃതിയിലുള്ള ഒരു ക്യാമറ മൊഡ്യൂൾ ഉണ്ട്. ഈ മൊഡ്യൂളിൽ എൽഇഡി ഫ്ലാഷിനൊപ്പം ഡ്യുവൽ റിയർ ക്യാമറ സെറ്റപ്പാണുള്ളത്. പ്രൈമറി റിയർ ക്യാമറ 13 മെഗാപിക്സൽ സെൻസറായിരിക്കുമെന്ന് ലാവ സ്ഥിരീകരിച്ചു. പവർ ബട്ടണും വോളിയം ബട്ടണുകളും ഫോണിൻ്റെ വലതുവശത്ത് സ്ഥാപിച്ചിരിക്കുന്നു.

കമ്പനി പുറത്തുവിട്ട വിവരങ്ങൾ പ്രകാരം ലാവ പ്ലേ മാക്സിൽ ലംബമായി സ്ഥാപിച്ചിരിക്കുന്ന ഡ്യുവൽ റിയർ ക്യാമറ സെറ്റപ്പാണ് ഉണ്ടാവുക. മെയിൻ ക്യാമറയിൽ 50 മെഗാപിക്സൽ സെൻസർ ഉപയോഗിക്കുമെന്ന് പ്രതീക്ഷിക്കുന്നു. ക്യാമറ മൊഡ്യൂളിന് ചുറ്റുമുള്ള ഒരു പ്രത്യേക ഡിസൈനും ടീസറിൽ വ്യക്തമായി കാണാം. ഈ പാറ്റേൺ ഇരുട്ടിൽ പ്രകാശിക്കുകയോ തിളങ്ങുകയോ ചെയ്ത് ഫോണിന് ഒരു സ്റ്റൈലിഷ് ലുക്ക് നൽകാൻ സാധ്യതയുണ്ട്. ഫോണിന് ഫ്ലാറ്റായ പ്ലാസ്റ്റിക് ഫ്രെയിമുകളും ഉണ്ടാകാൻ സാധ്യതയുണ്ട്. ടീസറിൽ ആന്റിന ലൈനുകളൊന്നും കാണിക്കാത്തതിനാൽ, ഫോണിൽ മെറ്റലിനു പകരം പ്ലാസ്റ്റിക് ബോഡി ആയിരിക്കുമെന്ന് ഇതു സൂചിപ്പിക്കുന്നു. ലാവ പ്ലേ അൾട്രാ 5G-യിലുള്ള അതേ മീഡിയടെക് ഡൈമെൻസിറ്റി 7300 പ്രോസസർ ലാവ പ്ലേ മാക്സിലും ഉപയോഗിക്കുമെന്ന് പ്രതീക്ഷിക്കുന്നു.

ലാവ അഗ്നി 4 സ്റ്റോക്ക് ആൻഡ്രോയിഡ് 15-ലാണ് പ്രവർത്തിക്കുന്നത്. മൂന്ന് പ്രധാന ആൻഡ്രോയിഡ് അപ്‌ഡേറ്റുകളും നാല് വർഷത്തെ സുരക്ഷാ അപ്‌ഡേറ്റുകളും ലാവ വാഗ്ദാനം ചെയ്യുന്നു. 120Hz റിഫ്രഷ് റേറ്റ്, 2,400nits വരെ ലോക്കൽ പീക്ക് ബ്രൈറ്റ്‌നസ്, 446ppi പിക്‌സൽ ഡെൻസിറ്റി എന്നിവയുള്ള 6.67 ഇഞ്ച് ഫ്ലാറ്റ് AMOLED ഡിസ്‌പ്ലേയാണ് ഫോണിനുള്ളത്. മുൻവശത്ത് 1.7mm തുല്യമായ ബെസലുകളുള്ള അലുമിനിയം അലോയ് മെറ്റൽ ഫ്രെയിമും പിന്നിൽ മാറ്റ് AG ഗ്ലാസും ഈ ഉപകരണത്തിൽ ഉപയോഗിക്കുന്നു. മികച്ച ഡ്രോപ്പ് പ്രൊട്ടക്ഷനായി സൂപ്പർ ആന്റി-ഡ്രോപ്പ് ഡയമണ്ട് ഫ്രെയിം, കോർണിംഗ് ഗൊറില്ല ഗ്ലാസ് സ്ക്രീൻ, പൊടി, വെള്ളത്തുള്ളികളെ പ്രതിരോധിക്കാനുള്ള IP64 റേറ്റിംഗ് എന്നിവയും ഇതിൽ ഉൾപ്പെടുന്നു.

ലാവ അഗ്നി 4-ന് ഇന്ത്യയിൽ 30,000 രൂപയിൽ താഴെ വില വരുമെന്ന് റിപ്പോർട്ടുകൾ സൂചിപ്പിക്കുന്നു. മിഡ്-റേഞ്ച് സെഗ്‌മെന്റിൽ ഒരു ശക്തമായ ഓപ്ഷനായി ഈ ഫോൺ മാറുമെന്ന് ഇതിൽ നിന്നും ഉറപ്പിക്കാം. 6.67 ഇഞ്ച് AMOLED ഡിസ്‌പ്ലേ ഫോണിൽ ഉണ്ടാകുമെന്ന് പ്രതീക്ഷിക്കുന്നു, ഇത് 1.5K റെസല്യൂഷനും സുഗമമായ സ്‌ക്രോളിംഗിനും ഗെയിമിംഗിനുമായി 120Hz റിഫ്രഷ് റേറ്റും വാഗ്ദാനം ചെയ്യുന്നു. മികച്ച പെർഫോമൻസ് ഉറപ്പു നൽകുന്ന മീഡിയടെക്കിന്റെ ഡൈമെൻസിറ്റി 8350 ചിപ്‌സെറ്റ് ഈ ഫോണിനു കരുത്ത് പകരും. LPDDR5X റാമും UFS 4.0 സ്റ്റോറേജും ഈ ഫോണിൽ ഉണ്ടാകുമെന്ന് പ്രതീക്ഷിക്കുന്നു. ലാവ അഗ്നി 4-ൽ ഡ്യുവൽ റിയർ ക്യാമറ സെറ്റപ്പാണ് ഉണ്ടാവുക.

ക്യാമറകളുടെ കാര്യത്തിൽ, ലാവ അഗ്നി 4-ൽ ഡ്യുവൽ റിയർ ക്യാമറ സെറ്റപ്പ് ഉണ്ടാകുമെന്നു പ്രതീക്ഷിക്കുന്നു. ഒപ്റ്റിക്കൽ ഇമേജ് സ്റ്റെബിലൈസേഷൻ (OIS) ഉള്ള 50 മെഗാപിക്സൽ പ്രധാന ക്യാമറയും 8 മെഗാപിക്സൽ അൾട്രാ-വൈഡ് ലെൻസും ഇതിൽ ഉൾപ്പെടുന്നു. സെൽഫികൾക്കും വീഡിയോ കോളുകൾക്കുമായി, ഫോണിൽ 50 മെഗാപിക്സൽ ഫ്രണ്ട് ക്യാമറയും ഉണ്ടായേക്കാം. അഗ്നി 4-ലെ ഏറ്റവും രസകരമായ സവിശേഷതകളിൽ ഒന്ന് കസ്റ്റമൈസ് ചെയ്യാവുന്ന ആക്ഷൻ കീ ആണ്. ലാവ ഫോണുകളിൽ ആദ്യമായി വരുന്ന ആക്ഷൻ കീ ഉപയോക്താക്കൾക്കൾക്ക് അവരുടെ പ്രിയപ്പെട്ട ഫംഗ്ഷനുകളിലേക്ക് ഷോർട്ട്കട്ടുകൾ നൽകാൻ അനുവദിക്കുന്നു. ഡ്യുവൽ സ്പീക്കറുകൾ, മികച്ച വൈബ്രേഷൻ ഫീഡ്‌ബാക്കിനായി എക്സ്-ആക്സിസ് ഹാപ്‌റ്റിക്സ്, പൊടി, വെള്ളം എന്നിവയിൽ നിന്നുള്ള സംരക്ഷണത്തിനായി IP64 റേറ്റിംഗ് എന്നിവയും ഹാൻഡ്‌സെറ്റിൽ ഉൾപ്പെടുമെന്ന് പ്രതീക്ഷിക്കുന്നു.

ലാവ അഗ്നി 4-ൽ USB 3.1 സ്റ്റോറേജ് ഉൾപ്പെടുമെന്ന് അഭ്യൂഹമുണ്ട്. വേഗതയേറിയ ഡാറ്റ ട്രാൻസ്ഫറിനും മികച്ച പ്രകടനത്തിനും കാര്യക്ഷമതയ്ക്കുമായി LPDDR5X റാമും ഇതു വാഗ്ദാനം ചെയ്യും. കസ്റ്റമർ എക്സ്പീരിയൻസ് മെച്ചപ്പെടുത്തുന്നതിനു വേണ്ടി AI അടിസ്ഥാനമാക്കിയുള്ള സവിശേഷതകളുമായി ഈ ഫോൺ വരാൻ സാധ്യതയുണ്ട്."സീറോ ബ്ലോട്ട്‌വെയർ" സോഫ്റ്റ്‌വെയർ അനുഭവം നൽകുന്ന ഫോണായിരിക്കും ഇതെന്നും ലാവ സ്ഥിരീകരിച്ചു, അതായത് മുൻകൂട്ടി ഇൻസ്റ്റാൾ ചെയ്ത അനാവശ്യമായ ആപ്പുകൾ ഇതിൽ ഉൾപ്പെടില്ല. കൂടാതെ, കമ്പനി ഫ്രീ ഹോം റീപ്ലേസ്‌മെന്റ് സർവീസും വാഗ്ദാനം ചെയ്യുന്നുണ്ട്. ഫോൺ തകരാറിലായിൽ വീട്ടിലെത്തി അതു പരിഹരിച്ചു നൽകുമെന്നാണ് ഇതിനർത്ഥം. മീഡിയടെക് ഡൈമെൻസിറ്റി 8350 ചിപ്‌സെറ്റ് ആകും ഫോണിൽ ഉണ്ടാവുകയെന്നും 7,000mAh ബാറ്ററി ഉൾപ്പെടുത്തുമെന്നും അടുത്തിടെ വന്ന മറ്റൊരു റിപ്പോർട്ടും സൂചിപ്പിച്ചു.

ലാവ പ്രോബഡ്‌സ് N33 ഇയർഫോണുകൾ 13mm ഡൈനാമിക് ഡ്രൈവറുകളുമായി വരുന്നു. കൂടാതെ, ഇവ 30dB വരെ ആക്റ്റീവ് നോയ്‌സ് ക്യാൻസലേഷനെ (ANC) പിന്തുണയ്ക്കുന്നതിനാൽ മ്യൂസിക്ക് കേൾക്കുമ്പോഴോ കോളുകളിൽ സംസാരിക്കുമ്പോഴോ പശ്ചാത്തല ശബ്‌ദം കുറയ്ക്കാൻ സഹായിക്കും. ഇയർഫോണുകൾ ഊരാതെ തന്നെ പുറത്തെ ശബ്‌ദങ്ങൾ കേൾക്കാൻ ഉപയോക്താക്കളെ സഹായിക്കുന്ന ഒരു ട്രാൻസ്പരൻസി മോഡും ഇതിൽ ഉൾപ്പെടുന്നു. കൂടുതൽ വ്യക്തമായ വോയ്‌സ് കോളുകൾക്കായി, നെക്ക്‌ബാൻഡിൽ എൻവയോൺമെന്റൽ നോയ്‌സ് ക്യാൻസലേഷൻ (ENC) സാങ്കേതികവിദ്യയുണ്ട്. പ്രോബഡ്‌സ് N33 ഇയർഫോൺ ANC ഓഫാക്കുമ്പോൾ 40 മണിക്കൂർ വരെ പ്ലേടൈമും ANC ഓണായിരിക്കുമ്പോൾ ഏകദേശം 31 മണിക്കൂർ പ്ലേടൈമും വാഗ്ദാനം ചെയ്യുന്നു.

റിപ്പോർട്ടുകൾ പ്രകാരം, വരാനിരിക്കുന്ന ലാവ അഗ്നി 4-ൽ 6.78 ഇഞ്ച് ഫുൾ HD+ ഡിസ്‌പ്ലേയാണ് ഉണ്ടാവുക. ഇത് 120Hz റിഫ്രഷ് റേറ്റ് വാഗ്ദാനം ചെയ്യുന്നതായിരിക്കും. UFS 4.0 സ്റ്റോറേജുമായി ജോടിയാക്കിയ മീഡിയടെക് ഡൈമെൻസിറ്റി 8350 ചിപ്‌സെറ്റ് ഫോണിനു കരുത്തു നൽകുമെന്നും പ്രതീക്ഷിക്കുന്നു. ഇത് വേഗതയേറിയ പ്രകടനവും ആപ്പ് ലോഡിംഗ് ടൈമും നൽകും. ക്യാമറകളുടെ കാര്യത്തിൽ, രണ്ട് 50 മെഗാപിക്സൽ സെൻസറുകൾ ഉള്ള ഒരു ഡ്യുവൽ റിയർ ക്യാമറ സെറ്റപ്പ് ആണ് ലാവ അവതരിപ്പിച്ചിരിക്കുന്നത്. 7,000mAh-ൽ കൂടുതൽ ബാറ്ററിയും ഈ ഫോണിൽ ഉണ്ടാകുമെന്നു പറയപ്പെടുന്നു. IECEE സർട്ടിഫിക്കേഷൻ വെബ്‌സൈറ്റിൽ കണ്ട ലാവ മോഡലിൻ്റെ വിശദാംശങ്ങൾ ഇതിനെ ശരി വെക്കുന്നതാണ്.

എക്സിലെ (മുമ്പ് ട്വിറ്റർ) ഒരു പോസ്റ്റ് അനുസരിച്ച്, ലാവ ഷാർക്ക് 2-ൽ HD+ റെസല്യൂഷനും 120Hz റിഫ്രഷ് റേറ്റും പിന്തുണയ്ക്കുന്ന 6.75 ഇഞ്ച് ഡിസ്‌പ്ലേയും ഉണ്ടായിരിക്കും. ടീസർ ചിത്രത്തിൽ മുൻവശത്തെ സെൽഫി ക്യാമറയ്‌ക്കായി സ്‌ക്രീനിൽ ഒരു ഹോൾ-പഞ്ച് കട്ടൗട്ടും കാണിക്കുന്നു. ലാവ ഷാർക്ക് 2-ന്റെ ഡിസ്‌പ്ലേ സവിശേഷതകൾ 2025 മെയ് മാസത്തിൽ പുറത്തിറങ്ങിയ മുൻ മോഡലായ ലാവ ഷാർക്ക് 5G-യോട് വളരെ സാമ്യമുള്ളതാണ്. 20:9 ആസ്പെക്റ്റ് റേഷ്യോയുള്ള 6.75 ഇഞ്ച് HD+ (720×1,600 പിക്‌സൽ) ഡിസ്‌പ്ലേയാണ് ആ ഫോണിലുള്ളത്. എന്നാൽ അതിന്റെ റിഫ്രഷ് നിരക്ക് 90Hz വരെ മാത്രമാണ്. അതായത് പഴയ പതിപ്പിനേക്കാൾ മെച്ചപ്പെട്ട റിഫ്രഷ് റേറ്റ് ലാവ ഷാർക്ക് 2 വാഗ്ദാനം ചെയ്യും.

എക്സിലെ (മുമ്പ് ട്വിറ്റർ) ഒരു പോസ്റ്റിൽ, തങ്ങളുടെ വരാനിരിക്കുന്ന സ്മാർട്ട്‌ഫോൺ ബ്ബാക്ക്, സിൽവർ എന്നീ രണ്ട് നിറങ്ങളിൽ വരുമെന്ന് ലാവ മൊബൈൽസ് പ്രഖ്യാപിച്ചു. എന്നിരുന്നാലും, ഈ നിറങ്ങളുടെ കൃത്യമായ പേരുകൾ ഇതുവരെ വെളിപ്പെടുത്തിയിട്ടില്ല. ഫോണിന്റെ ഫ്രെയിമിന് അതിന്റെ റിയർ പാനലിന്റെ അതേ നിറമായിരിക്കും എന്നാണു കരുതേണ്ടത്. മുകളിൽ ഇടത് മൂലയിൽ ചതുരാകൃതിയിലുള്ള ക്യാമറ ഏരിയയും താഴെ ലാവ ബ്രാൻഡിംഗും ഉള്ള തിളങ്ങുന്ന റിയർ പാനൽ ഡിസൈൻ ലാവ ഷാർക്ക് 2-വിന് ഉണ്ടെന്ന് പറയപ്പെടുന്നു. ക്യാമറ സെറ്റപ്പിൽ മൂന്ന് സെൻസറുകളും ഒരു LED ഫ്ലാഷും ഉൾപ്പെടുന്നു. ക്യാമറ ഏരിയയ്ക്കുള്ളിൽ "50MP AI ക്യാമറ" എന്ന് എഴുതിയിട്ടുണ്ട്. ടീസർ ചിത്രങ്ങൾ പ്രകാരം, സിം ട്രേ ഇടതുവശത്താണ് സ്ഥാപിച്ചിരിക്കുന്നു, പവർ, വോളിയം ബട്ടണുകൾ വലതുവശത്തും വരുന്നു.

തങ്ങളുടെ വരാനിരിക്കുന്ന സ്മാർട്ട്‌ഫോണായ ലാവ ഷാർക്ക് 2, 50 മെഗാപിക്സൽ AI ട്രിപ്പിൾ റിയർ ക്യാമറയുമായി വരുമെന്ന് ലാവ മൊബൈൽസ് സാമൂഹ്യമാധ്യമമായ എക്സിലൂടെ (മുമ്പ് ട്വിറ്റർ) പ്രഖ്യാപിച്ചു. ഐഫോൺ 16 പ്രോ മാക്‌സിനോട് സാമ്യമുള്ള ഒരു ക്യാമറ സെറ്റപ്പാണ് ടീസർ ചിത്രങ്ങളിൽ കാണിക്കുന്നത്. ക്യാമറ ഏരിയയിൽ “50MP AI ക്യാമറ” എന്ന ലേബലും LED ഫ്ലാഷും ഉൾപ്പെടുന്നു. ലാവ നേരത്തെ ലാവ ഷാർക്ക് 2-ന്റെ ഡിസൈനും പങ്കിട്ടിരുന്നു. ഇത് മിക്കവാറും നിലവിലെ മോഡലിന് സമാനമാണ്. മുൻവശത്ത് സെൽഫി ക്യാമറയ്ക്കായി ഒരു വാട്ടർഡ്രോപ്പ്-സ്റ്റൈൽ നോച്ച് നൽകിയിരിക്കുന്നു. പവർ, വോളിയം ബട്ടണുകൾ വലതുവശത്താണ്.