Samsung

സാംസങ് ഗാലക്‌സി ടാബ് S10 FE-യിൽ 1440x2304 പിക്‌സൽ റെസല്യൂഷനുള്ള 10.9 ഇഞ്ച് TFT LCD സ്‌ക്രീനാണുള്ളത്. മികച്ച ദൃശ്യപരതയ്ക്കായി 90Hz റിഫ്രഷ് റേറ്റ്, 800 നിറ്റ്‌സ് ബ്രൈറ്റ്‌നെസ്, വിഷൻ ബൂസ്റ്റർ എന്നിവ ഇതിലുണ്ട്. ഗാലക്‌സി ടാബ് S10 FE+ ടാബിന് 13.1 ഇഞ്ച് ഡിസ്‌പ്ലേയുമുണ്ട്. രണ്ട് ടാബ്‌ലെറ്റുകളും എക്‌സിനോസ് 1580 പ്രോസസറിൽ പ്രവർത്തിക്കുന്നു, കൂടാതെ 12 ജിബി റാമും 256 ജിബി സ്റ്റോറേജും പിന്തുണയ്ക്കുന്നു. മൈക്രോ എസ്ഡി കാർഡ് ഉപയോഗിച്ച് സ്റ്റോറേജ് 2 ടിബി വരെ വികസിപ്പിക്കാൻ കഴിയും. ആൻഡ്രോയിഡ് 15 അടിസ്ഥാനമാക്കിയ വൺ യുഐ 7-ൽ ഇവ പ്രവർത്തിക്കുന്നു.

1,080 x 2,340 പിക്സൽ റെസല്യൂഷനും 90Hz റിഫ്രഷ് റേറ്റുമുള്ള 6.7 ഇഞ്ച് ഫുൾ HD+ സൂപ്പർ AMOLED ഡിസ്പ്ലേയാണ് സാംസങ്ങ് ഗാലക്സി F16 5G ഫോണിൽ വരുന്നത്. മീഡിയടെക് ഡൈമെൻസിറ്റി 6300 ചിപ്‌സെറ്റ് ഇതിന് കരുത്ത് പകരുന്നു, കൂടാതെ 8GB വരെ റാമും ഇതു വാഗ്ദാനം ചെയ്യുന്നു. ഫോണിന് 128GB ഇന്റേണൽ സ്റ്റോറേജ് ഉണ്ട്, ഇത് മൈക്രോ എസ്ഡി കാർഡ് ഉപയോഗിച്ച് 1.5TB വരെ വികസിപ്പിക്കാം. ഇത് ആൻഡ്രോയിഡ് 15 അധിഷ്ഠിതമായ വൺ UI 7 ഉപയോഗിച്ച് പ്രവർത്തിക്കുന്നു, കൂടാതെ ഈ ഫോണിന് ആറ് OS അപ്‌ഡേറ്റുകളും ആറ് വർഷത്തെ സുരക്ഷാ പാച്ചുകളും ലഭിക്കുമെന്ന് കമ്പനി വാഗ്ദാനം ചെയ്യുന്നു.

സാംസങ്ങ് ഗാലക്സി A56 5G, ഗാലക്സി A36 5G എന്നിവ 120Hz റീഫ്രഷ് റേറ്റുള്ള 6.7 ഇഞ്ച് ഫുൾ എച്ച്‌ഡി+ സൂപ്പർ അമോലെഡ് സ്‌ക്രീനുകളോടെയാണ് (1,080 x 2,340 പിക്സലുകൾ) വരുന്നത്. ഡിസ്‌പ്ലേക്ക് കോർണിംഗ് ഗൊറില്ല വിക്‌റ്റസ്+ ഗ്ലാസിൻ്റെ പരിരക്ഷണമുണ്ട്. ഓട്ടോ ട്രിം, ബെസ്റ്റ് ഫേസ്, Al സെലക്ട്, റീഡ് എലൗഡ് തുടങ്ങിയ AI ഫീച്ചറുകളും രണ്ട് ഫോണുകളിലും ഉണ്ട്. ഗാലക്സി A56 5G പ്രവർത്തിക്കുന്നത് സാംസങ്ങ് എക്സിനോസ് 1580 പ്രൊസസറിലാണ്, അതേസമയം ഗാലക്സി A36 5G ഫോണിൽ ക്വാൽകോം സ്നാപ്ഡ്രാഗൺ 6 Gen 3 ചിപ്പാണുള്ളത്. രണ്ട് ഫോണുകളും 12 ജിബി റാമും 256 ജിബി വരെ സ്റ്റോറേജും പിന്തുണയ്ക്കുന്നു.

: പ്രൊമോഷണൽ പോസ്റ്റുകൾ രണ്ട് ഫോണുകളുടെയും റിയർ ക്യാമറ ഡിസൈനുകളുടെ ഒരു ഏകദേശ രൂപം നൽകുന്നുണ്ട്. ക്യാപ്സ്യൂൾ ആകൃതിയിലുള്ള മൊഡ്യൂളിൽ ലംബമായി ക്രമീകരിച്ചിരിക്കുന്ന മൂന്ന് റിയർ ക്യാമറകളാണ് ഗാലക്‌സി M16 5G ഫോണിലുള്ളത്. രണ്ട് സെൻസറുകൾ ഒരു വലിയ കട്ട്ഔട്ടിലും, മൂന്നാമത്തെ സെൻസർ ചെറിയ സ്ലോട്ടിലും സജ്ജീകരിച്ചിരിക്കുന്നു. ക്യാമറ മൊഡ്യൂളിന് പുറത്ത് വൃത്താകൃതിയിലുള്ള എൽഇഡി ഫ്ലാഷുമുണ്ട്. ഈ ഡിസൈൻ മുൻപ് ലീക്കായി പുറത്തു വന്ന ഫോണിൻ്റെ റെൻഡറുകളുമായി പൊരുത്തപ്പെടുന്നു. മറുവശത്ത്, ഗാലക്‌സി M06 5G രണ്ട് സെൻസറുകളുള്ള, ലംബമായ ക്യാപ്സ്യൂൾ ആകൃതിയിലുള്ള ക്യാമറ മൊഡ്യൂൾ അവതരിപ്പിക്കുന്നു. ഗാലക്‌സി M16 5G പോലെ, റിയർ പാനലിൻ്റെ മുകളിൽ ഇടത് കോണിലാണ് മൊഡ്യൂൾ സ്ഥാപിച്ചിരിക്കുന്നത്, അതിനടുത്തായി ഒരു എൽഇഡി ഫ്ലാഷും ഉണ്ട്.

ഗാലക്സി F06 5G ഫോൺ 12 വ്യത്യസ്ത 5G ബാൻഡുകളെ പിന്തുണയ്ക്കുന്നു, അതായത് ജിയോ, എയർടെൽ എന്നിവയുൾപ്പെടെ എല്ലാ ടെലികോം ഓപ്പറേറ്റർമാരുടെയും 5G നെറ്റ്‌വർക്കുകളിൽ ഇത് പ്രവർത്തിക്കും. നിങ്ങൾ ഏത് നെറ്റ്‌വർക്ക് ഉപയോഗിച്ചാലും പ്രശ്‌നങ്ങളൊന്നുമില്ലാതെ നിങ്ങൾക്ക് 5G കണക്റ്റിവിറ്റി ആസ്വദിക്കാം. 6.7 ഇഞ്ച് എച്ച്‌ഡി+ ഡിസ്‌പ്ലേയോടെയാണ് ഫോൺ വരുന്നത്, അതിൻ്റെ പീക്ക് ബ്രൈറ്റ്നസ് ലെവൽ 800 നിറ്റ്സ് ആണ്. പിന്നിൽ, രണ്ട് ക്യാമറകളുണ്ട്. 50 മെഗാപിക്സൽ പ്രധാന ക്യാമറയും 2 മെഗാപിക്സൽ ഡെപ്ത് സെൻസറുമാണ് ക്യാമറ യൂണിറ്റിൽ. സെൽഫികൾക്കായി, ഫോണിന് 8 മെഗാപിക്സലിൻ്റെ ഫ്രണ്ട് ക്യാമറയുമുണ്ട്. ക്യാമറകളെ കുറിച്ചുള്ള വിശദമായ അവലോകനത്തിനായി കാത്തിരിക്കുക.

ഗാലക്സി F16 ഫോണിന് 6.7 ഇഞ്ച് ഫുൾ HD+ AMOLED ഡിസ്‌പ്ലേ, 90Hz റിഫ്രഷ് റേറ്റ് എന്നിവ ഉണ്ടായിരിക്കുമെന്ന് പ്രതീക്ഷിക്കുന്നു. ഇത് മീഡിയടെക്കിൻ്റെ ഡൈമെൻസിറ്റി 6300 പ്രൊസസറിൽ (6nm) പ്രവർത്തിക്കുകയും 8GB LPDDR4X റാമുമായി വരികയും ചെയ്തേക്കാം. 50 മെഗാപിക്സൽ പ്രധാന ക്യാമറ, 5 മെഗാപിക്സൽ അൾട്രാ വൈഡ് ക്യാമറ, മൂന്നാമതൊരു സെൻസർ (ഇതിൻ്റെ വിശദാംശങ്ങൾ വ്യക്തമാക്കിയിട്ടില്ല) എന്നിവയുൾപ്പെടെ ട്രിപ്പിൾ റിയർ ക്യാമറ സജ്ജീകരണമാണ് ഫോണിൻ്റെ സവിശേഷത. സെൽഫികൾക്കും വീഡിയോ കോളുകൾക്കുമായി, ഫോണിന് 13 മെഗാപിക്സൽ ഫ്രണ്ട് ക്യാമറ ഉണ്ടായിരിക്കാം. ഇതിന് 25W ഫാസ്റ്റ് ചാർജിംഗിനെയും പിന്തുണയ്ക്കാൻ കഴിയും. രസകരമെന്നു പറയട്ടെ, ഈ സവിശേഷതകൾ ഗാലക്സി A16 ഫോണിന് സമാനമാണ്.

സാംസങ്ങിൻ്റെ വരാനിരിക്കുന്ന മൾട്ടി-ഫോൾഡ് ഫോണിനെ ഗാലക്‌സി ജി ഫോൾഡ് എന്ന് വിളിക്കാമെന്ന് Yeux1122 എന്ന പേരിൽ അറിയപ്പെടുന്ന ടിപ്‌സ്റ്റർ, ദക്ഷിണ കൊറിയൻ ബ്ലോഗ് നേവറിൽ പോസ്റ്റ് ചെയ്തു. ഈ പേര് സാംസങ്ങിൻ്റെ Z ഫോൾഡ് സീരീസിൻ്റെ പാറ്റേൺ പിന്തുടരുന്നു. അടുത്ത വർഷം ജനുവരിയിൽ ഫോൺ പുറത്തിറക്കുമെന്ന് ഇൻഡസ്ട്രി സോഴ്സുകളെയും ഡിസ്പ്ലേ അനലിസ്റ്റായ റോസ് യംഗിനെയും ഉദ്ധരിച്ച് ടിപ്സ്റ്റർ അവകാശപ്പെടുന്നു. ഗാലക്‌സി ജി ഫോൾഡിന് പൂർണ്ണമായി തുറക്കുമ്പോൾ 9.96 ഇഞ്ച് വലിപ്പമുള്ള സ്‌ക്രീൻ ഉണ്ടായിരിക്കുമെന്ന് പ്രതീക്ഷിക്കുന്നു, ഇത് ഗാലക്‌സി Z ഫോൾഡ് 6-ൻ്റെ 7.6 ഇഞ്ച് ഡിസ്‌പ്ലേയേക്കാൾ വലുതാണ്. മടക്കിയാൽ സ്‌ക്രീൻ വലുപ്പം 6.54 ഇഞ്ച് ആയിരിക്കും.

സാംസങ്ങിൻ്റെ വരാനിരിക്കുന്ന വൺ Ul 7.1 അപ്‌ഡേറ്റ് ഗാലക്‌സി S25 അൾട്രായിലുള്ള നിരവധി പുതിയ സവിശേഷതകൾ പഴയ ഗാലക്‌സി ഫോണുകളിലേക്കും കൊണ്ടു വന്നേക്കുമെന്ന് സാംമൊബൈലിൽ നിന്നുള്ള ഒരു റിപ്പോർട്ട് പറയുന്നു. അപ്‌ഡേറ്റുകളിലൊന്നിൽ 10 പുതിയ ഫോട്ടോ ഫിൽട്ടറുകൾ ഉൾപ്പെടുന്നു, അവയിൽ ആറെണ്ണം വിൻ്റേജ് ഫിലിം-സ്റ്റൈൽ രൂപമുള്ളതാണ്. സോഫ്റ്റ്, ഷാർപ്പ്, ഇൻ്റൻസ്, സട്ടിൽ, വാം, ഡാർക്ക് എന്നിവയാണ് അവയിൽ ചിലത്. കളർ ടെംപറേച്ചർ,കോണ്ട്രാസ്റ്റ്, സാച്ചുറേഷൻ എന്നിവ മാറ്റിക്കൊണ്ട് പഴയ ഗാലക്സി ഉപയോക്താക്കൾക്കും ഈ ഫിൽട്ടറുകൾ ക്രമീകരിക്കാൻ കഴിഞ്ഞേക്കുമെന്നാണു റിപ്പോർട്ടുകൾ. ഫോട്ടോയിലെ അന്തരീക്ഷവുമായി സ്വയമേവ നിറങ്ങൾ നൽകി പൊരുത്തപ്പെടുന്ന AI പവേർഡ് കസ്റ്റം ഫിൽട്ടറുകളും ഉണ്ടാകും.

റീട്ടെയിൽ സോഴ്സുകൾ പ്രകാരം, സാംസങ് ഗാലക്‌സി S25 (128 ജിബി) ഫോണിന് ഇന്ത്യയിൽ 74,999 രൂപ വില വരുമെന്ന് 91മൊബൈൽസ് ഹിന്ദി റിപ്പോർട്ട് ചെയ്യുന്നു. കഴിഞ്ഞ വർഷം ഗാലക്സി S24 (128GB) ഇതേ വിലയിലാണ് കമ്പനി അവതരിപ്പിച്ചത്. ഈ മോഡലിനായുള്ള പ്രീ-ബുക്കിംഗ് ഇതുവരെ ആരംഭിച്ചിട്ടില്ല, എന്നാൽ അടുത്ത തീയതികളിൽ തന്നെ ഇത് വാങ്ങാൻ ലഭ്യമായേക്കുമെന്ന് റിപ്പോർട്ട് സൂചിപ്പിക്കുന്നു. ഇതിൻ്റെ ലഭ്യതയെക്കുറിച്ചും സംശയങ്ങളുണ്ട്. 128GB മോഡൽ സാംസങ്ങ് ഗാലക്സി S25 ഇന്ത്യയിലെ കമ്പനിയുടെ ഔദ്യോഗിക വെബ്‌സൈറ്റിൽ ലിസ്റ്റ് ചെയ്തിട്ടില്ല. റീട്ടെയിൽ സ്റ്റോറുകൾ വഴിയും ഓഫ്‌ലൈൻ ചാനലുകൾ വഴിയും മാത്രമേ ഇത് വിൽക്കാൻ കഴിയൂ എന്നാണ് ഇത് സൂചിപ്പിക്കുന്നത്.

Gizmochina-യിൽ നിന്നുള്ള ഒരു റിപ്പോർട്ട് അനുസരിച്ച്, കൊളോൺ ആസ്ഥാനമായുള്ള ആഗോള ടെസ്റ്റിംഗ്, സർട്ടിഫിക്കേഷൻ ഓർഗനൈസേഷനായ TUV റെയിൻലാൻഡ് വെബ്‌സൈറ്റിൽ മൂന്ന് ഫോണുകളും പ്രത്യക്ഷപ്പെട്ടിട്ടുണ്ട്. SM-A566B/DS, SM-A566B, SM-A566E/DS, SM-A566E എന്നീ മോഡൽ നമ്പറുകൾക്കൊപ്പം സാംസങ്ങ് ഗാലക്സി A56 കാണിക്കുന്നു. SM-A366B, SM-A366B/DS, SM-A366E, SM-A366E/DS, SM-A366U, SM-A366U1, SM-A366W, SM-S366V, SM-S366V, SM- A3660 എന്നിവയുൾപ്പെടെ വിവിധ മോഡൽ നമ്പറുകൾക്കൊപ്പമാണ് സാംസങ്ങ് ഗാലക്സി A36 പട്ടികപ്പെടുത്തിയിരിക്കുന്നത്. അടുത്തിടെ പുറത്തു വന്ന അഭ്യൂഹങ്ങളിൽ ഈ രണ്ട് ഫോണുകളെയും കുറിച്ചുള്ള ചില വിശദാംശങ്ങൾ വെളിപ്പെടുത്തിയിരുന്നു. TUV റെയിൻലാൻഡ് സൈറ്റും ഗാലക്സി A സീരീസിലെ മറ്റൊരു മോഡൽ ഉടൻ ലോഞ്ച് ചെയ്യുമെന്ന് സൂചിപ്പിക്കുന്നുണ്ട്.

9to5Google നൽകുന്ന വിവരങ്ങൾ അനുസരിച്ച്, ഗാലക്സി S25 സ്ലിം ഏപ്രിലിൽ ലോഞ്ച് ചെയ്യുമെന്ന് സാംസങ് പ്രതിനിധി (പേര് നൽകിയിട്ടില്ല) സൂചന നൽകിയിട്ടുണ്ട്. ഏപ്രിലിലോ മെയ് മാസത്തിലോ ഫോൺ അനാച്ഛാദനം ചെയ്യുമെന്ന് നേരത്തെ ഉണ്ടായിരുന്ന അഭ്യൂഹങ്ങൾ ശരിയാണെന്ന് ഇതിൽ നിന്നും മനസിലാക്കാം. ഫോണിനെ കുറിച്ച് ഇതുവരെ കൂടുതൽ വിവരങ്ങൾ ലഭ്യമല്ല. ഗാലക്സി അൺപാക്ക്ഡ് ഇവൻ്റിൻ്റെ സമയത്ത്, ഉപകരണത്തിൻ്റെ ചില ആന്തരിക ഭാഗങ്ങൾ കാണിക്കുന്ന ഒരു ടീസർ വീഡിയോ സാംസങ്ങ് പങ്കിട്ടിരുന്നു. പിന്നിൽ രണ്ട് ലെൻസുകൾ ലംബമായി അടുക്കി വച്ചിരിക്കുന്ന ഡ്യുവൽ ക്യാമറ സെറ്റപ്പ് ഫോണിലുണ്ടാകുമെന്ന് വീഡിയോയിൽ സൂചന നൽകുന്നു. ഗാലക്‌സി S25 സീരീസിലെ മറ്റ് മുൻനിര മോഡലുകളുമായി താരതമ്യപ്പെടുത്തുമ്പോൾ ഗാലക്‌സി S25 എഡ്ജിന് വളരെ കനം കുറഞ്ഞ ഡിസൈൻ ആയിരിക്കുമെന്ന് പ്രതീക്ഷിക്കുന്നു.

12 ജിബി റാമും 256 ജിബി സ്റ്റോറേജുമുള്ള അടിസ്ഥാന മോഡലിന് സാംസങ് ഗാലക്‌സി S25 അൾട്രാ മോഡലിന് 1,299 ഡോളറിൽ (ഏകദേശം 1,12,300 രൂപ) വില ആരംഭിക്കുന്നു. ഇതിൻ്റെ 12GB+256GB, 12GB+512GB പതിപ്പുകൾക്ക് യഥാക്രമം 1,419 ഡോളർ (ഏകദേശം 1,22,700 രൂപ), 1,659 ഡോളർ (ഏകദേശം 1,43,400 രൂപ) എന്നിങ്ങനെയാണ് വില. ഇന്ത്യയിൽ, ഗാലക്‌സി S25 അൾട്രായുടെ അടിസ്ഥാന മോഡലിന് 1,29,999 രൂപയായിരിക്കും വില. ടൈറ്റാനിയം ബ്ലാക്ക്, ടൈറ്റാനിയം ഗ്രേ, ടൈറ്റാനിയം സിൽവർബ്ലൂ, ടൈറ്റാനിയം വൈറ്റ്സിൽവർ എന്നീ നിറങ്ങളിൽ ഫോൺ ലഭ്യമാണ്.

12 ജിബി റാമും 128 ജിബി സ്റ്റോറേജുമുള്ള അടിസ്ഥാന മോഡൽ സാംസങ് ഗാലക്‌സി S25 ഫോണിൻ്റെ വില 799 ഡോളറിൽ (ഏകദേശം 69,100 രൂപ) ആരംഭിക്കുന്നു. ഇതിനു പുറമെ 859 ഡോളർ (ഏകദേശം 74,300 രൂപ) വിലയുള്ള 12GB+256GB പതിപ്പും ഉണ്ട്. 12GB+512GB പതിപ്പിൻ്റെ വില ഇതുവരെ പ്രഖ്യാപിച്ചിട്ടില്ല. ഇന്ത്യയിൽ, ഗാലക്‌സി S25 ഫോണിന് വില ആരംഭിക്കുന്നത് 80,999 രൂപ മുതലാണ്. അതേസമയം, 12 ജിബി റാമും 256 ജിബി സ്റ്റോറേജുമുള്ള സാംസങ് ഗാലക്‌സി എസ് 25+ ൻ്റെ അടിസ്ഥാന മോഡലിന് 999 ഡോളർ (ഏകദേശം 86,400 രൂപ) ആണ് വില.

സാമൂഹ്യമാധ്യമമായ എക്സ് (മുമ്പ് ട്വിറ്റർ) ഉപയോക്താവ് തരുൺ വാട്ട്‌സ് (@tarunvats33) അടുത്തിടെ പുറത്തു വിട്ട വിവരങ്ങളിൽ വരാനിരിക്കുന്ന സാംസങ് ഗാലക്‌സി S25 സീരീസിന് ഇന്ത്യയിൽ പ്രതീക്ഷിക്കുന്ന വില എത്രയാണെന്നു വെളിപ്പെടുത്തി. 12 ജിബി റാമും 256 ജിബി സ്റ്റോറേജുമുള്ള അടിസ്ഥാന ഗാലക്‌സി S25 മോഡലിന് 84,999 രൂപയും 12 ജിബി + 512 ജിബി വേരിയൻ്റിന് 94,999 രൂപയും വില വരുമെന്ന് ലീക്കുകൾ വ്യക്തമാക്കുന്നു.

ഇ-കൊമേഴ്‌സ് പ്ലാറ്റ്‌ഫോം വാഗ്ദാനം ചെയ്യുന്ന വിലക്കുറവിനു പുറമേ, ഉൽപ്പന്നങ്ങളിൽ നിന്നും പണം ലാഭിക്കാൻ വാങ്ങുന്നവർക്ക് മറ്റു ചില വഴികളുമുണ്ട്. ഉദാഹരണത്തിന്, എസ്ബിഐ ക്രെഡിറ്റ് കാർഡുകൾ ഉപയോഗിക്കുന്നവർക്ക് 10% ഇൻസ്റ്റൻ്റ് ഡിസ്കൗണ്ട് ലഭിക്കും. 14,000 രൂപ വരെ ഇത്തരത്തിൽ കിഴിവു നേടാൻ കഴിയും. അന്തിമ വിലയിൽ കൂടുതൽ ഡിസ്കൗണ്ട് ലഭിക്കുന്നതിന് വാങ്ങുന്നയാൾക്ക് അവരുടെ പഴയ ഉപകരണങ്ങൾ എക്സ്ചേഞ്ച് ചെയ്യാനും കഴിയും. ഇതു ചെയ്യുമ്പോൾ ഉപകരണത്തിൻ്റെ പഴക്കം, അവസ്ഥ, മറ്റ് വിശദാംശങ്ങൾ എന്നിവ പോലുള്ള ഘടകങ്ങളെ അടിസ്ഥാനമാക്കിയാണ് ആമസോൺ വിനിമയ മൂല്യം തീരുമാനിക്കുക