സാംസങ്ങിൻ്റെ രണ്ടു ടാബ്‌ലറ്റുകൾ ഇന്ത്യയിലെത്തി

ഇന്ത്യ ഉൾപ്പെടെയുള്ള തിരഞ്ഞെടുത്ത രാജ്യങ്ങളിൽ ബുധനാഴ്ച സാംസങ് ഗാലക്‌സി ടാബ് S10 FE സീരീസ് പുറത്തിറക്കി. ഈ സീരീസിൽ ഗാലക്‌സി ടാബ് S10 FE, ഗാലക്‌സി ടാബ് S10 FE+ എന്നീ രണ്ട് മോഡലുകൾ ഉൾപ്പെടുന്നു. രണ്ട് മോഡലുകൾ വൈ-ഫൈയിലും 5G വേരിയൻ്റിലും ലഭ്യമാണ്. ടാബ്‌ലെറ്റുകൾ സാംസങ്ങിന്റെ ഇൻ-ഹൗസ് എക്‌സിനോസ് 1580 ചിപ്‌സെറ്റ് ഉപയോഗിച്ചാണ് പ്രവർത്തിക്കുന്നത്. 12 ജിബി വരെ റാമും 256 ജിബി വരെ ഇന്റേണൽ സ്റ്റോറേജും ഇതിലുണ്ട്. ഗാലക്‌സി ടാബ് S10 FE സീരീസ് ആൻഡ്രോയിഡ് 15 അടിസ്ഥാനമാക്കിയ സാംസങ്ങിന്റെ വൺ UI 7-ൽ പ്രവർത്തിക്കുന്നു. കൂടാതെ, ഈ ടാബ്‌ലെറ്റുകൾക്ക് IP68 റേറ്റിംഗ് ഉണ്ട്. ഇതു കൂടാതെ സർക്കിൾ ടു സെർച്ച്, ഒബ്ജക്റ്റ് ഇറേസർ, സോൾവ് മാത്ത്, ബെസ്റ്റ് ഫേസ് തുടങ്ങി നിരവധി AI- പവർ ഫീച്ചറുകളും സാംസങ് ഇതിൽ ഉൾപ്പെടുത്തിയിട്ടുണ്ട്.

സാംസങ്ങ് ഗാലക്സി ടാബ് S10 FE സീരീസിൻ്റെ ഇന്ത്യയിലെ വിലയും ലഭ്യതയും:

സാംസങ് ഗാലക്‌സി ടാബ് S10 FE വൈ-ഫൈ പതിപ്പിൻ്റെ 8 ജിബി റാം + 128 ജിബി സ്റ്റോറേജ് മോഡലിൻ്റെ വില 42,999 രൂപയിൽ ആരംഭിക്കുന്നു. 12 ജിബി റാം + 256 ജിബി സ്റ്റോറേജ് വേരിയന്റിന് 53,999 രൂപയാണ്. 5G പതിപ്പിലെ 8 ജിബി + 128 ജിബി മോഡലിന് 50,999 രൂപയും, 12 ജിബി + 256 ജിബി വേരിയന്റിന് 61,999 രൂപയുമാണ് വില.

സാംസങ് ഗാലക്‌സി ടാബ് S10 FE+ വൈ-ഫൈ വേരിയൻ്റിലെ 8 ജിബി + 128 ജിബി മോഡലിന് 55,999 രൂപയും 12 ജിബി + 256 ജിബി മോഡലിന് 65,999 രൂപയുമാണ് വില. ടാബ് S10 FE+ 5G പതിപ്പിലെ 8 ജിബി + 128 ജിബി മോഡലിന് 63,999 രൂപയും, 12 ജിബി + 256 ജിബിക്ക് 73,999 രൂപയുമാണ് വില.

രണ്ട് ടാബ്‌ലെറ്റുകളും സാംസങ് ഇന്ത്യ വെബ്‌സൈറ്റ് വഴി ഇന്ത്യയിൽ വാങ്ങാൻ ലഭ്യമാണ്. ഗ്രേ, ഇളം നീല, സിൽവർ നിറങ്ങളിൽ ഇവ ലഭ്യമാണ്.

സാംസങ്ങ് ഗാലക്സി ടാബ് S10 FE സീരീസിൻ്റെ സവിശേഷതകൾ:

സാംസങ് ഗാലക്‌സി ടാബ് S10 FE-യിൽ 1440x2304 പിക്‌സൽ റെസല്യൂഷനുള്ള 10.9 ഇഞ്ച് TFT LCD സ്‌ക്രീനാണുള്ളത്. മികച്ച ദൃശ്യപരതയ്ക്കായി 90Hz റിഫ്രഷ് റേറ്റ്, 800 നിറ്റ്‌സ് ബ്രൈറ്റ്‌നെസ്, വിഷൻ ബൂസ്റ്റർ എന്നിവ ഇതിലുണ്ട്. ഗാലക്‌സി ടാബ് S10 FE+ ടാബിന് 13.1 ഇഞ്ച് ഡിസ്‌പ്ലേയുമുണ്ട്.

രണ്ട് ടാബ്‌ലെറ്റുകളും എക്‌സിനോസ് 1580 പ്രോസസറിൽ പ്രവർത്തിക്കുന്നു, കൂടാതെ 12 ജിബി റാമും 256 ജിബി സ്റ്റോറേജും പിന്തുണയ്ക്കുന്നു. മൈക്രോ എസ്ഡി കാർഡ് ഉപയോഗിച്ച് സ്റ്റോറേജ് 2 ടിബി വരെ വികസിപ്പിക്കാൻ കഴിയും. ആൻഡ്രോയിഡ് 15 അടിസ്ഥാനമാക്കിയ വൺ യുഐ 7-ൽ ഇവ പ്രവർത്തിക്കുന്നു.

രണ്ട് മോഡലുകളിലും 13 മെഗാപിക്സൽ റിയർ ക്യാമറയുണ്ട്. മുൻവശത്ത്, സെൽഫികൾക്കും വീഡിയോ കോളുകൾക്കുമായി 12 മെഗാപിക്സൽ അൾട്രാവൈഡ് ക്യാമറയുണ്ട്. ഈ ടാബ് എസ് പെൻ പിന്തുണയ്ക്കുന്നതാണെങ്കിലും അത് ബോക്‌സിൽ ഉൾപ്പെടുത്തിയിട്ടില്ല.

ടാബ്‌ലെറ്റുകൾക്ക് ഡ്യുവൽ സ്പീക്കറുകളും IP68 റേറ്റിംഗും ഉണ്ട്. ഗൂഗിളിന്റെ സർക്കിൾ ടു സെർച്ച് പോലെ AI-യിൽ പ്രവർത്തിക്കുന്ന സവിശേഷതകളും അവയിൽ ഉൾപ്പെടുന്നു. സോൾവ് മാത്ത് (വേഗത്തിലുള്ള കണക്കുകൂട്ടലുകൾക്കായി), ഹാൻഡ്‌റൈറ്റിംഗ് ഹെൽപ്പ് (വൃത്തിയുള്ള നോട്ട്സുകൾക്കായി) പോലുള്ള ഉപകരണങ്ങൾ സാംസങ് നോട്ടുകളിൽ ഉണ്ട്. ബുക്ക് കവർ കീബോർഡിൽ ഒരു ഗാലക്‌സി AI കീ ഉണ്ട്, ഇതിലൂടെ ഒറ്റ ടാപ്പിൽ AI അസിസ്റ്റൻ്റിനെ ലോഞ്ച് ചെയ്യാൻ കഴിയും.

ഇമേജ്, വീഡിയോ എഡിറ്റിംഗിനായി, ഒബ്‌ജക്റ്റ് ഇറേസർ, ബെസ്റ്റ് ഫേസ്, ഓട്ടോ ട്രിം തുടങ്ങിയ AI-അധിഷ്ഠിത ഉപകരണങ്ങളെ അവർ പിന്തുണയ്ക്കുന്നു. ഗാലക്‌സി ടാബ് S10 FE-യിൽ 8,000mAh ബാറ്ററിയുണ്ട്, അതേസമയം S10 FE+ ടാബിൽ 10,090mAh ബാറ്ററിയാണുള്ളത്. രണ്ടും 45W ഫാസ്റ്റ് ചാർജിംഗിനെ പിന്തുണയ്ക്കുന്നു.