Hmd

സ്‌നാപ്ഡ്രാഗൺ 4 ജെൻ 2 പ്രൊസസർ നൽകുന്ന ഫ്യൂഷൻ X1 സ്‌മാർട്ട്‌ഫോൺ HMD പുറത്തിറക്കിയതായി റിപ്പോർട്ട്. 8 ജിബി വരെ റാമും 256 ജിബി വരെ ഇൻ്റേണൽ സ്റ്റോറേജുമായാണ് ഇത് വരുന്നത്. 90Hz റിഫ്രഷ് റേറ്റ് ഉള്ള 6.56 ഇഞ്ച് HD ഡിസ്‌പ്ലേയാണ് ഫോണിനുള്ളത്. ഫ്യൂഷൻ X1 ഫോണിൽ 108 മെഗാപിക്സൽ പ്രധാന ക്യാമറയും 2 മെഗാപിക്സൽ സെക്കൻഡറി സെൻസറും ഉണ്ട്. മുൻവശത്ത്, 50 മെഗാപിക്സൽ സെൽഫി ക്യാമറയാണ് ഇതിൻ്റെ സവിശേഷത. 33W ഫാസ്റ്റ് ചാർജിംഗിനെ പിന്തുണയ്ക്കുന്ന 5,000mAh ബാറ്ററിയാണ് ഫോണിൽ സജ്ജീകരിച്ചിരിക്കുന്നത്. ഫോണിനായി രൂപകൽപ്പന ചെയ്ത ആക്സസറികളായ വ്യത്യസ്ത "ഔട്ട്ഫിറ്റുകളും" HMD അവതരിപ്പിച്ചു.

HMD പൾസ് പ്രോയ്ക്ക് ആൻഡ്രോയിഡ് 15 അപ്‌ഡേറ്റ് ലഭിച്ചു തുടങ്ങിയതായി നോക്കിയാമോബിൽ നിന്നുള്ള (ഫോൺ അരീന വഴി) ഒരു റിപ്പോർട്ട് പറയുന്നു. അപ്‌ഡേറ്റ് 2.370 വേർഷൻ ആണ്, അതിൻ്റെ വലുപ്പം ഏകദേശം 3.12GB വരും. ചേഞ്ച്‌ലോഗ് പറയുന്നതനുസരിച്ച്, ആപ്പ് ലോഞ്ചുകൾ വേഗത്തിലാക്കുകയും കാലതാമസം കുറയ്ക്കുകയും ബാറ്ററി ലൈഫ് മികച്ച രീതിയിൽ നൽകുകയും ചെയ്യുന്നതിലൂടെ പുതിയ അപ്‌ഡേറ്റ് ഫോണിൻ്റെ പ്രകടനം മെച്ചപ്പെടുത്തുന്നു.നിങ്ങൾ ഫോൺ ഉപയോഗിക്കുന്നതെങ്ങനെയെന്ന് മനസിലാക്കി, അതിനനുസരിച്ച് ബാറ്ററി ലൈഫ് ലാഭിക്കുന്നതിന് അതിൻ്റെ സോഴ്സ് ക്രമീകരിക്കാൻ സഹായിക്കുന്ന മികച്ച പവർ മാനേജ്‌മെൻ്റ് സിസ്റ്റവും അപ്‌ഡേറ്റിൽ ഉൾപ്പെടുന്നു

എച്ച്എംഡി ഓർക്കയുടെ ഡിസൈൻ റെൻഡറുകൾ HMD_MEME'S (@smashx_60) എന്ന ഉപയോക്താവ് സാമൂഹ്യമാധ്യമമായ എക്സിലെ പോസ്റ്റിൽ പങ്കിടുകയുണ്ടായി. "ഓർക്ക" എന്നത് ഫോണിൻ്റെ യഥാർത്ഥ പേരാണോ അതോ ഒരു കോഡ് നെയിം ആണോ എന്ന് വ്യക്തമല്ല. പോസ്റ്റ് അനുസരിച്ച് ബ്ലൂ, ഗ്രീൻ, പർപ്പിൾ നിറങ്ങളിൽ ഫോൺ വിപണിയിൽ എത്താം. എച്ച്എംഡി ഓർക്കയുടെ റിയർ പാനലിൻ്റെ മുകളിൽ ഇടത് മൂലയിൽ ചതുരാകൃതിയിലുള്ള ഒരു ക്യാമറ മൊഡ്യൂൾ ഉണ്ട്. ഈ മൊഡ്യൂളിൽ ഒരു ക്യാമറ സെൻസറും ഒരു LED ഫ്ലാഷുമുണ്ട്, അതിൽ "108MP AI ക്യാമറ" എന്ന വാചകവും എഴുതി വെച്ചിരിക്കുന്നു. ഫോണിൻ്റെ മുൻവശത്ത് നേർത്ത ബെസലുകളുള്ള ഫ്ലാറ്റ് സ്‌ക്രീനും അൽപ്പം കട്ടിയുള്ള ചിന്നും കാണിക്കുന്നു

576 x 1,280 പിക്സൽ റെസല്യൂഷനുള്ള 6.52 ഇഞ്ച് HD+ LCD സ്ക്രീനുമായാണ് എച്ച്എംഡി ആർക്ക് വരുന്നത്. ഡിസ്‌പ്ലേ 60Hz പുതുക്കൽ നിരക്ക്, 20:9 ആസ്പക്റ്റ് റേഷ്യോ, 460 നിറ്റ്‌സ് പീക്ക് തെളിച്ചം എന്നിവ വാഗ്ദാനം ചെയ്യുന്നു. ഫോണിൻ്റെ വലിപ്പം166.4 x 76.9 x 8.95 മില്ലിമീറ്ററും ഭാരം 185.4 ഗ്രാമും ആണ്. ഇതിന് യൂറോപ്പിൽ IP52, മറ്റ് വിപണികളിൽ IP54 എന്ന രീതിയിൽ പൊടി, വെള്ളത്തുള്ളി എന്നിവയെ പ്രതിരോധിക്കുന്നതിലുള്ള റേറ്റിംഗ് ഉണ്ട്. യൂണിസോക് 9863A പ്രോസസറാണ് ഈ ഫോണിന് കരുത്ത് പകരുന്നത്

കുട്ടികൾക്കായി സ്മാർട്ട് വാച്ചുകൾ നിർമ്മിക്കുന്ന നോർവേയിൽ നിന്നുള്ള എക്സ്പ്ലോറ എന്ന കമ്പനിയുമായി എച്ച്എംഡി കൈകോർക്കുകയാണ്. കുട്ടികൾക്കും കൗമാരക്കാർക്കുമായി പ്രത്യേകം ഫോൺ രൂപകൽപ്പന ചെയ്യുന്നതിനാണ് അവർ ഒരുമിച്ച് പ്രവർത്തിക്കുന്നത്. സാധാരണ സ്മാർട്ട്‌ഫോണിന് പകരം കുറച്ചുകൂടി സുരക്ഷിതവും ആരോഗ്യകരവുമായ ബദലാണ് ഈ ഫോൺ. ഈ വർഷമാദ്യം നടത്തിയ ആഗോള സർവേയിൽ നിന്നാണ് ഈ പദ്ധതിക്കുള്ള ആശയം ഉണ്ടായത്

റിലീസ് ചെയ്യാനിരിക്കുന്ന മാർവൽ സിനിമയായ വെനം: ദി ലാസ്റ്റ് ഡാൻസുമായി ചേർന്നു പ്രവർത്തിച്ച് എച്ച്എംഡി അവരുടെ ഫ്യൂഷൻ സ്മാർട്ട്ഫോണിൻ്റെ സ്പെഷ്യൽ എഡിഷൻ പുറത്തിറക്കുന്നതിൻ്റെ ടീസർ പങ്കിട്ടിരുന്നു. സിനിമ ഒക്ടോബർ 25 നാണ് തിയറ്ററുകളിൽ എത്തുന്നത്. "അൾട്ടിമേറ്റ് സിംബയോട്ടിക് ഫോൺ" എന്ന ടാഗ്‌ലൈനോടെയാണ് ടീസർ എക്‌സിൽ (പഴയ ട്വിറ്റർ) പോസ്റ്റ് ചെയ്തത്. ഫോണിൻ്റെ ഈ സ്പെഷ്യൽ വെനം എഡിഷൻ സിനിമയിൽ നിന്ന് പ്രചോദനം ഉൾക്കൊണ്ടുള്ള നിരവധി ഡിസൈനുകൾ അവതരിപ്പിക്കുമെന്ന് പ്രതീക്ഷിക്കുന്നു. എന്നിരുന്നാലും അതിൻ്റെ മിക്ക സവിശേഷതകളും എച്ച്എംഡി ഫ്യൂഷൻ സ്മാർട്ട്ഫോണിൻ്റെ നിലവിലെ പതിപ്പിന് സമാനമായിരിക്കും

യൂറോപ്പിൽ ലോഞ്ച് ചെയ്തു രണ്ടു മാസത്തിനു ശേഷമാണ് എച്ച്എംഡി സ്കൈലൈൻ ഇന്ത്യയിലേക്കെത്തുന്നത്. 12GB RAM + 256GB ഓൺ ബോർഡ് സ്റ്റോറേജുള്ള എച്ച്എംഡി സ്കൈലൈൻ മോഡലിന് ഇന്ത്യയിൽ 35999 രൂപയാണു വില വരുന്നത്. ട്രിപ്പിൾ റിയർ ക്യാമറ യൂണിറ്റാണ് എച്ച്എംഡി സ്കൈലൈൻ സ്മാർട്ട്ഫോണിലുള്ളത്. ഒപ്റ്റിക്കൽ ഇമേജ് സ്റ്റബിലൈസേഷനോടു (OlS) കൂടിയ 108 മെഗാപിക്സൽ പ്രൈമറി സെൻസർ, 50 മെഗാപിക്സലിൻ്റെ ടെലിഫോട്ടോ ഷൂട്ടർ, അൾട്രാവൈഡ് സെൻസറോടു കൂടിയ 13 മെഗാപിക്സൽ സെൻസർ എന്നിവ ട്രിപ്പിൾ ക്യാമറ യൂണിറ്റിലുണ്ട്

എച്ച്എംഡിയുടെ പുതിയ മോഡൽ സ്മാർട്ട്ഫോണായ എച്ച്എംഡി ഫ്യൂഷൻ IFA 2024 ൽ അവതരിപ്പിച്ചിരുന്നു. ആൻഡ്രോയ്ഡ് 14ൽ പ്രവർത്തിക്കുന്ന എച്ച്എംഡി ഫ്യൂഷന് രണ്ടു വർഷത്തെ OS അപ്ഡേറ്റും മൂന്നു വർഷത്തെ സെക്യൂരിറ്റി അപ്ഡേറ്റും കമ്പനി വാഗ്ദാനം ചെയ്യുന്നു. സ്മാർട്ട് ഔട്ട്ഫിറ്റുകൾ എന്നു വിളിക്കുന്ന വ്യത്യസ്തമായ കവറുകൾ ഉപയോഗിച്ച് ഈ ഫോണിനെ നമ്മുടെ ഇഷ്ടാനുസൃതമാക്കാൻ കഴിയും. ആറു പിന്നുകൾ ഉപയോഗിച്ചാണ് ഈ സ്മാർട്ട് ഔട്ട്ഫിറ്റുകൾ ഫോണിനോടു ബന്ധിപ്പിക്കുന്നത്. 108 മെഗാപിക്സൽ മെയിൻ സെൻസറും 2 മെഗാപിക്സൽ ഡെപ്ത്ത് സെൻസറുമുള്ള ഡ്യുവൽ ക്യാമറ യൂണിറ്റും 50 മെഗാപിക്സലിൻ്റെ സെൽഫി ക്യാമറയുമാണ് ഈ ഫോണിലുള്ളത്