Coloros 15

ഡ്യുവൽ സിം (നാനോ) പിന്തുണയ്ക്കുന്ന ഓപ്പോ റെനോ 13 5G സീരീസ് ആൻഡ്രോയിഡ് 15 അടിസ്ഥാനമാക്കിയുള്ള ColorOS 15-ൽ പ്രവർത്തിക്കുന്നു. 120Hz ഡൈനാമിക് റിഫ്രഷ് റേറ്റ്, 450ppi പിക്സൽ ഡെൻസിറ്റി, 1200 nits പീക്ക് ബ്രൈറ്റ്നസ് ലെവൽ എന്നിവയുള്ള 6.83 ഇഞ്ച് 1.5K (1272×2800 പിക്സൽ) ഡിസ്പ്ലേയാണ് പ്രോ മോഡലിൻ്റെ സവിശേഷത. മറുവശത്ത്, സ്റ്റാൻഡേർഡ് മോഡലിന് അൽപ്പം ചെറിയ 6.59 ഇഞ്ച് ഫുൾ HD+ (1256×2760 പിക്‌സൽ) AMOLED സ്‌ക്രീനാണുള്ളത്. ഇത് 120Hz വരെ റീഫ്രഷ് റേറ്റ്, 460ppi പിക്‌സൽ ഡെൻസിറ്റി, 1200 നിറ്റ്‌സിൻ്റെ പീക്ക് ബ്രൈറ്റ്നസ് ലെവൽ എന്നിവയുണ്ട്. രണ്ട് മോഡലുകളും എയ്‌റോസ്‌പേസ് ഗ്രേഡ് അലുമിനിയം ഫ്രെയിമുകൾ ഉപയോഗിച്ചാണ് നിർമ്മിച്ചിരിക്കുന്നത്. 4nm മീഡിയാടെക് ഡൈമൻസിറ്റി 8350 ചിപ്‌സെറ്റാണ് ഓപ്പോ റെനോ 13 5G സീരീസ് നൽകുന്നത്, 12GB LPPDR5X റാമും 512GB വരെ UFS 3 സ്റ്റോറേജും ഇതിലുണ്ട്

വൺപ്ലസ് ഏയ്സ് 5 പ്രോ, ഏയ്സ് 5 എന്നിവ ആൻഡ്രോയ്ഡ് 15 അധിഷ്ഠിതമാക്കിയുള്ള ColorOS 15.0-ൽ പ്രവർത്തിക്കുന്ന ഡ്യുവൽ സിം (നാനോ) സ്‌മാർട്ട്‌ഫോണുകളാണ്. 93.9% സ്‌ക്രീൻ-ടു-ബോഡി റേഷ്യോ, 450ppi പിക്‌സൽ ഡെൻസിറ്റി, 1,600 നിറ്റ്‌സ് വരെ പീക്ക് ബ്രൈറ്റ്നസ് ലെവൽ, 120Hz വരെ അഡാപ്റ്റീവ് റീഫ്രഷ് റേറ്റ് എന്നിവയുള്ള 6.78-ഇഞ്ച് ഫുൾ HD+ ഡിസ്‌പ്ലേ (1,264x2,780 പിക്‌സൽ) ഇവയ്‌ക്കുണ്ട്. രണ്ട് മോഡലുകളിലും മെറ്റൽ മിഡിൽ ഫ്രെയിം, ഗ്ലാസ് ബാക്ക്, ത്രീ സ്റ്റേജ് അലേർട്ട് സ്ലൈഡർ എന്നിവ ഉൾപ്പെടുന്നു. വൺപ്ലസ് ഏയ്സ് 5 പ്രോയിൽ സ്‌നാപ്ഡ്രാഗൺ 8 എലീറ്റ് എക്‌സ്ട്രീം എഡിഷൻ ചിപ്‌സെറ്റാണുള്ളത്. അതേസമയം സ്നാപ്ഡ്രാഗൺ 8 ജെൻ 3 ചിപ്‌സെറ്റാണ് വൺപ്ലസ് ഏയ്സ് 5 ഉപയോഗിക്കുന്നത്

ഓപ്പോ, വൺപ്ലസ് എന്നീ ബ്രാൻഡുകൾ പുറത്തിറക്കുന്ന സ്മാർട്ട്‌ഫോണുകൾക്കു വേണ്ടിയുള്ള പുതിയ ഓപ്പറേറ്റിംഗ് സിസ്റ്റമായ ColorOS 15 വ്യാഴാഴ്ച അനാവരണം ചെയ്തു. ഇത് ഏറ്റവും പുതിയ ആൻഡ്രോയിഡ് 15 അടിസ്ഥാനമാക്കി നിർമ്മിച്ചതാണ്. മികച്ച ടെക്‌സ്‌ചറുകൾ, കൂടുതൽ വിശദമായ ആനിമേഷനുകൾ, പുതിയ തീമുകൾ എന്നിവയ്‌ക്കൊപ്പം മെച്ചപ്പെട്ട ദൃശ്യങ്ങളും പുതിയ ഓപ്പറേറ്റിംഗ് സിസ്റ്റം നൽകുന്നു.