കൂടുതൽ കളറാക്കാൻ ColorOS 15 അവതരിപ്പിച്ചു

Written by गैजेट्स 360 स्टाफ, അപ്‌ഡേറ്റഡ്: 21 ഒക്ടോബർ 2024 14:03 IST

Photo Credit: Oppo

ColorOS 15 brings Android 15 to Oppo and OnePlus smartphones

ഹൈലൈറ്റ്സ്

ColorOS 15 ആപ്പ് അനിമേഷനുകൾ പ്രവർത്തിപ്പിക്കാൻ അറോറ, ടൈഡൽ എഞ്ചിനുകൾ ഉപയോഗ
നോട്ട്സ്, വോയ്സ് റെക്കോർഡർ എന്നീ ആപ്പുകൾക്കെല്ലാം Al പിന്തുണയുണ്ട്
അടുത്ത മാസമാകും ഓപ്പോ, വൺപ്ലസ് ഫോണുകളിൽ ഇതിൻ്റെ അപ്ഡേറ്റ് എത്തുക

പരസ്യം

ഓപ്പോ, വൺപ്ലസ് എന്നീ ബ്രാൻഡുകൾ പുറത്തിറക്കുന്ന സ്മാർട്ട്‌ഫോണുകൾക്കു വേണ്ടിയുള്ള പുതിയ ഓപ്പറേറ്റിംഗ് സിസ്റ്റമായ ColorOS 15 വ്യാഴാഴ്ച അനാവരണം ചെയ്തു. ഇത് ഏറ്റവും പുതിയ ആൻഡ്രോയിഡ് 15 അടിസ്ഥാനമാക്കി നിർമ്മിച്ചതാണ്. മികച്ച ടെക്‌സ്‌ചറുകൾ, കൂടുതൽ വിശദമായ ആനിമേഷനുകൾ, പുതിയ തീമുകൾ എന്നിവയ്‌ക്കൊപ്പം മെച്ചപ്പെട്ട ദൃശ്യങ്ങളും പുതിയ ഓപ്പറേറ്റിംഗ് സിസ്റ്റം നൽകുന്നു. ഇതിൻ്റെ ഭാഗമായി വരുന്ന O+ ഇൻ്റർകണക്ഷൻ ആപ്പ് വഴി ഓപ്പോ, ഐഫോൺ മോഡലുകൾക്കിടയിൽ ഫയലുകൾ കൈമാറുന്നത് വളരെ എളുപ്പമാകും. ColorOS 15 അതിൻ്റെ Xiaobu അസിസ്റ്റൻ്റിലൂടെ നിരവധി ആർട്ടിഫിഷ്യൽ ഇൻ്റലിജൻസ് (AI) സവിശേഷതകളും നൽകുന്നുണ്ട്. ഇത് ഉപയോക്താക്കളെ സ്വാഭാവികമായ ഭാഷാ സംഭാഷണങ്ങൾ നടത്താൻ അനുവദിക്കുന്നു. ഉപയോക്താക്കൾക്ക് വളരെയധികം പ്രയോജനപ്പെടുത്താൻ കഴിയുന്ന ഓൺ-സ്‌ക്രീൻ അവബോധ സവിശേഷതകളും കഴിഞ്ഞ ദിവസം അവതരിപ്പിച്ച പുതിയ ഓപ്പറേറ്റിംഗ് സിസ്റ്റം കൂട്ടിച്ചേർക്കുന്നു.

ColorOS 15 നൽകുന്ന പ്രധാന സവിശേഷതകൾ:

ഓപ്പോ പറയുന്നതു പ്രകാരം ColorOS 15 അതിൻ്റെ യൂസർ ഇൻ്റർഫേസിന് (UI) സ്മൂത്ത് ഡൈനാമിക് ഇഫക്‌റ്റുകൾ, നാച്ചുറൽ ലൈറ്റിംഗ്, അപ്‌ഡേറ്റ് ചെയ്‌ത ഐക്കണുകൾ എന്നിവയുൾപ്പെടെയുള്ള പുതുക്കിയ ഡിസൈനുകളുമായി ഒരു പുതിയ രൂപം നൽകും. ആപ്പ് ആനിമേഷനുകൾ കൂടുതൽ കാര്യക്ഷമമായി പ്രവർത്തിപ്പിക്കുന്നതിനായി അറോറ, ടൈഡൽ എഞ്ചിനുകൾ എന്നീ രണ്ട് സംവിധാനങ്ങൾ ഇതുപയോഗിക്കുന്നു, അതു മൾട്ടിടാസ്‌കിംഗ് സുഗമമാക്കുന്നു. ഈ ഒപ്റ്റിമൈസേഷനുകൾ ഉപയോഗിച്ച്, ആപ്പുകൾ 18% കൂടുതൽ വേഗത്തിൽ പ്രതികരിക്കുകയും 26% വേഗത്തിൽ ഇൻസ്റ്റാൾ ചെയ്യുമെന്നും ഓപ്പോ അവകാശപ്പെടുന്നു.

ഓപ്പോ ഉപകരണങ്ങൾക്കും ഐഫോണുകൾക്കുമിടയിൽ ഫയലുകൾ കൈമാറുന്നത് എളുപ്പമാക്കുന്ന O+ ഇൻ്റർകണക്ഷൻ ആപ്പാണ് മറ്റൊരു സവിശേഷത. വളരെ കുറച്ച് സമയത്തിനുള്ളിൽ ഉപയോക്താക്കൾക്ക് ഫോട്ടോകളും വീഡിയോകളും ഡോക്യുമെൻ്റുകളും പങ്കിടാനാകും.

ColorOS 15 കൂടുതൽ AI ഫീച്ചറുകളും അവതരിപ്പിക്കുന്നു. സ്വാഭാവിക ഭാഷ മനസ്സിലാക്കാനും സംഭാഷണങ്ങൾ നടത്താനുമുള്ള കഴിവുള്ള പുതിയ Xiaobu അസിസ്റ്റൻ്റ് അതിലൊന്നാണ്. നിങ്ങളുടെ സ്‌ക്രീനിൽ എന്താണുള്ളതെന്ന് തിരിച്ചറിയാനും ചോദ്യങ്ങൾക്ക് ഉത്തരം നൽകാനും യാത്രാ പ്ലാനുകൾ പോലുള്ള നിർദ്ദേശങ്ങൾ നൽകാനും ഇതിന് കഴിയും. നോട്ട്സ് ആപ്പ് ടെക്‌സ്‌റ്റ് ഫോർമാറ്റ് ചെയ്യുകയും സംഗ്രഹിക്കുകയും ചെയ്യുക, ഡോക്യുമെൻ്റ് സ്‌കാനർ സ്‌കാൻ ചെയ്‌ത ഡോക്യുമെൻ്റുകൾ സംഗ്രഹിക്കുകയും വിവർത്തനം നടത്തുകയും ചെയ്യുക എന്നിവ പുതിയ സവിശേഷതകളാണ്. വോയ്‌സ് റെക്കോർഡറിലും AI ഉണ്ട്, റെക്കോർഡിംഗുകൾ ട്രാൻസ്‌ക്രൈബ് ചെയ്യാനും സംഗ്രഹിക്കാനും അതിനു കഴിയും.

ഫോട്ടോസ് ആപ്പ് AI ടൂളുകൾ ഉപയോഗിച്ച് അപ്‌ഗ്രേഡു ചെയ്യുകയും ചെയ്യുന്നുണ്ട്. നിങ്ങൾക്ക് ഒരു ടച്ചിലൂടെ ഫോട്ടോകളിൽ നിന്ന് ആളുകളെയോ പ്രതിഫലനങ്ങളെയോ നീക്കം ചെയ്യാനും മങ്ങിയ പോർട്രെയ്‌റ്റുകൾ പരിഹരിക്കാനും മികച്ച നിലവാരമുള്ള ചിത്രങ്ങളെടുക്കാനും കഴിയും. കൂടാതെ, ലൈവ് ഫോട്ടോസ് ഇലക്ട്രോണിക് ഇമേജ് സ്റ്റെബിലൈസേഷനെ (EIS) പിന്തുണയ്ക്കുന്നു.

സ്‌മാർട്ട് ഫ്ലോട്ടിംഗ് വിൻഡോയ്‌ക്കുള്ള പുതിയ ഗെസ്ചറുകൾ, ഫോട്ടോ ആൽബത്തിലെ എഡിറ്റുകൾ റിവേഴ്‌സ് ചെയ്യാനുള്ള കഴിവ്, നോട്ടിഫിക്കേഷനും കാൺട്രോളുകൾക്കുമായി പ്രത്യേക വിഭാഗങ്ങൾ, ഒറ്റത്തവണ പാസ്‌വേഡുകൾ (OTPകൾ) ഉപയോഗിച്ചതിന് ശേഷം സ്വയമേവ ഇല്ലാതാക്കൽ എന്നിവയും ColorOS 15 ലെ പുതിയ സവിശേഷതകളിൽ ഉൾപ്പെടുന്നു.

ColorOS 15 റിലീസ് ചെയ്യുന്ന തീയ്യതിയും ഒത്തുപോകുന്ന മോഡലുകളും:

ചൈനയിൽ പുറത്തിറങ്ങാനിരിക്കുന്ന ഫൈൻഡ് X8 സീരീസിലും വൺപ്ലസ് 13 ലും ColorOS 15 ലഭ്യമാകുമെന്ന് ഓപ്പോ പറയുന്നു. നവംബർ മുതൽ ചൈനയിൽ ഇത് അവതരിപ്പിക്കും. മുഴുവൻ റിലീസ് ടൈംലൈനും അപ്‌ഡേറ്റുമായി പൊരുത്തപ്പെടുന്ന മോഡലുകളുടെ ലിസ്റ്റും ഇപ്രകാരമാണ്: