Nothing

സ്‌നാപ്ഡ്രാഗൺ 7s ജെൻ 3 ചിപ്പ്സെറ്റുമായി നത്തിങ്ങ് ഫോൺ 3a വരുമെന്ന് നേരത്തെ പുറത്തു വന്ന റിപ്പോർട്ട് സൂചിപ്പിച്ചിരുന്നു. 120Hz റീഫ്രഷ് റേറ്റുള്ള 6.8 ഇഞ്ച് ഫുൾ എച്ച്‌ഡി+ അമോലെഡ് ഡിസ്‌പ്ലേയും ഇതിൽ അവതരിപ്പിക്കുമെന്ന് പ്രതീക്ഷിക്കുന്നു. ആൻഡ്രോയിഡ് 15 അടിസ്ഥാനമാക്കിയുള്ള നത്തിങ്ങ് OS 3.1-ൽ ഫോൺ പ്രവർത്തിക്കും, കൂടാതെ ഗ്ലിഫ് ഇൻ്റർഫേസ് നിലനിർത്തുമെന്നും പ്രതീക്ഷിക്കുന്നു. നത്തിങ്ങ് ഫോൺ 3a-യിൽ ഫോണിൻ്റെ വലതുവശത്ത് ഒരു അധിക ബട്ടൺ ഉണ്ടായിരിക്കുമെന്നും അഭ്യൂഹങ്ങളുണ്ട്. ഈ ബട്ടൺ ക്യാമറയ്ക്കുള്ളതായിരിക്കുമെന്ന് ചിലർ വിശ്വസിക്കുന്നു. അതേസമയം ഒരു വിഭാഗം കരുതുന്നത് ഇത് ഉപകരണത്തിലെ AI നിയന്ത്രിക്കുന്ന, അല്ലെങ്കിൽ ഒന്നിലധികം ഫംഗ്‌ഷനുകൾ ഉൾക്കൊള്ളുന്ന ഒരു ആക്ഷൻ ബട്ടണായിരിക്കാം എന്നാണ്.

വരാനിരിക്കുന്ന ഫോണിൻ്റെ ഒരു സൈഡ് വ്യൂ കാണിക്കുന്ന ടീസർ സാമൂഹ്യമാധ്യമമായ എക്സിൽ (മുമ്പ് ട്വിറ്റർ) അടുത്തിടെ നത്തിങ്ങ് പോസ്റ്റ് ചെയ്തിരുന്നു. ഇതിൽ പവർ ബട്ടണിന് താഴെ ഒരു പുതിയ ബട്ടൺ കാണാം. കമ്പനി ഇതു സംബന്ധിച്ച വിശദാംശങ്ങൾ ഒന്നു പങ്കിട്ടിട്ടില്ലെങ്കിലും ഈ ബട്ടൺ ക്യാമറയ്ക്കു വേണ്ടിയുള്ളതായിരിക്കുമെന്ന് പലരും വിശ്വസിക്കുന്നു. നത്തിങ്ങ് മറ്റ് സ്‌മാർട്ട്‌ഫോൺ ബ്രാൻഡുകളെ പിന്തുടരുകയാണെങ്കിൽ ഈ ബട്ടൺ ഒരിക്കൽ അമർത്തിയാൽ ക്യാമറ തുറക്കാനും വീണ്ടും അമർത്തിയാൽ ഫോട്ടോ എടുക്കാനും ഉള്ളതായിരിക്കും. എന്നിരുന്നാലും, ഈ ബട്ടണിൻ്റെ ഉദ്ദേശ്യത്തെക്കുറിച്ച് വ്യത്യസ്തമായ ഊഹങ്ങളാണ് സ്മാർട്ട്ഫോൺ പ്രേമികൾക്കുള്ളത്. വൺപ്ലസ് ഫോണുകളിലേത് പോലെ (കാൾ പേയുടെ മുൻ കമ്പനി) ഇത് ഒരു അലേർട്ട് സ്ലൈഡർ ആയിരിക്കാമെന്ന് ചിലർ കരുതുന്നു.

ആൻഡ്രോയിഡ് ഹെഡ്‌ലൈൻസിൽ നിന്നുള്ള ഒരു റിപ്പോർട്ട് അനുസരിച്ച്, മാർച്ച് 4-ന് നടക്കാനിരിക്കുന്ന കമ്പനിയുടെ പ്രൊഡക്റ്റ് ഷോകേസിൽ നത്തിങ്ങ് ഫോൺ 3a, നത്തിങ്ങ് ഫോൺ 3a പ്രോ എന്നീ രണ്ട് പുതിയ ഫോണുകൾ അവതരിപ്പിക്കുമെന്ന് പ്രതീക്ഷിക്കുന്നു. ഫോൺ 3a-ക്കൊപ്പം "പ്ലസ്" പതിപ്പും ലോഞ്ച് ചെയ്യുമെന്ന് നേരത്തെ ലീക്കായ വിവരങ്ങൾ സൂചിപ്പിച്ചിരുന്നു. എന്നാൽ ഇപ്പോൾ അത് മാറ്റി പകരം "പ്രോ" മോഡൽ ആകുമെന്നാണു കരുതേണ്ടത്. നത്തിങ്ങ് ഫോൺ 3a രണ്ട് കോൺഫിഗറേഷനുകളിൽ ലഭ്യമാകുമെന്ന് പ്രതീക്ഷിക്കുന്നു. 8GB RAM + 128GB സ്റ്റോറേജ്, 12GB RAM + 256GB സ്റ്റോറേജ് എന്നിവയാണത്. ഇത് ബ്ലാക്ക് ആൻഡ് വൈറ്റ് കളർ ഓപ്ഷനുകളിൽ വരാം.

എക്സിൽ (മുൻപ് ട്വിറ്റർ) പങ്കുവെച്ച നിരവധി സ്കെച്ചുകളിലൂടെയാണ് പുതിയ ഫോണിനെക്കുറിച്ചുള്ള സൂചനകൾ കമ്പനി നൽകിയത്. WPS എന്ന് അതിൽ ലേബൽ ചെയ്തിരിക്കുന്നു. അതു ‘വർക്ക് ഇൻ പ്രോഗ്രസിനെ’ സൂചിപ്പിക്കുന്നതാണ്. സുതാര്യമായ ബാക്ക് പാനലിൽ സ്ക്രൂകൾ ദൃശ്യമാകുന്ന രീതിയിലുള്ള ഫോണിൻ്റെ ഒരു ഭാഗം സ്കെച്ചിൽ കാണിക്കുന്നുണ്ട്. മറ്റൊരു സ്കെച്ച് ഗുളികയുടെ ആകൃതിയിൽ തിരശ്ചീനമായ ഡിസൈനിനുള്ളിലെ രണ്ട് സർക്കിളുകൾ കാണിക്കുന്നു, ഇത് നഥിംഗ് ഫോൺ 2 മോഡലുകളിലെ ക്യാമറ യൂണിറ്റിന് സമാനമാണ്. ഇത് പുതിയ ഫോണിൻ്റെ റിയർ ക്യാമറകളായിരിക്കാം. എന്നിരുന്നാലും, സ്കെച്ച് പൂർണ്ണമായി ബാക്ക് ഡിസൈൻ എങ്ങിനെയാണെന്നു വെളിപ്പെടുത്തുന്നില്ല, അതിനാൽ പുതിയ ഫോണിന് നഥിംഗിൻ്റെ സിഗ്നേച്ചർ ഗ്ലിഫ് ഇൻ്റർഫേസ് ഉണ്ടാകുമോ എന്ന കാര്യം വ്യക്തമല്ല.