Motorola

മോട്ടറോള എഡ്ജ് 60 ഫ്യൂഷന്റെ ലീക്കായ ചിത്രങ്ങൾ ടിപ്‌സ്റ്റർ ഇവാൻ ബ്ലാസ് (@evleaks) എക്സിലെ ഒരു പോസ്റ്റിൽ പങ്കിട്ടിരുന്നു. ഫോണിന്റെ ഡിസൈൻ ഇതിനു മുൻപു പുറത്തു വന്ന എഡ്ജ് 50 ഫ്യൂഷനുമായി സാമ്യമുള്ളതായി തോന്നുന്നുണ്ട്. എന്നാൽ എഡ്ജ് 50 ഫ്യൂഷനിലെ ഡ്യുവൽ റിയർ ക്യാമറ സെറ്റപ്പിനു പകരം, പുതിയ എഡ്ജ് 60 ഫ്യൂഷനിൽ മൂന്ന് റിയർ ക്യാമറകളുള്ളതായി തോന്നുന്നു. വൃത്താകൃതിയിലുള്ള LED ഫ്ലാഷുള്ള ചതുരാകൃതിയിലുള്ള ക്യാമറ മൊഡ്യൂളാണ് ഇതിനുള്ളത്. ക്യാമറകളിലൊന്നിൽ ഒപ്റ്റിക്കൽ ഇമേജ് സ്റ്റെബിലൈസേഷൻ (OIS) പിന്തുണയുള്ള 50 മെഗാപിക്സൽ സോണി LYTIA സെൻസർ ആയിരിക്കുമെന്നു സൂചനകളുണ്ട്. വളരെ നേർത്ത ബെസലുകൾ, അൽപ്പം കട്ടിയുള്ള ചിൻ, മുകളിൽ മധ്യഭാഗത്ത് ഒരു ഹോൾ-പഞ്ച് കട്ടൗട്ട് എന്നിവയുള്ള ക്വാഡ്-കർവ്ഡ് ഡിസ്‌പ്ലേയും ഫോണിലുണ്ടെന്ന് തോന്നുന്നു.

മോട്ടറോള റേസർ+ പാരീസ് ഹിൽട്ടൺ എഡിഷന് സ്റ്റാൻഡേർഡ് റേസർ+ ഫോണിൻ്റെ അതേ പ്രത്യേകതകൾ ഉണ്ട്. 6.9 ഇഞ്ച് ഫുൾ എച്ച്‌ഡി+ (1080x2640 പിക്സലുകൾ) LTPO pOLED മെയിൻ ഡിസ്‌പ്ലേയും 4 ഇഞ്ച് (1080x1272 പിക്‌സൽ) LTPO pOLED കവർ ഡിസ്‌പ്ലേയും ഇതിൻ്റെ സവിശേഷതയാണ്. കവർ ഡിസ്‌പ്ലേക്ക് ‘കോർണിംഗ് ഗൊറില്ല ഗ്ലാസ് വിക്‌റ്റസിൻ്റെ പരിരക്ഷണം നൽകിയിരിക്കുന്നു. 12GB വരെയുള്ള LPDDR5X റാമും 256GB UFS 4.0 ഇൻ്റേണൽ സ്‌റ്റോറേജുമായി ജോടിയാക്കിയ സ്‌നാപ്ഡ്രാഗൺ 8s ജെൻ 3 പ്രോസസറുമാണ് ഫോണിന് കരുത്ത് പകരുന്നത്. ആൻഡ്രോയിഡ് 14 അടിസ്ഥാനമാക്കിയുള്ള ഹലോ യുഐയിലാണ് ഇത് പ്രവർത്തിക്കുന്നത്. ഫോട്ടോഗ്രാഫിക്കായി, റേസർ+ പാരീസ് ഹിൽട്ടൺ എഡിഷൻ രണ്ട് റിയർ ക്യാമറകളുമായാണ് വരുന്നത്.

എൻടിടി ഡോകോമോയുടെ വെബ്‌സൈറ്റിൽ മോട്ടറോള റേസർ 50D ഫോണിനെക്കുറിച്ചുള്ള വിശദാംശങ്ങൾ അടങ്ങിയ മൈക്രോസൈറ്റ് ആരംഭിച്ചിട്ടുണ്ട്. ഇതിൽ ലോഞ്ച് തീയതി, വില, മുൻകൂർ ഓർഡർ വിവരങ്ങൾ, ചില സവിശേഷതകൾ എന്നിവ ഉൾപ്പെടുന്നു. ലിസ്‌റ്റിംഗ് അനുസരിച്ച്, ഫോൺ ഡിസംബർ 19-ന് പുറത്തിറങ്ങും, ഇതിന് JPY 1,14,950 (ഏകദേശം 65,000 രൂപ) വിലയാണ് പ്രതീക്ഷിക്കുന്നത്. വാങ്ങുന്നവർക്ക് JPY 2,587 (ഏകദേശം 1,500 രൂപ) പ്രതിമാസ തവണകളായി അടച്ച് ഫോൺ സ്വന്തമാക്കാനുള്ള ഓപ്ഷനുമുണ്ട്. റോസർ 50D നിലവിൽ പ്രീ-റിസർവേഷനുകൾക്കായി ലഭ്യമാണ്, പ്രീ-പർച്ചേസുകൾ ഡിസംബർ 17-ന് ആരംഭിക്കും

91മൊബൈൽസുമായി സഹകരിച്ച് ടിപ്‌സ്റ്റർ സുധാംശു അംബോറാണ് (@sudhanshu1414) വരാനിരിക്കുന്ന മോട്ടോ G15 ഫോണിൻ്റെ സവിശേഷതകൾ പുറത്തു വിട്ടത്. ടിപ്‌സ്റ്റർ പറയുന്നതനുസരിച്ച്, 1,080x2,400 പിക്‌സൽ റെസല്യൂഷനുള്ള 6.72 ഇഞ്ച് ഫുൾ HD+ ഡിസ്‌പ്ലേയാണ് ഫോണിൻ്റെ സവിശേഷത. 391ppi പിക്‌സൽ ഡെൻസിറ്റിയും 86.71% സ്‌ക്രീൻ-ടു-ബോഡി റേഷ്യോയും നൽകുന്ന 60Hz റീഫ്രഷ് റേറ്റുള്ള IPS LCD പാനലാകും ഈ ഫോണിൻ്റെ ഡിസ്‌പ്ലേയെന്നാണു പ്രതീക്ഷിക്കുന്നത്. ഇത് HDR10-നെ പിന്തുണയ്‌ക്കുകയും കോർണിംഗ് ഗൊറില്ല ഗ്ലാസ് 3 പരിരക്ഷയോടെ വരികയും ചെയ്‌തേക്കാം

91Mobilesൽ നിന്നുള്ള ഒരു റിപ്പോർട്ട് പരാമർശിക്കുന്നതു പ്രകാരം ക്രോസ്-പ്ലാറ്റ്ഫോം ബെഞ്ച്മാർക്കിംഗ് സൈറ്റായ ഗീക്ബെഞ്ച് 6ൽ മോട്ടറോള റേസർ 50s ലിസ്റ്റ് ചെയ്തിട്ടുണ്ട്. ഇതിന് എട്ട് കോറുകളുള്ള പ്രോസസർ ഉണ്ടാകുമെന്ന് പറയപ്പെടുന്നു - 2.50GHzൽ പ്രവർത്തിക്കുന്ന ഉയർന്ന പെർഫോർമൻസ് നൽകുന്ന നാലു കോറുകൾ, 2.0GHzൽ പ്രവർത്തിക്കുന്ന നാല് എഫിഷ്യൻസി കോറുകൾ എന്നിവയാണത്. ആൻഡ്രോയിഡ് 14ൽ പ്രവർത്തിക്കുമെന്ന് പ്രതീക്ഷിക്കുന്ന റേസർ50s ഫോണിൽ ഏകദേശം 8GB RAM ആയിരിക്കും ഉണ്ടാവുക