ഹോണറിൻ്റെ പുതിയ ടാബ്‌ലറ്റ് വിപണിയിലെത്തി

പ്രമുഖ ബ്രാൻഡായ ഹോണർ തങ്ങളുടെ ഏറ്റവും പുതിയ ടാബ്‌ലെറ്റായ ഹോണർ പാഡ് X9a മലേഷ്യയിൽ പുറത്തിറക്കി. 120Hz റിഫ്രഷ് റേറ്റ് പിന്തുണയ്ക്കുന്ന 11.5 ഇഞ്ച് എൽസിഡി സ്‌ക്രീനോടുകൂടിയാണ് ഈ പുതിയ ടാബ്‌ലെറ്റ് വരുന്നത്. ക്വാൽകോമിന്റെ സ്‌നാപ്ഡ്രാഗൺ 685 ചിപ്പ് ഈ ഉപകരണത്തിന് കരുത്ത് പകരുന്നു, ഇത് മികച്ച പെർഫോമൻസ് ഉറപ്പാക്കുന്നു. ആൻഡ്രോയിഡ് 15 അടിസ്ഥാനമാക്കിയ MagicOS 9.0-യിൽ ഇത് പ്രവർത്തിക്കുന്നു. ഹോണർ പാഡ് X9a-യുടെ ശ്രദ്ധേയമായ സവിശേഷതകളിലൊന്ന് അതിന്റെ വലിയ 8,300mAh ബാറ്ററിയാണ്. Wi-Fi, ബ്ലൂടൂത്ത് തുടങ്ങിയ കണക്റ്റിവിറ്റി ഓപ്ഷനുകളെ ഇതു പിന്തുണയ്ക്കുന്നു. സെൽഫികൾക്കും വീഡിയോ കോളുകൾക്കുമായി 5 മെഗാപിക്സൽ ഫ്രണ്ട് ക്യാമറയാണ് ടാബ്‌ലെറ്റിൽ വരുന്നത്. അതേസമയം 8 മെഗാപിക്സൽ റിയർ ക്യാമറ നിങ്ങളെ നല്ല നിലവാരമുള്ള ഫോട്ടോകളും വീഡിയോകളും എടുക്കാനും അനുവദിക്കുന്നു. ഇതെല്ലാം കണക്കാക്കുമ്പോൾ മികച്ചൊരു ടാബ്‌ലെറ്റ് തിരയുന്ന ഉപയോക്താക്കൾക്ക് ഹോണർ പാഡ് X9a ഒരു നല്ല ഓപ്ഷനായിരിക്കും.

ഹോണർ പാഡ് X9a-യുടെ വില, നിറം എന്നിവ സംബന്ധിച്ച വിവരങ്ങൾ:

ഹോണർ പാഡ് X9a ടാബിന്റെ വില കമ്പനി ഇതുവരെ പ്രഖ്യാപിച്ചിട്ടില്ല. പക്ഷേ ഈ ടാബ്‌ലറ്റ് ഇതിനകം തന്നെ ഹോണർ മലേഷ്യ വെബ്‌സൈറ്റിൽ ലിസ്റ്റ് ചെയ്തിട്ടുണ്ട്. ടാബ്‌ലെറ്റ് ഗ്രേ നിറത്തിൽ മാത്രമേ ലഭ്യമാകൂ. 8 ജിബി റാമും 128 ജിബി സ്റ്റോറേജും ഇതിലുണ്ടാകും.

ഹോണർ പാഡ് X9a-യുടെ സവിശേഷതകൾ:

ഹോണർ പാഡ് X9a ടാബിൽ 2.5K (1,504x2,508 പിക്സലുകൾ) ഉയർന്ന റെസല്യൂഷനും 120Hz റിഫ്രഷ് റേറ്റുമുള്ള 11.5 ഇഞ്ച് വലിയ സ്‌ക്രീനുണ്ട്. ഒക്ടാ-കോർ സ്‌നാപ്ഡ്രാഗൺ 685 പ്രൊസസർ ഇതിനു കരുത്തു നൽകുന്നു, കൂടാതെ 8GB റാമുമായാണ് ഈ ടാബ്‌ലറ്റ് വരുന്നത്. മറ്റ് പല ആൻഡ്രോയിഡ് ഉപകരണങ്ങളെയും പോലെ നിങ്ങൾക്ക് ഉപയോഗിക്കാത്ത 8GB സ്റ്റോറേജ് അധിക വെർച്വൽ റാമായി ഉപയോഗിക്കാം.

ഫോട്ടോകൾ എടുക്കുന്നതിന്, പിന്നിൽ ഓട്ടോഫോക്കസും f/2.0 അപ്പേർച്ചറും ഉള്ള 8 മെഗാപിക്സൽ ക്യാമറ ഇതിലുണ്ട്. സെൽഫികൾക്കും വീഡിയോ കോളുകൾക്കും, f/2.2 അപ്പേർച്ചറുള്ള 5 മെഗാപിക്സൽ ഫ്രണ്ട് ക്യാമറയുമുണ്ട്.

ടാബ്‌ലെറ്റിന് 128GB സ്റ്റോറേജ് സ്‌പെയ്‌സുണ്ട്. ഇത് Wi-Fi, ബ്ലൂടൂത്ത് 5.1 എന്നിവയെ പിന്തുണയ്ക്കുന്നു, കൂടാതെ ഹോണറിന്റെ വയർലെസ് കീബോർഡുകളും സ്റ്റൈലസും ഉപയോഗിച്ച് പ്രവർത്തിക്കുന്നു. ആൻഡ്രോയ്ഡ് 15 അടിസ്ഥാനമാക്കിയുള്ള MagicOS 9.0-ൽ ഈ ടാബ്‌ലറ്റ് പ്രവർത്തിക്കുന്നു.

മികച്ച ശബ്ദത്തിനായി ഹോണർ പാഡ് X9a-യിൽ നാല് സ്പീക്കറുകളുണ്ട്. 35W ഫാസ്റ്റ് ചാർജിംഗിനെ പിന്തുണയ്ക്കുന്ന 8,300mAh ബാറ്ററിയാണ് ഇതിലുള്ളത്. കമ്പനി പറയുന്നതനുസരിച്ച്, സ്റ്റാൻഡ്‌ബൈയിൽ ഇത് 70 ദിവസം വരെ നിലനിൽക്കും. ടാബ്‌ലെറ്റിന് 267.3mm നീളവും 167mm വീതിയും 6.77mm കനവും ഏകദേശം 475 ഗ്രാം ഭാരവുമുണ്ട്.