Huawei

സാംസങ്ങിൻ്റെ വരാനിരിക്കുന്ന മൾട്ടി-ഫോൾഡ് ഫോണിനെ ഗാലക്‌സി ജി ഫോൾഡ് എന്ന് വിളിക്കാമെന്ന് Yeux1122 എന്ന പേരിൽ അറിയപ്പെടുന്ന ടിപ്‌സ്റ്റർ, ദക്ഷിണ കൊറിയൻ ബ്ലോഗ് നേവറിൽ പോസ്റ്റ് ചെയ്തു. ഈ പേര് സാംസങ്ങിൻ്റെ Z ഫോൾഡ് സീരീസിൻ്റെ പാറ്റേൺ പിന്തുടരുന്നു. അടുത്ത വർഷം ജനുവരിയിൽ ഫോൺ പുറത്തിറക്കുമെന്ന് ഇൻഡസ്ട്രി സോഴ്സുകളെയും ഡിസ്പ്ലേ അനലിസ്റ്റായ റോസ് യംഗിനെയും ഉദ്ധരിച്ച് ടിപ്സ്റ്റർ അവകാശപ്പെടുന്നു. ഗാലക്‌സി ജി ഫോൾഡിന് പൂർണ്ണമായി തുറക്കുമ്പോൾ 9.96 ഇഞ്ച് വലിപ്പമുള്ള സ്‌ക്രീൻ ഉണ്ടായിരിക്കുമെന്ന് പ്രതീക്ഷിക്കുന്നു, ഇത് ഗാലക്‌സി Z ഫോൾഡ് 6-ൻ്റെ 7.6 ഇഞ്ച് ഡിസ്‌പ്ലേയേക്കാൾ വലുതാണ്. മടക്കിയാൽ സ്‌ക്രീൻ വലുപ്പം 6.54 ഇഞ്ച് ആയിരിക്കും.

194 x 368 പിക്സൽ റെസലൂഷനും 282 ppi പിക്സൽ ഡെൻസിറ്റിയുമുള്ള 1.47 ഇഞ്ച് വലിപ്പത്തിൽ, ചതുരാകൃതിയിലുള്ള AMOLED ടച്ച്‌സ്‌ക്രീനാണ് വാവെയ് ബാൻഡ് 9-ന് ഉള്ളത്. ഇത് Android, iOS ഉപകരണങ്ങളിൽ പ്രവർത്തിക്കുകയും ബ്ലൂടൂത്ത് 5.0 വഴി ബന്ധിപ്പിക്കാൻ കഴിയുകയും ചെയ്യുന്നു. സ്മാർട്ട് ബാൻഡിന് കെയ്സിൻ്റെ വലതുവശത്ത് ഒരു ഫിസിക്കൽ ബട്ടൺ ഉണ്ട്, കൂടാതെ സ്ട്രാപ്പ് ഫ്ലൂറോലാസ്റ്റോമർ കൊണ്ടാണ് നിർമ്മിച്ചിരിക്കുന്നത്. ഇത് 50 മീറ്റർ വരെ ആഴത്തിലും വെള്ളത്തെ പ്രതിരോധിക്കും. ബാൻഡിൽ ആക്സിലറോമീറ്റർ, ഗൈറോസ്കോപ്പ്, ഒപ്റ്റിക്കൽ ഹാർട്ട് റേറ്റ് സെൻസർ തുടങ്ങിയ സെൻസറുകൾ ഇതിൽ ഉൾപ്പെടുന്നു

വാവെയ് നോവ 13 സീരീസിൽ അടിസ്ഥാന മോഡലും പ്രോ മോഡലുമാണു വിപണിയിലേക്കു വരുന്നത്. വാവെയ് നോവ 13-ൻ്റെ അടിസ്ഥാന മോഡലിൽ 6.7-ഇഞ്ച് ഫുൾ-HD+ OLED ഡിസ്‌പ്ലേയാണുള്ളത്. അതേസമയം പ്രോ പതിപ്പിന് എല്ലാ വശങ്ങളിലും വളഞ്ഞ അരികുകളുള്ള അൽപ്പം വലിയ 6.76-ഇഞ്ച് OLED ഡിസ്‌പ്ലേയാണ്. രണ്ട് സ്‌ക്രീനുകളും 120Hz വരെ റീഫ്രഷ് റേറ്റിനെ പിന്തുണയ്ക്കുന്നു. രണ്ട് ഫോണുകൾക്കും കിരിൻ 8000 പ്രോസസറാണ് കരുത്തു നൽകുന്നത്, ഇവ ആൻഡ്രോയ്ഡ് 14 അടിസ്ഥാനമാക്കിയുള്ള HarmonyOS 4.2-ൽ പ്രവർത്തിക്കുന്നു. USB Type-C പോർട്ട് ഉപയോഗിച്ച് 100W വയർഡ് ഫാസ്റ്റ് ചാർജിംഗിനെ പിന്തുണയ്ക്കുന്ന 5,000mAh ബാറ്ററികളുമായാണ് ഇവ വരുന്നത്

JerryRigEverything എന്ന പേരിൽ അറിയപ്പെട്ടുന്ന യൂട്യൂബർ സാക്ക് നെൽസനാണ് അടുത്തിടെ ഹുവാവേയുടെ പുതിയ ട്രിപ്പിൾ-ഫോൾഡിംഗ് സ്മാർട്ട്‌ഫോണായ ഹുവാവേ മേറ്റ് XT അൾട്ടിമേറ്റ് ഡിസൈൻ അൺബോക്‌സ് ചെയ്‌തത്. CNY 19,999 (2,36,700 ഇന്ത്യൻ രൂപയോളം) മുതൽ വില ആരംഭിക്കുന്ന ലോകത്തിലെ ഏറ്റവും ചെലവേറിയ സ്മാർട്ട്‌ഫോണുകളിൽ ഒന്നാണിത്. ഡ്യൂറബിലിറ്റിയുടെ കാര്യത്തിൽ, ഹുവാവേ മേറ്റ് XT അൾട്ടിമേറ്റ് ഡിസൈനിൻ്റെ സ്‌ക്രീൻ, Mohs ഹാർഡ്നസ് സ്കെയിലിലെ ലെവൽ രണ്ടിൽ തന്നെ സ്ക്രാച്ചുകൾ വരുത്തുന്നുവെന്നു കണ്ടെത്തി. റേസർ ബ്ലേഡ് ഉപയോഗിച്ച് പരീക്ഷിക്കുന്ന ലെവൽ മൂന്നിൽ ആഴത്തിലുള്ള സ്ക്രാച്ചുകളും പ്രത്യക്ഷപ്പെടുന്നു

ബാഴ്സലോണയിൽ വെച്ചു നടന്ന കമ്പനിയുടെ മേറ്റ്പാഡ് സീരീസ് ടാബ്‌ലറ്റുകളുടെ ലോഞ്ചിംഗിനൊപ്പമാണ് ഹുവാവേ വാച്ച് GT 5 പ്രോ എന്ന സ്മാർട്ട് വാച്ച് ലോഞ്ച് ചെയ്തിരിക്കുന്നത്. ഹുവാവേ വാച്ച് GT 5 പ്രോ 42mm, 46mm എന്നിങ്ങനെ രണ്ട് വലിപ്പത്തിലാണ് ലഭ്യമാവുക. രണ്ടിലും 466 x 466 പിക്സൽ റെസല്യൂഷനുള്ള AMOLED സ്ക്രീനാണുള്ളത്