ഒറ്റയടിക്കു മൂന്നു പ്രൊഡക്റ്റുകൾ ലോഞ്ച് ചെയ്ത് വാവെയ്

ഇക്കഴിഞ്ഞ ഒക്ടോബർ മാസത്തിലാണ് വാവെയ് നോവ 13 സീരീസ് ചൈനയിൽ അവതരിപ്പിച്ചത്. ഇപ്പോൾ ഈ സ്മാർട്ട്ഫോണുകൾ ആഗോള വിപണികളിൽ ലഭ്യമാണ്. സീരീസിൽ വാവെയ് നോവ 13, നോവ 13 പ്രോ എന്നീ രണ്ട് മോഡലുകൾ ഉൾപ്പെടുന്നു. രണ്ട് ഫോണുകളിലും കിരിൻ 8000 പ്രൊസസറുകളും 100W ഫാസ്റ്റ് ചാർജിംഗിനെ പിന്തുണയ്ക്കുന്ന 5,000mAh ബാറ്ററികളും ഉണ്ടാകും. ഈ ഫോണുകൾക്കൊപ്പം, നവംബറിൽ ചൈനയിൽ ലോഞ്ച് ചെയ്ത ഫ്രീബഡ്സ് പ്രോ 4 വയർലെസ് ഇയർബഡുകളും വാവെയ് ആഗോള വിപണികളിൽ അവതരിപ്പിച്ചിട്ടുണ്ട്. നോവ 13 സീരീസിനൊപ്പം ഈ ഇയർബഡുകൾ വാങ്ങാൻ ലഭ്യമാണ്. ലോഞ്ച് ഇവൻ്റിൽ വെച്ച്, ബുക്ക് പോലെ മടക്കാവുന്ന സ്മാർട്ട്‌ഫോണായ മേറ്റ് എക്‌സ് 6 പുറത്തിറക്കാൻ പോകുന്ന കാര്യവും വാവെയ് പ്രഖ്യാപിച്ചു. സ്‌മാർട്ട്‌ഫോൺ, ഓഡിയോ ടെക്‌നോളജി എന്നിവയിലെ അവരുടെ തുടർച്ചയായ നവീകരണത്തെ എടുത്തുകാണിക്കുന്നതാണ് വാവെയുടെ പുതിയ പ്രൊഡക്റ്റുകൾ.

വാവെയ് ലോഞ്ച് ചെയ്ത പ്രൊഡക്റ്റുകളുടെ വില വിവരങ്ങൾ:

12GB റാമും 256GB സ്റ്റോറേജുമുള്ള വാവെയ് നോവ 13 മോഡലിന് MXN 10,999 (ഏകദേശം 46,100 രൂപ) ആണ് വില. MXN 15,999 (ഏകദേശം 67,100 രൂപ) വിലയുള്ള നോവ 13 പ്രോയുടെ 12GB റാമും 512GB സ്റ്റോറേജ് ഓപ്ഷനുള്ള വേരിയൻ്റും ലഭ്യമാണ്. രണ്ട് മോഡലുകളും ബ്ലാക്ക്, ഗ്രീൻ, വൈറ്റ് എന്നീ മൂന്ന് കളർ ഓപ്ഷനുകളിലാണ് വരുന്നത്.

MXN 3,199 (ഏകദേശം 13,400 രൂപ) വിലയുള്ള ഫ്രീബഡ്സ് പ്രോ 4 വയർലെസ് ഇയർഫോണുകളും വാവെയ് അവതരിപ്പിക്കുന്നു. ബ്ലാക്ക്, ഗ്രീൻ വൈറ്റ് എന്നീ നിറങ്ങളിലാണ് ഈ ഇയർഫോണുകളും ലഭ്യമാകുന്നത്. ഈ ഉൽപ്പന്നങ്ങൾ നിലവിൽ മെക്സിക്കോയിൽ വാങ്ങാൻ ലഭ്യമാണ്, തിരഞ്ഞെടുത്ത ആഗോള വിപണികളിൽ ഇവ ഉടൻ പുറത്തിറങ്ങും.

വാവെയ് നോവ 13, നോവ 13 പ്രോ എന്നിവയുടെ സവിശേഷതകൾ:

വാവെയ് നോവ 13 സീരീസിൽ അടിസ്ഥാന മോഡലും പ്രോ മോഡലുമാണു വിപണിയിലേക്കു വരുന്നത്. വാവെയ് നോവ 13-ൻ്റെ അടിസ്ഥാന മോഡലിൽ 6.7-ഇഞ്ച് ഫുൾ-HD+ OLED ഡിസ്‌പ്ലേയാണുള്ളത്. അതേസമയം പ്രോ പതിപ്പിന് എല്ലാ വശങ്ങളിലും വളഞ്ഞ അരികുകളുള്ള അൽപ്പം വലിയ 6.76-ഇഞ്ച് OLED ഡിസ്‌പ്ലേയാണ്. രണ്ട് സ്‌ക്രീനുകളും 120Hz വരെ റീഫ്രഷ് റേറ്റിനെ പിന്തുണയ്ക്കുന്നു.

രണ്ട് ഫോണുകൾക്കും കിരിൻ 8000 പ്രോസസറാണ് കരുത്തു നൽകുന്നത്, ഇവ ആൻഡ്രോയ്ഡ് 14 അടിസ്ഥാനമാക്കിയുള്ള HarmonyOS 4.2-ൽ പ്രവർത്തിക്കുന്നു. USB Type-C പോർട്ട് ഉപയോഗിച്ച് 100W വയർഡ് ഫാസ്റ്റ് ചാർജിംഗിനെ പിന്തുണയ്ക്കുന്ന 5,000mAh ബാറ്ററികളുമായാണ് ഇവ വരുന്നത്.

ക്യാമറകളുടെ കാര്യത്തിൽ, രണ്ട് മോഡലുകൾക്കും 50 മെഗാപിക്സലിൻ്റെ മെയിൻ ക്യാമറയുണ്ട്. സ്റ്റാൻഡേർഡ് വാവെയ് നോവ 13-ന് 8 മെഗാപിക്സൽ അൾട്രാ വൈഡ് ആംഗിൾ ക്യാമറയുണ്ട്. 3x ഒപ്റ്റിക്കൽ സൂമിനെ പിന്തുണയ്ക്കുന്ന 12 മെഗാപിക്സൽ ടെലിഫോട്ടോ ലെൻസും ക്ലോസപ്പ് ഷോട്ടുകൾക്കായി 8 മെഗാപിക്സൽ മാക്രോ ക്യാമറയും ഉള്ള കൂടുതൽ മെച്ചപ്പെട്ട ക്യാമറ സജ്ജീകരണം പ്രോ മോഡൽ വാഗ്ദാനം ചെയ്യുന്നു.

സെൽഫികൾക്കും വീഡിയോ കോളുകൾക്കുമായി, രണ്ട് മോഡലുകളിലും 60 മെഗാപിക്സൽ മുൻ ക്യാമറയുണ്ട്. മികച്ച ക്ലോസപ്പ് ഷോട്ടുകൾക്കായി 5x സൂം ഉള്ള ഒരു 8 മെഗാപിക്സൽ ലെൻസും പ്രോ പതിപ്പിൽ ഉൾപ്പെടുന്നു.

വാവെയ് ഫ്രീ ബഡ്സ് പ്രോയുടെ സവിശേഷതകൾ:

നാല് മാഗ്നറ്റുകളും മൈക്രോ ഫ്ലാറ്റ് ട്വീറ്ററും ഉൾക്കൊള്ളുന്ന 11mm ഡൈനാമിക് ഡ്രൈവറുമായി വരുന്ന ട്രൂ വയർലെസ് (TWS) ഇയർഫോണുകളാണ് വാവെയ് ഫ്രീബഡ്‌സ് പ്രോ 4. ഹൈ-റെസ് ഓഡിയോ സർട്ടിഫിക്കേഷനുള്ള അവ ഉയർന്ന നിലവാരമുള്ള ശബ്‌ദം നൽകുന്നു. മികച്ച അനുഭവത്തിനായി അവർ ആക്റ്റീവ് നോയ്സ് ക്യാൻസലേഷൻ (ANC), സ്പേഷ്യൽ ഓഡിയോ എന്നിവയെ പിന്തുണയ്ക്കുന്നു.

ടച്ച് ഉപയോഗിച്ച് നിങ്ങൾക്ക് ഇയർഫോണുകൾ നിയന്ത്രിക്കാനാകും, പൊടി, വെള്ളം എന്നിവയെ പ്രതിരോധിക്കുന്ന കാര്യത്തിൽ IP54 റേറ്റിങ്ങാണ് ഇവയ്ക്കുള്ളത്. ചാർജിംഗ് കെയ്‌സ് ഉൾപ്പെടെ പരിഗണിക്കുമ്പോൾ, ഈ ഇയർഫോണുകൾ ഫുൾ ചാർജിൽ 22 മണിക്കൂർ വരെ മ്യൂസിക്ക് പ്ലേബാക്ക് ടൈം വാഗ്ദാനം ചെയ്യുന്നു.