Honor 300

വരാനിരിക്കുന്ന ഹോണർ 300 സ്മാർട്ട്‌ഫോണിൻ്റെ ഡിസൈൻ സംബന്ധിച്ച വിവരങ്ങൾ വ്യാഴാഴ്ച വെയ്‌ബോ പോസ്റ്റിലാണ് കമ്പനി വെളിപ്പെടുത്തിയത്. നാല് കളർ ഓപ്ഷനുകളിൽ ഫോൺ ലഭ്യമാകുമെന്ന് മറ്റൊരു പോസ്റ്റ് വഴിയും സ്ഥിരീകരിച്ചിട്ടുണ്ട്. ചൈനീസിൽ നിന്നും വിവർത്തനം ചെയ്ത വാക്കുകൾ പ്രകാരം ലു യാൻസി, യുലോങ്‌ഷ്യൂ, ടീ കാർഡ് ഗ്രീൻ, കാങ്‌ഷാൻ ആഷ് എന്നിങ്ങനെ നാലു നിറങ്ങളിലാണ് ഈ ഫോൺ എത്തുക. പർപ്പിൾ, ബ്ലൂ, വൈറ്റ് വേരിയൻ്റുകളിൽ മാർബിൾ പോലുള്ള പാറ്റേണിലുള്ള ഒരു റിയർ പാനലും അടങ്ങിയിട്ടുണ്ട്

ലീക്കായി പുറത്തു വന്ന വിവരങ്ങൾ അനുസരിച്ച്, ഈ പുതിയ സീരീസിന് 1.5K OLED ഡിസ്പ്ലേ ആയിരിക്കും ഉണ്ടാവുക. ഇത് മുൻ മോഡലുകളിലെ ഫുൾ HD+ സ്‌ക്രീനുകളെ അപേക്ഷിച്ചു നോക്കുമ്പോൾ അപ്‌ഗ്രേഡാണ്. പുതിയ സീരീസിൽ സ്നാപ്ഡ്രാഗൺ 8 ജെൻ 3 പ്രൊസസർ ഉപയോഗിച്ചേക്കുമെന്നും റിപ്പോർട്ടുകളുണ്ട്. ഏത് മോഡലിലാകും ഈ പ്രോസസർ ഉണ്ടാവുകയെന്ന് ടിപ്‌സ്റ്റർ കൃത്യമായി സൂചിപ്പിച്ചിട്ടില്ലെങ്കിലും പ്രോ മോഡലിലാകും ഇത് അവതരിപ്പിക്കാൻ സാധ്യതയുള്ളത്. ഇതിനു മുൻപു പുറത്തു വന്ന ഹോണർ 200 സീരീസിലെ ഹോണർ 200 അടിസ്ഥാന മോഡലിൽ സ്നാപ്ഡ്രാഗൺ 7 ജെൻ 3 പ്രോസസർ ആയിരുന്നു. അതേസമയം ഹോണർ 200 പ്രോയിൽ സ്നാപ്ഡ്രാഗൺ 8s ജെൻ 3 പ്രോസസർ ആയിരുന്നു.