ഇന്ത്യൻ വിപണി കീഴടക്കാൻ സാംസങ്ങ് ഗാലക്സി S25, ഗാലക്സി S25+ എന്നിവയെത്തുന്നു

ഈ വർഷത്തെ ആദ്യ ഗാലക്‌സി അൺപാക്ക്ഡ് ഇവൻ്റിൽ സാംസങ് ഗാലക്‌സി S25, ഗാലക്‌സി S25+ എന്നിങ്ങനെ വളരെ പ്രതീക്ഷയോടെ കാത്തിരുന്ന രണ്ടു സ്മാർട്ട്‌ഫോണുകൾ അവതരിപ്പിക്കപ്പെട്ടു. ഈ ഫോണുകൾ ഗാലക്‌സി ചിപ്പിനായുള്ള പ്രത്യേക സ്‌നാപ്ഡ്രാഗൺ 8 എലീറ്റ്, 12 ജിബി റാം, എഐ-പവർ ഗാലക്‌സി സവിശേഷതകൾ എന്നിവയുമായാണ് വരുന്നത്. രണ്ട് മോഡലുകൾക്കും ട്രിപ്പിൾ റിയർ ക്യാമറ സജ്ജീകരണമുണ്ട്, ഇതിൽ 50 മെഗാപിക്സലിൻ്റെ പ്രധാന ക്യാമറയും ഉൾപ്പെടുന്നു. ആൻഡ്രോയിഡ് 15 അടിസ്ഥാനമാക്കിയ സാംസങ്ങിൻ്റെ വൺ Ul 7 ഉപയോഗിച്ചാണ് ഫോൺ പ്രവർത്തിക്കുന്നത്. ഗാലക്സി S25 സീരീസ് ഓഡിയോ ഇറേസറിനൊപ്പം നൗ ബ്രീഫ്, നൈറ്റ് വീഡിയോ പോലുള്ള പുതിയ AI സവിശേഷതകളും അവതരിപ്പിക്കുന്നു. ഇതിനു പുറമെ സാംസങ്ങ് നോട്ട്സ് ഇപ്പോൾ ഗൂഗിൾ ജെമിനി ഫീച്ചറുകളെ പിന്തുണയ്ക്കുന്നു. ഈ ഫോണുകൾക്ക് ഏഴ് വർഷത്തെ ഒഎസും സുരക്ഷാ അപ്‌ഡേറ്റുകളും സാംസങ് വാഗ്ദാനം ചെയ്യുന്നുണ്ട്.

സാംസങ്ങ് ഗാലക്സി S25, സാംസങ്ങ് ഗാലക്സി S25+ എന്നിവയുടെ വിലയും ലഭ്യതയും:

12 ജിബി റാമും 128 ജിബി സ്റ്റോറേജുമുള്ള അടിസ്ഥാന മോഡൽ സാംസങ് ഗാലക്‌സി S25 ഫോണിൻ്റെ വില 799 ഡോളറിൽ (ഏകദേശം 69,100 രൂപ) ആരംഭിക്കുന്നു. ഇതിനു പുറമെ 859 ഡോളർ (ഏകദേശം 74,300 രൂപ) വിലയുള്ള 12GB+256GB പതിപ്പും ഉണ്ട്. 12GB+512GB പതിപ്പിൻ്റെ വില ഇതുവരെ പ്രഖ്യാപിച്ചിട്ടില്ല. ഇന്ത്യയിൽ, ഗാലക്‌സി S25 ഫോണിന് വില ആരംഭിക്കുന്നത് 80,999 രൂപ മുതലാണ്.

അതേസമയം, 12 ജിബി റാമും 256 ജിബി സ്റ്റോറേജുമുള്ള സാംസങ് ഗാലക്‌സി എസ് 25+ ൻ്റെ അടിസ്ഥാന മോഡലിന് 999 ഡോളർ (ഏകദേശം 86,400 രൂപ) ആണ് വില. 1,119 ഡോളർ (ഏകദേശം 96,700 രൂപ) വിലയുള്ള 12GB+512GB പതിപ്പും ഉണ്ട്. ഇന്ത്യയിൽ, Galaxy S25+ ഫോണിൻ്റെ വില ആരംഭിക്കുന്നത് 99,999 രൂപയിലാണ്.

ഐസി ബ്ലൂ, മിൻ്റ്, നേവി, സിൽവർ ഷാഡോ നിറങ്ങളിൽ ഗാലക്‌സി S25 ലഭ്യമാകും. കൂടാതെ, ബ്ലൂബ്ലാക്ക്, കോറൽറെഡ്, പിങ്ക്ഗോൾഡ് തുടങ്ങിയ എക്സ്ക്ലൂസീവ് നിറങ്ങൾ സാംസങ്ങിൻ്റെ വെബ്സൈറ്റിൽ ലഭ്യമാകും. ഫോണുകളുടെ പ്രീ-ഓർഡറുകൾ ഇന്ന് മുതൽ ആരംഭിക്കും, യുഎസിൽ ഫെബ്രുവരി 7 മുതൽ വിൽപ്പന ആരംഭിക്കും.

സാംസങ്ങ് ഗാലക്സി S25, സാംസങ്ങ് ഗാലക്സി S25+ എന്നിവയുടെ സവിശേഷതകൾ:

സാംസങ്ങ് ഗാലക്സി S25, ഗാലക്സി S25+ എന്നിവ ആൻഡ്രോയിഡ് 15 അടിസ്ഥാനമാക്കിയുള്ള One UI 7-ൽ പ്രവർത്തിക്കുന്ന ഡ്യുവൽ സിം സ്‌മാർട്ട്‌ഫോണുകളാണ്. ഗാലക്‌സി പ്രോസസറിനായുള്ള ഒക്ടാ-കോർ സ്‌നാപ്ഡ്രാഗൺ 8 എലൈറ്റ് ഉപയോഗിച്ചാണ് ഇവ പ്രവർത്തിക്കുന്നത്, കൂടാതെ 12GB LPDDR5x റാമും ഉണ്ട്. രണ്ട് മോഡലുകൾക്കും 256 ജിബി, 512 ജിബി എന്നീ സ്റ്റോറേജ് ഓപ്ഷനുകളുണ്ട്. അതേസമയം സ്റ്റാൻഡേർഡ് ഗാലക്‌സി S25 ഫോണിന് 128 ജിബി വേരിയൻ്റുമുണ്ട്.

120Hz റീഫ്രഷ് റേറ്റും 2600nits പീക്ക് ബ്രൈറ്റ്നസ് ലെവലുമുള്ള 6.2 ഇഞ്ച് ഫുൾ എച്ച്‌ഡി+ (1080×2340 പിക്‌സൽ) ഡൈനാമിക് അമോലെഡ് 2X ഡിസ്‌പ്ലേയാണ് ഗ്യാലക്‌സി S25 അവതരിപ്പിക്കുന്നത്. ഗാലക്സി S25+ ന് അതേ റീഫ്രഷ് റേറ്റും ബ്രൈറ്റ്നസ് ലെവലുമുള്ള വലിയ 6.7 ഇഞ്ച് (1440×3120 പിക്സലുകൾ) ഡൈനാമിക് AMOLED 2X ഡിസ്പ്ലേയുണ്ട്.

രണ്ട് ഫോണുകളും ട്രിപ്പിൾ റിയർ ക്യാമറ സജ്ജീകരണത്തോടെയാണ് വരുന്നത്. ഇതിൽ 2x ഇൻ-സെൻസർ സൂമും ഒപ്റ്റിക്കൽ ഇമേജ് സ്റ്റെബിലൈസേഷനും (OIS), ഒരു f/1.8 അപ്പേർച്ചറുമുള്ള 50MP പ്രധാന ക്യാമറ, 120 ഡിഗ്രി ഫീൽഡ് വ്യൂവും f/2.2 അപ്പേർച്ചറുമുള്ള 12MP അൾട്രാവൈഡ് ക്യാമറ, 3x ഒപ്റ്റിക്കൽ സൂം, OIS, ഒരു f/2.4 അപ്പർച്ചർ എന്നിവയുള്ള 10MP ടെലിഫോട്ടോ ക്യാമറ എന്നിവ ഉൾപ്പെടുന്നു. സെൽഫികൾക്കായി, രണ്ട് മോഡലുകളിലും f/2.2 അപ്പേർച്ചർ ഉള്ള 12MP ഫ്രണ്ട് ക്യാമറയുണ്ട്.

5G, 4G LTE, Wi-Fi 6E, Bluetooth 5.3, GPS, NFC, USB Type-C പോർട്ട് എന്നിവ കണക്റ്റിവിറ്റി സവിശേഷതകളിൽ ഉൾപ്പെടുന്നു. പൊടിയും വെള്ളവും പ്രതിരോധിക്കാൻ രണ്ട് ഫോണുകളും IP68 റേറ്റുചെയ്തിരിക്കുന്നു. ഈ മോഡലുകൾക്ക് ഏഴ് വർഷത്തെ ഒഎസും സുരക്ഷാ അപ്‌ഡേറ്റുകളും സാംസങ് വാഗ്ദാനം ചെയ്യുന്നു. അൺലോക്ക് ചെയ്യുന്നതിനായി ഇൻ-ഡിസ്‌പ്ലേ ഫിംഗർപ്രിൻ്റ് സെൻസറുകളും ഇതിലുണ്ട്.

ഗാലക്സി S25 ഫോണിന് 25W വയർഡ് ചാർജിംഗ് പിന്തുണയുള്ള 4,000mAh ബാറ്ററിയുണ്ട് (ചാർജർ വേറെ വാങ്ങണം). ഗാലക്സി S25+ ഫോണിൽ 45W വയർഡ് ചാർജിംഗ് പിന്തുണയുള്ള 4,900mAh ബാറ്ററിയാണുള്ളത് (ചാർജർ പ്രത്യേകം വാങ്ങണം). രണ്ട് ഫോണുകളും 15W ഫാസ്റ്റ് വയർലെസ് ചാർജിംഗും റിവേഴ്സ് വയർലെസ് ചാർജിംഗിനായി വയർലെസ് പവർഷെയറും പിന്തുണയ്ക്കുന്നു.

ഗാലക്സി S25 ഫോണിന് 146.9×70.5×7.2 മില്ലിമീറ്റർ വലിപ്പവും 162g ഭാരവുമാണുള്ളത്. അതേസമയം ഗാലക്സി S25+ ഫോണിന് 158.4×75.8×7.3 മില്ലി മീറ്റർ വലിപ്പവും 190g ഭാരവുമുണ്ട്.