മറ്റു സോഷ്യൽ മീഡിയകൾക്കൊരു വെല്ലുവിളിയാകും; പുതിയ നിരവധി ഫീച്ചറുകൾ അവതരിപ്പിച്ച് എക്സ്

മുൻപ് ട്വിറ്റർ എന്നറിയപ്പെട്ടിരുന്ന, ഇലോൺ മസ്കിൻ്റെ ഉടമസ്ഥതയിലുള്ള സോഷ്യൽ മീഡിയ പ്ലാറ്റ്ഫോമായ എക്സ് തങ്ങളുടെ പഴയ ഡയറക്റ്റ് മെസേജുകളുടെ (DMs) പുതിയ പതിപ്പായ ചാറ്റ് അവതരിപ്പിച്ചു. പുതിയ ഫീച്ചർ സാധാരണ ഡയറക്റ്റ് മെസേജുകളെയും എൻഡ്-ടു-എൻഡ് എൻക്രിപ്റ്റ് ചെയ്ത സന്ദേശങ്ങളെയും ഒരിടത്തേക്ക് കൊണ്ടുവരുന്നതിനാൽ ഇത് വൺ-ഓൺ-വൺ ചാറ്റുകൾക്കും ഗ്രൂപ്പ് ചാറ്റുകൾക്കും അനുയോജ്യമാണ്. ഉപയോക്താക്കൾക്ക് ഫയലുകൾ പങ്കിടാനും വോയ്‌സ്, വീഡിയോ കോളുകൾ ചെയ്യാനും വോയ്‌സ് നോട്ടുകൾ അയയ്ക്കാനും കഴിയും. ഭാവിയിലെ അപ്‌ഡേറ്റിലാണ് വോയ്‌സ് മെമ്മോ ഫീച്ചർ തിരിച്ചെത്തുക. ചാറ്റ് ഫീച്ചർ മെസേജുകളിൽ കൂടുതൽ നിയന്ത്രണം നൽകുന്നു. സന്ദേശങ്ങൾ അയച്ചതിനുശേഷം നിങ്ങൾക്ക് അവ എഡിറ്റ് ചെയ്യാനും ഡിലീറ്റ് ചെയ്യാനും കഴിയും. സന്ദേശങ്ങൾ ഓട്ടോമാറ്റിക്കായി അപ്രത്യക്ഷമാകുന്ന തരത്തിലും സെറ്റ് ചെയ്യാം. ആരെങ്കിലും സ്‌ക്രീൻഷോട്ട് എടുത്താൽ നമുക്ക് അലേർട്ടുകൾ ലഭിക്കും. സ്‌ക്രീൻഷോട്ടുകൾ പൂർണ്ണമായും ബ്ലോക്ക് ചെയ്യാനുള്ള ഓപ്ഷനുമുണ്ട്. ചാറ്റിലെ സന്ദേശങ്ങളിൽ പരസ്യങ്ങളോ ട്രാക്കിംഗോ ഉണ്ടാകില്ലെന്നും ഇത് സംഭാഷണങ്ങൾ കൂടുതൽ സ്വകാര്യവും സുരക്ഷിതവും ആക്കുമെന്നും എക്‌സ് പറയുന്നു.

ചാറ്റ് എങ്ങിനെ പ്രവർത്തിക്കുന്നു?

ആരെങ്കിലും ആദ്യമായി ചാറ്റ് തുറക്കുമ്പോൾ, എക്സ് അവരുടെ അക്കൗണ്ടിനായി ഒരു പബ്ലിക്ക്, പ്രൈവറ്റ് കീ സൃഷ്ടിക്കുന്നു. ഉപയോക്താവിന്റെ ഡിവൈസിൽ മാത്രം സേവ് ചെയ്തിരിക്കുന്ന ഒരു പിൻ ഉപയോഗിച്ചാണ് പ്രൈവറ്റ് കീ സംരക്ഷിക്കുക. മറ്റൊരു ഫോണിലോ ലാപ്ടോപിലോ അവർ സൈൻ ഇൻ ചെയ്യുകയാണെങ്കിൽ, ഇതേ പിൻ ഉപയോഗിച്ച് അവർക്ക് പ്രൈവറ്റ് കീ വീണ്ടെടുക്കാൻ കഴിയും. ഓരോ ചാറ്റിനും അതിന്റേതായ എൻക്രിപ്ഷൻ കീ ഉപയോഗിക്കുന്നു, കൂടാതെ പബ്ലിക്ക്-പ്രൈവറ്റ് കീകൾ സംഭാഷണം നടത്തുന്ന ആളുകൾക്കിടയിൽ ചാറ്റ് കീകൾ സുരക്ഷിതമായി പങ്കിടാൻ സഹായിക്കുന്നു.

ഉപയോക്താക്കൾക്ക് ഒന്നിലധികം ഉപകരണങ്ങളിൽ അവരുടെ എൻക്രിപ്റ്റ് ചെയ്ത സന്ദേശങ്ങൾ വായിക്കാൻ കഴിയും. അവർ ലോഗ് ഔട്ട് ചെയ്‌താൽ, ആ ഉപകരണത്തിലെ എല്ലാ എൻക്രിപ്റ്റ് ചെയ്ത സന്ദേശങ്ങളും കീകളും മായ്‌ക്കപ്പെടും. പക്ഷേ പിൻ ഉപയോഗിച്ച് മറ്റൊരു ഉപകരണത്തിൽ പ്രൈവറ്റ് കീ പുനഃസ്ഥാപിക്കാൻ അവർക്ക് കഴിയും.

സന്ദേശം, പ്രതികരണം, ലിങ്ക്, ഫയൽ എന്നിവ അയയ്ക്കുന്നതിന് മുമ്പ് അയച്ചയാളുടെ ഉപകരണത്തിൽ എൻക്രിപ്റ്റ് ചെയ്യും. ഡാറ്റ എക്സിന്റെ സെർവറുകളിൽ എൻക്രിപ്റ്റ് ചെയ്യും, സ്വീകർത്താവ് അത് തുറക്കുമ്പോൾ മാത്രമേ ഡീക്രിപ്റ്റ് ചെയ്യൂ. 2025 അവസാനത്തോടെ എൻക്രിപ്ഷൻ സിസ്റ്റത്തെക്കുറിച്ചുള്ള ഒരു ടെക്നിക്കൽ വൈറ്റ്പേപ്പർ എക്സ് പ്രസിദ്ധീകരിക്കാൻ സാധ്യതയുണ്ട്.

എൻക്രിപ്റ്റ് ചെയ്ത ഡയറക്റ്റ് മെസേജുകൾക്കുള്ള യോഗ്യത:

എൻക്രിപ്റ്റ് ചെയ്ത DM-കൾ ഉപയോഗിക്കുന്നതിന്, ഉപയോക്താക്കൾ iOS, ആൻഡ്രോയ്സ്, അല്ലെങ്കിൽ വെബ് എന്നിവയിലൊന്നിൽ എക്സ് ആപ്പിന്റെ ഏറ്റവും പുതിയ എഡിഷനിൽ ആയിരിക്കണം. അവർ പരസ്പരം ഫോളോ ചെയ്യുകയോ, പരസ്പരം സബ്‌സ്‌ക്രൈബ് ചെയ്യുകയോ, മുമ്പ് ചാറ്റ് ചെയ്യുകയോ, അല്ലെങ്കിൽ മുമ്പ് ഒരു എൻക്രിപ്റ്റ് ചെയ്ത DM സ്വീകരിക്കുകയോ ചെയ്യേണ്ടതുണ്ട്. ആരിൽ നിന്നും എൻക്രിപ്റ്റ് ചെയ്ത DM-കൾ സ്വീകരിക്കാം എന്ന ഓപ്ഷൻ തിരഞ്ഞെടുത്തവർക്കും, മറ്റ് വെരിഫൈഡ് യൂസേഴ്സിൽ നിന്ന് DM-കൾ സ്വീകരിക്കാൻ കഴിയുന്ന വെരിഫൈഡ് യൂസേഴ്സിനും സന്ദേശത്തിനുള്ള അഭ്യർത്ഥനകൾ ​​ഉപയോക്താക്കൾക്ക് അയയ്ക്കാൻ കഴിയും.

സുരക്ഷയും പരിമിതികളും:

എല്ലാ ഗ്രൂപ്പ് സന്ദേശങ്ങളും മീഡിയയും എൻക്രിപ്റ്റ് ചെയ്തിരിക്കുന്നു. എന്നാൽ ‘സന്ദേശം ആർക്കാണ് ലഭിച്ചത്, എപ്പോൾ' എന്നിങ്ങനെയുള്ള ചില മെറ്റാഡാറ്റ എൻക്രിപ്റ്റ് ചെയ്തിട്ടില്ല. ഫോർവേഡ് മെസേജുകൾക്ക് രഹസ്യസ്വഭാവം ഉണ്ടാകില്ല. അതായത് ഒരു ഡിവൈസ് കീ അപഹരിക്കപ്പെട്ടാൽ, പഴയ സന്ദേശങ്ങൾ വെളിപ്പെടുത്തിയേക്കാം. സിസ്റ്റം നിലവിൽ മാൻ-ഇൻ-ദി-മിഡിൽ അറ്റാക്കുകളെ തടയുന്നില്ല, പക്ഷേ ഭാവിയിലെ അപ്‌ഡേറ്റുകളിൽ സിഗ്നേച്ചർ ചെക്കുകളും സെക്യൂരിറ്റി നമ്പറുകളും ചേർക്കാൻ എക്സ് പദ്ധതിയിടുന്നു. എൻക്രിപ്റ്റ് ചെയ്ത സന്ദേശങ്ങൾ നേരിട്ട് റിപ്പോർട്ട് ചെയ്യാൻ കഴിയില്ല, അതിനാൽ ഉപയോക്താക്കൾ അക്കൗണ്ടിലൂടെ പ്രശ്നങ്ങൾ റിപ്പോർട്ട് ചെയ്യണം.

മെസേജ് മാനേജ്മെന്റ്:

ഉപയോക്താക്കൾക്ക് സന്ദേശങ്ങൾ ഡിലീറ്റ് ചെയ്യാനും അൺസെൻഡ് ചെയ്യാനും കഴിയും. ഇത് മെസേജ് സ്വീകരിച്ച എല്ലാവരുടെയും ഇൻബോക്സുകളിൽ നിന്ന് അവയെ നീക്കം ചെയ്യുകയും ഉപകരണങ്ങളിൽ സിങ്ക് ചെയ്യുകയും ചെയ്യുന്നു. തിരഞ്ഞെടുത്ത കാലയളവിനുശേഷം സന്ദേശങ്ങൾ ഓട്ടോമാറ്റിക്കായി അപ്രത്യക്ഷമാകുന്ന തരത്തിൽ സജ്ജീകരിക്കാനും കഴിയും. AI ടൂൾ ഉപയോഗിച്ച് സന്ദേശങ്ങളോ ചിത്രങ്ങളോ വിശകലനം ചെയ്യാൻ ഉപയോക്താക്കളെ അനുവദിക്കുന്ന ഗ്രോക്ക് ഇൻ്റഗ്രേഷനും ഉണ്ട്. എന്നിരുന്നാലും, ഗ്രോക്കിലേക്ക് അയയ്ക്കുന്ന എന്തും എൻക്രിപ്റ്റ് ചെയ്യപ്പെടാതെ പോകുന്നു, യഥാർത്ഥ ചാറ്റ് എൻക്രിപ്റ്റ് ചെയ്തതായി തന്നെ തുടരുന്നു.

ലഭ്യത:

iOS-ലും വെബിലും ചാറ്റ് ലഭ്യമാണ്. ആൻഡ്രോയ്ഡിൽ ഇത് ഉടനെ കൂട്ടിച്ചേർക്കും.