Vivo V50

ഫുൾ HD+ റെസല്യൂഷനുള്ള (1,080 x 2,392 പിക്സലുകൾ) 6.77 ഇഞ്ച് അമോലെഡ് ഡിസ്‌പ്ലേയുമായാണ് വിവോ V50 വരുന്നത്. സ്‌ക്രീൻ ക്വാഡ്-കർവ്ഡ് ആണ്, 120Hz റീഫ്രഷ് റേറ്റും കൂടാതെ 4,500 നിറ്റ്‌സിൻ്റെ പീക്ക് ബ്രൈറ്റ്നസ് ലെവലും ഇതിലുണ്ട്. ഫോണിന് 387ppi പിക്സൽ ഡെൻസിറ്റിയുമുണ്ട്. ക്വാൽകോമിൻ്റെ സ്നാപ്ഡ്രാഗൺ 7 ജെൻ 3 പ്രൊസസറിൽ പ്രവർത്തിക്കുന്ന ഫോൺ 12GB വരെ LPDDR4X റാമും 512GB വരെ UFS 2.2 സ്റ്റോറേജും നൽകുന്നു. ഈ ഫോണിൻ്റെ ഓപ്പറേറ്റിംഗ് സിസ്റ്റമായി ആൻഡ്രോയിഡ് 15 അടിസ്ഥാനമാക്കിയുള്ള FuntouchOS 15 ഉപയോഗിക്കുന്നു. 6,000mAh ബാറ്ററിയുമായി വരുന്ന ഈ ഫോൺ 90W വയർഡ് ഫാസ്റ്റ് ചാർജിംഗിനെ പിന്തുണയ്ക്കുന്നു.

വിവോ V50 ഇതിൻ്റെ മുൻഗാമിയായ ഫോണിൻ്റെ അതേ മോഡലിൽ തന്നെയാണ്. എന്നാൽ പുതിയ ഫോണിന് കൂടുതൽ റൗണ്ട് ഷേപ്പിലുള്ള ഡിസൈനുണ്ട്. ഒരു വലിയ മാറ്റം അതിൻ്റെ ഡിസ്പ്ലേയിലാണ്. വിവോ V40 ഫോണിനെ പോലെ ഇടതും വലതും വശങ്ങളിലായി മാത്രമുള്ള കർവ്ഡ് ഡിസൈനിനു പകരം, ഇപ്പോൾ ഇതിന് നാല് വശങ്ങളിലും ചെറുതായി കർവുണ്ട്. IP68, IP69 റേറ്റിംഗുള്ള ഫോൺ പൊടി, ജലം എന്നിവയിൽ നിന്നുള്ള സംരക്ഷണത്തിൻ്റെ കാര്യത്തിൽ മുന്നിൽ തന്നെയാണ്. റോസ് റെഡ്, സ്റ്റാറി ബ്ലൂ, ടൈറ്റാനിയം ഗ്രേ എന്നിങ്ങനെ മൂന്ന് നിറങ്ങളിൽ ഇത് ലഭ്യമാകും.

വിവോയുടെ മൂന്ന് ഡിവൈസുകളാണ് ഒരു സർട്ടിഫിക്കേഷൻ പ്ലാറ്റ്‌ഫോമിൽ പ്രത്യക്ഷപ്പെട്ടത്. ഇത് അവയുടെ റിലീസ് ഉടൻ ഉണ്ടാകുമെന്നാണ് സൂചിപ്പിക്കുന്നത്. ഇതിലെ രണ്ടു ഫോണുകൾ വിവോ V50 സീരീസിൻ്റെ ഭാഗമായിരിക്കും. ഈ വർഷം സെപ്തംബർ 25നു ലോഞ്ച് ചെയ്ത വിവോ V40 സീരീസിൻ്റെ പിൻഗാമികളായാണ് പുതിയ സീരീസ് ഫോണുകൾ എത്തുന്നത്. കൂടാതെ, വിവോ Y29 4G എന്ന ഫോണും ഇതേ സർട്ടിഫിക്കേഷൻ പ്ലാറ്റ്‌ഫോമിൽ കണ്ടെത്തിയിട്ടുണ്ട്