വിവോയുടെ മൂന്നു പുതിയ കില്ലാഡികൾ കളിക്കളത്തിലേക്ക്

വരുന്ന ആഴ്ചകളിൽ ആഗോളതലത്തിൽ നിരവധി പുതിയ സ്മാർട്ട്ഫോണുകൾ അവതരിപ്പിക്കാൻ പ്രമുഖ ബ്രാൻഡായ വിവോ തയ്യാറെടുക്കുന്നു. സമീപകാല റിപ്പോർട്ട് അനുസരിച്ച്, വിവോയുടെ മൂന്ന് ഡിവൈസുകളാണ് ഒരു സർട്ടിഫിക്കേഷൻ പ്ലാറ്റ്‌ഫോമിൽ പ്രത്യക്ഷപ്പെട്ടത്. ഇത് അവയുടെ റിലീസ് ഉടൻ ഉണ്ടാകുമെന്നാണ് സൂചിപ്പിക്കുന്നത്. ഇതിലെ രണ്ടു ഫോണുകൾ വിവോ V50 സീരീസിൻ്റെ ഭാഗമായിരിക്കും. ഈ വർഷം സെപ്തംബർ 25നു ലോഞ്ച് ചെയ്ത വിവോ V40 സീരീസിൻ്റെ പിൻഗാമികളായാണ് പുതിയ സീരീസ് ഫോണുകൾ എത്തുന്നത്. കൂടാതെ, വിവോ Y29 4G എന്ന ഫോണും ഇതേ സർട്ടിഫിക്കേഷൻ പ്ലാറ്റ്‌ഫോമിൽ കണ്ടെത്തിയിട്ടുണ്ട്. V50 സീരീസിനൊപ്പം വൈ-സീരീസ് പോർട്ട്‌ഫോളിയോ വിപുലീകരിക്കാനുള്ള വിവോയുടെ പദ്ധതികളെക്കുറിച്ച് ഇത് സൂചന നൽകുന്നു. വരാനിരിക്കുന്ന ഈ സ്മാർട്ട്‌ഫോണുകളുടെ വിശദമായ സവിശേഷതകൾ ഇതുവരെ വെളിപ്പെടുത്തിയിട്ടില്ലെങ്കിലും, മിഡ് റേഞ്ച്, പ്രീമിയം ഡിവൈസുകൾ വിപണിയിൽ എത്തിക്കാൻ വിവോ തയ്യാറെടുക്കുകയാണെന്ന് ഈ സർട്ടിഫിക്കേഷനുകൾ സൂചിപ്പിക്കുന്നു.

വിവോ V50 സീരീസ് ലോഞ്ചിംഗിനു തയ്യാറെടുക്കുന്നു:

മൈസ്മാർട്ട്പ്രൈസിൻ്റെ റിപ്പോർട്ട് അനുസരിച്ച് വിവോ V50, വിവോ V50e എന്നീ ഫോണുകൾ അടുത്തിടെ EEC (യൂറേഷ്യൻ ഇക്കണോമിക് കമ്മീഷൻ) ഡാറ്റാബേസിലാണു പ്രത്യക്ഷപ്പെട്ടത്. ഈ ഡിവൈസുകൾ യഥാക്രമം V2427, V2428 എന്നീ മോഡൽ നമ്പറുകൾക്കൊപ്പം പട്ടികപ്പെടുത്തിയിട്ടുണ്ട്. കൂടാതെ, മറ്റൊരു വിവോ Y29 4G എന്ന സ്മാർട്ട്ഫോൺ V2434 എന്ന മോഡൽ നമ്പറിലും പട്ടികപ്പെടുത്തിയിട്ടുണ്ട്.

വിവോ V50, വിവോ V50e എന്നീ ഫോണുകൾ IMEI (ഇൻ്റർനാഷണൽ മൊബൈൽ എക്യുപ്‌മെൻ്റ് ഐഡൻ്റിറ്റി) ഡാറ്റാബേസിൽ പ്രത്യക്ഷപ്പെട്ടതായി ടിപ്‌സ്റ്റർ യോഗേഷ് ബ്രാർ റിപ്പോർട്ടു ചെയ്തു കുറച്ച് ദിവസങ്ങൾക്ക് ശേഷമാണ് ഈ വാർത്ത വരുന്നത്. എന്നിരുന്നാലും, ഈ ലിസ്റ്റിംഗുകൾ മൂന്നു സ്മാർട്ട്‌ഫോണുകളുടെയും സവിശേഷതകളെക്കുറിച്ചുള്ള വിശദാംശങ്ങളൊന്നും നൽകിയിട്ടില്ല.

വിവോ V50, വിവോ V50e എന്നീ ഫോണുകൾ അവരുടെ മുൻഗാമികളായ വിവോ V40, വിവോ V40e എന്നിവയെക്കാൾ മികച്ച ഫീച്ചറുകൾ അവതരിപ്പിക്കുമെന്നാണ് റിപ്പോർട്ടുകൾ സൂചിപ്പിക്കുന്നത്.

വിവോ V40 സീരീസിൻ്റെ സവിശേഷതകൾ:

120Hz റീഫ്രഷ് റേറ്റും 4500nits പീക്ക് ബ്രൈറ്റ്നെസ് ലെവലും 1,260 x 2,800 പിക്സൽ റെസല്യൂഷനുള്ള 6.78 ഇഞ്ച് ഫുൾ എച്ച്‌ഡി + അമോലെഡ് ഡിസ്‌പ്ലേയാണ് വിവോ V40 അവതരിപ്പിക്കുന്നത്. ഇത് സുഗമമായ വിഷ്വലുകൾക്കായി 4nm ക്വാൽകോം സ്നാപ്ഡ്രാഗൺ 7 ജെൻ 3 ചിപ്‌സെറ്റാണ് ഫോണിന് കരുത്ത് പകരുന്നത്. ഇത് 12 ജിബി വരെ റാമും 512 ജിബി വരെ ഇൻ്റേണൽ സ്റ്റോറേജും വാഗ്ദാനം ചെയ്യുന്നു.

ഫോട്ടോഗ്രാഫിക്കായി, സീസുമായി സഹകരിച്ച് വികസിപ്പിച്ച ഡ്യുവൽ റിയർ ക്യാമറ സജ്ജീകരണമാണ് വിവോ V40 സ്മാർട്ട്ഫോണിലുള്ളത്. ഒപ്റ്റിക്കൽ ഇമേജ് സ്റ്റെബിലൈസേഷനും (OIS) ഓട്ടോഫോക്കസും (AF) ഉള്ള 50 മെഗാപിക്സൽ പ്രധാന ക്യാമറയും 50 മെഗാപിക്സൽ വൈഡ് ആംഗിൾ ക്യാമറയും ഇതിൽ ഉൾപ്പെടുന്നു. 5,500mAh ബാറ്ററിയാണ് ഈ ഫോണിലുള്ളത്.

മറുവശത്ത്, വിവോ V40e അല്പം കൂടി ചെറിയ 6.77ഇഞ്ച് ഫുൾ HD+ 3D കർവ്ഡ് AMOLED ഡിസ്‌പ്ലേയുമായാണ് വരുന്നത്. ഇതിൽ 1,080 x 2,392 പിക്സൽ റെസലൂഷൻ, 120Hz റീഫ്രഷ് റേറ്റ്, കൂടാതെ മികച്ച ദൃശ്യങ്ങൾക്കായി HDR10+ പിന്തുണ എന്നിവയുണ്ട്. കണ്ണുകൾക്ക് ബുദ്ധിമുട്ടുണ്ടാക്കാത്ത രീതിയിൽ ലോ ബ്ലൂ ലൈറ്റാണ് സ്ക്രീനിലുള്ളതെന്ന് SGS സാക്ഷ്യപ്പെടുത്തുന്നു. 4nm മീഡിയാടെക് ഡൈമൻസിറ്റി 7300 ചിപ്‌സെറ്റാണ് ഫോണിന് കരുത്ത് പകരുന്നത്. ഇത് 8GB LPDDR4X റാമുമായി ജോടിയാക്കുകയും 256GB വരെ UFS 2.2 സ്റ്റോറേജ് വാഗ്ദാനം ചെയ്യുകയും ചെയ്യുന്നു.

ക്യാമറകളുടെ കാര്യത്തിൽ, വിവോ V40e ഫോണിൽ ഒപ്റ്റിക്കൽ ഇമേജ് സ്റ്റെബിലൈസേഷനുള്ള 50 മെഗാപിക്സൽ സോണി IMX882 പ്രൈമറി സെൻസറും 8 മെഗാപിക്സൽ അൾട്രാ-വൈഡ് ലെൻസും ഉൾപ്പെടുന്ന ഡ്യുവൽ റിയർ ക്യാമറ സെറ്റപ്പാണുള്ളത്. ഫോട്ടോകളിൽ മികച്ച പ്രകാശം ലഭിക്കുന്നതിനു വേണ്ടി ഓറ ലൈറ്റ് യൂണിറ്റും ഇതിലുണ്ട്. V40 പോലെ തന്നെ 5,500mAh ബാറ്ററിയുള്ള ഈ ഫോൺ 80W വയർഡ് ഫാസ്റ്റ് ചാർജിംഗിനെ പിന്തുണയ്ക്കുന്നു