Oneplus 13r

വൺപ്ലസ് 13 സീരീസ് ഇന്ത്യയിലും ആഗോള വിപണികളിലും 2025 ജനുവരി ഏഴാം തീയ്യതി ഇന്ത്യൻ സമയം 9 PM-ന് ലോഞ്ച് ചെയ്യുമെന്നു പ്രതീക്ഷിക്കുന്നു. കമ്പനിയുടെ വിൻ്റർ ലോഞ്ച് ഇവൻ്റിനിടെയാണ് ലോഞ്ച് ഇവൻ്റ് നടക്കുക. ടിപ്സ്റ്റർ അഭിഷേക് യാദവ് (@yabhishekhd) സാമൂഹ്യമാധ്യമമായ എക്സിലെ ഒരു പോസ്റ്റിൽ (മുമ്പ് ട്വിറ്റർ) പങ്കിട്ട ബാനറിൽ നിന്നാണ് ഈ വിവരങ്ങൾ പുറത്തു വന്നത്. മുൻനിര വൺപ്ലസ് 13 ഫോണിനു പുറമേ, വൺപ്ലസ് 13R എന്ന മറ്റൊരു മോഡലും സീരീസിൽ അവതരിപ്പിക്കുമെന്ന് പ്രതീക്ഷിക്കുന്നു.

മൈസ്മാർട്ട്പ്രൈസ് റിപ്പോർട്ട് ചെയ്യുന്നതു പ്രകാരം, "OnePlus CPH2645" എന്ന മോഡൽ നമ്പറുള്ള ഒരു സ്മാർട്ട്‌ഫോൺ ഗീക്ബെഞ്ചിൽ കണ്ടെത്തിയിട്ടുണ്ട്. കമ്പനി ഇതുവരെ ഔദ്യോഗികമായി ഇക്കാര്യം പ്രഖ്യാപിച്ചിട്ടില്ലെങ്കിലും ഈ ഡിവൈസ് പുറത്തു വരാനിരിക്കുന്ന വൺപ്ലസ് 13R ആണെന്ന് വിശ്വസിക്കപ്പെടുന്നു. ഏതാനും വർഷങ്ങളായി വൺപ്ലസ് ഒരേസമയം രണ്ട് സ്മാർട്ട്‌ഫോണുകൾ പുറത്തിറക്കുന്ന ഒരു രീതി പിന്തുടർന്നു വരുന്നുണ്ട്. ഒരു ഫ്ലാഗ്ഷിപ്പ് മോഡലും അതിനെ അപേക്ഷിച്ചു കുറഞ്ഞ നൂതന സവിശേഷതകളുള്ള, താങ്ങാനാവുന്ന വിലയുള്ള മറ്റൊരു മോഡലുമാണ് വൺപ്ലസ് പുറത്തിറക്കാറുള്ളത്

ഈ ഡിസംബറിൽ ചൈനയിൽ വൺപ്ലസ് ഏയ്സ് 5 ലോഞ്ച് ചെയ്യാൻ കമ്പനി പദ്ധതിയിടുന്നതായി ഡിജിറ്റൽ ചാറ്റ് സ്റ്റേഷൻ (ചൈനീസിൽ നിന്ന് വിവർത്തനം ചെയ്തത്) എന്ന പേരിലുള്ള വ്യക്തി അടുത്തിടെ ഇട്ട / വീബോ പോസ്റ്റ് വെളിപ്പെടുത്തുന്നു. അതേ മൊബെൽ വൺപ്ലസ് 13R എന്ന പേരിൽ ഇന്ത്യ ഉൾപ്പെടെയുള്ള ആഗോള വിപണികളിൽ ജനുവരിയോടെ പുറത്തിറങ്ങുമെന്നും അവർ സൂചിപ്പിക്കുന്നു. മുമ്പ്, ജനുവരിയിൽ വൺപ്ലസ് ചൈനയിൽ വൺപ്ലസ് ഏയ്സ് 3 എന്ന മോഡൽ അവതരിപ്പിച്ചു. ഇതേ മോഡൽ പിന്നീട് വൺപ്ലസ് 12R എന്ന പേരിൽ ആഗോള വിപണിയിലും പുറത്തിറങ്ങി