Airtel

ഭാരതി എയർടെൽ തങ്ങളുടെ പോസ്റ്റ്‌പെയ്ഡ് പ്ലാനുകളിൽ സുപ്രധാന മാറ്റങ്ങൾ വരുത്തിയിട്ടുണ്ട്. കമ്പനിയുടെ വെബ്‌സൈറ്റിലും എയർടെൽ താങ്ക്സ് ആപ്പിലും ലഭ്യമായിരുന്ന 549 രൂപയുടെ ഇൻഡിവിജ്വൽ പോസ്റ്റ്‌പെയ്ഡ് പ്ലാൻ എയർടെൽ ഇപ്പോൾ പിൻവലിച്ചു. ഇതോടെ ഉപയോക്താക്കൾക്ക് 449 രൂപയുടെ അടിസ്ഥാന പ്ലാനിലേക്കോ അല്ലെങ്കിൽ 699 രൂപയുടെ ഫാമിലി പ്ലാനിലേക്കോ മാറേണ്ടി വരും.

എയർടെൽ അൺലിമിറ്റഡ് 5ജി ഡാറ്റ ഹോട്ട്‌സ്‌പോട്ട് വഴി ഉപയോഗിക്കുന്നതിനെക്കുറിച്ചുള്ള അഭ്യൂഹങ്ങൾക്കിടയിലും, അത്തരമൊരു നിയന്ത്രണം ഔദ്യോഗികമായി കമ്പനി ഏർപ്പെടുത്തിയിട്ടില്ലെന്ന് റിപ്പോർട്ടുകൾ സൂചിപ്പിക്കുന്നു. കൂടാതെ, തങ്ങളുടെ ഇന്ത്യയിലെ എൻട്രി ലെവൽ പോസ്റ്റ്‌പെയ്ഡ് പ്ലാനുകളിൽ എയർടെൽ മാറ്റം വരുത്തുകയും 549 രൂപയുടെ പ്ലാൻ വെബ്‌സൈറ്റിൽ നിന്ന് ഒഴിവാക്കുകയും ചെയ്തിട്ടുണ്ട്.

നിങ്ങളുടെ പ്രദേശത്ത് 5G ലഭ്യമാണോ എന്ന് Jio, Airtel, Vi ഔദ്യോഗിക വെബ്സൈറ്റുകൾ വഴി എളുപ്പത്തിൽ പരിശോധിക്കാം. നെറ്റ്‌വർക്ക് തടസ്സങ്ങൾ ഒഴിവാക്കാനും മികച്ച പ്ലാനുകൾ തിരഞ്ഞെടുക്കാനും ഇത് നിങ്ങളെ സഹായിക്കും.

കച്ചേരികൾ, വിമാനത്താവളങ്ങൾ, സ്റ്റേഡിയങ്ങൾ തുടങ്ങിയ തിരക്കേറിയ സ്ഥലങ്ങളിൽപ്പോലും തടസ്സമില്ലാത്ത ഇന്റർനെറ്റ് വേഗതയും മികച്ച കണക്റ്റിവിറ്റിയും ഉറപ്പാക്കുകയാണ് ഈ സേവനത്തിന്റെ പ്രധാന ലക്ഷ്യം. സോഫ്റ്റ്‌വെയർ ഡിഫൈൻഡ് നെറ്റ്‌വർക്കിംഗ് വഴി നെറ്റ്‌വർക്കിനുള്ളിൽ വെർച്വൽ പാതകൾ ഒരുക്കുന്നതിലൂടെ, ട്രാഫിക് തിരക്കുള്ള സമയത്തും ഉപയോക്താക്കൾക്ക് തടസ്സമില്ലാത്ത സേവനം ലഭിക്കുന്നു. നെറ്റ്‌വർക്ക് ശേഷി കൃത്യമായി വിഭജിച്ചുകൊണ്ട് ഓരോ ഉപയോക്താവിനും ആവശ്യമായ മുൻഗണന നൽകാൻ ഈ സാങ്കേതികവിദ്യ ഓപ്പറേറ്റർമാരെ പ്രാപ്തരാക്കുന്നു.

എയർടെല്ലിന്റെ പുതിയ പോസ്റ്റ്‌പെയ്ഡ് പ്രയോറിറ്റി നെറ്റ്‌വർക്ക് സേവനം പരിശോധനയിൽ. 5ജി നെറ്റ്‌വർക്ക് സ്ലൈസിംഗ് വഴി തിരക്കേറിയ സമയങ്ങളിലും വേഗത്തിലുള്ള ഇന്റർനെറ്റ് ഉറപ്പാക്കുന്ന ഈ സേവനം നെറ്റ് ന്യൂട്രാലിറ്റി നയങ്ങൾക്ക് വിരുദ്ധമാണോ എന്ന് കേന്ദ്ര സർക്കാരും ടെലികോം റെഗുലേറ്ററി അതോറിറ്റി ഓഫ് ഇന്ത്യയും പരിശോധിച്ചുവരികയാണ്.

ഒടിടി (OTT) സബ്‌സ്‌ക്രിപ്‌ഷനുകൾ, പ്രതിദിന ഡാറ്റ, അൺലിമിറ്റഡ് കോളുകൾ, ദീർഘകാല വാലിഡിറ്റി എന്നിവ ഉൾപ്പെടുത്തി 1,000 രൂപയിൽ താഴെയുള്ള നിരവധി പ്രീപ്പെയ്ഡ് പ്ലാനുകൾ എയർടെല്ലും ജിയോയും അവതരിപ്പിക്കുന്നുണ്ട്. കൂടുതൽ ഡാറ്റയ്ക്കും എയർടെൽ എക്‌സ്ട്രീം പ്ലേ, സോണിലിവ്, ആപ്പിൾ മ്യൂസിക് തുടങ്ങിയ വിനോദ സേവനങ്ങൾക്കും എയർടെൽ മുൻഗണന നൽകുന്നു. അതേസമയം ജിയോ ഹോട്ട്സ്റ്റാർ, ഗൂഗിൾ ജെമിനി പ്രോ, എഐ ക്ലൗഡ്, വിപുലമായ ഒടിടി പാക്കേജുകൾ എന്നിവയിലാണ് ജിയോയുടെ ശ്രദ്ധ. നിലവിൽ ദീർഘകാല കാലാവധി ആഗ്രഹിക്കുന്നവർക്ക് എയർടെല്ലിന്റെ 979 രൂപയുടെ പ്ലാനും ജിയോയുടെ 949 രൂപയുടെ പ്ലാനുമാണ് ഏറ്റവും മികച്ച ഓപ്ഷനുകൾ.

199 രൂപയുടെ പുതിയ ബേസ് പ്ലാൻ എയർടെൽ പ്രീപെയ്ഡ് ഉപയോക്താക്കൾക്ക് 28 ദിവസത്തേക്ക് അൺലിമിറ്റഡ് വോയ്സ് കോളുകൾ, പ്രതിദിനം 100 SMS, 2 ജിബി മൊബൈൽ ഡാറ്റ എന്നിവ നൽകുന്നു. 2 ജിബി ഡാറ്റ പരിധി കഴിഞ്ഞാൽ, ഉപഭോക്താക്കളിൽ നിന്ന് എംബിക്ക് 50 പൈസ വീതം ഈടാക്കും. ഫ്രീ ഹലോ ട്യൂൺസ്, പെർപ്ലെക്സിറ്റി പ്രോ Al ടൂളിലേക്കുള്ള 12 മാസത്തെ സബ്സ്ക്രിപ്ഷൻ തുടങ്ങിയ ചില അധിക ആനുകൂല്യങ്ങളും പ്ലാനിൽ ഉൾപ്പെടുന്നു. ഈ സവിശേഷതകൾ ചില ഉപയോക്താക്കളെ ആകർഷിക്കാൻ സാധ്യതയുണ്ടെങ്കിലും വോയ്സ് കോളുകൾക്കു വേണ്ടി മാത്രമുള്ള പ്ലാൻ ആവശ്യമുള്ള ആളുകൾക്ക് ഇവ ഉപയോഗപ്രദമല്ല. 189 രൂപയുടെ പ്ലാൻ നീക്കം ചെയ്യുന്നതിനെക്കുറിച്ച് ഔദ്യോഗികമായി ഒരു പ്രസ്താവനയും എയർടെൽ പുറത്തിറക്കിയിട്ടില്ല.

എയർടെൽ തങ്ങളുടെ ഉപഭോക്താക്കളിൽ ഒരാൾക്ക് X-ൽ (മുമ്പ് ട്വിറ്റർ) നൽകിയ മറുപടിയിലൂടെ നെറ്റ്‌വർക്ക് പ്രതിസന്ധിക്ക് ക്ഷമാപണം നടത്തി. "താൽക്കാലികമായുള്ള കണക്റ്റിവിറ്റി തടസ്സം" ആയിരുന്നു പ്രശ്നമെന്നു പറഞ്ഞ കമ്പനി ഒരു മണിക്കൂറിനുള്ളിൽ ഇത് പരിഹരിക്കുമെന്ന് വാഗ്ദാനം ചെയ്തിരുന്നു. സേവനങ്ങൾ വീണ്ടും ലഭിക്കുന്നതിന് ഫോണുകൾ റീസ്റ്റാർട്ട് ചെയ്യാനും എയർടെൽ ഉപയോക്താക്കളോട് നിർദ്ദേശിച്ചിരുന്നു. ഇതിനു ശേഷം ഞായറാഴ്ച ഉച്ചയ്ക്ക് 2 മണിയോടെ, ഡൗൺഡിറ്റക്ടറിൽ വന്നുകൊണ്ടിരുന്ന പരാതികളുടെ എണ്ണം കുറഞ്ഞു. ഇതിലൂടെ പല ഉപയോക്താക്കളുടെയും സേവനങ്ങൾ പതുക്കെ പുനഃസ്ഥാപിക്കപ്പെട്ടു എന്നു മനസിലാക്കാൻ കഴിഞ്ഞു. ഇന്ത്യയിലെ രണ്ടാമത്തെ വലിയ ടെലികോം കമ്പനിയായ എയർടെല്ലിൻ്റെ ഉപഭോക്താക്കൾ ഇത്തരമൊരു പ്രശ്‌നം നേരിടുന്നത് സമീപ ദിവസങ്ങളിൽ ഇത് രണ്ടാം തവണയാണ്.

249 രൂപയുടെ പ്രീപെയ്ഡ് റീചാർജ് പ്ലാൻ എയർടെൽ ഔദ്യോഗികമായി നിർത്തലാക്കി. കമ്പനി കൊണ്ടുവന്ന ഈ പുതിയ മാറ്റം എയർടെൽ താങ്ക്സ് ആപ്പിൽ ഇതിനകം തന്നെ കാണാൻ കഴിയുന്നുണ്ട്. പ്ലാനിൻ്റെ "വില പുതുക്കി" എന്ന വിവരം ആപ്പിൽ അടയാളപ്പെടുത്തിയിരിക്കുന്നു. ഈ പായ്ക്ക് മുമ്പ് 24 ദിവസത്തെ വാലിഡിറ്റിയാണ് നൽകിയിരുന്നത്. 249 രൂപയുടെ പ്ലാൻ റീചാർജ് ചെയ്യുന്ന ഉപയോക്താക്കൾക്ക് പ്രതിദിനം 1 ജിബി ഡാറ്റ, പ്രതിദിനം 100 എസ്എംഎസ്, പരിധിയില്ലാത്ത കോളുകൾ (ലോക്കൽ, എസ്ടിഡി, റോമിംഗ്) എന്നിവ ലഭിച്ചിരുന്നു. ഈ പ്രധാന ആനുകൂല്യങ്ങൾക്കൊപ്പം, കുറച്ച് അധിക സവിശേഷതകളും ഈ പായ്ക്കിൽ ഉൾപ്പെടുത്തുകയും ചെയ്തിരുന്നു. ഉദാഹരണത്തിന്, ഇൻകമിംഗ് കോളുകൾക്കും എസ്എംഎസുകൾക്കും തത്സമയ സ്പാം അലേർട്ടുകൾ കൃത്യമായി ഉപഭോക്താക്കൾക്ക് ലഭിച്ചിരുന്നു.

ഈ വർഷത്തിൻ്റെ തുടക്കത്തിൽ ഹോം വൈ-ഫൈ (എക്‌സ്ട്രീം ഫൈബർ) ഉപഭോക്താക്കൾക്കും പോസ്റ്റ്‌പെയ്ഡ് ഉപഭോക്താക്കൾക്കും മാത്രമേ ആപ്പിൾ മ്യൂസിക് ലഭ്യമാകൂ എന്ന് എയർടെൽ പ്രഖ്യാപിച്ചിരുന്നു. ഫെബ്രുവരിയിൽ ആപ്പിൾ ടിവി+ ലേക്ക് സൗജന്യ സബ്‌സ്‌ക്രിപ്‌ഷൻ ആരംഭിച്ചതിനൊപ്പമാണ് ഇതേക്കുറിച്ചുള്ള പ്രഖ്യാപനവും നടന്നത്. എയർടെൽ എക്‌സ്ട്രീം ഫൈബർ ഉപയോഗിക്കുന്ന ഉപഭോക്താക്കൾ, 999 രൂപയുടെയോ അതിനു മുകളിലുമുള്ള ബ്രോഡ്‌ബാൻഡ് പ്ലാനുകളോ റീചാർജ് ചെയ്താൽ ആപ്പിൾ ടിവി+ സൗജന്യമായി ലഭിക്കും. പോസ്റ്റ്‌പെയ്ഡ് മൊബൈൽ ഉപയോക്താക്കളുടെ കാര്യത്തിൽ, 999 രൂപയാ അല്ലെങ്കിൽ അതിൽ കൂടുതലോ വരുന്ന പ്രതിമാസ പ്ലാൻ റീചാർജ് ചെയ്യുന്ന ആർക്കും ആറ് മാസത്തേക്ക് ആപ്പിൾ ടിവി+, ആപ്പിൾ മ്യൂസിക്ക് എന്നിവ സൗജന്യമായി ആസ്വദിക്കാം.

എയർടെല്ലിൻ്റെ ഒരു മാസത്തെ വാലിഡിറ്റിയുള്ള പുതിയ 279 രൂപയുടെ പ്രീപെയ്ഡ് റീചാർജ് പ്ലാൻ രൂപകൽപ്പന ചെയ്തിരിക്കുന്നത് ഓൺലൈനിൽ കണ്ടൻ്റുകൾ കാണുന്നത് ആസ്വദിക്കുന്ന ഉപയോക്താക്കൾക്കാണ്. ഇതിൽ നെറ്റ്ഫ്ലിക്സ് ബേസിക്, Zee5, ജിയോ ഹോട്ട്സ്റ്റാർ, എയർടെൽ എക്സ്സ്ട്രീം പ്ലേ പ്രീമിയം തുടങ്ങിയ ജനപ്രിയ സ്ട്രീമിംഗ് പ്ലാറ്റ്‌ഫോമുകളിലേക്കുള്ള ആക്‌സസ് ഉൾപ്പെടുന്നു. എയർടെൽ പറയുന്നതനുസരിച്ച്, ഈ ഒടിടി സബ്‌സ്‌ക്രിപ്‌ഷനുകൾ750 രൂപ വിലമതിക്കുന്നതാണ്. ഇതിനുപുറമെ, എയർടെൽ 279 രൂപയുടെ തന്നെ ഒരു മാസത്തെ വാലിഡിറ്റിയുള്ള ഒരു കണ്ടന്റ്-ഒൺലി പ്രീപെയ്ഡ് പായ്ക്കും വാഗ്ദാനം ചെയ്യുന്നു. ഈ പാക്കിൽ ഇതേ OTT ആനുകൂല്യങ്ങൾക്കു പുറമെ, 1GB മൊബൈൽ ഡാറ്റയും നൽകുന്നു. കോളുകൾക്കും ഡാറ്റയ്ക്കുമായി ഇതിനകം മറ്റൊരു പ്ലാനുള്ള, സ്ട്രീമിംഗ് സേവനങ്ങളിലേക്ക് ആക്‌സസ് ആഗ്രഹിക്കുന്നവർക്ക് ഈ ഓപ്ഷൻ അനുയോജ്യമാണ്.

ബ്രോഡ്‌ബാൻഡ്, ലാൻഡ്‌ലൈൻ, ടിവി ചാനലുകൾ, ഐപിടിവി സേവനങ്ങൾ എന്നിവയെല്ലാം ഒരു പാക്കേജിൽ 399 രൂപ വിലയുള്ള എയർടെൽ ബ്ലാക്ക് പ്ലാൻ വാഗ്ദാനം ചെയ്യുന്നു. ഒരൊറ്റ ബില്ലിലൂടെ ഒന്നിലധികം സേവനങ്ങൾ ആഗ്രഹിക്കുന്ന ആളുകൾക്കായാണ് ഈ പ്ലാൻ. ഒന്നാമതായി, പ്ലാനിൽ 10Mbps വരെ ഇന്റർനെറ്റ് വേഗതയുള്ള എയർടെൽ ബ്രോഡ്‌ബാൻഡ് കണക്ഷൻ ഉൾപ്പെടുന്നു. അതോടൊപ്പം, പരിധിയില്ലാത്ത വോയ്‌സ് കോളുകൾ അനുവദിക്കുന്ന ഒരു ലാൻഡ്‌ലൈൻ കണക്ഷനും ഉപയോക്താക്കൾക്ക് ലഭിക്കും. ഫെയർ യൂസേജ് പോളിസി (FUP) പ്രകാരം, ഉപയോക്താക്കൾക്ക് ഒരു നിശ്ചിത പരിധി വരെ അതിവേഗ ഇന്റർനെറ്റ് ആസ്വദിക്കാൻ കഴിയും. ഈ പരിധി അവസാനിച്ചതിനു ശേഷം, വേഗത 1Mbps ആയി കുറയുമെങ്കിലും ഇന്റർനെറ്റ് ആക്‌സസ് തുടരും.

ഇന്ത്യയിലെ പോസ്റ്റ്‌പെയ്ഡ് ഉപയോക്താക്കൾക്കായി എയർടെൽ രണ്ട് പുതിയ അന്താരാഷ്ട്ര റോമിംഗ് പ്ലാനുകൾ അവതരിപ്പിച്ചു. ടിപ്‌സ്റ്റർ മുകുൾ ശർമ്മ (@stufflistings) ആണ് ഈ പ്ലാനുകളെ സംബന്ധിച്ച് ആദ്യ സൂചനകൾ നൽകിയത്. ഇപ്പോൾ ഇവ എയർടെല്ലിന്റെ ഔദ്യോഗിക വെബ്‌സൈറ്റിൽ ലിസ്റ്റ് ചെയ്തിട്ടുണ്ട്. 2,999 രൂപയും 3,999 രൂപയുമാണ് ഈ പുതിയ പ്ലാനുകളുടെയും വില. 2,999 രൂപയുടെ പ്ലാൻ 10 ദിവസത്തേക്ക് വാലിഡിറ്റിയുള്ളതാണ്, അതേസമയം 3,999 രൂപയുടെ പ്ലാൻ 30 ദിവസത്തേക്ക് വാലിഡിറ്റിയുള്ളതാണ്. രണ്ട് പ്ലാനുകളും അൺലിമിറ്റഡ് ഡാറ്റയുമായാണ് വരുന്നത്, അതായത് വിദേശത്തേക്ക് യാത്ര ചെയ്യുമ്പോൾ ഉപയോക്താക്കൾക്ക് ഡാറ്റ പരിധികളെക്കുറിച്ച് ആശങ്കപ്പെടേണ്ട കാര്യമേയില്ല. ഡാറ്റയ്ക്ക് പുറമേ, ഈ പ്ലാനുകളിൽ വോയ്‌സ് കോൾ ആനുകൂല്യങ്ങളും ഉൾപ്പെടുന്നു.

5G നെറ്റ്‌വർക്കുകൾക്ക്, 55 ms ലേറ്റൻസിയിൽ 258.54 Mbps ശരാശരി 5G ഡൗൺലോഡ് വേഗത നൽകിക്കൊണ്ട് ജിയോ ഒന്നാം സ്ഥാനം നേടി. 205.1 Mbps ശരാശരി 5G വേഗതയുമായി എയർടെൽ രണ്ടാം സ്ഥാനത്തെത്തി. ഇന്ത്യയിൽ അടുത്തിടെയാണ് 5G സേവനങ്ങൾ ആരംഭിച്ചത് എന്നതിനാൽ വൊഡാഫോൺ ഐഡിയ റാങ്കിംഗിൽ ഇടം നേടിയില്ല. ഇന്ത്യയിൽ ഏറ്റവും കൂടുതൽ 5G ലഭ്യത ജിയോയ്ക്കാണെന്നും ഏറ്റവും വിശാലമായ മൊബൈൽ കവറേജ് വാഗ്ദാനം ചെയ്യുന്നുണ്ടെന്നും ഊക്‌ലയുടെ റിപ്പോർട്ട് എടുത്തുകാണിക്കുന്നു. എയർടെല്ലിന്റെ 58.17 നെക്കാൾ 65.66 എന്ന കവറേജ് സ്കോർ ജിയോയ്ക്ക് ലഭിച്ചു.

ഈ ആഴ്ച ആദ്യം എയർടെൽ 499 രൂപയുടെ ഒരു പുതിയ റീചാർജ് പ്ലാൻ അവതരിപ്പിച്ചിരുന്നു. ഇത് അൺലിമിറ്റഡ് വോയിസ് കോളുകളും 900 സൗജന്യ എസ്എംഎസും 84 ദിവസത്തെ വാലിഡിറ്റിയും വാഗ്ദാനം ചെയ്യുന്നതാണ്. 1,959 രൂപയുടെ മറ്റൊരു പ്ലാനിലൂടെ അൺലിമിറ്റഡ് വോയ്‌സ് കോളുകളും 3,600 എസ്എംഎസുകളും 365 ദിവസത്തെ വാലിഡിറ്റിയുമാണ് നൽകിയിരുന്നത്. എന്നാൽ, ഈ പ്ലാനുകൾ ഇപ്പോൾ എയർടെല്ലിൻ്റെ വെബ്‌സൈറ്റിൽ നിന്ന് നീക്കം ചെയ്‌തിട്ടുണ്ട്. ഇതിനു പകരം എയർടെൽ മുമ്പത്തേതിനേക്കാൾ വിലകുറഞ്ഞ രണ്ട് പുതിയ പ്ലാനുകൾ അവതരിപ്പിച്ചു. 499 രൂപയുണ്ടായിരുന്ന പ്ലാനിൻ്റെ വില ഇപ്പോൾ 469 രൂപയാണ്. കൂടാതെ 1,959 രൂപയുടെ പ്ലാൻ ഇപ്പോൾ 1,849 രൂപക്കും ലഭ്യമാണ്.