വിവോ T4x 5G ഫോണിൻ്റെ ഇന്ത്യയിലെ ലോഞ്ചിങ്ങ് അടുത്തു

ഇന്ത്യയിൽ വളരെയധികം ആരാധകരുള്ള സ്മാർട്ട്ഫോൺ ബ്രാൻഡുകളിൽ ഒന്നാണു വിവോ. ഇപ്പോൾ ഇന്ത്യയിലേക്ക് മിഡ് റേഞ്ച് കാറ്റഗറിയിൽപ്പെട്ട ഒരു സ്മാർട്ട്ഫോണുമായി വിവോ എത്താൻ പോവുകയാണ്. വിവോ T4x 5G എന്ന ഈ ഫോൺ അടുത്തിടെ ബ്യൂറോ ഓഫ് ഇന്ത്യൻ സ്റ്റാൻഡേർഡ്‌സ് (BIS) വെബ്‌സൈറ്റിൽ ലിസ്റ്റ് ചെയ്‌തിരുന്നു. ഇത് ഇന്ത്യയിൽ ഈ ഫോണിൻ്റെ ലോഞ്ച് ഉടൻ പ്രതീക്ഷിക്കാമെന്ന സൂചനയാണു നൽകുന്നത്. പുതിയ റിപ്പോർട്ടുകൾ ഈ ഫോണിൻ്റെ പ്രതീക്ഷിക്കുന്ന ലോഞ്ച് ടൈംലൈൻ വെളിപ്പെടുത്തുകയും അതിൻ്റെ ചില പ്രധാന സവിശേഷതകളെക്കുറിച്ചുള്ള സൂചനകൾ നൽകുകയും ചെയ്തിട്ടുണ്ട്. പ്രതീക്ഷിക്കുന്ന പ്രൈസ് റേഞ്ച്, ലഭ്യമായ കളർ ഓപ്ഷനുകൾ, ഡിസൈൻ എന്നിവയും റിപ്പോർട്ടിൽ പരാമർശിക്കുന്നു. വിവോ T4x 5G എന്ന പുതിയ ഫോൺ വിവോ T3x 5G എന്ന മോഡലിൻ്റെ പിൻഗാമിയാകുമെന്ന് പ്രതീക്ഷിക്കുന്നു. 2024 ഏപ്രിലിൽ ഇന്ത്യയിൽ ലോഞ്ച് ചെയ്ത വിവോ T3x 5G-യിൽ സ്‌നാപ്ഡ്രാഗൺ 6 ജെൻ 1 ചിപ്പ്സെറ്റാണ് ഉണ്ടായിരുന്നത്.

വിവോ T4x 5G ലോഞ്ച് ചെയ്യുമെന്നു പ്രതീക്ഷിക്കുന്ന തീയ്യതിയും വിലയുടെ വിവരങ്ങളും:

മൈസ്മാർട്ട്പ്രൈസിൽ നിന്നുള്ള ഒരു റിപ്പോർട്ട് അനുസരിച്ച് വിവോ T4x 5G ഹാൻഡ്സെറ്റ് 2025 മാർച്ചിൽ ഇന്ത്യയിൽ അവതരിപ്പിക്കുമെന്ന് പ്രതീക്ഷിക്കുന്നു. കൃത്യമായ തീയതി ഇതുവരെ സ്ഥിരീകരിച്ചിട്ടില്ല, എന്നാൽ വില മുൻ മോഡലിന് സമാനമായി 15,000 രൂപയുടെ ഉള്ളിലായിരിക്കും.

വിവോ T4x 5G ഫോണിനു പ്രതീക്ഷിക്കുന്ന സവിശേഷതകൾ:

വിവോ T4x 5G ഫോണിൽ 6,500mAh ബാറ്ററി ഉണ്ടായിരിക്കും, അത് ഈ സെഗ്മൻ്റിലെ ഏറ്റവും വലിയ ബാറ്ററിയാണ്. നിലവിൽ വിപണിയിലുള്ള വിവോ T3x 5G-യിൽ 6,000mAh ബാറ്ററിയാണ് ഉള്ളത്. ഇന്ത്യയിൽ പ്രോൻ്റോ പർപ്പിൾ, മറൈൻ ബ്ലൂ എന്നീ രണ്ട് നിറങ്ങളിൽ ഫോൺ ലഭ്യമാകാൻ സാധ്യതയുണ്ട്.

വിവോ T4x 5G-യുടെ ഡിസൈനിൽ ഒരു ഡൈനാമിക് ലൈറ്റ് ഫീച്ചർ ഉൾപ്പെട്ടേക്കാം, അത് വ്യത്യസ്തമായ നോട്ടിഫിക്കേഷനുകൾ വ്യത്യസ്തമായ നിറങ്ങളിൽ കാണിക്കുന്നു. ഫോണിനെക്കുറിച്ചുള്ള മറ്റ് വിവരങ്ങളൊന്നും ഇതുവരെ ലഭ്യമല്ല, എന്നാൽ കൂടുതൽ വിവരങ്ങൾ ഉടനെ പുറത്തു വരുമെന്നു പ്രതീക്ഷിക്കുന്നു.

വിവോ T3x 5G-യുടെ വില കുറഞ്ഞു:

ഈ വർഷം ആദ്യം വിവോ T3x 5G ഫോണിൻ്റെ വില കുറച്ചിരുന്നു. ഇത് ഇപ്പോൾ 4GB + 128GB, 6GB + 128GB, 8GB + 128GB എന്നിങ്ങനെയുള്ള പതിപ്പുകൾക്ക് യഥാക്രമം 12,499.രൂപ, 13,999 രൂപ, 15,499 രൂപ എന്നിങ്ങനെയാണ്. ഫോൺ ആദ്യം ലോഞ്ച് ചെയ്തത് ഈ വേരിയൻ്റുകൾക്ക് യഥാക്രമം 13,499 രൂപ, 14,999 രൂപ, 16,499 രൂപ എന്നിങ്ങനെ ആയിരുന്നു. ക്രിംസൺ ബ്ലിസ്, സെലസ്റ്റിയൽ ഗ്രീൻ, സഫയർ ബ്ലൂ എന്നിങ്ങനെ മൂന്നു നിറങ്ങളിലാണ് വിവോ T3x 5G വരുന്നത്.