ഇതു സുവർണാവസരം; റിയൽമി GT 7, റിയൽമി GT 7T എന്നിവയ്ക്ക് വമ്പൻ വിലക്കുറവ്

സ്മാർട്ട്ഫോൺ പ്രേമികൾക്ക് വളരെയധികം ആവേശം നൽകിയാണ് ഇക്കഴിഞ്ഞ മെയ് മാസത്തിൽ റിയൽമി GT 7 സീരീസ് ഫോണുകൾ ഇന്ത്യയിൽ ലോഞ്ച് ചെയ്തത്. ഇപ്പോൾ ഇന്ത്യയിലെ റിയൽമി ആരാധകരെയും സ്മാർട്ട്ഫോൺ പ്രേമികളെയും ഞെട്ടിച്ച് ഈ സീരീസിൻ്റെ ഭാഗമായ റിയൽമി GT 7, റിയൽമി GT 7T എന്നീ ഫോണുകൾക്ക് വമ്പൻ ഡിസ്‌കൗണ്ട് കമ്പനി നൽകുന്നുണ്ട്. ജൂൺ 10 മുതൽ ആമസോണിലും റിയൽമി ഇന്ത്യ വെബ്‌സൈറ്റിലും ഇതിനു വേണ്ടിയുള്ള പ്രത്യേക ‘ബെസ്റ്റ് സെല്ലർ ഡേയ്സ്' ആരംഭിച്ചിട്ടുണ്ട്. നിശ്ചിത കാലത്തേക്കു മാത്രമുള്ള ഈ ഓഫറിൽ ഇൻസ്റ്റൻ്റ് ഡിസ്കൗണ്ടുകൾ, ബാങ്ക് അടിസ്ഥാനമായുള്ള ഓഫറുകൾ, എക്സ്ചേഞ്ച് ഓഫറുകൾ, നോ കോസ്റ്റ് EMI സൗകര്യം എന്നിവയെല്ലാം വാങ്ങുന്നവർക്ക് പ്രയോജനപ്പെടുത്താം. 7000mAh ബാറ്ററിയുള്ള, മീഡിയാടെക് ഡൈമൻസിറ്റി ചിപ്പ് കരുത്തു നൽകുന്ന ഈ ഫോണുകൾ സ്വന്തമാക്കാൻ ഇതാണ് ഏറ്റവും മികച്ച അവസരം. ജൂൺ 14 വരെ മാത്രം നീണ്ടു നിൽക്കുന്ന ഈ ഓഫർ സെയിലുമായി ബന്ധപ്പെട്ട കൂടുതൽ വിവരങ്ങൾ നമുക്കു നോക്കാം.

റിയൽമി GT 7, റിയൽമി GT 7T എന്നിവക്കുള്ള ഓഫർ സംബന്ധിച്ച വിവരങ്ങൾ:

റിയൽമി തങ്ങളുടെ ‘ബെസ്റ്റ് സെല്ലർ ഡേയ്‌സ്' സെയിലിലൂടെയാണ് കമ്പനിയുടെ ഏറ്റവും പുതിയ സ്മാർട്ട്‌ഫോണുകളായ റിയൽമി GT 7, റിയൽമി GT 7T എന്നിവയിൽ മികച്ച ഡിസ്കൗണ്ടുകൾ വാഗ്ദാനം ചെയ്യുന്നത്. വിൽപ്പനയുടെ ഭാഗമായി, റിയൽമി GT 7 വാങ്ങുന്ന ഉപഭോക്താക്കൾക്ക് 3,000 രൂപയുടെ ബാങ്ക് ഡിസ്‌കൗണ്ട് അല്ലെങ്കിൽ 5,000 രൂപ വരെ എക്‌സ്‌ചേഞ്ച് ഓഫർ ലഭിക്കും. ഈ ഓഫറുകൾ ഫോണിൻ്റെ വിലയിൽ വലിയ മാറ്റം ഉണ്ടാക്കുമെന്നതിനാൽ, സ്വന്തം ഫോൺ അപ്‌ഗ്രേഡ് ചെയ്യാൻ ആഗ്രഹിക്കുന്നവർക്ക് ഇതൊരു മികച്ച ഡീലായിരിക്കും.

ഈ ഓഫർ കണക്കിലെടുക്കുമ്പോൾ, 8GB റാമും 256GB സ്റ്റോറേജുമുള്ള റിയൽമി GT 7 അതിന്റെ യഥാർത്ഥ വിലയായ 39,999 രൂപയിൽ നിന്ന് കുറഞ്ഞ് 34,999 രൂപയ്ക്ക് ലഭ്യമാകും. അതുപോലെ, 12GB RAM + 256GB സ്റ്റോറേജ് വേരിയന്റിന് ഇപ്പോൾ 42,999 രൂപ എന്നതിനു പകരം 37,999 രൂപയാകും. 12GB RAM, 512GB സ്റ്റോറേജ് എന്നിവയുള്ള ഉയർന്ന മോഡൽ 41,999 രൂപയ്ക്ക് വാങ്ങാം. ലോഞ്ചിങ്ങ് സമയത്ത് 46,999 രൂപയായിരുന്നു ഈ വേരിയൻ്റിൻ്റെ വില.

റിയൽമി GT 7T ഫോണിനും ഈ സെയിൽ സമയത്ത് ഡിസ്കൗണ്ട് ലഭിക്കും. ഈ മോഡൽ വാങ്ങുന്നവർക്ക് 3,000 രൂപ വരെ ബാങ്ക് ഡിസ്കൗണ്ട്, അല്ലെങ്കിൽ കൈമാറ്റം ചെയ്യുന്ന ഉപകരണത്തെ ആശ്രയിച്ച് 6,000 രൂപ വരെ എക്സ്ചേഞ്ച് ഓഫർ എന്നിവ പ്രയോജനപ്പെടുത്താം. ഈ കിഴിവുകൾ വരുന്നതോടെ, GT 7T-യുടെ 8GB RAM + 256GB സ്റ്റോറേജ് വേരിയൻ്റിൻ്റെ വില 34,999 രൂപയിൽ നിന്ന് 28,999 രൂപയായി കുറയും.

ഇതിനു പുറമെ, റിയൽമി GT 7T-യുടെ 12GB RAM + 256GB സ്റ്റോറേജ് പതിപ്പിൻ്റെ വില 37,999 രൂപയിൽ നിന്നും 31,999 രൂപയാകും. 12GB RAM + 512GB സ്റ്റോറേജുള്ള ടോപ്പ്-എൻഡ് മോഡൽ ലോഞ്ചിങ്ങ് സമയത്തെ വിലയായ 41,999 രൂപയിൽ നിന്ന് കുറഞ്ഞ് 35,999 രൂപയ്ക്ക് സ്വന്തമാക്കാം.

നോ കോസ്റ്റ് EMI ഓപ്ഷനുകളും ഉപയോഗിക്കാം:

ഉപഭോക്താക്കൾക്ക് ഒമ്പത് മാസം വരെയുള്ള നോ-കോസ്റ്റ് EMI ഓപ്ഷൻ ഉപയോഗിച്ചും റിയൽമി GT 7, റിയൽമി GT 7T എന്നിവ വാങ്ങാൻ കഴിയും. റിയൽമി ഇന്ത്യ വെബ്‌സൈറ്റിലും ആമസോണിലും ഓഫറിൽ ഫോണുകൾ ലഭ്യമാണ്. ജൂൺ 14-ന് ഓഫർ സെയിൽ അവസാനിക്കും.

ഓഫറുകൾക്ക് പുറമേ, പഴയ ഫോണുകൾ (ഫോണിൻ്റെ ബ്രാൻഡ്, അവസ്ഥ എന്നിവയെല്ലാം അടിസ്ഥാനമാക്കി) കൈമാറ്റം ചെയ്യുന്നതിലൂടെ റിയൽമി GT 7-ന് 37,998 രൂപയും റിയൽമി GT 7T-ക്ക് 33,248 രൂപയും ഡിസ്കൗണ്ട് നേടാനും അവസരമുണ്ട്.

മെയ് അവസാനത്തോടെയാണ് റിയൽമി GT 7 സീരീസ് ഇന്ത്യയിൽ ലോഞ്ച് ചെയ്തത്. രണ്ട് ഫോണുകളും റിയൽമി Ul 6.0-ൽ പ്രവർത്തിക്കുന്നു. 32 മെഗാപിക്സൽ ഫ്രണ്ട് ക്യാമറയുള്ള ഈ ഫോണിൽ വലിയ 7,000mAh ബാറ്ററിയുണ്ട്, ഇതു 120W ഫാസ്റ്റ് ചാർജിംഗിനെ പിന്തുണയ്ക്കുന്നു. റിയൽമി GT 7-ന് മീഡിയടെക് ഡൈമെൻസിറ്റി 9400e പ്രോസസർ കരുത്തു നൽകുമ്പോൾ GT 7T-യിൽ ഡൈമെൻസിറ്റി 8400-മാക്സ് ചിപ്പാണുള്ളത്.