ഇന്ത്യൻ വിപണിയിൽ ആധിപത്യമുറപ്പിക്കാൻ റിയൽമി GT 7 എത്തുന്നു

റിയൽമി GT 7 ഇന്ത്യയിൽ ഉടൻ തന്നെ പുറത്തിറങ്ങുമെന്ന് റിയൽമി ഔദ്യോഗികമായി സ്ഥിരീകരിച്ചു. കുറച്ച് ദിവസങ്ങൾക്ക് മുമ്പ് ചൈനയിൽ ലോഞ്ച് ചെയ്തതിന് പിന്നാലെയാണ് ഫോൺ ഇന്ത്യൻ വിപണിയിലേക്കെത്തുന്നത്. ലോഞ്ച് പ്രഖ്യാപനത്തിന് പുറമേ, ക്രാഫ്റ്റണുമായുള്ള പുതിയ പാർട്ണർഷിപ്പിനെ കുറിച്ചുള്ള വിവരങ്ങളും റിയൽമി പങ്കിട്ടു. ലോകത്തിൽ ആദ്യമായി, 6 മണിക്കൂർ സ്ഥിരതയോടെ 120FPS ഗെയിമിംഗ് എക്‌സ്പീരിയൻസ് പരീക്ഷിച്ച് അതു ഫോണിലേക്കു കൊണ്ടുവരാൻ അവർ ഒരുമിച്ച് പദ്ധതിയിടുന്നു. ഇതിനർത്ഥം ഗെയിമർമാർക്ക് സുഗമമായി, ഉയർന്ന പെർഫോമൻസുള്ള ഗെയിമിംഗ് ആസ്വദിക്കാൻ കഴിയും എന്നാണ്. ഗെയിമർമാരെ മനസ്സിൽ വെച്ചുകൊണ്ടാണ് റിയൽമി GT 7 രൂപകൽപ്പന ചെയ്തിരിക്കുന്നത്. ഗെയിമിംഗിനോടുള്ള തങ്ങളുടെ പ്രതിബദ്ധത പ്രകടിപ്പിക്കുന്നതിനായി, റിയൽമി GT 7 ബാറ്റിൽഗ്രൗണ്ട്സ് മൊബൈൽ ഇന്ത്യ പ്രോ സീരീസ് (BMPS) 2025-ൻ്റെ ഒഫീഷ്യൽ സ്മാർട്ട്‌ഫോണായിരിക്കും എന്നും കമ്പനി വെളിപ്പെടുത്തി. ഈ സവിശേഷതകളോടെ, ഗെയിമിങ്ങ് സ്മാർട്ട്‌ഫോൺ വിപണിയിലെ ഒരു പ്രധാന മത്സരാർത്ഥിയായി മാറാൻ റിയൽമി GT 7 ഒരുങ്ങിയിരിക്കുന്നു.

ബാറ്റിൽഗ്രൗണ്ട്സ് മൊബൈൽ ഇന്ത്യ സീരീസ് (BGlS) 2025 നടക്കുന്ന സ്ഥലവും തീയ്യതിയും:

റിയൽമി ബാറ്റിൽഗ്രൗണ്ട്സ് മൊബൈൽ ഇന്ത്യ സീരീസ് (BGIS) 2025-ന്റെ അവസാന പരിപാടി ഈ വാരാന്ത്യത്തിൽ കൊൽക്കത്തയിലെ ബിശ്വ ബംഗ്ലാ മേള പ്രംഗാനിൽ നടക്കും. ഈ പരിപാടിയിൽ, ഇന്ത്യയിലെ മികച്ച 16 BGMI ടീമുകൾ ചാമ്പ്യൻഷിപ്പിനായി പരസ്പരം മത്സരിക്കും. കടുത്ത പോരാട്ടം തന്നെ നടക്കുമെന്ന് ആരാധകർ പ്രതീക്ഷിക്കുന്നു. BGMI ഗെയിമിംഗ് കമ്മ്യൂണിറ്റി ഇന്ത്യയിലുടനീളമുള്ള മികച്ച ടീമുകളെ ഒരുമിച്ച് കൊണ്ടുവരുന്ന ഒരു പ്രധാന പരിപാടിയാണിത്.

റിയൽമി GT 7 ഫോണിൻ്റെ പ്രധാന സവിശേഷതകൾ:

ചൈനീസ് പതിപ്പിനു സമാനമായ സവിശേഷതകളോടെ റിയൽമി GT 7 ഇന്ത്യയിൽ എത്തുമെന്നു പ്രതീക്ഷിക്കുന്നു. ഫോണിന് 6.78 ഇഞ്ച് OLED ഡിസ്പ്ലേയുണ്ട്. ഈ ഡിസ്പ്ലേയ്ക്ക് 2800×1280 പിക്സൽ റെസല്യൂഷനും 144Hz റിഫ്രഷ് റേറ്റും ഉണ്ട്, കൂടാതെ 6500 നിറ്റ്സ് വരെ പീക്ക് ബ്രൈറ്റ്നസ് എത്താനും കഴിയും. ഇത് 2600Hz ടച്ച് സാമ്പിൾ റേറ്റും വാഗ്ദാനം ചെയ്യുകയും ഫുൾ DCI-P3 കളർ ഗാമട്ടിനെ പിന്തുണയ്ക്കുകയും ചെയ്യുന്നു. കൂടാതെ വ്യത്യസ്ത ലൈറ്റിംഗ് സാഹചര്യങ്ങളിൽ മികച്ച കാഴ്ച ലഭിക്കാൻ 4608Hz PWM ഡിമ്മിംഗും ഫുൾ-ബ്രൈറ്റ്നസ് ഡിസി ഡിമ്മിംഗും ഇതിൽ ഉണ്ടാകും.

സുഗമമായ ഗ്രാഫിക്സ് പെർഫോമൻസിനായി ഇമ്മോർട്ടാലിസ്-G925 GPU-യുമായി ജോടിയാക്കിയ അഡ്വാൻസ്ഡ് 3nm ഡൈമെൻസിറ്റി 9400+ ചിപ്‌സെറ്റാണ് റിയൽമി GT 7 ഫോണിന് കരുത്തു നൽകുന്നത്. ഫോൺ 12GB അല്ലെങ്കിൽ 16GB LPDDR5X റാം വാഗ്ദാനം ചെയ്യുന്നതിനാൽ വേഗത്തിലുള്ള മൾട്ടിടാസ്കിംഗും കാര്യക്ഷമമായ പെർഫോമൻസും ഉറപ്പാക്കാം. സ്‌റ്റോറേജിൻ്റെ കാര്യത്തിൽ, 256GB, 512GB, അല്ലെങ്കിൽ 1TB UFS 4.0 സ്റ്റോറേജ് ഓപ്ഷനുകളോടെയാണ് ഈ ഫോൺ വരുന്നത്. ഉപയോക്താക്കൾക്ക് ആപ്പുകൾ, ഫോട്ടോകൾ, വീഡിയോകൾ എന്നിവ സൂക്ഷിക്കാൻ ധാരാളം സ്ഥലം അതിനാൽ ലഭിക്കും. ഫോൺ ആൻഡ്രോയിഡ് 15 അടിസ്ഥാനമാക്കിയ റിയൽമി UI 6.0-യിലാണ് പ്രവർത്തിക്കുന്നത്.

ഫോട്ടോഗ്രാഫിക്ക്, റിയൽമി GT 7 ഫോണിൽ സോണി IMX896 സെൻസറും ഒപ്റ്റിക്കൽ ഇമേജ് സ്റ്റെബിലൈസേഷനും (OIS) ഉള്ള 50MP മെയിൻ ക്യാമറയുണ്ട്, ഇത് മികച്ച ചിത്രങ്ങൾ പകർത്താൻ സഹായിക്കുന്നു. വൈഡ്-ആംഗിൾ ഷോട്ടുകൾക്കായി 8MP അൾട്രാ-വൈഡ് ലെൻസും ഉയർന്ന നിലവാരമുള്ള സെൽഫികൾക്കായി 16MP ഫ്രണ്ട് ക്യാമറയും ഇതിലുണ്ട്. സുരക്ഷിതമായ അൺലോക്കിംഗിനായി ഇൻ-ഡിസ്‌പ്ലേ അൾട്രാസോണിക് ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ എന്നിവയും ഈ ഫോണിൻ്റെ ഭാഗമാണ്. പൊടി, ജലം എന്നിവയെ പ്രതിരോധിക്കുന്നതിൽ IP68, IP69 റേറ്റിംഗുകളാണ് ഈ ഫോണിനു ലഭിച്ചിരിക്കുന്നത്.

റിയൽമി GT 7 ഫോണിൽ സ്റ്റീരിയോ സ്പീക്കറുകളാണ് സജ്ജീകരിച്ചിരിക്കുന്നത്. വൈ-ഫൈ 7, മികച്ച കണക്റ്റിവിറ്റിക്കായി ബ്ലൂടൂത്ത് 5.4, ചെയറിങ്ങ് എളുപ്പമ ക്കാൻ എൻ‌എഫ്‌സി, ചാർജിംഗിനും ഡാറ്റ കൈമാറ്റത്തിനും യുഎസ്ബി ടൈപ്പ്-സി എന്നീ കണക്റ്റിവിറ്റി ഓപ്ഷനുകളെ ഇതു പിന്തുണയ്ക്കുന്നു.

ഫോണിന് കരുത്ത് പകരുന്നത് വലിയ 7200mAh ബാറ്ററിയാണ്, ഇത് 100W ഫാസ്റ്റ് ചാർജിംഗിനെ പിന്തുണയ്ക്കുന്നു. ഔദ്യോഗിക ലോഞ്ചിന് ശേഷം, റിയൽമി GT 7 ആമസോൺ, റിയൽമി ഇന്ത്യ ഒഫിഷ്യൽ വെബ്സൈറ്റ്, മറ്റുള്ള ഓഫ്‌ലൈൻ സ്റ്റോറുകൾ എന്നിവയിലൂടെ വാങ്ങാൻ ലഭ്യമാകും.