ഇന്ത്യൻ വിപണി കീഴടക്കാൻ റിയൽമി C75 5G എത്തുന്നു

പ്രമുഖ ബ്രാൻഡായ റിയൽമി തങ്ങളുടെ പുതിയ ബജറ്റ് സ്മാർട്ട്‌ഫോണായ റിയൽമി C75 5G ഇന്ത്യയിൽ പുറത്തിറക്കി. മീഡിയടെക് ഡൈമെൻസിറ്റി 6300 ഒക്ടാ കോർ പ്രോസസറുമായാണ് റിയൽമി C75 5G എത്തുന്നത്. 6GB വരെ റാമും 128GB ഇന്റേണൽ സ്റ്റോറേജും ഇതിൽ ലഭ്യമാണ്. ഫോണിന്റെ ഒരു പ്രധാന സവിശേഷത ഇതിലുള്ള വലിയ 6,000mAh ബാറ്ററിയാണ്. ബാറ്ററി 45W ഫാസ്റ്റ് ചാർജിംഗിനെ പിന്തുണയ്ക്കുന്നു, 5W റിവേഴ്‌സ് ചാർജിംഗും ഇതിലുണ്ട്. ക്യാമറകളുടെ കാര്യത്തിൽ, റിയൽമി C75 5G ഫോണിൽ 32 മെഗാപിക്സൽ ഡ്യുവൽ റിയർ ക്യാമറ'സെറ്റപ്പാണുള്ളത്. മുൻവശത്ത്, സെൽഫികൾക്കും വീഡിയോ കോളുകൾക്കുമായി 8 മെഗാപിക്സൽ സെൽഫി ക്യാമറയുമുണ്ട്. റിയൽമി C75 5G-ക്ക് വെള്ളം, പൊടി എന്നിവയെ പ്രതിരോധിക്കുന്നതിന് IP64 റേറ്റിംഗ് ഉണ്ട്. ഇത് MIL-STD 810H എന്ന മിലിട്ടറി-ഗ്രേഡ് നിലവാരവും പാലിക്കുന്നു. ആൻഡ്രോയിഡ് 15 ഓപ്പറേറ്റിംഗ് സിസ്റ്റത്തെ അടിസ്ഥാനമാക്കിയുള്ള റിയൽമി UI 6-ലാണ് ഫോൺ പ്രവർത്തിക്കുന്നത്.

റിയൽമി C75 5G ഫോണിൻ്റെ വില സംബന്ധിച്ച വിവരങ്ങൾ:

റിയൽമി C75 5G ഇപ്പോൾ ഇന്ത്യൻ വിപണിയിൽ ലഭ്യമാണ്. 4GB RAM + 128GB സ്റ്റോറേജ് മോഡലിന് 12,999 രൂപയാണ് പ്രാരംഭ വില. 6GB RAM + 128GB സ്റ്റോറേജുള്ള മറ്റൊരു പതിപ്പും ഉണ്ട്, അതിന്റെ വില 13,999 രൂപയാണ്.

ഫ്ലിപ്കാർട്ടിൽ നിന്നും റിയൽമി ഇന്ത്യയുടെ ഒഫീഷ്യൽ ഓൺലൈൻ സ്റ്റോറിൽ നിന്നും നിങ്ങൾക്ക് Realme C75 5G ഓൺലൈനായി വാങ്ങാം. രാജ്യത്തുടനീളമുള്ള തിരഞ്ഞെടുത്ത ഓഫ്‌ലൈൻ റീട്ടെയിൽ ഷോപ്പുകളിലും ഇത് ലഭ്യമാണ്. ലില്ലി വൈറ്റ്, മിഡ്‌നൈറ്റ് ലില്ലി, പർപ്പിൾ ബ്ലോസം എന്നീ മൂന്ന് നിറങ്ങളിൽ ഈ സ്മാർട്ട്‌ഫോൺ ലഭ്യമാണ്.

റിയൽമി C75 5G ഫോണിൻ്റെ പ്രധാന സവിശേഷതകൾ:

6.67 ഇഞ്ച് ഫുൾ എച്ച്ഡി+ ഡിസ്‌പ്ലേയുള്ള ഡ്യുവൽ സിം സ്മാർട്ട്‌ഫോണാണ് റിയൽമി C75 5G. 720×1,604 പിക്‌സൽ റെസല്യൂഷനുള്ള സ്ക്രീൻ 120Hz റീഫ്രഷ് റേറ്റിനെ പിന്തുണയ്ക്കുന്നു. 180Hz വരെ ടച്ച് സാമ്പിൾ റേറ്റും ഇതിനുണ്ട്. ഡിസ്‌പ്ലേയ്ക്ക് 625nits വരെ പീക്ക് ബ്രൈറ്റ്നസ് ലെവലുമുണ്ട്.

ഈ ഫോണിന് മീഡിയടെക് ഡൈമെൻസിറ്റി 6300 ചിപ്‌സെറ്റാണ് കരുത്തു നൽകുന്നത്, ഇത് 6nm പ്രോസസ്സിൽ നിർമ്മിച്ചതാണ്. ഒക്ടാ-കോർ പ്രോസസറുമുള്ള ഈ ഫോൺ ഗ്രാഫിക്സ് കൈകാര്യം ചെയ്യുന്നതിനായി മാലി G57 MC2 GPU-യുമായി ജോടിയാക്കിയിരിക്കുന്നു. 6GB വരെ റാമുള്ള ഈ ഫോൺ 12GB വരെ വെർച്വൽ റാം എക്സ്റ്റൻനെയും പിന്തുണയ്ക്കുന്നു. നിങ്ങളുടെ ആപ്പുകൾ, ഫോട്ടോകൾ, ഫയലുകൾ എന്നിവയ്ക്കായി നിങ്ങൾക്ക് 128GB ബിൽറ്റ്-ഇൻ സ്റ്റോറേജ് ലഭിക്കും. ഏറ്റവും പുതിയ ആൻഡ്രോയിഡ് 15 അടിസ്ഥാനമാക്കിയുള്ള റിയൽമി UI 6-ലാണ് ഇത് പ്രവർത്തിക്കുന്നത്.

ക്യാമറകളുടെ കാര്യത്തിൽ, റിയൽമി C75 5G-യിൽ ഓട്ടോഫോക്കസും f/1.8 അപ്പർച്ചറും ഉള്ള 32 മെഗാപിക്സൽ മെയിൻ റിയർ ക്യാമറ (ഗാലക്സികോർ GC32E2 സെൻസർ) ആണുള്ളത്. രണ്ടാമതൊരു റിയർ ക്യാമറ ഉണ്ടെങ്കിലും ആ സെൻസറിനെക്കുറിച്ചുള്ള വിശദാംശങ്ങൾ വെളിപ്പെടുത്തിയിട്ടില്ല. സെൽഫികൾക്കും വീഡിയോ കോളുകൾക്കുമായി ഇതിൽ 8 മെഗാപിക്സൽ ഫ്രണ്ട് ക്യാമറയുണ്ട്. നെറ്റ്‌വർക്ക് സിഗ്നൽ ശേഷി വർദ്ധിപ്പിക്കാൻ സഹായിക്കുന്ന AI സവിശേഷതകൾക്കൊപ്പം, AI അസിസ്റ്റൻസുള്ള ഫോട്ടോ എഡിറ്റിംഗ് ക്യാമറ ടൂളുകളെയും ഫോൺ പിന്തുണയ്ക്കുന്നു.

റിയൽമി C75 5G-യിൽ 6,000mAh ബാറ്ററിയാണ് ഉള്ളത്. ഇത് 45W വയർഡ് ഫാസ്റ്റ് ചാർജിംഗിനെയും. 5W റിവേഴ്‌സ് ചാർജിംഗിനെയും പിന്തുണയ്ക്കുന്നു. പൊടി, വെള്ളം എന്നിവയെ പ്രതിരോധത്തിനായി ഫോൺ IP64 റേറ്റുചെയ്‌തിരിക്കുന്നു. ഇതു കൂടാതെ MIL-STD 810H മിലിട്ടറി-ഗ്രേഡ് പരിരക്ഷയും ഇതിനുണ്ട്, അതായത് ചെറിയ ഷോക്കുകളും വീഴ്ചകളും കൈകാര്യം ചെയ്യാൻ ഇതിന് കഴിയും.

സുരക്ഷയ്ക്കായി, ഫോണിന്റെ വശത്ത് ഒരു ഫിംഗർപ്രിന്റ് സ്കാനർ ഉണ്ട്. കണക്റ്റിവിറ്റിയുടെ കാര്യത്തിൽ, ഇത് 5G, ഡ്യുവൽ 4G VoLTE, Wi-Fi, ബ്ലൂടൂത്ത് 5.3, GPS, GLONASS, ഗലീലിയോ, QZSS എന്നിവയെ പിന്തുണയ്ക്കുന്നു. കൂടാതെ ഒരു USB ടൈപ്പ്-സി പോർട്ടും ഉണ്ട്. ഫോണിന് 165.70mm ഉയരവും 76.22mm വീതിയും 7.94mm കനവുമുണ്ട്. ഏകദേശം 190 ഗ്രാം ഭാരമാണ് ഈ ഹാൻഡ്സെറ്റിനുള്ളത്.