മികച്ച ഫീച്ചറുകളുമായി റിയൽമി 14X വരുന്നു

പ്രമുഖ സ്മാർട്ട്ഫോൺ ബ്രാൻഡായ റിയൽമി അവരുടെ ഏറ്റവും പുതിയ ഫോണായ റിയൽമി 14X ഇന്ത്യയിൽ ഉടനെ അവതരിപ്പിച്ചേക്കും. ബഡ്ജറ്റ് നിരക്കിലുള്ള ഈ ഫോണിനെക്കുറിച്ച് കമ്പനി ഇതുവരെ ഔദ്യോഗികമായി പ്രഖ്യാപിച്ചിട്ടില്ലെങ്കിലും, അതിൻ്റെ സവിശേഷതകൾ സംബന്ധിച്ചു ലീക്കായ വിവരങ്ങൾ ഓൺലൈനിൽ പ്രചരിക്കുന്നുണ്ട്. പുതിയ റിപ്പോർട്ട് അനുസരിച്ച്, റിയൽമി 14X ഏതാനും ആഴ്‌ചകൾക്കുള്ളിൽ എത്തിയേക്കാം, കൂടാതെ അതിൻ്റെ റാം, സ്റ്റോറേജ് ഓപ്ഷനുകൾ, ബാറ്ററി, കളർ വേരിയൻ്റുകൾ എന്നിവയെക്കുറിച്ചുള്ള വിശദാംശങ്ങളും പുറത്തുവന്നിട്ടുണ്ട്. റിയൽമി 14X സ്മാർട്ട്ഫോൺ കമ്പനിയുടെ മറ്റു മോഡലുകളായ റിയൽമി 14 പ്രോ, റിയൽമി 14 പ്രോ+ മോഡലുകൾക്കൊപ്പം പുറത്തിറക്കാൻ സാധ്യതയുണ്ട്. ഈ മോഡലുകൾ 2025 ജനുവരിയിൽ ഇന്ത്യയിൽ ലോഞ്ച് ചെയ്യുമെന്നാണു അഭ്യൂഹങ്ങൾ. റിയൽമി 14X ഒന്നിലധികം റാം, സ്റ്റോറേജ് കോൺഫിഗറേഷനുകളിൽ വന്നേക്കാം. മികച്ച ബാറ്ററി കപ്പാസിറ്റിയുള്ള ഫോൺ മൂന്നു നിറങ്ങളിൽ ലഭ്യമായേക്കും.

റിയൽമി 14X ഫോണിൻ്റെ ലോഞ്ചിങ്ങ്, സ്റ്റോറേജ് സംബന്ധിച്ച വിവരങ്ങൾ:

സ്മാർട്ട്ഫോൺ ഇൻഡസ്ട്രി സോഴ്സുകളിൽ നിന്നും ലഭിച്ച വിവരങ്ങൾ അടിസ്ഥാനമാക്കി 91മൊബൈൽസ് പുറത്തു വിട്ട റിപ്പോർട്ട് അനുസരിച്ച് റിയൽമി 14X ഫോണിനെ ഡിസംബർ ആദ്യം അവതരിപ്പിക്കുമെന്ന് പ്രതീക്ഷിക്കുന്നു. ക്രിസ്റ്റൽ ബ്ലാക്ക്, ഗോൾഡൻ ഗ്ലോ, ജുവൽ റെഡ് എന്നീ മൂന്ന് കളർ ഓപ്ഷനുകളിലാവും ഈ സ്മാർട്ട്‌ഫോൺ വരികയെന്നാണ് അഭ്യൂഹങ്ങൾ സൂചിപ്പിക്കുന്നത്. ഇത് മൂന്ന് വ്യത്യസ്ത റാമിലും സ്റ്റോറേജ് കോൺഫിഗറേഷനുകളിലും ലഭ്യമാകാൻ സാധ്യതയുണ്ട്. റിപ്പോർട്ടിൽ സൂചിപ്പിച്ചതു പ്രകാരം, 6 ജിബി റാം + 128 ജിബി സ്റ്റോറേജ്, 8 ജിബി റാം + 128 ജിബി സ്റ്റോറേജ്, 8 ജിബി റാം + 256 ജിബി സ്റ്റോറേജ് എന്നീ മോഡലുകളാവും ഉണ്ടാവുക.

റിയൽമി 14X ഫോണിൻ്റെ മറ്റു സവിശേഷതകൾ:

റിയൽമി 14X ഫോൺ 6,000mAh ബാറ്ററിയും ചതുരാകൃതിയിലുള്ള ക്യാമറ മൊഡ്യൂളുമായി വരുമെന്നാണ് ഒരു റിപ്പോർട്ട് പരാമർശിക്കുന്നു. ഫോണിനെക്കുറിച്ചുള്ള കൂടുതൽ വിവരങ്ങൾ ഉടൻ ഓൺലൈനിൽ വരുമെന്ന് പ്രതീക്ഷിക്കുന്നു.

ഈ വർഷം ഏപ്രിലിൽ ഇന്ത്യയിൽ ലോഞ്ച് ചെയ്ത റിയൽമി 12X 5G യുടെ പിൻഗാമിയാണ് റിയൽമി 14X. രസകരമായ കാര്യം, കമ്പനി 13X മോഡൽ അവതരിപ്പിച്ചിട്ടില്ലെന്നതാണ്. റിയൽമി 12X 5G ഫോണിൻ്റെ ഇന്ത്യയിലെ വില ആരംഭിക്കുന്നത് 4GB + 128GB വേരിയൻ്റിന് 11,999 രൂപ മുതലാണ്. വൃത്താകൃതിയിലുള്ള മൊഡ്യൂളിലുള്ള 50 മെഗാപിക്സൽ പ്രൈമറി സെൻസറും 2 മെഗാപിക്സൽ മാക്രോ ക്യാമറയും ഉൾക്കൊള്ളുന്ന ക്യാമറ യൂണിറ്റ് ഇതിൻ്റെ സവിശേഷതയാണ്.

റിയൽമി 12X 5G ഫോണിന് 45W SuperVOOC ഫാസ്റ്റ് ചാർജിംഗിനെ പിന്തുണക്കുന്ന 5,000mAh ബാറ്ററിയുണ്ട്. 8GB വരെയുള്ള LPDDR4x റാമും 128GB UFS 2.2 ഇൻ്റേണൽ സ്റ്റോറേജുമായി പെയർ ചെയ്ത മീഡിയടെക് ഡൈമെൻസിറ്റി 6100+ ചിപ്‌സെറ്റാണ് ഇതിനു കരുത്തു നൽകുന്നത്.

കൂടാതെ, മുമ്പത്തെ റിപ്പോർട്ട് റിയൽമി 14 സീരീസിലെ മറ്റൊരു ഡിവൈസിനെ കുറിച്ചുള്ള സൂചന നൽകുന്നുണ്ട്. റിയൽമി 14 പ്രോ ലൈറ്റ് എന്ന് വിളിക്കുന്ന, RMX990 എന്ന മോഡൽ നമ്പർ വഹിക്കുന്ന ഈ മോഡൽ നാല് റാമിലും സ്റ്റോറേജ് വേരിയൻ്റുകളിലും വരാം. 8GB + 128GB, 8GB + 256GB, 12GB + 256GB, 12GB + 512GB എന്നീ സ്റ്റോറേജ് ഓപ്ഷനുകളാണ് ഇതിനുണ്ടാവുക.