സാംസങ്ങ് മിഡ്-റേഞ്ച് സ്മാർട്ട്ഫോണുകൾ വാങ്ങാൻ സുവർണാവസരം; ആമസോൺ ദീപാവലി സെയിൽ 2025-ലെ ഓഫറുകൾ അറിയാം

സെപ്തംബർ 23-ന് ആരംഭിച്ച ആമസോൺ ഗ്രേറ്റ് ഇന്ത്യൻ ഫെസ്റ്റിവൽ സെയിൽ 2025 ഇപ്പോഴും നടന്നു കൊണ്ടിരിക്കുകയാണ്. ഈ വർഷം എക്കാലത്തേയും അപേക്ഷിച്ചു മികച്ച പ്രതികരണമാണു ലഭിക്കുന്നതെന്നു കമ്പനി പറയുന്നു. ആദ്യ രണ്ട് ദിവസങ്ങളിൽ മാത്രം, ഇന്ത്യയിലെ 38 കോടിയിലധികം ആളുകൾ ആമസോൺ വെബ്‌സൈറ്റ് സന്ദർശിച്ചു. സെപ്തംബറിൽ ആരംഭിച്ച സെയിൽ ഇപ്പോൾ "ദീപാവലി സ്പെഷ്യൽ" ഘട്ടത്തിലാണ്. ഈ സമയത്ത്, സ്മാർട്ട്‌ഫോണുകൾ, സ്മാർട്ട് വാച്ചുകൾ, ട്രൂ വയർലെസ് സ്റ്റീരിയോ (TWS) ഇയർഫോണുകൾ, ലാപ്‌ടോപ്പുകൾ, പിസികൾ, സ്മാർട്ട് ടിവികൾ തുടങ്ങി ഇലക്ട്രോണിക്‌സ് ഉൽപ്പന്നങ്ങൾ ഉൾപ്പെടെ നിരവധി പ്രൊഡക്റ്റുകൾക്കു വലിയ കിഴിവുകൾ ലഭിക്കും. റഫ്രിജറേറ്ററുകൾ, വാഷിംഗ് മെഷീനുകൾ തുടങ്ങിയ വീട്ടുപകരണങ്ങളും വിൽപ്പനയിലുണ്ട്. നിങ്ങൾക്ക് ഒരു പുതിയ മിഡ്-റേഞ്ച് സാംസങ്ങ് സ്മാർട്ട്‌ഫോൺ വാങ്ങണമെങ്കിൽ, ഇത് ഒരു നല്ല സമയമാണ്. നിരവധി മികച്ച സ്മാർട്ട്ഫോണുകൾ 35,000 രൂപയിൽ താഴെയുള്ള വിലയ്ക്ക് ഈ ഓഫർ സെയിലിൽ ലഭ്യമാണ്. 28,000 രൂപ വരെ നിങ്ങൾക്ക് ഇതിലൂടെ ലാഭിക്കാൻ അവസരവുമുണ്ട്.

വിലക്കുറവിനു പുറമെ 10 ശതമാനം ഡിസ്കൗണ്ട് നേടാം:

ആമസോൺ ഗ്രേറ്റ് ഇന്ത്യൻ ഫെസ്റ്റിവൽ സെയിൽ 2025 സമയത്ത്, ആക്സിസ് ബാങ്ക്, ബോബ്കാർഡ്, ഐഡിഎഫ്സി ഫസ്റ്റ് ബാങ്ക്, ആർബിഎൽ ബാങ്ക് എന്നിവയുടെ ക്രെഡിറ്റ് അല്ലെങ്കിൽ ഡെബിറ്റ് കാർഡുകൾ ഉപയോഗിച്ച് ഉപഭോക്താക്കൾക്ക് കൂടുതൽ ലാഭം നേടാനാകും. ഈ കാർഡുകൾ വഴി പർച്ചേസ് ചെയ്യുമ്പോൾ 10% അഡീഷണൽ ഡിസ്കൗണ്ട് ലഭിക്കുന്നു. ഷോപ്പർമാർക്ക് ക്യാഷ്ബാക്ക് ഓഫറുകൾ, എക്സ്ചേഞ്ച് ബോണസുകൾ, നോ കോസ്റ്റ് ഇഎംഐ ഓപ്ഷനുകൾ എന്നിവയും പ്രയോജനപ്പെടുത്താം.

35,000 രൂപയിൽ താഴെയുള്ള സാംസങ്ങ് സ്മാർട്ട്‌ഫോണുകൾ തിരയുന്നവർക്ക്, ഗാലക്‌സി എസ് സീരീസ്, ഗാലക്‌സി എ സീരീസ്, ഗാലക്‌സി എം സീരീസ് എന്നിവയിൽ നിന്നുള്ള മോഡലുകളിൽ മികച്ച ഡീലുകൾ ഉണ്ട്. ലിസ്റ്റിൽ പറഞ്ഞിരിക്കുന്ന ഡിസ്കൗണ്ട് വിലകളിൽ തിരഞ്ഞെടുത്ത ബാങ്ക് കാർഡുകൾക്കു ലഭ്യമായ അധിക ഓഫറുകൾ ഉൾപ്പെടുന്നില്ല. ഈ ആനുകൂല്യങ്ങളെല്ലാം ഒരുമിച്ച് ഉപയോഗിച്ച്, സെയിലിനിടെ നിങ്ങൾക്ക് ഇഷ്ടപ്പെട്ട സാംസങ്ങ് ഫോൺ വാങ്ങിയാൽ കൂടുതൽ ലാഭമുണ്ടാക്കാൻ കഴിയും.

ആമസോൺ ദീപാവലി സെയിൽ 2025-ൽ മിഡ്-റേഞ്ച് സാംസങ്ങ് സ്മാർട്ട്ഫോണുകൾക്കുള്ള മികച്ച ഓഫർ ഡീലുകൾ:

ദീപാവലി സെയിലിൽ സാംസങ്ങ് തങ്ങളുടെ നിരവധി ജനപ്രിയ സ്മാർട്ട്‌ഫോണുകൾക്ക് കിഴിവുകൾ പ്രഖ്യാപിച്ചിട്ടുണ്ട്. സാംസങ്ങ് ഗാലക്സി S24 FE-യുടെ യഥാർത്ഥ വില 59,999 രൂപയാണെങ്കിലും സെയിൽ സമയത്ത് ഇത് 31,699 രൂപയ്ക്ക് ലഭ്യമാണ്. മറ്റൊരു ഓപ്ഷനായ സാംസങ്ങ് ഗാലക്സി A55 5G-യുടെ യഥാർത്ഥ വില 42,999 രൂപയാണെങ്കിലും, ഇപ്പോൾ സെയിലിൽ 23,999 രൂപയ്ക്ക് ലഭ്യമാകും.

മിഡ്-റേഞ്ച് മോഡലുകളിൽ താൽപ്പര്യമുള്ളവർക്ക്, സാംസങ്ങ് ഗാലക്സി M56 5G-യുടെ യഥാർത്ഥ വില 30,999 രൂപയായിരുന്നു, എന്നാൽ ഇപ്പോഴിത് 24,999 രൂപയ്ക്ക് വാങ്ങാം. സാംസങ്ങ് ഗാലക്സി A17 5G-യുടെ യഥാർത്ഥ വില 26,499 രൂപയും അതിന്റെ സെയിലിലെ വില 23,499 രൂപയുമാണ്. അതുപോലെ, സാംസങ്ങ് ഗാലക്സി A36 5G ലിസ്റ്റ് വിലയായ 35,999 രൂപയിൽ നിന്ന് കുറഞ്ഞ് 28,499 രൂപയ്ക്ക് ലഭ്യമാണ്.

ഇതിനു പുറമെ, സാംസങ്ങ് ഗാലക്‌സി A26 5G-യുടെ യഥാർത്ഥ വില 30,999 രൂപയാണ്. എന്നാൽ സെയിൽ സമയത്ത് ഇതിനു 26,999 രൂപ മാത്രമാണു വില. ഉയർന്ന നിലവാരമുള്ള സാംസങ്ങ് സ്മാർട്ട്‌ഫോണുകൾ വളരെ കുറഞ്ഞ വിലയ്ക്ക് ലഭിക്കാനുള്ള അവസരം ഈ ഓഫർ സെയിലുകൾ നൽകുന്നുവെന്ന് ഇതിൽ നിന്നും വ്യക്തമാണ്.