Samsung Galaxy Unpacked

ഗാലക്‌സി അൺപാക്ക്ഡ് 2026 ഫെബ്രുവരി 25-ന് നടക്കുമെന്ന് സാംസങ്ങ് ഒരു ന്യൂസ് റൂം പോസ്റ്റിലൂടെ സ്ഥിരീകരിച്ചു. പരിപാടി രാവിലെ 10 മണിക്ക്, ET ഉച്ചയ്ക്ക് 1 മണിക്കും, ഇന്ത്യയിൽ രാത്രി 10:30-നും ആരംഭിക്കും. കാലിഫോർണിയയിലെ സാൻ ജോസിൽ വെച്ചാണ് ഇവൻ്റ് നടക്കുക. ലോകമെമ്പാടുമുള്ള കാഴ്ചക്കാർക്കായി ലോഞ്ച് ഇവന്റ് തത്സമയം സംപ്രേഷണം ചെയ്യും. ഉപയോക്താക്കൾക്ക് സാംസങ്ങിന്റെ ഔദ്യോഗിക വെബ്‌സൈറ്റായ സാംസങ്ങ് ന്യൂസ്‌റൂമിലും കമ്പനിയുടെ യൂട്യൂബ് ചാനലിലും ഇത് കാണാൻ കഴിയും. ഇന്ത്യയിലെയും മറ്റ് വിപണികളിലെയും ഉപഭോക്താക്കൾക്കായി സാംസങ്ങ് പ്രീ-റിസർവ് ഓപ്ഷനും വാഗ്ദാനം ചെയ്യാൻ തുടങ്ങിയിട്ടുണ്ട്. താൽപ്പര്യമുള്ളവർക്ക് 999 രൂപ നൽകി ഗാലക്‌സി പ്രീ-റിസർവ് വിഐപി പാസ് സ്വന്തമാക്കാം.

ആറ് വർഷത്തിനുള്ളിൽ സാംസങ്ങിന്റെ ഫ്ലാഗ്ഷിപ്പ് ഗാലക്സി എസ് സീരീസ് ഫോണുകളിലെ വയർലെസ് ചാർജിംഗ് സ്പീഡിൽ അപ്‌ഗ്രേഡ് വരുന്നത് ആദ്യമായിട്ടായിരിക്കും. 2020-ൽ പുറത്തിറക്കിയ S20 സീരീസ് മുതൽ, ഈ വർഷം പുറത്തു വന്ന ഗാലക്സി S25 സീരീസ് ഉൾപ്പെടെയുള്ള എല്ലാ ഗാലക്സി എസ് മോഡലുകളിലും 15W വയർലെസ് ചാർജിംഗ് ആയിരുന്നു. ഇതിനുപുറമെ, ഗാലക്സി S26 അൾട്രാ 45W വയർലെസ് ഫാസ്റ്റ് ചാർജിംഗ് വാഗ്ദാനം ചെയ്യുമെന്നും സ്റ്റാൻഡേർഡ് ഗാലക്സി S26 25W വയർലെസ് ചാർജിംഗിനെ പിന്തുണയ്ക്കുമെന്നും മറ്റൊരു സമീപകാല റിപ്പോർട്ടും പരാമർശിച്ചു. വയർലെസ്, വയർഡ് ചാർജിംഗിന്റെ കാര്യത്തിൽ ഗാലക്‌സി S26 സീരീസ് വേഗമേറിയതും കാര്യക്ഷമവുമാക്കുക എന്നതാണ് സാംസങ് ലക്ഷ്യമിടുന്നതെന്ന് ഈ അപ്‌ഗ്രേഡുകൾ സൂചിപ്പിക്കുന്നു.

ആൻഡ്രോയിഡ് 16 അടിസ്ഥാനമാക്കിയുള്ള സാംസങ്ങിന്റെ വൺ Ul 8-ൽ പ്രവർത്തിക്കുന്ന ഡ്യുവൽ സിം ഫോൾഡബിൾ ഫോണായ സാംസങ്ങ് ഗാലക്‌സി Z ഫോൾഡ് 7-ന് രണ്ട് ഡിസ്‌പ്ലേകളുണ്ട്; 8 ഇഞ്ച് ഇന്നർ QXGA+ ഡൈനാമിക് അമോലെഡ് 2X സ്‌ക്രീനും 6.5 ഇഞ്ച് എക്‌സ്‌റ്റേർ ഫുൾ-എച്ച്‌ഡി+ സ്‌ക്രീനും. ഔട്ടർ ഡിസ്‌പ്ലേക്ക് കോർണിംഗ് ഗൊറില്ല ഗ്ലാസ് സെറാമിക് 2-ൻ്റെയും പിന്നിൽ ഗൊറില്ല ഗ്ലാസ് വിക്ടസ് 2-ൻ്റെയും പരിരക്ഷണമുണ്ട്. ഗാലക്‌സി പ്രോസസറിനുള്ള സ്‌നാപ്ഡ്രാഗൺ 8 എലീറ്റ് ആണ് ഫോണിന് കരുത്ത് പകരുന്നത്, കൂടാതെ 16 ജിബി വരെ റാമും ഇതിൽ വരുന്നു. ശക്തമായ ആർമർ അലുമിനിയം ഫ്രെയിം ഉപയോഗിച്ചു നിർമിച്ച ഈ ഫോണിൽ Al അടിസ്ഥാനമാക്കിയുള്ള നിരവധി സവിശേഷതകളുണ്ട്.

നിരവധി പേർ ഏറെ പ്രതീക്ഷയോടെ കാത്തിരിക്കുന്ന ഗാലക്‌സി അൺപാക്ക്ഡ് 2025 ഇവന്റിനായി സാംസങ്ങ് തയ്യാറെടുക്കുകയാണ്. ഫോൾഡബിൾ സ്മാർട്ട്‌ഫോണുകൾ അടക്കം നിരവധി പ്രൊഡക്റ്റുകൾ ഈ പരിപാടിയിൽ അവതരിപ്പിക്കുമെന്ന് പ്രതീക്ഷിക്കുന്നു. പേരുകളൊന്നും സ്ഥിരീകരിച്ചിട്ടില്ലെങ്കിലും, ഗാലക്‌സി Z ഫോൾഡ് 7 ഉൾപ്പെടെയുള്ള നെക്സ്റ്റ് ജനറേഷൻ ഫോൾഡബിളുകൾ സാംസങ്ങ് അവതരിപ്പിക്കുമെന്ന് റിപ്പോർട്ടുകൾ സൂചിപ്പിക്കുന്നു. ഗാലക്‌സി Z ഫോൾഡ് 7 ഇതുവരെ നിർമ്മിച്ചതിൽ വച്ച് ഏറ്റവും കനം കുറഞ്ഞതും ഭാരം കുറഞ്ഞതുമായ ഫോൾഡബിൾ ഫോണായിരിക്കുമെന്ന് സാംസങ്ങ് ഇതിനകം പ്രഖ്യാപിച്ചിട്ടുണ്ട്. ഉപയോക്താക്കൾക്ക് മുമ്പത്തേക്കാൾ കൂടുതൽ പ്രീമിയം അനുഭവം ഇതിൽ നിന്നും പ്രതീക്ഷിക്കാൻ കഴിയും.

സാമൂഹ്യമാധ്യമമായ എക്സ് (മുമ്പ് ട്വിറ്റർ) ഉപയോക്താവ് തരുൺ വാട്ട്‌സ് (@tarunvats33) അടുത്തിടെ പുറത്തു വിട്ട വിവരങ്ങളിൽ വരാനിരിക്കുന്ന സാംസങ് ഗാലക്‌സി S25 സീരീസിന് ഇന്ത്യയിൽ പ്രതീക്ഷിക്കുന്ന വില എത്രയാണെന്നു വെളിപ്പെടുത്തി. 12 ജിബി റാമും 256 ജിബി സ്റ്റോറേജുമുള്ള അടിസ്ഥാന ഗാലക്‌സി S25 മോഡലിന് 84,999 രൂപയും 12 ജിബി + 512 ജിബി വേരിയൻ്റിന് 94,999 രൂപയും വില വരുമെന്ന് ലീക്കുകൾ വ്യക്തമാക്കുന്നു.

ആൻഡ്രോയിഡ് ഹെഡ്‌ലൈൻസിൽ നിന്നുള്ള ഒരു റിപ്പോർട്ട് അനുസരിച്ച്, മുഴുവൻ ഗാലക്‌സി S25 സീരീസ് ഫോണുകളിലും ക്വാൽകോമിൻ്റെ പുതിയ സ്‌നാപ്ഡ്രാഗൺ 8 എലീറ്റ് പ്രോസസറും 12 ജിബി റാമും സ്റ്റാൻഡേർഡായി അവതരിപ്പിക്കുമെന്ന് പ്രതീക്ഷിക്കുന്നു, എന്നിരുന്നാലും ഇത് എല്ലാ പ്രദേശങ്ങളിലും ഉണ്ടാകുമോ എന്ന കാര്യം വ്യക്തമല്ല. എല്ലാ മോഡലുകളും ഡ്യുവൽ സിം (ഇസിം പിന്തുണ ഉൾപ്പെടെ), വൈഫൈ 7, ബ്ലൂടൂത്ത് 5.3, 12 മെഗാപിക്സൽ ഫ്രണ്ട് ക്യാമറ എന്നിവയോടെയാണ് വരുന്നതെന്ന് പറയപ്പെടുന്നു. ഒക്ടോബറിൽ പ്രഖ്യാപിച്ച ആൻഡ്രോയിഡ് 15 അടിസ്ഥാനമാക്കിയുള്ള One UI 7-ൽ ഈ ഫോണുകൾ പ്രവർത്തിക്കുമെന്ന് റിപ്പോർട്ടുണ്ട്

സാംസങ് അതിൻ്റെ ഗാലക്‌സി അൺപാക്ക്ഡ് 2025 ഇവൻ്റിനെക്കുറിച്ചുള്ള വിശദാംശങ്ങൾ കഴിഞ്ഞ ദിവസം പ്രഖ്യാപിച്ചു. ജനുവരി 22-ന് കാലിഫോർണിയയിലെ സാൻ ജോസിൽ 10 AM PT/1 PM ET (10:30 PM IST) മണിക്ക് ചടങ്ങ് ആരംഭിക്കും. Samsung.com, Samsung Newsroom അല്ലെങ്കിൽ അവരുടെ ഔദ്യോഗിക യുട്യൂബ് ചാനലിൽ ചടങ്ങ് തത്സമയം കാണാൻ കഴിയും. ഉപഭോക്താക്കൾക്ക് അവരുടെ ഇടം 1,999 രൂപ നൽകി മുൻകൂട്ടി റിസർവ് ചെയ്ത് ഗാലക്‌സി പ്രീ-റിസർവ് വിഐപി പാസ് നേടാൻ അവസരമുണ്ട്. ഈ പാസിൽ പുതിയ ഗാലക്‌സി ഫോണുകൾ വാങ്ങുമ്പോൾ ഇ-സ്റ്റോർ വൗച്ചർ വഴി 5,000 രൂപയുടെ ആനുകൂല്യം നേടാനാകും. കൂടാതെ, 50,000 രൂപ വിലമതിക്കുന്ന ഒരു ഗിവ്എവേയിൽ പങ്കാളികളാകാനും അവസരമുണ്ട്