3ഡി സ്പേഷ്യൽ ഓഡിയോയും ചെറിയ ചാർജിംഗ് കേസും: വൺപ്ലസ് നോർഡ് ബഡ്സ് 4 പ്രോ ഇന്ത്യയിൽ

ചൈന ആസ്ഥാനമായ ടെക് കമ്പനി വൺപ്ലസ് ഈ മാസം അവസാനം നോർഡ് ബഡ്സ് 4 പ്രോ ഇന്ത്യയിൽ അവതരിപ്പിക്കുമെന്ന് ചൊവ്വാഴ്ച അറിയിച്ചു. പുതിയ നോർഡ് ബഡ്സ് 4 പ്രോ ട്രൂ വയർലെസ് സ്റ്റീരിയോ (ടിഡബ്ല്യുഎസ്) ഇയർബഡുകൾ രാജ്യത്ത് രണ്ട് ഇ-കൊമേഴ്സ് പ്ലാറ്റ്‌ഫോമുകളിലൂടെയും കമ്പനിയുടെ ഔദ്യോഗിക ഓൺലൈൻ സ്റ്റോറിലൂടെയും വിൽപ്പനയ്ക്ക് എത്തും.  ഇയർബഡുകൾ രണ്ട് ആകർഷകമായ നിറങ്ങളിൽ വിപണിയിലെത്തും. എൽഇഡി സൂചികയോടുകൂടിയ പെബ്ബിൾ ഡിസൈൻ ചാർജിംഗ് കേസ് ഈ ഓഡിയോ ഉപകരണത്തിനുണ്ടാകും. ഇൻ-ഇയർ രൂപകൽപ്പനയിലുള്ള ഈ ഇയർബഡുകൾ സിലിക്കൺ ടിപ്പുകളോടെയാകും ലഭിക്കുക. നോർഡ് ബഡ്സ് 4 പ്രോയുടെ പ്രധാന സവിശേഷതകളും സ്പെസിഫിക്കേഷനുകളും കമ്പനി ഇതിനകം തന്നെ പുറത്തുവിട്ടിട്ടുണ്ട്.

വൺപ്ലസ് നോർഡ് ബഡ്സ് 4 പ്രോ ഇന്ത്യയിൽ മാർച്ച് 19ന് എത്തും

ഒരു പ്രസ് റിലീസിലൂടെ വൺപ്ലസ് അറിയിച്ചു: പുതിയ നോർഡ് ബഡ്സ് 4 പ്രോ ഇന്ത്യയിൽ മാർച്ച് 19ന് ഉച്ചയ്ക്ക് 12 മണിക്ക് (IST) അവതരിപ്പിക്കും. ഇതിനോടൊപ്പം ഫ്ലിപ്കാർട്ട്, ആമസോൺ, വൺപ്ലസ് ഇന്ത്യയുടെ ഔദ്യോഗിക ഓൺലൈൻ സ്റ്റോർ എന്നിവിടങ്ങളിൽ ഇതിനായി പ്രത്യേക മൈക്രോസൈറ്റുകൾ ആരംഭിച്ചിട്ടുണ്ട്.  ടിഡബ്ല്യുഎസ് ഇയർബഡുകൾ ഇന്ത്യയിൽ ഈ പ്ലാറ്റ്‌ഫോമുകൾ വഴി ലഭ്യമാകുമെന്ന് സ്ഥിരീകരിക്കുന്നതിനൊപ്പം, ഉപകരണത്തിന്റെ പ്രധാന സവിശേഷതകളും സ്പെസിഫിക്കേഷനുകളും വ്യക്തമാക്കുന്നു. വൺപ്ലസ് നോർഡ് ബഡ്സ് 4 പ്രോ ഇന്ത്യയിൽ റേഡിയന്റ് ഗ്രേ, റേവൻ ബ്ലാക്ക് എന്നി നിറങ്ങളിൽ ലഭ്യമാകും.

സവിശേഷതകളുടെ കാര്യത്തിൽ, ഈ ടിഡബ്ല്യുഎസ് ഇയർബഡുകൾക്ക് 55dB വരെ ആക്ടീവ് നോയിസ് കാൻസലേഷൻ പിന്തുണ ലഭിക്കും. കൂടാതെ TÜV Rheinland നൽകുന്ന ഹൈ പെർഫോർമൻസ് നോയിസ് കാൻസലേഷൻ സർട്ടിഫിക്കേഷനും ഇതിന് ലഭിച്ചതായി കമ്പനി അറിയിച്ചു. ടൈറ്റാനിയം കോറ്റിംഗ് ചെയ്ത
12 മില്ലീമീറ്റർ ഡ്രൈവർസുകളോടെയാണ് ഈ ഓഡിയോ ഉപകരണം എത്തുന്നത്. ഇതിന് Hi-Res വയർലെസ് ഓഡിയോ പിന്തുണയും എൽ.എച്ച്‌.ഡി.സി 5.0 കോഡെക് സപ്പോർട്ടും ലഭ്യമാകും.

അടുത്ത ആഴ്ച പുറത്തിറങ്ങാൻ നിശ്ചയിച്ചിരിക്കുന്ന വൺപ്ലസ് നോർഡ് ബഡ്സ് 4 പ്രോ ൽ ത്രീഡി സ്പേഷ്യൽ ഓഡിയോ ശബ്ദവും ഗെയിമുകൾക്കായുള്ള സ്പേഷ്യൽ ശബ്ദ പിന്തുണയും ലഭ്യമാകും. ഈ ടിഡബ്ല്യുഎസ് ഇയർബഡുകളുടെ സ്റ്റെമിൽ സ്വൈപ്പ് ചെയ്ത് ശബ്ദനില നിയന്ത്രിക്കാനും, ടാപ്പ് ചെയ്ത് ഗാനങ്ങൾ പ്ലേ ചെയ്യുകയോ പോസ് ചെയ്യുകയോ ചെയ്യാനും ഉപയോക്താക്കൾക്ക് സാധിക്കും. കൂടാതെ ആറ് മൈക്രോഫോണുകൾ ഉൾപ്പെടുത്തിയ സംവിധാനവും ഇതിൽ ഉണ്ടായിരിക്കും. ഫോൺ കോളുകൾ കൂടുതൽ വ്യക്തമായി കേൾക്കാൻ സഹായിക്കുന്ന വൺപ്ലസിന്റെ എഐ ക്ലിയർ കോൾ സൗകര്യത്തിനും ഇതിൽ പിന്തുണ ലഭ്യമാകും.

ടെക് കമ്പനിയുടെ അവകാശവാദമനുസരിച്ച് വൺപ്ലസ് നോർഡ് ബഡ്സ് 4 പ്രോയിലെ ഡ്രൈവർ, നോർഡ് ബഡ്സ് 3 പ്രോയെ അപേക്ഷിച്ച് 100 ശതമാനം കൂടുതൽ ശക്തി നൽകുമെന്ന് പറയുന്നു. കൂടാതെ ഈ വയർലെസ് ഇയർബഡുകൾ താരതമ്യേന ചെറിയ ചാർജിംഗ് കേസോടെയായിരിക്കും എത്തുക. മുൻ മോഡലിന്റെ കേസിനെ അപേക്ഷിച്ച് ഇത് 10 ശതമാനത്തിലധികം ചെറുതാക്കി രൂപകൽപ്പന ചെയ്തതാണെന്നും കമ്പനി വ്യക്തമാക്കുന്നു.

നോർഡ് ബഡ്സ് 3 പ്രോ ഇന്ത്യയിൽ 2024 ജൂലൈയിൽ 3,299 രൂപ വിലയിൽ പുറത്തിറങ്ങിയിരുന്നു. 49 ഡെസിബൽ സജീവ ശബ്ദനിരോധന സംവിധാനമുള്ള ഈ വയർലെസ് ഇയർബഡുകൾ, ഒരു പൂർണ്ണ ചാർജിൽ 44 മണിക്കൂർ വരെ ബാറ്ററി പ്രവർത്തനസമയം നൽകുമെന്നാണ് കമ്പനിയുടെ അവകാശവാദം.