ഇനി കളി മാറും, ഇൻഫിനിക്സ് നോട്ട് 50 പ്രോ+ 5G എത്തി

ഇന്ത്യയിൽ വളരെയധികം ആരാധകരുള്ള സ്മാർട്ട്ഫോൺ ബ്രാൻഡായ ഇൻഫിനിക്സ് തങ്ങളുടെ പുതിയ സ്മാർട്ട്‌ഫോണായ നോട്ട് 50 പ്രോ+ 5G ആഗോള വിപണികളിൽ പുറത്തിറക്കി. മീഡിയടെക് ഡൈമെൻസിറ്റി 8350 അൾട്ടിമേറ്റ് ചിപ്‌സെറ്റാണ് ഈ ഫോണിന് കരുത്ത് പകരുന്നത്. 144Hz റിഫ്രഷ് റേറ്റുള്ള തിളക്കമുള്ള AMOLED ഡിസ്‌പ്ലേയാണ് ഈ ഫോണിന്റെ സവിശേഷത. ഇൻഫിനിക്സ് നോട്ട് 50 സീരീസിലെ മൂന്നാമത്തെ മോഡലാണ് നോട്ട് 50 പ്രോ+ 5G. നേരത്തെ, ഇന്തോനേഷ്യയിൽ ഇൻഫിനിക്സ് നോട്ട് 50, നോട്ട് 50 പ്രോ മോഡലുകൾ കമ്പനി അവതരിപ്പിച്ചിരുന്നു. ഈ ഫോണിന്റെ പ്രധാന ഹൈലൈറ്റുകളിൽ ഒന്ന് അതിന്റെ 5,200mAh ബാറ്ററിയാണ്, ഇത് 100W ഫാസ്റ്റ് വയർഡ് ചാർജിംഗും വയർലെസ് ചാർജിംഗും പിന്തുണയ്ക്കുന്നു. കൂടാതെ ഇൻഫിനിക്സ് AI സവിശേഷതകളുമായാണ് ഫോൺ വരുന്നത്. ഈ വർഷം അവസാനത്തോടെ നോട്ട് 50 പരമ്പരയിലെ രണ്ട് 5G മോഡലുകൾ കൂടി പുറത്തിറക്കാനുള്ള പദ്ധതിയും ഇൻഫിനിക്സ് പ്രഖ്യാപിച്ചിട്ടുണ്ട്.

ഇൻഫിനിക്സ് നോട്ട് 50 പ്രോ+ ഫോണിൻ്റെ വില:

ഇൻഫിനിക്സ് നോട്ട് 50 പ്രോ+ 5G യുടെ വില യുഎസിൽ 370 ഡോളർ (ഏകദേശം 32,000 രൂപ) ആണ്. എൻ‌ചാൻറ്റഡ് പർപ്പിൾ, ടൈറ്റാനിയം ഗ്രേ, ഒരു സ്പെഷ്യൽ റേസിംഗ് എഡിഷൻ എന്നിങ്ങനെ മൂന്ന് വേരിയൻ്റുകളിൽ ഇത് ലോകമെമ്പാടും ലഭ്യമാകും. റേസിംഗ് കാറുകളിൽ നിന്ന് പ്രചോദനം ഉൾക്കൊണ്ട ഒരു സ്പെഷ്യൽ ഡിസൈനാണ് റേസിംഗ് എഡിഷനുള്ളത്, അതിൽ മൂന്നു നിറത്തിലുള്ള സ്ട്രിപ്പുകളും സഫയർ ക്രിസ്റ്റലിൽ നിർമ്മിച്ച ഒരു പവർ ബട്ടണും ഉൾപ്പെടുന്നു.

ഇൻഫിനിക്സ് നോട്ട് 50 പ്രോ+ 5G ഫോണിനൊപ്പം, ആഗോളതലത്തിൽ മറ്റ് രണ്ട് മോഡലുകൾ കൂടി പ്രഖ്യാപിച്ചിട്ടുണ്ട്. ഇൻഫിനിക്സ് നോട്ട് 50, ഇൻഫിനിക്സ് നോട്ട് 50 പ്രോ എന്നിവയാണത്. ഈ ഫോണുകളുടെ പ്രാരംഭ വില യഥാക്രമം 180 ഡോളർ (ഏകദേശം 15,000 രൂപ), 210 ഡോളർ (ഏകദേശം 18,000 രൂപ) എന്നിവയാണ്. ഈ മോഡലുകൾ ഈ മാസം ആദ്യം ഇന്തോനേഷ്യയിൽ അവതരിപ്പിച്ചു. നോട്ട് 50 സീരീസിലെ രണ്ട് 5G സ്മാർട്ട്‌ഫോണുകൾ കൂടി ഉടൻ അവതരിപ്പിക്കാനും ഇൻഫിനിക്സ് പദ്ധതിയിടുന്നു.

ഇൻഫിനിക്സ് നോട്ട് 50 പ്രോ+ ഫോണിൻ്റെ സവിശേഷതകൾ:

ഇൻഫിനിക്സ് നോട്ട് 50 പ്രോ+ 5G ഫോണിൽ 144Hz റിഫ്രഷ് റേറ്റും 1,300 nits പീക്ക് ബ്രൈറ്റ്നസ് ലെവലുമുള്ള 6.78 ഇഞ്ച് AMOLED ഡിസ്‌പ്ലേയുണ്ട്. ബ്ലൂ ലൈറ്റ് കുറയ്ക്കുന്നതിന് സ്‌ക്രീനിന് TÜV റൈൻലാൻഡ് സർട്ടിഫിക്കേഷനും കോളുകൾ, നോട്ടിഫിക്കേഷൻ എന്നിവയ്‌ക്കും മറ്റും LED ഇഫക്റ്റുകൾ കാണിക്കുന്ന ഒരു ബയോ-ആക്ടീവ് ഹാലോ AI ലൈറ്റിംഗ് സിസ്റ്റവും ഉൾപ്പെടുന്നു.

ഇത് മീഡിയടെക് ഡൈമെൻസിറ്റി 8350 അൾട്ടിമേറ്റ് ചിപ്പിൽ പ്രവർത്തിക്കുന്നു, ചൂട് നിയന്ത്രിക്കാൻ ഗ്രാഫൈറ്റ് പാളിയുള്ള ഒരു വേപ്പർ ചേമ്പറും ഉണ്ട്. മികച്ച വൈബ്രേഷൻ ഫീഡ്‌ബാക്കിനായി ഒരു എക്സ്-ആക്സിസ് ലീനിയർ മോട്ടോറും ഇതിൽ ഉൾപ്പെടുന്നു.

OIS ഉള്ള 50MP സോണി IMX896 പ്രൈമറി ക്യാമറ, 8MP അൾട്രാ-വൈഡ് ലെൻസ്, 6x ലോസ്‌ലെസ് സൂം, 100x അൾട്ടിമേറ്റ് സൂം എന്നിവയുള്ള 50MP പെരിസ്‌കോപ്പ് ടെലിഫോട്ടോ ലെൻസ് എന്നിവ ഇതിലുണ്ട്. JBL ഡ്യുവൽ സ്പീക്കറുകൾ, NFC സപ്പോർട്ട്, ഇൻഫ്രാറെഡ് റിമോട്ട് കൺട്രോൾ എന്നിവയും ഫോണിൽ ഉണ്ട്. പൊടി, ജല പ്രതിരോധം എന്നിവയ്ക്കായി IP64 റേറ്റുചെയ്‌തിരിക്കുന്നു.

ബാറ്ററി 5,200mAh ആണ്, 100W വയർഡ് ചാർജിംഗ്, 10W വയർലെസ് ചാർജിംഗ്, 7.5W വയർലെസ് റിവേഴ്സ് ചാർജിംഗ് എന്നിവയെ പിന്തുണയ്ക്കുന്നു. പവർ റിസർവ് മോഡിൽ, വെറും 1% ബാറ്ററി 2.2 മണിക്കൂർ വരെ ടോക്ക് ടൈം നൽകും.

ഇൻഫിനിക്സ് AI ഇൻഫിനിറ്റി ബീറ്റ പ്ലാൻ

ഇൻഫിനിക്സ് AI ഇൻഫിനിറ്റി ബീറ്റ പ്ലാൻ വൺ-ടാപ്പ് ഇൻഫിനിക്സ് AI ഇൻഫിനിറ്റി അവതരിപ്പിക്കുന്നു. ഇതിലൂടെ പവർ ബട്ടൺ ദീർഘനേരം അമർത്തി AI അസിസ്റ്റന്റായ ഫോളാക്സ് സജീവമാക്കാൻ കഴിയും. ഫോളാക്സിന് ഓൺ-സ്ക്രീൻ ഉള്ളടക്കം തിരിച്ചറിയാനും, ടെക്സ്റ്റ് വിവർത്തനം ചെയ്യാനും, ഷെഡ്യൂളിംഗ്, നാവിഗേഷൻ, കോളിംഗ് തുടങ്ങിയ ജോലികൾക്കായി ക്രോസ്-ആപ്പ് വോയ്‌സ് കമാൻഡുകൾ കൈകാര്യം ചെയ്യാനും കഴിയും. AI ഇറേസർ, AI കട്ടൗട്ട്, AI റൈറ്റിംഗ്, AI നോട്ട്, AI വാൾപേപ്പർ ജനറേറ്റർ തുടങ്ങിയ സവിശേഷതകളും ഇതിൽ ഉൾപ്പെടുന്നു.

ആശയവിനിമയത്തിനായി, റിയൽ-ടൈം കോൾ ട്രാൻസ്ലേറ്റർ, കോൾ സമ്മറി, AI ഓട്ടോ-ആൻസർ, ഡ്യുവൽ-വേ സ്പീച്ച് എൻഹാൻസ്‌മെന്റ് തുടങ്ങിയ സവിശേഷതകളും ഇത് വാഗ്ദാനം ചെയ്യുന്നു.