ഇതുവരെയുള്ള ഏറ്റവും കുറഞ്ഞ വിലയ്ക്ക് സാംസങ്ങ് ഗാലക്സി S24 FE ആമസോണിൽ; ഓഫറിനെ കുറിച്ച് അറിയാം

40,000 രൂപയിൽ താഴെ വിലയുള്ള ഒരു സ്മാർട്ട്‌ഫോൺ വാങ്ങാൻ നിങ്ങൾ പദ്ധതിയിടുകയാണെങ്കിൽ, ഇതാണ് ശരിയായ സമയം. കുറഞ്ഞ വിലയ്ക്ക് ഫ്ലാഗ്‌ഷിപ്പ് നിലവാരമുള്ള സവിശേഷതകൾ വാഗ്ദാനം ചെയ്യുന്നതിൽ സാംസങ്ങിന്റെ ഫാൻ എഡിഷൻ ലൈനപ്പ് പേരുകേട്ടതാണ്, ഗാലക്‌സി S24 FE-യും ഇതിൽ നിന്ന് വ്യത്യസ്തമല്ല. ഗാലക്‌സി S26 സീരീസ് ലോഞ്ച് അടുക്കുന്നതിനാൽ, പഴയ മോഡലുകളുടെ വില കുറയാൻ തുടങ്ങിയിട്ടുണ്ട്. ഗാലക്‌സി S24 FE ഇപ്പോൾ ആമസോണിൽ എക്കാലത്തെയും കുറഞ്ഞ വിലയിലാണു ലിസ്റ്റ് ചെയ്തിരിക്കുന്നത്. ഫ്ലാഗ്‌ഷിപ്പ് ലെവൽ ഫോണിനായി പണം ചെലവഴിക്കാതെ പ്രീമിയം സാംസങ്ങ് ഫോൺ ആഗ്രഹിക്കുന്നവർക്ക് ഇതൊരു മികച്ച ഓപ്ഷനാണ്. വലിയ അമോലെഡ് ഡിസ്‌പ്ലേ, എക്‌സിനോസ് പ്രോസസർ, മികച്ച ക്യാമറകൾ, ഗാലക്‌സി S24 സീരീസിലുള്ള ഗാലക്‌സി എഐ സവിശേഷതകൾ എന്നിവ ഈ ഫോൺ വാഗ്ദാനം ചെയ്യുന്നു. അതിനുപുറമെ, അധിക ബാങ്ക് ഡിസ്‌കൗണ്ടുകൾ, എക്‌സ്‌ചേഞ്ച് ഓഫറുകൾ, ഇഎംഐ ഓപ്ഷനുകൾ എന്നിവയും ആമസോൺ വാഗ്ദാനം ചെയ്യുന്നുണ്ട്. ഇതു ഡീലിനെ കൂടുതൽ ആകർഷകമാക്കി മാറ്റുന്നു.

ആമസോണിൽ സാംസങ്ങ് ഗാലക്സി S24 FE ഏറ്റവും കുറഞ്ഞ വിലയിൽ:

സാംസങ്ങ് ഗാലക്‌സി S24 FE നിലവിൽ ആമസോണിൽ ലിസ്റ്റ് ചെയ്തിരിക്കുന്നത് 37,849 രൂപയ്ക്കാണ്, ഇത് അതിന്റെ യഥാർത്ഥ ലോഞ്ച് വിലയായ 59,999 രൂപയെ അപേക്ഷിച്ച് വലിയ കിഴിവാണ്. അതായത് ബാങ്ക് ഓഫറുകൾ ഉൾപ്പെടുത്തുമ്പോൾ വാങ്ങുന്നവർക്ക് 23,285 രൂപ വരെ ലാഭിക്കാൻ കഴിയും. ആമസോൺ പേ ഐസിഐസിഐ ബാങ്ക് ക്രെഡിറ്റ് കാർഡ് ഉപയോഗിക്കുന്ന ഉപഭോക്താക്കൾക്ക് 1,135 രൂപ വരെ അധിക കിഴിവ് ലഭിക്കും, ഇത് ഫോണിൻ്റെ വില 37,000 രൂപയിൽ താഴെയാക്കി മാറ്റുന്നു.

ഇത്രയും വില കുറഞ്ഞതിനാൽ പിക്സൽ 9a പോലുള്ള ഫോണുകൾക്കും മറ്റ് പ്രീമിയം മിഡ്-റേഞ്ച് ഫോണുകൾക്കു ഗാലക്സി S24 FE ശക്തമായൊരു എതിരാളിയാണ്. പഴയ ഫോൺ നൽകി ഇതു വാങ്ങാൻ ആഗ്രഹിക്കുന്നവർക്ക് 35,950 രൂപ വരെ കിഴിവ് ലഭിക്കുന്ന ഒരു എക്‌സ്‌ചേഞ്ച് ഡീലും ആമസോൺ വാഗ്ദാനം ചെയ്യുന്നു. കൃത്യമായ എക്‌സ്‌ചേഞ്ച് മൂല്യം ഫോണിന്റെ ബ്രാൻഡ്, അവസ്ഥ, പ്രായം തുടങ്ങിയവയെ ആശ്രയിച്ചിരിക്കുന്നു.

പ്രതിമാസ പേയ്‌മെന്റുകൾ ഇഷ്ടപ്പെടുന്നവർക്ക്, ആമസോൺ പ്രതിമാസം 1,331 രൂപയിൽ ആരംഭിക്കുന്ന ഇഎംഐ ഓപ്ഷനുകളും വാഗ്ദാനം ചെയ്യുന്നു. ചില ഇഎംഐ പ്ലാനുകളിൽ പ്രോസസ്സിംഗ് ഫീസോ അധിക ചാർജുകളോ ഉൾപ്പെട്ടേക്കാമെന്നതു ശ്രദ്ധിക്കേണ്ടതാണ്. ഉപഭോക്താക്കൾക്ക് എക്സ്റ്റൻഡഡ് വാറന്റി അല്ലെങ്കിൽ ഡിവൈസ് പ്രൊട്ടക്ഷൻ പ്ലാനുകൾ പോലുള്ള ആഡ്-ഓണുകൾ കൂടുതൽ തുക നൽകി തിരഞ്ഞെടുക്കാനും കഴിയും.

സാംസങ്ങ് ഗാലക്സി S24 FE-യുടെ പ്രധാന സവിശേഷതകൾ:

ഡ്യുവൽ നാനോ സിം കാർഡുകളെ പിന്തുണയ്ക്കുന്ന സാംസങ്ങ് ഗാലക്‌സി എസ്24 FE ആൻഡ്രോയിഡ് 14 അടിസ്ഥാനമാക്കിയ വൺ യുഐ 6.1-ൽ പ്രവർത്തിക്കുന്നു. 1,080 x 2,340 പിക്‌സൽ റെസല്യൂഷനുള്ള 6.7 ഇഞ്ച് ഫുൾ-എച്ച്ഡി+ ഡൈനാമിക് അമോലെഡ് 2X ഡിസ്‌പ്ലേയും 120Hz റിഫ്രഷ് റേറ്റും ഇതിനുണ്ട്. 8 ജിബി റാമും 512 ജിബി വരെ ഇന്റേണൽ സ്റ്റോറേജുമുള്ള 4nm എക്‌സിനോസ് 2400e പ്രോസസറാണ് ഫോണിന് കരുത്ത് പകരുന്നത്.

ക്യാമറകളുടെ കാര്യത്തിൽ, ഗാലക്‌സി S24 FE-യിൽ ട്രിപ്പിൾ റിയർ ക്യാമറ സെറ്റപ്പുണ്ട്. ഒപ്റ്റിക്കൽ ഇമേജ് സ്റ്റെബിലൈസേഷനോടു (OIS) കൂടിയ 50 മെഗാപിക്സൽ മെയിൻ സെൻസർ, 3x ഒപ്റ്റിക്കൽ സൂമും OIS-ഉം ഉള്ള 8 മെഗാപിക്സൽ ടെലിഫോട്ടോ ക്യാമറ, 12 മെഗാപിക്സൽ അൾട്രാ-വൈഡ് ക്യാമറ എന്നിവ ഇതിൽ ഉൾപ്പെടുന്നു. മുൻവശത്ത്, സെൽഫികൾക്കും വീഡിയോ കോളുകൾക്കുമായി 10 മെഗാപിക്സൽ ക്യാമറയും ഫോണിലുണ്ട്.

സർക്കിൾ ടു സെർച്ച്, ലൈവ് ട്രാൻസ്ലേറ്റ്, നോട്ട് അസിസ്റ്റ്, ഇന്റർപ്രെറ്റർ മോഡ്, കമ്പോസർ തുടങ്ങിയ ഗാലക്‌സി എഐ സവിശേഷതകളെ ഈ ഫോൺ പിന്തുണയ്ക്കുന്നു. 25W വയർഡ് ചാർജിംഗ് പിന്തുണയുള്ള 4,700mAh ബാറ്ററിയാണ് ഇതിലുള്ളത്. കണക്റ്റിവിറ്റി ഓപ്ഷനുകളിൽ 5G, Wi-Fi 6E,