Oneplus 13

വൺപ്ലസ് 13 സീരീസ് ഇന്ത്യയിലും ആഗോള വിപണികളിലും 2025 ജനുവരി ഏഴാം തീയ്യതി ഇന്ത്യൻ സമയം 9 PM-ന് ലോഞ്ച് ചെയ്യുമെന്നു പ്രതീക്ഷിക്കുന്നു. കമ്പനിയുടെ വിൻ്റർ ലോഞ്ച് ഇവൻ്റിനിടെയാണ് ലോഞ്ച് ഇവൻ്റ് നടക്കുക. ടിപ്സ്റ്റർ അഭിഷേക് യാദവ് (@yabhishekhd) സാമൂഹ്യമാധ്യമമായ എക്സിലെ ഒരു പോസ്റ്റിൽ (മുമ്പ് ട്വിറ്റർ) പങ്കിട്ട ബാനറിൽ നിന്നാണ് ഈ വിവരങ്ങൾ പുറത്തു വന്നത്. മുൻനിര വൺപ്ലസ് 13 ഫോണിനു പുറമേ, വൺപ്ലസ് 13R എന്ന മറ്റൊരു മോഡലും സീരീസിൽ അവതരിപ്പിക്കുമെന്ന് പ്രതീക്ഷിക്കുന്നു.

ആമസോണിലൂടെയും വൺപ്ലസ് ഇന്ത്യയുടെ ഔദ്യോഗിക വെബ്‌സൈറ്റിലൂടെയും വൺപ്ലസ് 13 ഇന്ത്യയിൽ വാങ്ങാൻ ലഭ്യമാകും. ആമസോണിലെ ഒരു ലൈവ് പേജാണ് ഇക്കാര്യം സ്ഥിരീകരിച്ചത്. ആൻഡ്രോയിഡ് 15 അധിഷ്ഠിതമായ OxygenOS 15-ലാണ് ഫോൺ പ്രവർത്തിക്കുകയെന്ന് പേജിൽ നിന്നുള്ള വിവരങ്ങൾ വ്യക്തമാക്കുന്നു. ഫോട്ടോകൾ മെച്ചപ്പെടുത്തുന്നതിനും നോട്ട്സ് തയ്യാറാക്കുന്നതിനും സഹായിക്കുന്ന AI ഫീച്ചറുകളും ഫോണിലുണ്ടാകും. ഇന്ത്യയിൽ ലോഞ്ച് ചെയ്യുന്ന മോഡൽ ചൈനയിൽ പുറത്തിറങ്ങിയ പതിപ്പിന് സമാനമാകുമെന്ന് പ്രതീക്ഷിക്കുന്നു.

വൺപ്ലസ് അവരുടെ ഏറ്റവും പുതിയ സ്മാർട്ട്‌ഫോണായ വൺപ്ലസ് 13, ഇന്ത്യയിലും ആഗോളതലത്തിലും 2025 ജനുവരിയിൽ അവതരിപ്പിക്കുമെന്ന് സ്ഥിരീകരിച്ചു. ഒരു പത്രക്കുറിപ്പിലൂടെയാണ് കമ്പനി പ്രഖ്യാപനം നടത്തിയത്. ആർട്ടിക് ഡോൺ, ബ്ലാക്ക് എക്ലിപ്സ്, മിഡ്‌നൈറ്റ് ഓഷ്യൻ എന്നിങ്ങനെ മൂന്ന് നിറങ്ങളിൽ ഫോൺ ലഭ്യമാകും. മിഡ്‌നൈറ്റ് ഓഷ്യൻ വേരിയൻ്റിൽ മികച്ച ഗ്രിപ്പിനായി മൈക്രോ-ഫൈബർ വീഗൻ ലെതർ ബാക്ക് നൽകുമെന്നും ഇതു പോറലുകൾ ഉണ്ടാകാതെ സംരക്ഷണം നൽകുമെന്നും കമ്പനി അറിയിച്ചു. വൺപ്ലസ് 13 ഏറ്റവും പുതിയ IP68 + 69 സർട്ടിഫിക്കേഷൻ ലഭിച്ച ഹാൻഡ്സെറ്റ് ആയതിനാൽ തന്നെ പൊടിക്കും വെള്ളത്തിനുമെതിരെ ശക്തമായ പ്രതിരോധം ഉറപ്പു നൽകുന്നു

വൺപ്ലസ് പാഡ് 2 ഇന്ത്യയിൽ ലോഞ്ച് ചെയ്‌ത വില 8GB + 128GB മോഡലിന് 39,999 രൂപയും 12GB + 256GB മോഡലിന് 42,999 രൂപയുമാണ്. ഇപ്പോൾ, നവംബർ 6 അർദ്ധരാത്രി വരെയുള്ള പരിമിതമായ സമയത്തേക്ക് ഈ ടാബ്‌ലറ്റിനു ഡിസ്കൗണ്ട് ലഭ്യമാണ്. 8GB + 128GB വേരിയൻ്റിന് 37999 രൂപയും 12GB + 256GB വേരിയൻ്റിന് 40,999 രൂപയുമാണ് വില നിശ്ചയിച്ചിരിക്കുന്നത്. ആമസോൺ വഴിയോ വൺപ്ലസ് ഇന്ത്യ വെബ്‌സൈറ്റ് വഴിയോ ഈ വിലയ്ക്ക് നിങ്ങൾക്ക് ടാബ്‌ലറ്റ് വാങ്ങാം

വൺപ്ലസ് 13 ഈ മാസം അവസാനം ചൈനയിൽ ലോഞ്ച് ചെയ്യും. മാസങ്ങൾ നീണ്ട അഭ്യൂഹങ്ങൾക്ക് ശേഷം, ഫോൺ എപ്പോൾ പുറത്തിറങ്ങുമെന്ന് കമ്പനി ഔദ്യോഗികമായി പ്രഖ്യാപിക്കുകയും അതിൻ്റെ ഡിസൈൻ അടക്കമുള്ള സവിശേഷതകൾ വ്യക്തമാക്കുകയും ചെയ്തു. 120Hz റീഫ്രഷ് റേറ്റുള്ള 6.82 ഇഞ്ച് 2K 10-bit LTPO BOE X2 മൈക്രോ ക്വാഡ് കർവ്ഡ് സ്‌ക്രീനാണ് ഇതിൽ പ്രതീക്ഷിക്കുന്നത്. റീഫ്രഷ് റേറ്റ് യാന്ത്രികമായി ക്രമീകരിക്കുന്ന പുതിയ സവിശേഷതയും ഇതിൽ ഉണ്ടായിരിക്കും. സ്‌നാപ്ഡ്രാഗൺ 8 എലൈറ്റ് ചിപ്‌സെറ്റ് (സ്‌നാപ്ഡ്രാഗൺ 8 ജെൻ 4 എന്നും അറിയപ്പെടുന്നു) കരുത്തു നൽകുന്ന ഈ ഫോണിൽ 24GB വരെ റാമും 1TB വരെ ഇൻ്റേണൽ സ്‌റ്റോറേജുമുണ്ടാകും

വൺപ്ലസ് 13 ഒക്ടോബറിൽ ലോഞ്ച് ചെയ്യുമെന്നാണ് അഭ്യൂഹങ്ങൾ. ഈ മാസം അവസാനം ഫോൺ പുറത്തിറക്കുമെന്ന് ഒരു കമ്പനി എക്സിക്യൂട്ടീവ് ബുധനാഴ്ച സൂചന നൽകുകയും ചെയ്തിരുന്നു. പുതിയ ഫോൺ പെർഫോമൻസിൻ്റെ കാര്യത്തിൽ ഒരു പ്രധാന ചുവടുവയ്പ്പു നടത്തും. 120Hz റീഫ്രഷ് റേറ്റുള്ള 6.82 ഇഞ്ച് 2K 10-bit LTPO BOE X2 മൈക്രോ ക്വാഡ് കർവ്ഡ് OLED ഡിസ്‌പ്ലേ ആയിരിക്കും വൺപ്ലസ് 13 സ്മാർട്ട്ഫോണിൽ ഉണ്ടായിരിക്കുക

സ്നാപ്ഡ്രാഗൺ 8 എലൈറ്റ് അല്ലെങ്കിൽ സ്നാപ്ഡ്രാഗൺ 8 ജെൻ 4 എന്ന ഏറ്റവും പുതിയ ചിപ്പ്സെറ്റുമായാണ് വൺപ്ലസിൻ്റെ പുതിയ മോഡൽ ഫോൺ എത്തുകയെന്നാണ് റിപ്പോർട്ടുകൾ. ഏറ്റവും പുതിയ കോപൈലറ്റ്+ പിസികൾ പവർ ചെയ്യുന്ന സ്‌നാപ്ഡ്രാഗൺ എക്‌സ് ചിപ്പുകളിലുള്ള അതേ സാങ്കേതികവിദ്യയായ ഓറിയോൺ കോറുകൾ പുതിയ ചിപ്പിലും ഉപയോഗിക്കുമെന്ന് വീഡിയോ സ്ഥിരീകരിക്കുന്നു. ഈ ഓറിയോൺ കോറുകൾ പ്രകടനവും ഊർജ്ജ കാര്യക്ഷമതയും നല്ല രീതിയിൽ മെച്ചപ്പെടുത്തുമെന്ന് പ്രതീക്ഷിക്കുന്നു

വൺപ്ലസ് 12 സ്മാർട്ട്ഫോണിൻ്റെ പിൻഗാമിയായ വൺപ്ലസ് 13 ചൈനയിൽ ഉടൻ ലോഞ്ച് ചെയ്യുമെന്ന് പ്രതീക്ഷിക്കുന്നു. വൺപ്ലസ് 13 സ്മാർട്ട്ഫോൺ ക്വാൽകോമിൻ്റെ സ്നാപ്ഡ്രാഗൺ 8 ജെൻ 4 ചിപ്‌സെറ്റിൽ പ്രവർത്തിക്കുമെന്നാണ് അഭ്യൂഹങ്ങളിൽ നിന്നും മനസിലാക്കാൻ കഴിയുന്നത്. ലീക്കായ വിവരങ്ങളിൽ നിന്നും വൺപ്ലസ് 13 സ്മാർട്ട്ഫോണിന് വലിയ 6000mAh ബാറ്ററിയും 100W വയർഡ് ഫാസ്റ്റ് ചാർജിംഗ് പിന്തുണയും ലഭിക്കുമെന്ന് വ്യക്തമാകുന്നു. ട്രിപ്പിൾ റിയർ ക്യാമറ സജ്ജീകരണമാണ് ഫോണിന് ഉണ്ടാവുകയെന്നാണ് അഭ്യൂഹം

ലോഞ്ച് ചെയ്യാനിരിക്കുന്ന വൺപ്ലസ് 13 സ്മാർട്ട്ഫോണിൻ്റെ കൂടുതൽ സവിശേഷതകൾ അറിയാം