ലുമിയോ വിഷൻ സ്മാർട്ട് ടിവി ഇത്രയും വിലക്കുറവിലോ; അവിശ്വസനീയ ഓഫറുകളുമായി ആമസോൺ ഗ്രേറ്റ് ഇന്ത്യൻ ഫെസ്റ്റിവൽ സെയിൽ 2025

ഓൺലൈൻ ഷോപ്പിങ്ങ് പ്രേമികൾക്ക് ഉത്സവകാലം സമ്മാനിക്കുന്ന ആമസോൺ ഗ്രേറ്റ് ഇന്ത്യൻ ഫെസ്റ്റിവൽ സെയിൽ 2025 ഉടനെ ആരംഭിക്കാൻ പോവുകയാണ്. സെപ്റ്റംബർ 23-നാണ് എല്ലാവർക്കുമായി വിൽപ്പന ആരംഭിക്കുന്നതെങ്കിലും പ്രൈം അംഗങ്ങൾക്ക് ഒരു ദിവസം മുൻപു തന്നെ, സെപ്റ്റംബർ 22-ന് ഇത് ആക്‌സസ് ചെയ്യാൻ കഴിയും. വിൽപ്പനയ്ക്ക് മുമ്പ് പല ബ്രാൻഡുകളും അവരുടെ പ്രൊഡക്റ്റുകൾക്ക് പ്രത്യേക ഓഫറുകൾ പ്രഖ്യാപിച്ചു തുടങ്ങിയിട്ടുണ്ട്. ഇലക്ട്രോണിക്സ് ഉപകരണങ്ങൾ അപ്‌ഗ്രേഡ് ചെയ്യാനോ കുറഞ്ഞ വിലയ്ക്ക് എന്തെങ്കിലും വാങ്ങാനോ ആഗ്രഹിക്കുന്ന ആളുകൾക്ക് ഇതൊരു നല്ല അവസരമാണ്. സെയിൽ സമയത്ത്, മൊബൈൽ, ടാബ്‌ലെറ്റുകൾ, ലാപ്‌ടോപ്പുകൾ, വാച്ചുകൾ, ഹെഡ്‌ഫോണുകൾ, വീട്ടുപകരണങ്ങൾ തുടങ്ങി നിരവധി പ്രൊഡക്റ്റുകളിൽ കിഴിവുകൾ പ്രതീക്ഷിക്കാം. ആമസോണിന് പുറമെ, മറ്റ് ഓൺലൈൻ പ്ലാറ്റ്‌ഫോമുകളും ഓഫർ സെയിൽ നടത്തുന്നുണ്ട്. ഫ്ലിപ്കാർട്ട് ബിഗ് ബില്യൺ ഡേയ്‌സ് സെയിൽ നടത്തുമ്പോൾ, സെപ്‌റ്റോ, ഇൻസ്റ്റാമാർട്ട് പോലുള്ള ഗ്രോസറി, ക്വിക്ക്-ഡെലിവറി ആപ്പുകളും പ്രത്യേക ഓഫറുകൾ ആസൂത്രണം ചെയ്യുന്നു. ഇതെല്ലാം ഒരുമിച്ച് നടക്കുന്നതിനാൽ, വാങ്ങുന്നവർക്ക് നിരവധി ഓപ്ഷനുകൾ ലഭിക്കും.

ലൂമിയോ പ്രൊഡക്റ്റുകൾ വൻ വിലക്കുറവിൽ:

ആമസോൺ ഗ്രേറ്റ് ഇന്ത്യൻ ഫെസ്റ്റിവൽ സെയിൽ 2025 നിരവധി ഉൽപ്പന്നങ്ങൾക്ക് ഡിസ്കൗണ്ടുകൾ കൊണ്ടുവരുന്നു. ലൂമിയോ സ്മാർട്ട് ടിവികളിലും പ്രൊജക്ടറുകളിലും ഉപഭോക്താക്കൾക്ക് മികച്ച ഡീലുകൾ കണ്ടെത്താനാകും. വിൽപ്പനയ്ക്കിടെയുള്ള ഡിസ്കൗണ്ടുകൾക്ക് പുറമേ, ബാങ്ക് ഓഫറുകൾ വഴിയും പണം ലാഭിക്കാം.

ഈ വർഷത്തെ വിൽപ്പനയുടെ ഭാഗമായി, ആമസോൺ സ്റ്റേറ്റ് ബാങ്ക് ഓഫ് ഇന്ത്യയുമായി (എസ്‌ബി‌ഐ) കൈകോർത്തു. പേയ്‌മെന്റുകൾക്കായി എസ്‌ബി‌ഐ ക്രെഡിറ്റ് കാർഡുകളോ ഡെബിറ്റ് കാർഡുകളോ ഉപയോഗിക്കുന്ന ഉപഭോക്താക്കൾക്ക് നിലവിലുള്ള ഓഫറുകളേക്കാൾ 10 ശതമാനം അധിക ഡിസ്കൗണ്ട് ലഭിക്കും. തിരഞ്ഞെടുത്ത ഉൽപ്പന്നങ്ങൾക്ക് ആമസോൺ ഒരു നോ-കോസ്റ്റ് ഇഎംഐ ഓപ്ഷനും വാഗ്ദാനം ചെയ്യുന്നു, ഇതിലൂടെ അധിക പലിശ നൽകാതെ പേയ്‌മെന്റുകൾ പല തവണകളായി അടയ്ക്കാൻ വാങ്ങുന്നവർക്കു കഴിയും. എന്നിരുന്നാലും, ആമസോൺ പേ ഐസിഐസിഐ ബാങ്ക് ക്രെഡിറ്റ് കാർഡ് ഉപയോഗിച്ച് പണമടയ്ക്കുന്ന ഉപഭോക്താക്കൾക്കായി പ്രത്യേക ക്യാഷ്ബാക്ക് ഡീലുകൾ പ്രഖ്യാപിച്ചിട്ടില്ല എന്നത് ശ്രദ്ധിക്കേണ്ടതാണ്.

ലൂമിയോ വിഷൻ സ്മാർട്ട് ടിവികൾ, ആർക് പ്രൊജക്റ്ററുകൾ എന്നിവയാണ് സെയിൽ സമയത്ത് പ്രധാന ആകർഷണം. ഈ ബ്രാൻഡുകളുടെ പല പ്രൊഡക്റ്റുകൾക്കും 10,000 രൂപ വരെ കിഴിവു ലഭ്യമാണ്.

വിലക്കിഴിവിൽ ലഭ്യമായ ലൂമിയോ പ്രൊഡക്റ്റുകൾ:

ലൂമിയോ വിഷൻ 7 (43 ഇഞ്ച്) ടെലിവിഷന്റെ സാധാരണ വില 29,999 രൂപയാണ്. വിൽപ്പന സമയത്ത്, ഇത് 19,999 രൂപയെന്ന കുറഞ്ഞ വിലയ്ക്ക് ലഭ്യമാകും ഇത് ഈ സീരീസിലെ ഏറ്റവും താങ്ങാനാവുന്ന വിലയുള്ള ചോയിസുകളിൽ ഒന്നാണ്. ലൂമിയോ വിഷൻ 7 (50 ഇഞ്ച്) മോഡലിന് സാധാരണയായി 34,999 രൂപയാണു വില വരുന്നത്. ഇത് 25,999 രൂപയ്ക്ക് സ്വന്തമാക്കാൻ കഴിയും.

ലൂമിയോ വിഷൻ 7 (55 ഇഞ്ച്) ടെലിവിഷന് 39,999 രൂപയാണു ലിസ്റ്റ് ചെയ്ത വിലയെങ്കിലും സെയിൽ സമയത്ത് വില 29,999 രൂപയായി കുറയും. ലൂമിയോ വിഷൻ 9 (55 ഇഞ്ച്) ടെലിവിഷൻ 59,999 രൂപ എന്ന സ്റ്റാൻഡേർഡ് വിലയുമായി വരുന്നതാണ്. എന്നാൽ സെയിൽ സമയത്ത് ഇത് 45,999 രൂപയ്ക്ക് ലഭ്യമാകും.

ലൂമിയോ ആർക്ക് 5 പ്രൊജക്ടറിന്റെ വില 19,999 രൂപയാണെങ്കിലും സെയിലിൻ്റെ ഭാഗമായി ഇത് 14,499 രൂപയ്ക്ക് ലഭ്യമാകും. അതേസമയം സാധാരണയായി 34,999 രൂപ വില വരുന്ന ലൂമിയോ ആർക്ക് 7 പ്രൊജക്ടറിന് സെയിൽ സമയത്ത് വില 29,999 രൂപയായി കുറയും.