ഇതു സാധാരണക്കാരുടെ സ്മാർട്ട്ഫോൺ; ഇന്ത്യയിൽ ലോഞ്ച് ചെയ്ത ടെക്നോ സ്പാർക്ക് ഗോ 3-യുടെ വിശേഷങ്ങൾ അറിയാം

ചൈനീസ് സ്മാർട്ട്‌ഫോൺ ബ്രാൻഡായ ടെക്‌നോ, തങ്ങളുടെ എൻട്രി ലെവൽ സ്മാർട്ട്‌ഫോണുകളിലെ ഏറ്റവും പുതിയ മോഡലായി സ്പാർക്ക് ഗോ 3 ഇന്ത്യയിൽ ലോഞ്ച് ചെയ്തു. വെള്ളിയാഴ്ചയാണ് ഈ ഫോൺ ലോഞ്ച് ചെയ്തത്, ഈ മാസം അവസാനത്തോടെ ഇത് ഇന്ത്യൻ വിപണിയിൽ വിൽപ്പനയ്‌ക്കെത്തുമെന്ന് പ്രതീക്ഷിക്കുന്നു. രണ്ട് ജനപ്രിയ ഇ-കൊമേഴ്‌സ് പ്ലാറ്റ്‌ഫോമുകളിലൂടെ ഉപഭോക്താക്കൾക്ക് ടെക്‌നോ സ്പാർക്ക് ഗോ 3 വാങ്ങാൻ കഴിയും. നാല് വ്യത്യസ്ത കളർ ഓപ്ഷനുകളിലാണ് ഈ ഫോൺ ഇന്ത്യയിൽ ലോഞ്ച് ചെയ്തിരിക്കുന്നത്. ടെക്‌നോ സ്പാർക്ക് ഗോ 3 ഫോൺ 120Hz വരെ റിഫ്രഷ് റേറ്റ് പിന്തുണയ്ക്കുന്ന 6.74 ഇഞ്ച് HD+ ഡിസ്‌പ്ലേയുമായി വരുന്നു. യൂണിസോക്ക് T7250 പ്രോസസറാണ് ഫോണിനു കരുത്തു നൽകുന്നത്. കൂടാതെ ദൈനംദിന ഉപയോഗത്തിനായി 4GB റാമും 64GB ബിൽറ്റ്-ഇൻ സ്റ്റോറേജുമായി ഇതു ജോടിയാക്കിയിരിക്കുന്നു. സിംഗിൾ റിയർ ക്യാമറ സെറ്റപ്പാണ് ഈ ഫോണിലുള്ളത്. ഇന്ത്യയിലെ സാധാരണക്കാർക്ക് മികച്ച സവിശേഷതകൾ ഉറപ്പു നൽകുന്ന സ്മാർട്ട്ഫോൺ ആയിരിക്കും ടെക്‌നോ സ്പാർക്ക് ഗോ 3.

ടെക്‌നോ സ്പാർക്ക് ഗോ 3 ഫോണിൻ്റെ ഇന്ത്യയിലെ വിലയും ലഭ്യതയും:

ടെക്നോ സ്പാർക്ക് ഗോ 3 ഫോണിൻ്റെ ഇന്ത്യയിലെ വില 8,999 രൂപയാണ്. 4 ജിബി റാമും 64 ജിബി ഇന്റേണൽ സ്റ്റോറേജുമുള്ള ഒറ്റ വേരിയന്റിൽ മാത്രമേ ഫോൺ ലഭ്യമാകൂ. ജനുവരി 23 മുതൽ ആമസോൺ വഴി ഓൺലൈനായി സ്മാർട്ട്‌ഫോൺ വിൽപ്പനയ്‌ക്കെത്തും. ഇന്ത്യയിലെ ഓഫ്‌ലൈൻ റീട്ടെയിൽ സ്റ്റോറുകൾ വഴി ഫോൺ ഇതിനകം വിൽപ്പനയ്‌ക്ക് എത്തിയിട്ടുണ്ട്. പിന്നീട് ഫ്ലിപ്കാർട്ടിലും ഈ ഉപകരണം വാങ്ങാനായി ലഭ്യമാകും. സൂക്ഷ്മവും തിളക്കമുള്ളതുമായ ഷേഡുകൾ സംയോജിപ്പിച്ച് ടൈറ്റാനിയം ഗ്രേ, ഇങ്ക് ബ്ലാക്ക്, ഗാലക്‌സി ബ്ലൂ, അറോറ പർപ്പിൾ എന്നിങ്ങനെ നാല് കളർ ഓപ്ഷനുകളിൽ ഈ ഫോൺ വാങ്ങാൻ കഴിയും.

ടെക്‌നോ സ്പാർക്ക് ഗോ 3 ഫോണിൻ്റെ പ്രധാന സവിശേഷതകൾ:

ആൻഡ്രോയിഡ് 15-ൽ പ്രവർത്തിക്കുന്ന ഡ്യുവൽ സിം സ്മാർട്ട്‌ഫോണാണ് ടെക്‌നോ സ്പാർക്ക് ഗോ 3. 720×1,600 പിക്‌സൽ റെസല്യൂഷനുള്ള 6.74 ഇഞ്ച് HD+ IPS ഡിസ്‌പ്ലേയാണ് ഇതിലുണ്ടാവുക. ഇതു 120Hz വരെ റിഫ്രഷ് റേറ്റിനെ പിന്തുണയ്ക്കുന്നു. പൊടി, വെള്ളം എന്നിവയിൽ നിന്നും സംരക്ഷണം വാഗ്ദാനം ചെയ്യാൻ IP64 റേറ്റിംഗ് ഈ ഫോണിനുണ്ടെന്ന് ടെക്‌നോ പറയുന്നു. 1.2 മീറ്റർ വരെ അകലത്തിൽ നിന്നും വീഴുന്ന വെള്ളത്തുള്ളികളെ നേരിടാൻ ഈ ഫോണിനു കഴിയുമെന്ന് കമ്പനി അവകാശപ്പെടുന്നു. 4nm ഒക്ടാ-കോർ യൂണിസോക്ക് T7250 പ്രോസസറാണ് ഹാൻഡ്‌സെറ്റിന് കരുത്ത് പകരുന്നത്, 4GB LPDDR4x റാമും 64GB ഇന്റേണൽ സ്റ്റോറേജും ഇതിൽ ഉൾപ്പെടുന്നു. വോയ്‌സ് ബേസ്ഡ് കൺട്രോളുകൾക്കായി ടെക്‌നോയുടെ എല്ല വോയ്‌സ് അസിസ്റ്റന്റും ഫോണിൽ ഉൾപ്പെടുന്നു.

ഫോട്ടോഗ്രാഫിക്കായി, ടെക്‌നോ സ്പാർക്ക് ഗോ 3-ൽ 13 മെഗാപിക്‌സൽ റിയർ ക്യാമറ സജ്ജീകരിച്ചിരിക്കുന്നു, ലോ ലൈറ്റ് ഷോട്ടുകൾക്കായി ഡ്യുവൽ എൽഇഡി ഫ്ലാഷ് ഇതിലുണ്ട്. മുൻവശത്ത്, സെൽഫികൾക്കും വീഡിയോ കോളിംഗിനുമായി രൂപകൽപ്പന ചെയ്‌തിരിക്കുന്ന 8 മെഗാപിക്‌സൽ ക്യാമറയാണുള്ളത്. ക്യാമറ സിസ്റ്റം 2K വരെ റെസല്യൂഷനിൽ വീഡിയോ റെക്കോർഡിംഗിനെ പിന്തുണയ്ക്കുന്നു, കൂടാതെ AIGC പോർട്രെയ്റ്റ്, AI CAM, പോർട്രെയ്റ്റ്, സൂപ്പർ നൈറ്റ്, ബ്യൂട്ടി, ഡ്യുവൽ വീഡിയോ, വ്ലോഗ്, ടൈം-ലാപ്സ്, പനോരമ, പ്രോ മോഡ് തുടങ്ങിയ ഒന്നിലധികം ഷൂട്ടിംഗ് മോഡുകൾ വാഗ്ദാനം ചെയ്യുന്നു. 1.5 കിലോമീറ്റർ പരിധിയിലുള്ള മറ്റ് ടെക്‌നോ ഉപയോക്താക്കളുമായി ആശയവിനിമയം നടത്താൻ അനുവദിക്കുന്ന ടെക്‌നോയുടെ ഓഫ്‌ലൈൻ കോളിംഗ് ഫീച്ചറിനെയും ഈ ഹാൻഡ്‌സെറ്റ് പിന്തുണയ്ക്കുന്നു.

5,000mAh ബാറ്ററിയും 15W വയർഡ് ഫാസ്റ്റ് ചാർജിംഗും പിന്തുണയ്ക്കുന്ന ഈ സ്മാർട്ട്‌ഫോണിൽ 4G LTE, 3G, Wi-Fi, GPS, USB ടൈപ്പ്-സി പോർട്ട് എന്നിവ ഉൾപ്പെടുന്നു. നാല് വർഷം വരെ ലാഗ്-ഫ്രീ പെർഫോമൻസ് നൽകാൻ ഈ ഫോണിനു കഴിയുമെന്ന് ടെക്‌നോ അവകാശപ്പെടുന്നു. ഫോണിന്റെ വലിപ്പം 167.79×77.97×8.19mm, ഭാരം ഏകദേശം 182.6 ഗ്രാം എന്നിങ്ങനെയാണ്.