ഡൈമൻസിറ്റി 7100 ചിപ്പുമായി വരുന്ന ആദ്യ ഫോൺ; ഇൻഫിനിക്സ് നോട്ട് എഡ്ജ് ലോഞ്ച് ചെയ്യാൻ ദിവസങ്ങൾ മാത്രം

CES 2026-ൽ നോട്ട് 60 സീരീസും അതിന്റെ സാറ്റലൈറ്റ് കണക്റ്റിവിറ്റി പ്ലാനുകളും അനാച്ഛാദനം ചെയ്തതിനു പിന്നാലെ ഇൻഫിനിക്സ് നോട്ട് എഡ്ജ് എന്ന മറ്റൊരു പുതിയ സ്മാർട്ട്ഫോൺ പ്രഖ്യാപിച്ച് പ്രമുഖ സ്മാർട്ട്ഫോൺ ബ്രാൻഡായ ഇൻഫിനിക്സ്. പുതുതായി അവതരിപ്പിച്ച മീഡിയടെക്ക് ഡൈമെൻസിറ്റി 7100 പ്രോസസർ ഉപയോഗിക്കുന്ന ലോകത്തിലെ ആദ്യത്തെ സ്മാർട്ട്ഫോണായിരിക്കും ഇതെന്നും കമ്പനി സ്ഥിരീകരിച്ചു. ഫോണിനൊപ്പം, ആൻഡ്രോയിഡ് 16-ൽ നിർമ്മിച്ച ആദ്യത്തെ ഇൻ-ഹൗസ് ഓപ്പറേറ്റിംഗ് സിസ്റ്റമായ XOS 16-ഉം ഇൻഫിനിക്സ് പുറത്തിറക്കി. പുതിയ ചിപ്സെറ്റും പുതിയ സോഫ്റ്റ്വെയർ പ്ലാറ്റ്ഫോമും നോട്ട് എഡ്ജിലൂടെ അരങ്ങേറ്റം കുറിക്കും. പുതിയ ഹാർഡ്വെയർ, സോഫ്റ്റ്വെയർ സവിശേഷതകൾ കൂടുതൽ താങ്ങാനാവുന്ന വിലയുള്ള ഫോണുകളിലേക്കു കൊണ്ടുവരുന്നതിൽ ശ്രദ്ധ കേന്ദ്രീകരിക്കുന്ന ബ്രാൻഡിന്റെ "പ്രീമിയം-ആക്സസിബിൾ" തന്ത്രത്തിന്റെ ഭാഗമാണ് ഇൻഫിനിക്സ് നോട്ട് എഡ്ജ്. മീഡിയടെക് അടുത്തിടെയാണ് ഡൈമെൻസിറ്റി 7100 ചിപ്സെറ്റ് പ്രഖ്യാപിച്ചത്, വരാനിരിക്കുന്ന ഇൻഫിനിക്സ് ഫോൺ ഇതിനൊപ്പം പുറത്തിറങ്ങുമെന്ന് നേരത്തെ റിപ്പോർട്ടുകൾ സൂചന നൽകിയിരുന്നു. ഇൻഫിനിക്സ് ഇപ്പോൾ ഈ വിവരം ഔദ്യോഗികമായി സ്ഥിരീകരിച്ചു.

ഡൈമൻസിറ്റി 7100 ചിപ്പ്, XOS 16 എന്നിവയുമായി ഇൻഫിനിക്സ് നോട്ട് എഡ്ജ് ലോഞ്ച് ചെയ്യും:

ഔദ്യോഗിക പ്രഖ്യാപനമനുസരിച്ച്, ഇൻഫിനിക്സ് നോട്ട് എഡ്ജിൽ മീഡിയടെക് ഡൈമെൻസിറ്റി 7100 പ്രോസസർ ആയിരിക്കും. ഒരു കൊമേഴ്സ്യൽ സ്മാർട്ട്ഫോണിൽ ഡൈമെൻസിറ്റി 7100 ചിപ്സെറ്റ് ഉപയോഗിക്കുന്നത് ആദ്യമായിരിക്കും. നോട്ട് സീരീസിലെ പെർഫോമൻസ് ബേസ്ഡ് മോഡലായിരിക്കും നോട്ട് എഡ്ജ് എന്നും ഇൻഫിനിക്സ് വ്യക്തമാക്കിയിട്ടുണ്ട്.

XOS 16 പ്രീ-ഇൻസ്റ്റാൾ ചെയ്തിട്ടായിരിക്കും നോട്ട് എഡ്ജ് പുറത്തിറങ്ങുകയെന്ന് ഇൻഫിനിക്സ് ഒരു പത്രക്കുറിപ്പിലൂടെ സ്ഥിരീകരിച്ചു. ആൻഡ്രോയിഡ് 16 അടിസ്ഥാനമാക്കിയാണ് XOS 16, കൂടാതെ ഈ സോഫ്റ്റ്വെയർ വേർഷൻ നേരിട്ട് പ്രവർത്തിപ്പിക്കുന്ന ആദ്യത്തെ സ്മാർട്ട്ഫോണായിരിക്കും നോട്ട് എഡ്ജ്. ഇൻഫിനിക്സ് നോട്ട് എഡ്ജ് പുറത്തിറക്കുന്ന 2026 ജനുവരി 19-ന് തന്നെ XOS 16 ഔദ്യോഗികമായി അരങ്ങേറ്റം കുറിക്കുമെന്ന് കമ്പനി വെളിപ്പെടുത്തി.

മീഡിയാടെക് ഡൈമൻസിറ്റി 7100 ചിപ്പുമായെത്തുന്ന ഇൻഫിനിക്സ് നോട്ട് എഡ്ജിൻ്റെ സവിശേഷതകൾ:

നോട്ട് എഡ്ജ് സുഗമമായ ഗെയിമിംഗ് പെർഫോമൻസിനെ പിന്തുണയ്ക്കുമെന്ന് ഇൻഫിനിക്സ് സ്ഥിരീകരിച്ചു. ഹോണർ ഓഫ് കിംഗ്സ്, പീസ്കീപ്പർ എലൈറ്റ് തുടങ്ങിയ ജനപ്രിയ മൊബൈൽ ഗെയിമുകൾ 90FPS വരെ പ്രവർത്തിക്കും, അതേസമയം PUBG: Battlegrounds 60FPS-ൽ പ്രവർത്തിക്കും. നീണ്ട ഗെയിമിംഗ് സെഷനുകളിൽ സുഗമമായ മൾട്ടിപ്ലെയർ ഗെയിംപ്ലേ, റെസ്പോൺസീവ് മൾട്ടിടാസ്കിംഗ്, സ്ഥിരമായ ഫ്രെയിം റേറ്റുകൾ എന്നിവ ഉപയോഗിച്ച് ഓവർഹീറ്റ് ആകാതെ സ്ഥിരതയുള്ള പ്രകടനം നിലനിർത്താൻ ഫോണിനു കഴിയും.

പവർ കാര്യക്ഷമതയിലെ മെച്ചപ്പെടുത്തലുകളും കമ്പനി എടുത്തു കാണിച്ചിട്ടുണ്ട്. മോഡം പവർ ഉപഭോഗം 21% വരെ കുറക്കുമ്പോൾ സോഷ്യൽ ആപ്പുകൾക്കുള്ള ബാക്ക്ഗ്രൗണ്ട് പവർ ഉപയോഗം 4.4% കുറയും. ഗെയിമിംഗ്, മൾട്ടിടാസ്കിംഗ്, മീഡിയ ഉപയോഗം എന്നിവയ്ക്കിടെ ബാറ്ററി കൂടുതൽ നേരം നിലനിൽക്കാൻ ഇതു സഹായിക്കും.

ഇൻഫിനിക്സ് നോട്ട് എഡ്ജ് അടുത്തിടെ FCC സർട്ടിഫിക്കേഷൻ പ്ലാറ്റ്ഫോമിൽ മോഡൽ നമ്പർ X6887-ന് കീഴിൽ കണ്ടെത്തി. 5G സപ്പോർട്ട്, വൈ-ഫൈ, NFC കണക്റ്റിവിറ്റി, 256GB സ്റ്റോറേജ് വേരിയന്റുള്ള 8GB RAM എന്നിവ ലിസ്റ്റിംഗ് സ്ഥിരീകരിക്കുന്നു. ടൈറ്റാനിയം ഗ്രേ കളർ ഓപ്ഷനും പരാമർശിച്ചിട്ടുണ്ട്.

ഇൻഫിനിക്സ് നോട്ട് എഡ്ജ് XOS 16-നൊപ്പം ലോഞ്ച് ചെയ്യും:

സോഫ്റ്റ്വെയർ വശത്ത്, നോട്ട് എഡ്ജ് ആൻഡ്രോയിഡ് 16 അടിസ്ഥാനമാക്കിയുള്ള XOS 16 ഉപയോഗിച്ചാണ് പുറത്തിറങ്ങുക. XOS 16 പുതുക്കിയ, സുഗമമായ ഇന്റർഫേസ് അവതരിപ്പിക്കുന്നു. ഗ്ലോ സ്പേസ് നാച്ചുറൽ ലൈറ്റ് ഇഫക്റ്റുകൾ ലൈറ്റ്-സെൻസിറ്റീവ് എഡ്ജുകളും സോഫ്റ്റ് ബ്ലർ ട്രാൻസിഷനുകളും ഉപയോഗിക്കുന്നു, അതേസമയം സെമി-ട്രാൻസ്പറന്റ്, ഫ്രോസ്റ്റഡ്-ഗ്ലാസ് സ്റ്റൈലിലുള്ള UI കംപോണൻ്റ്സ് മെനു, കൺട്രോളുകൾ എന്നിവയിൽ ദൃശ്യമാകുന്നു. പുതിയ 3D സ്പേഷ്യൽ വാൾപേപ്പറുകൾ ക്ലോക്ക്, ഐക്കണുകൾ, ഫോർഗ്രൗണ്ട് എലമൻ്റ്സ് എന്നിവയിൽ ആഴത്തിലുള്ള അനുഭവം നൽകുന്നു.

ടച്ച് റെസ്പോൺസിബിലിറ്റിയും ആനിമേഷൻ ഫീഡ്ബാക്കും മെച്ചപ്പെടുത്തിയിട്ടുണ്ട്. ഐഫോണുമായുള്ള ലൈവ് ഫോട്ടോ ട്രാൻസ്ഫറിനെ ഇതു പിന്തുണയ്ക്കുന്നു. ഇൻഫിനിക്സ് നോട്ട് എഡ്ജ് ഈ മാസം അവസാനം ലോഞ്ച് ചെയ്യുമെന്ന് സ്ഥിരീകരിച്ചെങ്കിലും വിലനിർണ്ണയം, പ്രാദേശിക ലഭ്യത, പൂർണ്ണമായ ഹാർഡ്വെയർ വിശദാംശങ്ങൾ എന്നിവ ഇതുവരെ വെളിപ്പെടുത്തിയിട്ടില്ല.