108 മെഗാപിക്സൽ ക്യാമറയുമായി റെഡ്മി നോട്ട് 15 5G ഇന്ത്യൻ വിപണിയിലെത്തി; പ്രധാന വിവരങ്ങൾ അറിയാം

ഇന്ത്യയിൽ നിരവധി പേരുടെ പ്രിയപ്പെട്ട സ്മാർട്ട്ഫോൺ ബ്രാൻഡായ റെഡ്മി ചൊവ്വാഴ്ച റെഡ്മി നോട്ട് 15 5G എന്ന പുതിയ ഫോൺ രാജ്യത്ത് അവതരിപ്പിച്ചു. കമ്പനി ഈ മിഡ്-റേഞ്ച് സ്മാർട്ട്‌ഫോണിനെ 108 മാസ്റ്റർപിക്സൽ എഡിഷൻ എന്നാണ് വിളിക്കുന്നത്. 2024 ഡിസംബറിൽ ഇന്ത്യയിൽ ലോഞ്ച് ചെയ്ത റെഡ്മി നോട്ട് 14 5G-ക്ക് ശേഷമുള്ള അടുത്ത മോഡലായിട ഇത് വരുന്നു. മുൻഗാമിയെ അപേക്ഷിച്ച് മെച്ചപ്പെട്ട പെർഫോമൻസും ക്യാമറ ഫീച്ചറുകളും വാഗ്ദാനം ചെയ്യുന്ന തരത്തിലാണ് പുതിയ ഫോൺ രൂപകൽപ്പന ചെയ്തിരിക്കുന്നത്. റെഡ്മി നോട്ട് 15 5G ക്വാൽകോമിന്റെ സ്‌നാപ്ഡ്രാഗൺ 6 ജെൻ 3 പ്രോസസറുമായാണു വരുന്നത്. മുൻ തലമുറയെ അപേക്ഷിച്ച് 30 ശതമാനത്തിലധികം വേഗത്തിലുള്ള മൾട്ടിടാസ്കിംഗ് പെർഫോമൻസ് ഈ ചിപ്‌സെറ്റ് നൽകുന്നുവെന്ന് കമ്പനി പറയുന്നു. ഫോട്ടോഗ്രാഫിയുടെ കാര്യത്തിൽ, 108 മെഗാപിക്സൽ റിയർ ക്യാമറയാണ് സ്മാർട്ട്‌ഫോണിൽ ഉള്ളത്. ഒറ്റ ചാർജിൽ ദീർഘനേരം ഉപയോഗിക്കുന്നതിന് പിന്തുണ നൽകുന്ന വലിയ 5,520mAh ബാറ്ററിയും ഈ ഫോണിൽ ഉൾപ്പെടുന്നു.

റെഡ്മി നോട്ട് 15 5G ഫോണിൻ്റെ ഇന്ത്യയിലെ വില, ലഭ്യത മുതലായ വിവരങ്ങൾ:

റെഡ്മി നോട്ട് 15 5G-യുടെ ഇന്ത്യയിലെ വില 19,999 രൂപ മുതൽ ആരംഭിക്കുന്നു. 8 ജിബി റാമും 128 ജിബി ഇന്റേണൽ സ്റ്റോറേജുമുള്ള അടിസ്ഥാന മോഡലിനാണ് ഈ വില. 256 ജിബി സ്റ്റോറേജുള്ള മറ്റൊരു വേരിയന്റും ഉണ്ട്, അതിന്റെ വില 21,999 രൂപയാണ്. 3,000 രൂപയുടെ ബാങ്ക് ഡിസ്കൗണ്ട് ഉൾപ്പെടെയാണ് ഈ വില വരുന്നത്.

ആക്സിസ് ബാങ്ക്, ഐസിഐസിഐ ബാങ്ക്, അല്ലെങ്കിൽ എസ്ബിഐ ക്രെഡിറ്റ്, ഡെബിറ്റ് കാർഡുകൾ ഉപയോഗിക്കുമ്പോൾ വാങ്ങുന്നവർക്ക് 3,000 രൂപ വരെ ബാങ്ക് കിഴിവ് ലഭിക്കും. ഫോണിനൊപ്പം, റെഡ്മി നിരവധി സൗജന്യ സബ്സ്ക്രിപ്ഷൻ ആനുകൂല്യങ്ങളും വാഗ്ദാനം ചെയ്യുന്നു. ഇതിൽ രണ്ട് മാസത്തെ യൂട്യൂബ് പ്രീമിയം, മൂന്ന് മാസത്തെ സ്പോട്ടിഫൈ പ്രീമിയം സ്റ്റാൻഡേർഡ്, ആറ് മാസത്തെ ഗൂഗിൾ വൺ മെമ്പർഷിപ്പ് എന്നിവ ഉൾപ്പെടുന്നു.

റെഡ്മി നോട്ട് 15 5G ഫോണിൻ്റെ പ്രധാന സവിശേഷതകൾ:

റെഡ്മി നോട്ട് 15 5G, ആൻഡ്രോയിഡ് 15 അടിസ്ഥാനമാക്കിയുള്ള ഹൈപ്പർഒഎസ് 2-ൽ പ്രവർത്തിക്കുന്ന ഒരു ഡ്യുവൽ സിം ഫോണാണ് (നാനോ + നാനോ). നാല് വർഷത്തെ ഒഎസ് അപ്‌ഡേറ്റുകളും ആറ് വർഷത്തെ സുരക്ഷാ അപ്‌ഡേറ്റുകളും കമ്പനി വാഗ്ദാനം ചെയ്യുന്നു. ആൻഡ്രോയിഡ് 16 അടിസ്ഥാനമാക്കിയുള്ള ഹൈപ്പർഒഎസ് 3-ലേക്ക് ഫോണിന് ഉടൻ തന്നെ ഓവർ ദി എയർ അപ്‌ഗ്രേഡ് ലഭിക്കുമെന്നും റെഡ്മി പറയുന്നു.

1,080 x 2,392 പിക്‌സൽ റെസല്യൂഷനോടുകൂടിയ 6.77 ഇഞ്ച് അമോലെഡ് ഡിസ്‌പ്ലേ, 120Hz റിഫ്രഷ് റേറ്റ്, 3,200nits പീക്ക് ബ്രൈറ്റ്‌നസ് എന്നിവ ഈ ഫോണിന്റെ സവിശേഷതയാണ്. സ്‌ക്രീൻ കോർണിംഗ് ഗൊറില്ല ഗ്ലാസ് 7i ഉപയോഗിച്ചു സംരക്ഷിച്ചിരിക്കുന്നു. സ്‌നാപ്ഡ്രാഗൺ 6 ജെൻ 3 പ്രോസസർ, 8 ജിബി LPDDR4X റാമും 256 ജിബി വരെ യുഎഫ്‌എസ് 2.2 സ്റ്റോറേജും ഇതിൽ ഉൾപ്പെടുന്നു. മൈക്രോ എസ്ഡി കാർഡ് വഴി സ്റ്റോറേജ് വികസിപ്പിക്കാനാകും.

ഡ്യുവൽ റിയർ ക്യാമറ സെറ്റപ്പുള്ള ഈ ഫോണിൽ 108 മെഗാപിക്സൽ പ്രധാന ക്യാമറയും 8 മെഗാപിക്സൽ അൾട്രാ-വൈഡ് ലെൻസും. ഫ്രണ്ട് ക്യാമറ 20 മെഗാപിക്സലാണ്. റിയർ ക്യാമറകൾക്ക് 30fps-ൽ 4K വരെ റെക്കോർഡു ചെയ്യാൻ കഴിയും, ഫ്രണ്ട് ക്യാമറ 30fps-ൽ 1080p ക്വാളിറ്റിയിലും റെക്കോർഡു ചെയ്യും.

പൊടി, ജല പ്രതിരോധം എന്നിവയ്ക്കായി IP65 റേറ്റിംഗ് ഉള്ള ഈ ഫോൺ, AI ഫേസ് അൺലോക്കിനെ പിന്തുണയ്ക്കുന്നു, കൂടാതെ ഇൻ-ഡിസ്പ്ലേ ഫിംഗർപ്രിന്റ് സെൻസറും ഉണ്ട്. ഇതിന്റെ വലിപ്പം 164 x 75.42 x 7.35 മില്ലിമീറ്ററും ഭാരം 178 ഗ്രാമും ആണ്.

കണക്ടിവിറ്റി ഓപ്ഷനുകളിൽ 5G, 4G LTE, Wi-Fi, ബ്ലൂടൂത്ത് 5.1, GPS, NFC, USB ടൈപ്പ്-C പോർട്ട് എന്നിവ ഉൾപ്പെടുന്നു. ഡോൾബി അറ്റ്‌മോസും ഹൈ-റെസ് ഓഡിയോയുമുള്ള സ്റ്റീരിയോ സ്പീക്കറുകൾ ഇതിലുണ്ട്. 5,520mAh ബാറ്ററി 45W ഫാസ്റ്റ് ചാർജിംഗിനെയും 18W റിവേഴ്‌സ് ചാർജിംഗിനെയും പിന്തുണയ്ക്കുന്നു.