എയർടെൽ പോസ്റ്റ്‌പെയ്ഡ് വരിക്കാർക്ക് പുതിയ പ്ലാൻ ഓപ്ഷനുകൾ പ്രഖ്യാപിച്ചു

ഭാരതി എയർടെൽ ഇന്ത്യയിലെ തങ്ങളുടെ ഒരു പോസ്റ്റ്‌പെയ്ഡ് പ്ലാൻ നിശബ്ദമായി പിൻവലിച്ചു. ഉയർന്ന നിരക്കിലുള്ള പ്ലാൻ ആഗ്രഹിക്കുന്നവർക്ക് ഇനി മുതൽ ഒരു പ്രൈമറി കണക്ഷനും ഒരു ആഡ്-ഓൺ സിം കണക്ഷനും ഉൾപ്പെടുന്ന 699 രൂപയുടെ ഫാമിലി പ്ലാൻ തിരഞ്ഞെടുക്കേണ്ടി വരും. അതേസമയം, പുതിയ വരിക്കാർക്കുള്ള അടിസ്ഥാന പ്ലാനായി 449 രൂപയുടെ ഇൻഡിവിജ്വൽ പ്ലാൻ തുടരും. ഈ മാറ്റത്തെക്കുറിച്ച് ടെലികോം സേവന ദാതാവ് ഇതുവരെ ഔദ്യോഗികമായി വിശദീകരണം നൽകിയിട്ടില്ലെങ്കിലും, 549 രൂപയുടെ പോസ്റ്റ്‌പെയ്ഡ് പ്ലാൻ എയർടെലിന്റെ വെബ്‌സൈറ്റിലോ എയർടെൽ താങ്ക്സ് ആപ്പിലോ ഇപ്പോൾ ലഭ്യമല്ല.

549 രൂപയുടെ ഇൻഡിവിജ്വൽ പോസ്റ്റ്‌പെയ്ഡ് പ്ലാൻ പിൻവലിച്ചതോടെ, ഉപയോക്താക്കൾക്ക് ഇനി 449 രൂപയുടെ അടിസ്ഥാന പ്ലാനോ അല്ലെങ്കിൽ 699 രൂപയുടെ ഫാമിലി പ്ലാനോ തിരഞ്ഞെടുക്കേണ്ടി വരും. എയർടെല്ലിന്റെ ബാക്കി പോസ്റ്റ്‌പെയ്ഡ് പ്ലാനുകളിൽ മാറ്റങ്ങളൊന്നുമില്ല.

എയർടെൽ പോസ്റ്റ്‌പെയ്ഡ് പ്ലാനുകൾ: നിരക്കും ആനുകൂല്യങ്ങളും

എയർടെല്ലിന്റെ പ്ലാനുകളിൽ ഏറ്റവും കുറഞ്ഞ നിരക്കിലുള്ള ഓപ്ഷനായി 449 രൂപയുടെ ഇൻഡിവിജ്വൽ പോസ്റ്റ്‌പെയ്ഡ് പ്ലാൻ തുടരുന്നു. ഇതിൽ അൺലിമിറ്റഡ് 4ജി, 5ജി ഡാറ്റ, അൺലിമിറ്റഡ് ലോക്കൽ, എസ്ടിഡി, നാഷണൽ റോമിംഗ് കോളുകൾ എന്നിവയോടൊപ്പം ദിവസവും 100 എസ്എംഎസും ലഭിക്കും. കൂടാതെ, 5ജി സ്ലൈസിംഗ് ഉള്ള ഫാസ്റ്റ് ലെയ്ൻ സാങ്കേതികവിദ്യ, ആറു മാസത്തേക്ക് 100 ജിബി ഗൂഗിൾ വൺ ക്ലൗഡ് സ്റ്റോറേജ്, മൂന്ന് മാസത്തേക്ക് എയർടെൽ എക്സ്ട്രീം പ്ലേ പ്രീമിയം, ഒരു വർഷത്തേക്ക് അഡോബ് എക്സ്പ്രസ് പ്രീമിയം, സൗജന്യ ഹലോ ട്യൂണുകൾ, ബ്ലൂ റിബൺ ബാഗ് ട്രാക്കിംഗ് സേവനം എന്നിവയും വരിക്കാർക്ക് ലഭിക്കുന്നു.

ഫ്രോഡ് ലിങ്ക് ബ്ലോക്കിംഗ്, സ്പാം പ്രൊട്ടക്ഷൻ, ഒടിപി അലേർട്ടുകൾ തുടങ്ങിയ എയർടെല്ലിന്റെ സുരക്ഷാ ഫീച്ചറുകളും ഈ പ്ലാനിൽ ഉൾപ്പെടുന്നു.

549 രൂപയുടെ ഇൻഡിവിജ്വൽ പ്ലാനിന് പകരം, ഉയർന്ന പ്ലാൻ ആഗ്രഹിക്കുന്ന ഉപയോക്താക്കൾക്ക് ഇനി നേരിട്ട് 699 രൂപയുടെ ഫാമിലി പ്ലാൻ തിരഞ്ഞെടുക്കാം. ഇതിൽ ഒരു റെഗുലർ സിമ്മും ഒരു സൗജന്യ ആഡ്-ഓൺ സിമ്മും ഉൾപ്പെടുന്നു, ഇത് ഓരോ അംഗത്തിനും ഏകദേശം 350 രൂപ എന്ന നിരക്കിൽ സേവനം ലഭ്യമാക്കുന്നു. ഈ പ്ലാനിൽ രണ്ട് ഉപയോക്താക്കൾക്കും അൺലിമിറ്റഡ് 4ജി, 5ജി ഡാറ്റയും അൺലിമിറ്റഡ് വോയിസ് കോളുകളും ലഭിക്കും, കൂടാതെ ദിവസവും 100 എസ്എംഎസും ലഭ്യമാണ്.

എയർടെല്ലിന്റെ അടിസ്ഥാന ആനുകൂല്യങ്ങൾക്ക് പുറമെ ആറു മാസത്തെ ആമസോൺ പ്രൈം മൊബൈൽ സബ്സ്ക്രിപ്ഷൻ, ഒരു വർഷത്തെ ജിയോഹോട്ട്സ്റ്റാർ മൊബൈൽ ആക്സസ്, ആറു മാസത്തെ ഗൂഗിൾ വൺ ക്ലൗഡ് സ്റ്റോറേജ് (100 ജിബി), മൂന്ന് മാസത്തെ എയർടെൽ എക്സ്ട്രീം പ്ലേ പ്രീമിയം, 12 മാസത്തെ അഡോബ് എക്സ്പ്രസ് പ്രീമിയം എന്നിവയും ഈ പ്ലാനുകളിൽ ലഭിക്കും. 5ജി സ്ലൈസിംഗ് ഉള്ള ഫാസ്റ്റ് ലെയ്ൻ സാങ്കേതികവിദ്യ, ബ്ലൂ റിബൺ ബാഗ് ട്രാക്കിംഗ്, സൗജന്യ ഹലോ ട്യൂണുകൾ, ഫ്രോഡ് ലിങ്ക് ബ്ലോക്കിംഗ്, സ്പാം ഡിറ്റക്ഷൻ, ഒടിപി അലേർട്ടുകൾ എന്നിവയിലേക്കുള്ള പ്രവേശനവും വരിക്കാർക്ക് ലഭിക്കുന്നു.

ഉപഭോക്താക്കൾക്ക് രണ്ട് സൗജന്യ ആഡ്-ഓൺ സിമ്മുകളോട് കൂടിയ 999 രൂപയുടെ ഫാമിലി പ്ലാൻ, മൂന്ന് ആഡ്-ഓൺ സിമ്മുകൾ ലഭിക്കുന്ന 1,199 രൂപയുടെയും 1,399 രൂപയുടെയും പ്ലാനുകൾ, നാല് സൗജന്യ ആഡ്-ഓൺ സിമ്മുകൾ ഉൾപ്പെടുന്ന ഏറ്റവും ഉയർന്ന 1,749 രൂപയുടെ ഫാമിലി പ്ലാൻ എന്നിവയും തിരഞ്ഞെടുക്കാവുന്നതാണ്.

അൺലിമിറ്റഡ് ഡാറ്റ, വോയിസ് കോളിംഗ്, മറ്റ് എയർടെൽ സേവനങ്ങൾ എന്നിവയ്‌ക്കൊപ്പം ആപ്പിൾ ടിവി+, നെറ്റ്ഫ്ലിക്സ് തുടങ്ങിയ അധിക വിനോദ സബ്സ്ക്രിപ്ഷനുകളും ഈ ഉയർന്ന നിരക്കിലുള്ള പ്ലാനുകളിൽ ഉൾപ്പെടുത്തിയിട്ടുണ്ട്.