രണ്ടു തവണ മടക്കാവുന്ന ആദ്യത്തെ സ്മാർട്ട്ഫോണുമായി സാംസങ്ങ്; സാംസങ്ങ് ഗാലക്സി Z ട്രൈഫോൾഡ് ലോഞ്ച് ചെയ്തു

രണ്ടു തവണ മടക്കാൻ കഴിയുന്ന, സവിശേഷമായ രൂപകൽപ്പനയുമായി എത്തി സ്മാർട്ട്‌ഫോൺ വിപണിയെ ഇളക്കിമറിക്കാൻ സാധ്യതയുള്ള പുതിയ സ്മാർട്ട്‌ഫോണായ സാംസങ്ങ് ഗാലക്‌സി Z ട്രൈഫോൾഡ് ലോഞ്ച് ചെയ്തു. ട്രൈ-ഫോൾഡിംഗ് സംവിധാനമുള്ള സാംസങ്ങിന്റെ ആദ്യത്തെ ഡിവൈസാണ് ഇതെന്ന പ്രത്യേകതയുണ്ട്. പൂർണ്ണമായും തുറക്കുമ്പോൾ ഉപയോക്താക്കൾക്ക് ടാബ്‌ലെറ്റ് പോലുള്ള അനുഭവം നൽകാൻ ഇതിനു കഴിയും. വലിയ 10.0 ഇഞ്ച് QXGA+ ഡൈനാമിക് അമോലെഡ് 2X ഇന്നർ ഡിസ്‌പ്ലേയാണ് ഇതിൽ വരുന്നത്. മടക്കി കഴിയുമ്പോൾ, സാധാരണ ഫോൺ പോലെ 6.5 ഇഞ്ച് ഫുൾ എച്ച്ഡി+ ഡൈനാമിക് അമോലെഡ് 2X കവർ സ്‌ക്രീനും ഇതിലുണ്ടാകും. നിലവാരമുള്ള ഫോട്ടോകൾക്കും വീഡിയോകൾക്കുമായി ഗാലക്‌സി Z ട്രൈഫോൾഡിൽ ട്രിപ്പിൾ റിയർ ക്യാമറ സെറ്റപ്പ് ഉൾപ്പെടുന്നു. ഇത് 3nm പ്രോസസിൽ നിർമിച്ച ക്വാൽകോമിന്റെ സ്‌നാപ്ഡ്രാഗൺ 8 എലൈറ്റ് ഫോർ ഗാലക്‌സി ചിപ്‌സെറ്റിലാണു പ്രവർത്തിക്കുന്നത്. 16GB റാമും 1TB വരെ ഇന്റേണൽ സ്റ്റോറേജുമുള്ള ഫോൺ ഈ മാസം അവസാനത്തോടെ ദക്ഷിണ കൊറിയയിൽ ലഭ്യമാകുമെന്നു പ്രതീക്ഷിക്കുന്നു.

സാംസങ്ങ് ഗാലക്സി Z ട്രൈഫോൾഡിൻ്റെ വില, ലഭ്യത മുതലായ വിവരങ്ങൾ:

സാംസങ് ഗാലക്‌സി Z ട്രൈഫോൾഡിന്റെ വില ഇതുവരെ കമ്പനി പ്രഖ്യാപിച്ചിട്ടില്ല. രണ്ട് തവണ മടക്കാവുന്ന കമ്പനിയുടെ ആദ്യത്തെ സ്മാർട്ട്‌ഫോൺ ഡിസംബർ 12-ന് ദക്ഷിണ കൊറിയയിൽ വിൽപ്പനയ്‌ക്കെത്തുമെന്ന് സാംസങ്ങ് സ്ഥിരീകരിച്ചു. ദക്ഷിണ കൊറിയ ലോഞ്ചിനു ശേഷം, ചൈന, തായ്‌വാൻ, സിംഗപ്പൂർ, യുഎഇ, യുഎസ് എന്നിവയുൾപ്പെടെ നിരവധി ആഗോള വിപണികളിലും ഫോൺ ലഭ്യമാകും. ക്രാഫ്റ്റഡ് ബ്ലാക്ക് എന്ന ഒരു കളർ ഓപ്ഷനിൽ മാത്രമേ ഇതു പുറത്തിറങ്ങൂ.

ഈ രാജ്യങ്ങളിലെ തിരഞ്ഞെടുത്ത ഓഫ്‌ലൈൻ റീട്ടെയിൽ സ്റ്റോറുകളിൽ ഗാലക്‌സി Z ട്രൈഫോൾഡ് പ്രദർശിപ്പിക്കുമെന്നും സാംസങ് പറഞ്ഞു. വാങ്ങുന്നതിനുമുമ്പ് ഉപഭോക്താക്കൾക്ക് ഉപകരണം പരീക്ഷിച്ചു നോക്കാനും മറ്റും ഇതിലൂടെ കഴിയും. വരും ദിവസങ്ങളിൽ സ്മാർട്ട്‌ഫോണിന്റെ ഔദ്യോഗിക വില കമ്പനി വെളിപ്പെടുത്തുമെന്ന് പ്രതീക്ഷിക്കുന്നു.

സാംസങ്ങ് ഗാലക്സി Z ട്രൈഫോൾഡിൻ്റെ പ്രധാന സവിശേഷതകൾ:

ആൻഡ്രോയിഡ് 16 അടിസ്ഥാനമാക്കിയ OneUI 8-ൽ പ്രവർത്തിക്കുന്ന ഒരു ഡ്യുവൽ സിം ഫോൾഡബിൾ സ്മാർട്ട്‌ഫോണാണ് സാംസങ്ങ് ഗാലക്സി Z ട്രൈഫോൾഡ്. ഉള്ളിൽ, 10 ഇഞ്ച് QXGA+ (2,160x1,584 പിക്‌സൽ) ഡൈനാമിക് AMOLED 2X ഡിസ്‌പ്ലേ, 269ppi പിക്‌സൽ ഡെൻസിറ്റി, 1,600nits വരെ ബ്രൈറ്റ്നസ്, 120Hz വരെ അഡാപ്റ്റീവ് റിഫ്രഷ് റേറ്റ് എന്നിവയുണ്ട്. ഇന്നർ സ്‌ക്രീൻ 100% DCI-P3 കളർ ഗാമട്ടിനെയും പിന്തുണയ്ക്കുന്നു.

ഔട്ടർ സ്ക്രീനിന് 21:9 ആസ്പറ്റ് റേഷ്യോ, 422ppi പിക്‌സൽ ഡെൻസിറ്റി, 2,600nits പീക്ക് ബ്രൈറ്റ്‌നസ്, 120Hz വരെ അഡാപ്റ്റീവ് റിഫ്രഷ് റേറ്റ് എന്നിവയുള്ള 6.5 ഇഞ്ച് ഫുൾ-HD+ (1,080x2,520 പിക്‌സൽ) ഡൈനാമിക് AMOLED 2X കവർ ഡിസ്‌പ്ലേ എന്നിവയുണ്ട്. ഇത് 100% DCI-P3 കളർ ഗാമട്ടിനെയും പിന്തുണയ്ക്കുന്നു. കവർ സ്‌ക്രീൻ കോർണിംഗ് ഗൊറില്ല ഗ്ലാസ് സെറാമിക് 2 കൊണ്ട് സംരക്ഷിച്ചിരിക്കുന്നു. റിയർ പാനലിൽ സെറാമിക്-ഗ്ലാസ് ഫൈബർ റീഇൻഫോഴ്‌സ്ഡ് പോളിമറാണ് ഉപയോഗിക്കുന്നത്. പൊടി, ജല പ്രതിരോധം എന്നിവയ്‌ക്കായി IP48 റേറ്റിംഗോടെയാണ് ഇതു വരുന്നത്.

അഡ്വാൻസ്ഡ് ആർമർ അലുമിനിയത്തോടു കൂടിയ ടൈറ്റാനിയം ഹിഞ്ച് ഫോണിൽ ഉപയോഗിക്കുന്നു. സ്ഥിരതയ്ക്കും സുഗമമായി മടക്കുന്നതിനും വേണ്ടി രണ്ട് വ്യത്യസ്ത ഹിഞ്ച് വലുപ്പങ്ങളും ഡ്യുവൽ-റെയിൽ സ്ട്രക്ച്ചറും ഇതിനുണ്ട്. ഫോണിനെ മെലിഞ്ഞ രൂപത്തിൽ നിലനിർത്തുന്നതിനൊപ്പം സ്‌ക്രീനുകൾ കുറഞ്ഞ വിടവോടെ അടയ്ക്കാൻ ഹിഞ്ച് അനുവദിക്കുമെന്ന് സാംസങ് പറയുന്നു. 16 ജിബി റാമും 1 ടിബി വരെ സ്റ്റോറേജുമായി ജോടിയാക്കിയ ക്വാൽകോമിന്റെ 3nm സ്‌നാപ്ഡ്രാഗൺ 8 എലൈറ്റ് ഫോർ ഗാലക്‌സി ചിപ്‌സെറ്റാണ് ഇതിന് കരുത്ത് പകരുന്നത്.

OIS ഉള്ള 200 മെഗാപിക്സൽ മെയിൻ ക്യാമറ, 102 ഡിഗ്രി ഫീൽഡ് ഓഫ് വ്യൂ ഉള്ള 12 മെഗാപിക്സൽ അൾട്രാവൈഡ് ക്യാമറ, 30x ഡിജിറ്റൽ സൂമും OIS-ഉം ഉള്ള 10 മെഗാപിക്സൽ ടെലിഫോട്ടോ ക്യാമറ എന്നിവയുള്ള ട്രിപ്പിൾ റിയർ ക്യാമറ സെറ്റപ്പ് ഇതിലുണ്ട്. ഇന്നർ, കവർ സ്‌ക്രീനുകളിൽ 10 മെഗാപിക്സൽ സെൽഫി ക്യാമറകൾ ഉൾപ്പെടുന്നു.

45W വയർഡ് ചാർജിംഗും 15W വയർലെസ് ചാർജിംഗും ഉള്ള 5,600mAh ബാറ്ററിയാണ് ഫോണിനുള്ളത്. 5G, 4G LTE, Wi-Fi 7, ബ്ലൂടൂത്ത് 5.4, ഒരു USB ടൈപ്പ്-സി പോർട്ട് എന്നിവ കണക്റ്റിവിറ്റി സവിശേഷതകളിൽ ഉൾപ്പെടുന്നു. സൈഡ്-മൗണ്ടഡ് ഫിംഗർപ്രിന്റ് സെൻസർ, ആക്‌സിലറോമീറ്റർ, ബാരോമീറ്റർ, ഗൈറോ, ജിയോമാഗ്നറ്റിക് സെൻസർ, ഹാൾ സെൻസർ, പ്രോക്‌സിമിറ്റി സെൻസർ, ലൈറ്റ് സെൻസർ തുടങ്ങി നിരവധി സെൻസറുകളും ഇതിലുണ്ട്. മടക്കിയാൽ 159.2x75.0x12.9mm അളവും തുറന്നാൽ 159.2x214.1x3.9mm അളവും ഉള്ള ഗാലക്സി Z ട്രൈഫോൾഡിന് ഏകദേശം 309 ഗ്രാം ഭാരമുണ്ട്.