തിയറ്ററിൽ മിസ് ചെയ്തോ? സൂര്യയുടെ ബ്ലോക്ക്ബസ്റ്റർ 'കറുപ്പ്' ഇനി OTTയിൽ എത്തുന്നു

സൂര്യയും തൃഷ കൃഷ്ണനും പ്രധാന വേഷങ്ങളിലെത്തുന്ന ഫന്റാസി ആക്ഷൻ ചിത്രം 'കറുപ്പ്' ഒടിടി റിലീസിന് ഒരുങ്ങുന്നു. തിയേറ്ററുകളിൽ വലിയ വിജയം നേടിയ ചിത്രത്തിന്റെ ഡിജിറ്റൽ സ്ട്രീമിംഗ് തീയതി ഔദ്യോഗികമായി പ്രഖ്യാപിച്ചു.

എവിടെ കാണാം?

പ്രമുഖ ഒടിടി പ്ലാറ്റ്‌ഫോമായ ആമസോൺ പ്രൈം വീഡിയോയിലാണ് (Amazon Prime Video) ചിത്രം സ്ട്രീം ചെയ്യുന്നത്.

എപ്പോൾ കാണാം ?

ഈ വരുന്ന ജൂൺ 12 മുതൽ ചിത്രം പ്രേക്ഷകർക്ക് ആമസോൺ പ്രൈമിൽ കാണാൻ സാധിക്കും. വിവിധ ഭാഷകളിൽ ചിത്രം ഒടിടിയിൽ ലഭ്യമാകുമെന്നാണ് റിപ്പോർട്ടുകൾ സൂചിപ്പിക്കുന്നത്.

ബോക്സ് ഓഫീസിലും തകർപ്പൻ പ്രകടനം

ആർ ജെ ബാലാജി സംവിധാനം ചെയ്ത 'കറുപ്പ്', ബോക്സ് ഓഫീസിൽ മികച്ച പ്രകടനമാണ് കാഴ്ചവെച്ചത്. റിലീസ് ചെയ്ത് നാലാം ആഴ്ചയിലും തിയേറ്ററുകളിൽ ശക്തമായ മുന്നേറ്റം തുടരുന്ന ചിത്രം ഇതിനകം 300 കോടിയിലധികം രൂപയുടെ ആഗോള കളക്ഷൻ സ്വന്തമാക്കി കഴിഞ്ഞു. തമിഴിന് പുറമെ 'വീരഭദ്രുഡു' എന്ന പേരിൽ തെലുങ്കിലും ചിത്രം റിലീസ് ചെയ്തിരുന്നു. സൂര്യയുടെ മികച്ച പ്രകടനവും ചിത്രത്തിന്റെ പ്രമേയവും പ്രേക്ഷക പ്രശംസ പിടിച്ചുപറ്റിയിരുന്നു.

 അണിയറ പ്രവർത്തകർ

• സംവിധാനം & രചന: ആർ. ജെ. ബാലാജി

• നിർമ്മാണം: ഡ്രീം വാരിയർ പിക്ചേഴ്സ് (എസ്. ആർ. പ്രകാശ് ബാബു, എസ്. ആർ. പ്രഭു)

• പ്രധാന അഭിനേതാക്കൾ: സൂര്യ, തൃഷ കൃഷ്ണൻ, ആർ. ജെ. ബാലാജി, ഇന്ദ്രൻസ്, നാട്ടി നട്‌രാജ്, സ്വാസിക, ശിവദ, അനഘ മായ രവി, സുപ്രീത് റെഡ്ഡി എന്നിവർ.

• സംഗീതം: സായ് അഭ്യങ്കർ

• ഛായാഗ്രഹണം: ജി. കെ. വിഷ്ണു

• എഡിറ്റിംഗ്: ആർ. കലാവൈവണ്ണൻ

• സ്റ്റണ്ട്: വിക്രം മോർ