ഷവോമിയുടെ പുതിയ അവതാരം ആഗോള വിപണിയിലേക്കെത്തി

ചൈനീസ് സ്‌മാർട്ട്‌ഫോൺ കമ്പനിയായ ഷവോമി തങ്ങളുടെ ഏറ്റവും പുതിയ ഫ്ലാഗ്ഷിപ്പ് സ്മാർട്ട്ഫോണായ ഷവോമി 15 അൾട്രാ ആഗോള വിപണിയിൽ അവതരിപ്പിച്ചു. ബാഴ്‌സലോണയിൽ നടക്കുന്ന മൊബൈൽ വേൾഡ് കോൺഗ്രസ് (MWC) 2025-ന് തൊട്ടുമുമ്പാണ് ഈ പ്രഖ്യാപനം. ഷവോമി 15 അൾട്രാ ആദ്യമായി ചൈനയിൽ അവതരിപ്പിച്ചത് 2025 ഫെബ്രുവരി 27-നാണ്. അതേസമയം, ഷവോമി 15, ഷവോമി 15 പ്രോ എന്നിവയുൾപ്പെടെയുള്ള ഷവോമി 15 സീരീസിലെ മറ്റ് മോഡലുകൾ അതിലും നേരത്തെ 2024 ഒക്ടോബറിൽ തന്നെ പുറത്തിറക്കിയിരുന്നു. ഷവോമി 15 സീരീസ് ക്വാൽകോമിൻ്റെ സ്‌നാപ്ഡ്രാഗൺ 8 എലൈറ്റ് ചിപ്‌സെറ്റാണ് നൽകുന്നത്, 16 ജിബി വരെ റാമുമായി ഈ സ്‌മാർട്ട്‌ഫോണുകൾ വരുന്നു. സീരീസിലെ എല്ലാ മോഡലുകളും LTPO AMOLED ഡിസ്പ്ലേകളാണ്. ഉപകരണങ്ങളിൽ സിലിക്കൺ കാർബൺ ബാറ്ററികളും സജ്ജീകരിച്ചിരിക്കുന്നത്, ഇത് 90W ഫാസ്റ്റ് ചാർജിംഗിനെ പിന്തുണയ്ക്കുന്നു.

ഷവോമി 15 അൾട്രായുടെ വില വിവരങ്ങൾ:

ഷവോമി 15 അൾട്രായുടെ 16GB റാമും 512GB സ്റ്റോറേജുമുള്ള അടിസ്ഥാന മോഡലിന് EUR 1,499 (ഏകദേശം 1,36,100 ഇന്ത്യൻ രൂപ) മുതൽ വില ആരംഭിക്കുന്നു.

ഷവോമി 15, ഷവോമി 15 അൾട്രാ എന്നിവ മാർച്ച് 11-ന് ഇന്ത്യയിൽ അവതരിപ്പിക്കുമെന്ന് ഷവോമി ഇന്ത്യ സ്ഥിരീകരിച്ചു.

ഫോൺ വാങ്ങി വർഷത്തിനുള്ളിൽ സൗജന്യ വാറൻ്റിക്ക് പുറമെയുള്ള ഒരു റിപ്പയർ (ലേബർ നിരക്കുകളില്ലാതെ) ഷവോമി വാഗ്ദാനം ചെയ്യുന്നു. കൂടാതെ, ആദ്യ ആറ് മാസത്തിനുള്ളിൽ ഉപഭോക്താക്കൾക്ക് സൗജന്യ സ്‌ക്രീൻ റീപ്ലേസ്‌മെൻ്റും ലഭിക്കും.

ഷവോമി 15 അൾട്രായുടെ സവിശേഷതകൾ:

രണ്ട് നാനോ സിമ്മുകളെ പിന്തുണക്കുന്ന ഷവോമി 15 അൾട്രാ ആൻഡ്രോയിഡ് 15 അടിസ്ഥാനമാക്കിയ HyperOS 2-ൽ പ്രവർത്തിക്കുന്നു. നാല് പ്രധാന സോഫ്റ്റ്‌വെയർ അപ്‌ഡേറ്റുകൾ ഷവോമി ഇതിനു വാഗ്ദാനം ചെയ്യുന്നു. സ്നാപ്ഡ്രാഗൺ 8 എലീറ്റ് പ്രോസസറിൽ പ്രവർത്തിക്കുന്ന ഈ ഫോൺ 16GB വരെ LPDDR5x റാമുമായും 512GB വരെ സ്റ്റോറേജുമായും വരുന്നു.

WQHD+ റെസല്യൂഷനോടുകൂടിയ (1,440x3,200 പിക്സലുകൾ) 6.73 ഇഞ്ച് LTPO AMOLED സ്ക്രീനാണ് ഡിസ്പ്ലേ. ഇതിന് 120Hz റീഫ്രഷ് റേറ്റും 3,200 nits പീക്ക് ബ്രൈറ്റ്നസ് ലെവലുമുണ്ട്.

5G, 4G LTE, Wi-Fi 7, Bluetooth 6, GPS, NFC, USB 3.2 Gen 2 Type-C പോർട്ട് എന്നിവയെ ഫോൺ പിന്തുണയ്‌ക്കുന്നു. ആക്‌സിലറോമീറ്റർ, ഗൈറോസ്‌കോപ്പ്, പ്രോക്‌സിമിറ്റി സെൻസർ, കോമ്പസ്, ബാരോമീറ്റർ, ഇൻ-ഡിസ്‌പ്ലേ അൾട്രാസോണിക് ഫിംഗർപ്രിൻ്റ് സ്‌കാനർ തുടങ്ങിയ നിരവധി സെൻസറുകളും ഇതിൽ ഉൾപ്പെടുന്നു.

90W ഫാസ്റ്റ് ചാർജിംഗും 80W വയർലെസ് ചാർജിംഗും പിന്തുണയ്ക്കുന്ന 5,410mAh സിലിക്കൺ കാർബൺ യൂണിറ്റാണ് ബാറ്ററി. IP68 റേറ്റിങ്ങാണ് ഈ ഫോണിനുള്ളത്.

ഷവോമി 15 ഫോണിൻ്റെ സവിശേഷതകൾ:

ഷവോമി 15 അൾട്രായുടെ അതേ ചിപ്പ് തന്നെയാണ് ഷവോമി 15-നുമുള്ളത്. ഇത് 16 ജിബി വരെ റാമുമായി വരുന്നു. ഫോണിന് 120Hz റീഫ്രഷ് റേറ്റും 3,200 nits വരെ പീക്ക് ബ്രൈറ്റ്നസ് ലെവലുമുള്ള 6.36 ഇഞ്ച് LTPO AMOLED സ്‌ക്രീനുണ്ട്.

അൾട്രാ മോഡലിനെ പോലെ തന്നെ, ഷവോമി 15-ന് OIS ഉള്ള 50MP മെയിൻ ക്യാമറയും 50MP അൾട്രാവൈഡ് ക്യാമറയും OIS, 3x ഒപ്റ്റിക്കൽ സൂമുമുള്ള 50MP ടെലിഫോട്ടോ ക്യാമറയുമുണ്ട്. അൾട്രാ മോഡലിന് സമാനമായ 32 മെഗാപിക്സൽ ഫ്രണ്ട് ക്യാമറയും ഇതിലുണ്ട്.

ഫോൺ 1TB വരെ UFS 4.0 സ്റ്റോറേജ് വാഗ്ദാനം ചെയ്യുന്നു. ബ്ലൂടൂത്ത് 6.0 ന് പകരം ബ്ലൂടൂത്ത് 5.4 ഉണ്ട് എന്നതൊഴിച്ചാൽ കണക്റ്റിവിറ്റി സവിശേഷതകൾ മിക്കതും അൾട്രായ്ക്ക് സമാനമാണ്. ഷവോമി 15-ലെ 5,240mAh ബാറ്ററി 90W വയർഡ് ചാർജിംഗും 50W വയർലെസ് ചാർജിംഗും പിന്തുണയ്ക്കുന്നു.