സാംസങ്ങ് ഗാലക്സി S26, ഗാലക്സി S26+ എന്നിവ 50 മെഗാപിക്സൽ ക്യാമറകളുമായി വന്നേക്കും; സവിശേഷതകൾ ലീക്കായി പുറത്ത്

സാംസങ്ങ് തങ്ങളുടെ പുതിയ ഫ്ലാഗ്ഷിപ്പ് സ്മാർട്ട്‌ഫോണുകളായ ഗാലക്‌സി S26 സീരീസ് ഈ മാസം അവസാനത്തോടെ ലോഞ്ച് ചെയ്യുമെന്നാണ് അഭ്യൂഹങ്ങൾ. ദക്ഷിണ കൊറിയൻ ബ്രാൻഡ് ഇതുവരെ ഇക്കാര്യം ഔദ്യോഗികമായി സ്ഥിരീകരിച്ചിട്ടില്ലെങ്കിലും, വരാനിരിക്കുന്ന ഫോണുകളെക്കുറിച്ചുള്ള പ്രധാന വിവരങ്ങൾ ഇതിനകം തന്നെ നിരവധി ലീക്കുകളിലൂടെ പുറത്തു വന്നിട്ടുണ്ട്. സമീപകാലത്തെ റിപ്പോർട്ടുകൾ സാംസങ്ങ് ഗാലക്‌സി S26, ഗാലക്‌സി S26+ എന്നിവയുടെ റെൻഡറുകളും സ്പെസിഫിക്കേഷനുകളും പങ്കുവെക്കുന്നു. രണ്ട് മോഡലുകളും പരിചിതമായ ഡിസൈൻ ലാങ്വേജിൽ ആയിരിക്കുമെന്ന് പ്രതീക്ഷിക്കുന്നു, എന്നാൽ ചെറിയ മാറ്റങ്ങൾ പ്രതീക്ഷിക്കാം. ഏറ്റവും വലിയ ഹൈലൈറ്റ് റിയർ ക്യാമറ സെറ്റപ്പ് ആയിരിക്കാൻ സാധ്യതയുണ്ട്. അൽപ്പം ഉയർന്നു നിൽക്കുന്ന ക്യാമറ ഡിസൈനാണ് ഈ ഫോണുകൾ അവതരിപ്പിക്കുക എന്നാണു പ്രതീക്ഷിക്കുന്നത്. ഈ മാറ്റമുണ്ടെങ്കിലും, രണ്ട് മോഡലുകളിലും 50 മെഗാപിക്സൽ മെയിൻ സെൻസറുള്ള ട്രിപ്പിൾ റിയർ ക്യാമറ സിസ്റ്റം തന്നെ ആയിരിക്കാനാണു സാധ്യത. ഗാലക്‌സി S26 കോം‌പാക്റ്റ് ഡിസ്‌പ്ലേ അവതരിപ്പിക്കുമെന്ന് സൂചനയുണ്ട്, അതേസമയം ഗാലക്‌സി S26+ വലിയ, ഹൈ റെസല്യൂഷനുള്ള സ്‌ക്രീനുമായി വരാം.

സാംസങ്ങ് ഗാലക്സി S26, ഗാലക്സി S26+ എന്നിവയുടെ ഡിസൈൻ, ഡിസ്പ്ലേ സവിശേഷതകൾ:

ആൻഡ്രോയിഡ് ഹെഡ്‌ലൈൻസിന്റെ റിപ്പോർട്ട് അനുസരിച്ച്, ലീക്കായ റെൻഡറുകൾ കാണിക്കുന്നത് ഗാലക്‌സി S26, ഗാലക്‌സി S26+ എന്നിവ അവയുടെ മുൻഗാമികളുമായി സാമ്യമുള്ളതായിരിക്കും, ചെറിയ ഡിസൈൻ അപ്‌ഡേറ്റുകൾ മാത്രമേയുണ്ടാകൂ എന്നാണ്. റിയർ ക്യാമറകൾ ബാക്ക് പാനലുമായി ചേർന്നിരിക്കുന്ന ഗാലക്‌സി S25 സീരീസിൽ നിന്ന് വ്യത്യസ്തമായി, വരാനിരിക്കുന്ന മോഡലുകളിൽ അല്പം ഉയർത്തിവെച്ച ക്യാമറ മൊഡ്യൂൾ ആയിരിക്കാം. ഈ ക്യാമറ ഡെക്കോ ഗാലക്‌സി S25 എഡ്ജിൽ കാണുന്നതിന് സമാനമാണ്. രണ്ട് ഫോണുകളിലും ഡിസ്‌പ്ലേയ്ക്ക് ചുറ്റും മെലിഞ്ഞ, യൂണിഫോം ബെസലുകൾ ഉണ്ടാകുമെന്ന് പ്രതീക്ഷിക്കുന്നു. മുൻ ക്യാമറയ്‌ക്കായി ഒരു സെൻ്റേർഡ് ഹോൾ-പഞ്ച് കട്ടൗട്ടും റെൻഡറുകളിൽ ദൃശ്യമാണ്.

സാംസങ്ങ് ഗാലക്‌സി S26-ന് 6.3 ഇഞ്ച് ഫുൾ എച്ച്‌ഡി+ ഡൈനാമിക് അമോലെഡ് ഡിസ്‌പ്ലേ ഉണ്ടായിരിക്കുമെന്ന് സൂചനയുണ്ട്. ഇതിന് 149.6 x 71.7 x 7.2mm വലിപ്പവും ഏകദേശം 137 ഗ്രാം ഭാരവും ഉണ്ടാകാം. അതേസമയം, ഗാലക്‌സി S26+ ഫോണിൽ 6.7 ഇഞ്ച് ക്വാഡ് എച്ച്‌ഡി+ അമോലെഡ് സ്‌ക്രീൻ ആയിരിക്കും. ഇതിന് 158.4 x 75.8 x 7.3mm വലിപ്പനും ഏകദേശം 190 ഗ്രാം ഭാരവും പ്രതീക്ഷിക്കുന്നു.

സാംസങ്ങ് ഗാലക്‌സി S26 സീരീസിൻ്റെ ക്യാമറ, പെർഫോമൻസ്, ബാറ്ററി എന്നിവയെക്കുറിച്ചുള്ള വിവരങ്ങൾ:

ഗാലക്‌സി S26, ഗാലക്‌സി S26+ എന്നിവയിൽ ഒരേ ക്യാമറ സെറ്റപ്പ് ആയിരിക്കും. ട്രിപ്പിൾ റിയർ ക്യാമറ യൂണിറ്റിൽ 50 മെഗാപിക്സൽ പ്രൈമറി സെൻസർ, 12 മെഗാപിക്സൽ അൾട്രാ-വൈഡ് ലെൻസ്, 10 മെഗാപിക്സൽ ടെലിഫോട്ടോ ക്യാമറ എന്നിവ ഉൾപ്പെട്ടേക്കാം. സെൽഫികൾക്കും വീഡിയോ കോളുകൾക്കുമായി, രണ്ട് മോഡലുകളിലും സാംസങ്ങ് 12 മെഗാപിക്സൽ ഫ്രണ്ട് ക്യാമറയും വാഗ്ദാനം ചെയ്തേക്കാം.

ഈ വർഷവും സാംസങ്ങ് ഡ്യുവൽ-ചിപ്പ് സ്ട്രാറ്റജി ഉപയോഗിക്കുമെന്ന് പ്രതീക്ഷിക്കുന്നു. തിരഞ്ഞെടുത്ത വിപണികളിൽ ഗാലക്‌സി S26 സീരീസ് എക്‌സിനോസ് 2600 പ്രോസസർ ഉപയോഗിച്ചേക്കാം, അതേസമയം മറ്റ് പ്രദേശങ്ങളിൽ സ്‌നാപ്ഡ്രാഗൺ 8 എലൈറ്റ് ജെൻ 5 ചിപ്‌സെറ്റ് ആയിരിക്കാം. രണ്ട് സ്മാർട്ട്‌ഫോണുകളും ആൻഡ്രോയിഡ് 16 അടിസ്ഥാനമാക്കിയ വൺ യുഐ 8.5 ഔട്ട് ഓഫ് ബോക്‌സുമായി ഷിപ്പ് ചെയ്യും എന്നാണു റിപ്പോർട്ട്.

ബാറ്ററിയുടെ കാര്യത്തിൽ, ഗാലക്‌സി S26 ന് 4,300mAh ബാറ്ററിയും ഗാലക്‌സി S26+ മോഡലിന് 4,900mAh യൂണിറ്റും ഉണ്ടായിരിക്കാം. പ്ലസ് മോഡൽ വയർലെസ് പവർ ഷെയറിനെ പിന്തുണയ്ക്കുമെന്നും പ്രതീക്ഷിക്കുന്നു, ഇതിലൂടെ ഉപയോക്താക്കൾക്ക് മറ്റ് ഉപകരണങ്ങൾ വയർലെസ് ആയി ചാർജ് ചെയ്യാൻ കഴിയും.