സാംസങ് ഗാലക്സി എസ്25 അൾട്രായ്ക്ക് ഇന്ത്യയിലെ ഏറ്റവും കുറഞ്ഞ വില

2025 ജനുവരിയിൽ പുറത്തിറങ്ങിയ സാംസങ് ഗാലക്സി എസ്25 അൾട്രാ, പുതിയ മോഡൽ വിപണിയിലെത്തിയിട്ടും ഇപ്പോഴും സ്മാർട്ട്ഫോൺ പ്രേമികളുടെ പ്രിയപ്പെട്ട ഫോണായി തുടരുന്നു. ഒന്നര വർഷം പിന്നിട്ടിട്ടും വലിയ വിലയിൽ തുടരുന്ന ഈ ഫോൺ, വിവിധ ഓഫറുകളിലൂടെ കുറഞ്ഞ നിരക്കിൽ സ്വന്തമാക്കാൻ സാധിക്കാറുണ്ട്. നിലവിൽ നടക്കുന്ന ആമസോൺ ഗ്രേറ്റ് സമ്മർ സെയിൽ 2026 ഇതിന് മികച്ച അവസരമാണ്.

സെയിലിലെ മികച്ച സാംസങ് ഫോൺ ഓഫറുകളെക്കുറിച്ച് നമ്മൾ നേരത്തെ കണ്ടിരുന്നു. ഇപ്പോൾ സാംസങ് ഗാലക്സി എസ്25 അൾട്രാ 95,000 രൂപയിൽ താഴെ വിലയിൽ വാങ്ങാൻ കഴിയുമെന്ന് ആമസോൺ അറിയിച്ചിട്ടുണ്ട്. ഇന്ത്യയിൽ ഈ ഫോണിന് ലഭ്യമാകുന്ന ഏറ്റവും കുറഞ്ഞ വിലയാണിത്.

ആമസോൺ ഗ്രേറ്റ് സമ്മർ സെയിൽ 2026: സാംസങ് ഗാലക്സി എസ്25 അൾട്രാ ഓഫറുകൾ

സാംസങ് ഗാലക്സി എസ്25 അൾട്രായുടെ 12 ജിബി റാം, 256 ജിബി സ്റ്റോറേജ് അടിസ്ഥാന മോഡലിന് ആമസോണിൽ 1,29,999 രൂപയാണ് വില വരുന്നത്. എന്നാൽ ആമസോൺ ഗ്രേറ്റ് സമ്മർ സെയിൽ 2026-ന്റെ ഭാഗമായി ഈ ഫ്ലാഗ്ഷിപ്പ് ഫോണിന് വലിയ വിലക്കുറവ് ആമസോൺ പ്രഖ്യാപിച്ചിട്ടുണ്ട്.

ഈ ഫോണിന് നേരിട്ട് 23 ശതമാനം ഡിസ്കൗണ്ട് ഇപ്പോൾ ലഭ്യമാണ്. ഇതോടെ വില 99,999 രൂപയായി കുറയും. ഇതിന് പുറമെ 2,000 രൂപയുടെ അധിക ഡിസ്കൗണ്ട് കൂപ്പൺ കൂടി ഉപയോഗിക്കാം. ഇതോടെ ഫോണിന്റെ വില 97,999 രൂപയിലേക്ക് വീണ്ടും കുറയും.

ബാങ്ക് ഓഫറുകൾ വഴി ഉപഭോക്താക്കൾക്ക് ഈ ഫോണിന്റെ വില ഇനിയും കുറയ്ക്കാൻ സാധിക്കും. തിരഞ്ഞെടുത്ത ബാങ്കുകളുടെ ഇഎംഐ, നോൺ ഇഎംഐ ഇടപാടുകൾക്ക് 3,000 രൂപ വരെ ബാങ്ക് ഡിസ്കൗണ്ട് ആമസോൺ നൽകുന്നുണ്ട്. ഈ ഓഫറുകളെല്ലാം കൂടി ചേർക്കുമ്പോൾ ഗാലക്സി എസ്25 അൾട്രാ വെറും 94,999 രൂപയ്ക്ക് സ്വന്തമാക്കാൻ സാധിക്കും.

സാംസങ് ഗാലക്സി എസ്25 അൾട്രാ: പ്രധാന ഫീച്ചറുകൾ

ആൻഡ്രോയിഡ് 15 അടിസ്ഥാനമാക്കിയുള്ള വൺ യുഐ 7 ലാണ് സാംസങ് ഗാലക്സി എസ്25 അൾട്രായുടെ പ്രവർത്തനം. മികച്ച വേഗത ഉറപ്പാക്കാൻ ഗാലക്സി ഫോണുകൾക്കായി പ്രത്യേകം തയാറാക്കിയ സ്നാപ്ഡ്രാഗൺ 8 എലൈറ്റ് ചിപ്സെറ്റാണ് ഇതിൽ ഉപയോഗിച്ചിരിക്കുന്നത്. 12 ജിബി റാമും 1 ടിബി വരെ സ്റ്റോറേജ് ഓപ്ഷനുകളും ഫോൺ വാഗ്ദാനം ചെയ്യുന്നു. 2,600 നിറ്റ്സ് ബ്രൈറ്റ്നസ്സും 1Hz-120Hz അഡാപ്റ്റീവ് റിഫ്രഷ് റേറ്റുമുള്ള 6.9 ഇഞ്ച് ഡയനാമിക് അമോലെഡ് 2X ഡിസ്പ്ലേയാണ് ഈ ഫോണിന്റെ മറ്റൊരു പ്രത്യേകത.

ഫോട്ടോഗ്രാഫിക്ക് പ്രാധാന്യം നൽകുന്ന ഈ ഫോണിൽ നാല് പിൻ ക്യാമറകളാണുള്ളത്. ഒപ്റ്റിക്കൽ ഇമേജ് സ്റ്റബിലൈസേഷൻ പിന്തുണയുള്ള 200 മെഗാപിക്സൽ മെയിൻ ക്യാമറ, 50 മെഗാപിക്സൽ അൾട്രാ വൈഡ് ക്യാമറ, 5x ഒപ്റ്റിക്കൽ സൂമുള്ള 50 മെഗാപിക്സൽ ടെലിഫോട്ടോ ക്യാമറ, 3x ഒപ്റ്റിക്കൽ സൂമുള്ള 10 മെഗാപിക്സൽ ടെലിഫോട്ടോ ക്യാമറ എന്നിവ ഇതിൽ ഉൾപ്പെടുന്നു. മുന്നിൽ 12 മെഗാപിക്സൽ സെൽഫി ക്യാമറയും നൽകിയിട്ടുണ്ട്.

5ജി, വൈ-ഫൈ 7, ബ്ലൂടൂത്ത് 5.4, എൻഎഫ്സി തുടങ്ങിയ ആധുനിക കണക്റ്റിവിറ്റി സൗകര്യങ്ങളെല്ലാം ഫോണിലുണ്ട്. 45W ഫാസ്റ്റ് ചാർജിംഗ് പിന്തുണയ്ക്കുന്ന 5,000mAh ബാറ്ററിയാണ് സാംസങ് ഗാലക്സി എസ്25 അൾട്രായിൽ നൽകിയിരിക്കുന്നത്. ചാർജിംഗിനായി യുഎസ്ബി ടൈപ്പ്-സി പോർട്ടും ഫോണിലുണ്ട്.