സാംസങ്ങിന്റെ മാസ്റ്റർ പ്ലാൻ! വിട്ടുവീഴ്ചയില്ലാത്ത ഫീച്ചറുകളുമായി ഗാലക്സി M47 5G

സാംസങ് തങ്ങളുടെ ഗാലക്സി M സീരീസ് വിപുലീകരിക്കാനൊരുങ്ങുന്നു. ഈ നിരയിലെ പുതിയ മോഡലായ Galaxy M47 കമ്പനിയുടെ ഇന്റേണൽ ടെസ്റ്റ് സെർവറുകളിൽ പ്രത്യക്ഷപ്പെട്ടതായാണ് റിപ്പോർട്ടുകൾ. ഈ ഫോണിന്റെ നിർമ്മാണ പ്രവർത്തനങ്ങൾ പുരോഗമിക്കുകയാണെന്നാണ് ഇതിൽ നിന്നും ലഭിക്കുന്ന സൂചന. നേരത്തെ IMEI ഡാറ്റാബേസിലും ഈ ഫോൺ കണ്ടെത്തിയിരുന്നു, ഇതോടെയാണ് ഇങ്ങനെയൊരു മോഡൽ വരുന്നുണ്ടെന്ന ആദ്യ സൂചനകൾ പുറത്തുവന്നത്. 2023 അവസാനത്തോടെ പുറത്തിറങ്ങിയ സാംസങ് Galaxy M44-ന്റെ പിൻഗാമിയായാണ് ഇത് എത്തുന്നത്. മൂന്ന് വർഷങ്ങൾക്ക് മുൻപിറങ്ങിയ മുൻ മോഡലിനേക്കാൾ മികച്ച ഫീച്ചറുകളും അപ്‌ഗ്രേഡുകളും പുതിയ ഗാലക്സി M47-ൽ പ്രതീക്ഷിക്കുന്നു.

സാംസങ് ഗാലക്സി M47: ഇന്ത്യയിലും നേപ്പാളിലും

സാംസങ്ങിന്റെ പുതിയ സ്മാർട്ട്‌ഫോണായ ഗാലക്സി M47 (മോഡൽ നമ്പർ SM-M476B) ഇന്ത്യയിലെയും നേപ്പാളിലെയും കമ്പനിയുടെ ഇന്റേണൽ ടെസ്റ്റ് സെർവറുകളിൽ പ്രത്യക്ഷപ്പെട്ടതായി സമീഗുരു റിപ്പോർട്ട് ചെയ്യുന്നു. സാംസങ് തങ്ങളുടെ M4x സീരീസ് വിപുലീകരിക്കുന്നതിന്റെ ഭാഗമായാണ് ഈ നീക്കം. 5G കണക്റ്റിവിറ്റിയോടെ എത്തുന്ന ഈ ഫോൺ ഈ വർഷം രണ്ടാം പകുതിയോടെ പുറത്തിറങ്ങാനാണ് സാധ്യത.

മികച്ച ഫീച്ചറുകൾ കുറഞ്ഞ വിലയിൽ ലഭ്യമാക്കുന്ന ഗാലക്സി M47, ഇന്ത്യയിൽ ആമസോൺ പോലുള്ള ഓൺലൈൻ സൈറ്റുകൾ വഴി വിൽപനയ്ക്കെത്തും. മികച്ച കാഴ്ചാനുഭവം നൽകുന്ന സൂപ്പർ അമോലെഡ് ഡിസ്‌പ്ലേയും ദീർഘനേരം ചാർജ് നിൽക്കുന്ന വലിയ ബാറ്ററിയുമായിരിക്കും ഈ ഫോണിന്റെ പ്രധാന ആകർഷണങ്ങൾ.

കൂടുതൽ ഉപഭോക്താക്കളെ ആകർഷിക്കുന്നതിനായി സാംസങ് തങ്ങളുടെ M, F സീരീസ് സ്മാർട്ട്‌ഫോണുകളുടെ പേരിടൽ രീതിയിലോ വിപണന തന്ത്രത്തിലോ മാറ്റങ്ങൾ വരുത്തിയേക്കുമെന്ന് റിപ്പോർട്ടുകൾ പറയുന്നു. ഈ വർഷം പുതിയ M3x അല്ലെങ്കിൽ M5x മോഡലുകൾ പുറത്തിറക്കാൻ സാധ്യതയില്ലാത്തത് കമ്പനിയുടെ പുതിയ ലോഞ്ച് പ്ലാനുകളുടെ സൂചനയായാണ് കരുതപ്പെടുന്നത്.

ഇതോടൊപ്പം തന്നെ, ഗാലക്സി M47-ന് പകരമായി F സീരീസിൽ സാംസങ് ഗാലക്സി F70 Pro എന്ന മോഡലും പ്രതീക്ഷിക്കുന്നുണ്ട്. നിലവിൽ ഈ ഫോൺ ടെസ്റ്റ് സെർവറുകളിൽ റിപ്പോർട്ട് ചെയ്തിട്ടില്ലെങ്കിലും, SM-E476B എന്ന മോഡൽ നമ്പറിലായിരിക്കും ഇത് എത്തുക. ഈ രണ്ട് ഫോണുകളെയും കുറിച്ചുള്ള കൂടുതൽ വ്യക്തമായ വിവരങ്ങൾ ലോഞ്ചിനോട് അനുബന്ധിച്ച് പുറത്തുവരുന്നതാണ്.

സാംസങ് ഗാലക്സി M44-ന്റെ പ്രധാന ഫീച്ചറുകൾ എടുത്തുപറയേണ്ടവയാണ്. 6.58 ഇഞ്ച് ഫുൾ HD+ LCD ഡിസ്‌പ്ലേയുമായാണ് ഈ ഫോൺ എത്തുന്നത്. 50 മെഗാപിക്സലിന്റെ ട്രിപ്പിൾ പിൻ ക്യാമറകളും 8 മെഗാപിക്സൽ മുൻ ക്യാമറയുമാണ് ഇതിൽ ഉൾപ്പെടുത്തിയിരിക്കുന്നത്. 5,000mAh ബാറ്ററിയും ഒക്ടാ കോർ പ്രോസസറുമുള്ള ഈ ഹാൻഡ്‌സെറ്റ് ആൻഡ്രോയിഡ് 13-ലാണ് പ്രവർത്തിക്കുന്നത്.