ക്രിസ്റ്റൽ ക്ലിയർ ഡിസ്‌പ്ലേ, എഐ ക്യാമറ; റിയൽമി നാർസോ 100 ലൈറ്റ് 5G വിശേഷങ്ങൾ

റിയൽമി നാർസോ 100 ശ്രേണിയിലെ ആദ്യ ഫോണായ നാർസോ 100 ലൈറ്റ് 5ജി ചൊവ്വാഴ്ച ഇന്ത്യൻ വിപണിയിൽ പുറത്തിറക്കി. കമ്പനിയുടെ ഔദ്യോഗിക വെബ്‌സൈറ്റ് വഴിയും പ്രമുഖ ഇ-കൊമേഴ്‌സ് സൈറ്റുകൾ വഴിയും രണ്ട് നിറങ്ങളിൽ ഈ ഫോൺ ലഭ്യമാകും. 7,000mAh ബാറ്ററിയാണ് ഇതിന്റെ പ്രധാന ആകർഷണം. ഒരു തവണ ചാർജ് ചെയ്താൽ 10 മണിക്കൂർ വീഡിയോ കാണാനോ 70 മണിക്കൂർ പാട്ടുകൾ കേൾക്കാനോ സാധിക്കുമെന്ന് കമ്പനി അറിയിച്ചു. മീഡിയടെക് ഡൈമെൻസിറ്റി 6000 സീരീസ് ഒക്ടാ കോർ പ്രോസസ്സർ കരുത്തേകുന്ന ഈ ഫോണിൽ 13 മെഗാപിക്സൽ മെയിൻ സെൻസറോട് കൂടിയ രണ്ട് പിൻ ക്യാമറകളാണ് നൽകിയിരിക്കുന്നത്.

റിയൽമി നാർസോ 100 ലൈറ്റ് 5ജി: ഇന്ത്യയിലെ വിലയും ലഭ്യതയും

റിയൽമി നാർസോ 100 ലൈറ്റ് 5ജിയുടെ 4GB റാമും 64GB സ്റ്റോറേജുമുള്ള അടിസ്ഥാന മോഡലിന് ഇന്ത്യയിൽ 13,499 രൂപയാണ് വില വരുന്നത്. 4GB റാമും 128GB സ്റ്റോറേജുമുള്ള മോഡലിന് 14,499 രൂപയും, ഏറ്റവും ഉയർന്ന പതിപ്പായ 6GB റാം + 128GB സ്റ്റോറേജ് മോഡലിന് 16,499 രൂപയുമാണ് വില. അവതരണത്തിന്റെ ഭാഗമായി 1,500 രൂപ വരെയുള്ള ബാങ്ക് ഓഫറുകളും കമ്പനി വാഗ്ദാനം ചെയ്യുന്നുണ്ട്.

പുതിയ നാർസോ സീരീസ് ഫോൺ ഏപ്രിൽ 21 മുതൽ ആമസോൺ, റിയൽമി ഇന്ത്യ ഓൺലൈൻ സ്റ്റോർ എന്നിവ വഴി ഇന്ത്യയിൽ വിൽപ്പനയ്‌ക്കെത്തും. ഫ്രോസ്റ്റ് സിൽവർ, തണ്ടർ ബ്ലാക്ക് എന്നീ രണ്ട് നിറങ്ങളിലാണ് റിയൽമി നാർസോ 100 ലൈറ്റ് 5ജി ലഭ്യമാകുന്നത്.

റിയൽമി നാർസോ 100 ലൈറ്റ് 5ജി: ഫീച്ചറുകളും സാങ്കേതിക വിവരങ്ങളും

ആൻഡ്രോയിഡ് 16 അധിഷ്ഠിതമായ റിയൽമി യുഐ 7.0 സോഫ്റ്റ്‌വെയറിലാണ് പുതിയ റിയൽമി നാർസോ 100 ലൈറ്റ് 5ജി പ്രവർത്തിക്കുന്നത്. മികച്ച കാഴ്ചാനുഭവം നൽകുന്ന 6.8 ഇഞ്ച് എൽസിഡി ഡിസ്‌പ്ലേയാണ് ഇതിലുള്ളത്. 144Hz റിഫ്രഷ് റേറ്റ്, 900 നിറ്റ്സ് ബ്രൈറ്റ്‌നസ് എന്നിവ ഇതിന്റെ പ്രത്യേകതയാണ്. കൂടാതെ പൊടിയെയും വെള്ളത്തെയും പ്രതിരോധിക്കാൻ ഐപി64 റേറ്റിംഗും ഈ ഫോണിനുണ്ട്.

മീഡിയടെക് ഡൈമെൻസിറ്റി 6300 ഒക്ടാ കോർ പ്രോസസ്സർ കരുത്തേകുന്ന ഫോണിൽ 6GB വരെ റാമും 128GB സ്റ്റോറേജും ലഭ്യമാണ്. ആവശ്യാനുസരണം സ്റ്റോറേജ് 2TB വരെ വർദ്ധിപ്പിക്കാനും സാധിക്കും. ഗെയിമിംഗിലും മറ്റും ഫോൺ ചൂടാകാതിരിക്കാൻ എയർഫ്ലോ വേപ്പർ ചേമ്പർ കൂളിംഗ് ടെക്നോളജിയും റിയൽമി ഇതിൽ ഉൾപ്പെടുത്തിയിട്ടുണ്ട്.

ക്യാമറകളിലേക്ക് നോക്കിയാൽ, പിന്നിൽ 13 മെഗാപിക്സൽ പ്രൈമറി സെൻസർ ഉൾപ്പെടുന്ന ഡ്യുവൽ ക്യാമറ സംവിധാനമാണുള്ളത്. സെൽഫികൾക്കായി 5 മെഗാപിക്സൽ ഫ്രണ്ട് ക്യാമറയും നൽകിയിരിക്കുന്നു. 1080p നിലവാരത്തിൽ വീഡിയോകൾ ചിത്രീകരിക്കാൻ ഈ ഫോണിന് കഴിയും.

15W വയേർഡ് ചാർജിംഗ്, റിവേഴ്സ് ചാർജിംഗ്, ബൈപാസ് ചാർജിംഗ് എന്നിവ പിന്തുണയ്ക്കുന്ന കരുത്തുറ്റ 7,000mAh ബാറ്ററിയാണ് റിയൽമി നാർസോ 100 ലൈറ്റ് 5ജിയുടെ പ്രധാന സവിശേഷത. ഒരിക്കൽ ചാർജ് ചെയ്താൽ 10 മണിക്കൂർ വീഡിയോ കാണാനോ, 11 മണിക്കൂർ മെസ്സേജിംഗിനോ, 70 മണിക്കൂർ പാട്ട് കേൾക്കാനോ സാധിക്കുമെന്ന് കമ്പനി പറയുന്നു. കൂടാതെ 34 മണിക്കൂർ സംസാരസമയവും 12 മണിക്കൂർ ഗെയിമിംഗും ഈ ബാറ്ററി വാഗ്ദാനം ചെയ്യുന്നു. 212 ഗ്രാം ഭാരമുള്ള ഫോണിന് 8.45mm മാത്രമാണ് കനം.