വാലൻ്റൈൻസ് ഡേയിൽ വൺപ്ലസിൻ്റെ സമ്മാനം; ടാബ്‌ലറ്റുകളും ഓഡിയോ പ്രൊഡക്റ്റുകളും വിലക്കുറവിൽ

വൺപ്ലസ് തങ്ങളുടെ ടാബ്‌ലെറ്റുകൾക്കും ഓഡിയോ പ്രൊഡക്റ്റുകൾക്കും ഇന്ത്യയിൽ പ്രത്യേക വാലന്റൈൻസ് ഡേ ഓഫറുകൾ പ്രഖ്യാപിച്ചു. പരിമിതകാലത്തേക്കു മാത്രമുള്ള ഈ വിൽപ്പന ഫെബ്രുവരി 15 വരെ തുടരും. ഈ കാലയളവിൽ ഉപഭോക്താക്കൾക്ക് തിരഞ്ഞെടുത്ത വൺപ്ലസ് ടാബ്‌ലെറ്റുകളും ഇയർഫോണുകളും വിലക്കിഴിവിൽ സ്വന്തമാക്കാം. വൺപ്ലസ്.ഇൻ, വൺപ്ലസ് എക്സ്പീരിയൻസ് സ്റ്റോറുകൾ, ആമസോൺ, ഫ്ലിപ്കാർട്ട്, തിരഞ്ഞെടുത്ത ഓഫ്‌ലൈൻ റീട്ടെയിൽ സ്റ്റോറുകൾ എന്നിവയിൽ ഓഫറുകൾ ലഭ്യമാണ്. ചില ഓഡിയോ പ്രൊഡക്റ്റുകൾ മിന്ത്ര, ബ്ലിങ്കിറ്റ്, മറ്റ് അംഗീകൃത പ്ലാറ്റ്‌ഫോമുകൾ എന്നിവയിലും ലഭ്യമാണ്. നേരിട്ടുള്ള വിലക്കുറവുകളും, അതിനു പുറമെ തിരഞ്ഞെടുത്ത മോഡലുകളിൽ ബാങ്ക് കിഴിവുകളും ലഭിക്കും. വൺപ്ലസ് പാഡ് ഗോ, വൺപ്ലസ് പാഡ് ഗോ 2, വൺപ്ലസ് പാഡ് ലൈറ്റ്, വൺപ്ലസ് പാഡ് 2, വൺപ്ലസ് പാഡ് 3 തുടങ്ങിയ ടാബ്‌ലെറ്റുകളിൽ വൺപ്ലസ് മികച്ച ഡീലുകൾ വാഗ്ദാനം ചെയ്യുന്നു. വൺപ്ലസ് ബുള്ളറ്റ്സ് Z3, വൺപ്ലസ് ബഡ്സ് Z2 ANC, വൺപ്ലസ് ബഡ്സ് പ്രോ 3 തുടങ്ങിയ ഉൽപ്പന്നങ്ങളുടെയും വില കമ്പനി കുറച്ചിട്ടുണ്ട്.

വാലൻ്റൈൻസ് ഡേയിൽ ടാബ്‌ലറ്റുകൾക്ക് വൺപ്ലസ് നൽകുന്ന ഓഫറുകൾ:

വാലന്റൈൻസ് ഡേ സെയിലിൽ, വൺപ്ലസ് പാഡ് ഗോ (8GB + 128GB വൈ-ഫൈ മോഡൽ) 2,000 രൂപ കിഴിവും 1,000 രൂപ ബാങ്ക് ഓഫറും കഴിഞ്ഞ് 14,999 രൂപയ്ക്ക് ലഭ്യമാണ്. വൺപ്ലസ് പാഡ് ഗോ (8GB + 128GB LTE) അതേ കിഴിവുകൾക്ക് ശേഷം 14,999 രൂപയ്ക്ക് ലഭ്യമാണ്. വൺപ്ലസ് പാഡ് ഗോക്ക് (8GB + 256GB LTE) 2,000 രൂപ കിഴിവും 1,000 രൂപ ബാങ്ക് ഓഫറും കഴിഞ്ഞ് 18,999 രൂപയ്ക്കും ലഭ്യമാണ്.

വൺപ്ലസ് പാഡ് 2 (8GB + 128GB വൈ-ഫൈ) 2,000 രൂപ കിഴിവും 1,000 രൂപ ബാങ്ക് ഓഫറും കഴിഞ്ഞ് 34,999 രൂപയ്ക്ക് ലഭ്യമാണ്. വൺപ്ലസ് പാഡ് 2 (12GB + 256GB വൈ-ഫൈ) 2,000 രൂപ ബാങ്ക് ഡിസ്കൗണ്ട് ഉൾപ്പെടെ 37,999 രൂപയ്ക്ക് വാങ്ങാം. വൺപ്ലസ് പാഡ് 2 വാങ്ങുന്നവർക്ക് വൺപ്ലസ് സ്റ്റൈലോ 2, പാഡ് 2 കീബോർഡ് എന്നിവയുൾപ്പെടെ 13,999 രൂപ വിലയുള്ള സൗജന്യ ആക്‌സസറികളും ലഭിക്കും.

വൺപ്ലസ് പാഡ് 3 (12GB + 256GB വൈ-ഫൈ) 3,000 രൂപ ബാങ്ക് കിഴിവിനു ശേഷം 44,999 രൂപയ്ക്ക് ലഭ്യമാണ്. വൺപ്ലസ് പാഡ് 3 (16GB + 512GB വൈ-ഫൈ) 3,000 രൂപ ബാങ്ക് ഡിസ്കൗണ്ട് കിഴിച്ച് 49,999 രൂപയ്ക്കു സ്വന്തമാക്കാം.

വൺപ്ലസ് പാഡ് ലൈറ്റ് (6GB + 128GB വൈ-ഫൈ) 1,500 രൂപ കിഴിവും 2,000 രൂപ ബാങ്ക് ഓഫറും കഴിഞ്ഞ് 12,499 രൂപയ്ക്ക് ലഭ്യമാണ്. വൺപ്ലസ് പാഡ് ലൈറ്റ് (8GB + 128GB LTE) 1,500 രൂപ കിഴിവും 2,000 രൂപ ബാങ്ക് ഓഫറും കഴിഞ്ഞ് 14,499 രൂപയ്ക്കും വാങ്ങാം.

വൺപ്ലസ് പാഡ് ഗോ 2 (8GB + 128GB വൈ-ഫൈ) 2,000 രൂപ ബാങ്ക് ഡിസ്കൗണ്ടോടെ 24,999 രൂപയ്ക്ക് വാങ്ങാം. വൺപ്ലസ് പാഡ് ഗോ 2 (8GB + 256GB വൈ-ഫൈ) 2,000 രൂപ ബാങ്ക് കിഴിവോടെ 27,999 രൂപയ്ക്കും ലഭ്യമാണ്. 32,999 രൂപ ലിസ്റ്റ് വിലയുള്ള വൺപ്ലസ് പാഡ് ഗോ 2 (8GB + 256GB 5G) 2,000 രൂപ ബാങ്ക് കിഴിവുമായും വരുന്നു.

വാലൻ്റൈൻസ് ഡേയിൽ വൺപ്ലസ് ഓഡിയോ പ്രൊഡക്റ്റുകൾക്കുള്ള ഓഫറുകൾ:

വൺപ്ലസ് ബുള്ളറ്റ്സ് Z3 1,699 രൂപ ലിസ്റ്റ് വിലയിൽ നിന്ന് 400 രൂപ വിലക്കുറവിന് ശേഷം 1,299 രൂപയ്ക്ക് ലഭ്യമാണ്. 2,099 രൂപയുണ്ടായിരുന്ന വൺപ്ലസ് ബഡ്സ് Z2 ANC 1,899 രൂപയ്ക്ക് വാങ്ങാം.

1,799 രൂപ വിലയുള്ള വൺപ്ലസ് നോർദ് ബഡ്സ് 3r 1,599 രൂപയ്ക്ക് ലഭ്യമാണ്. 2,299 രൂപ ലിസ്റ്റ് വിലയുള്ള വൺപ്ലസ് നോർദ് ബഡ്സ് 3-ക്ക് ഇപ്പോൾ 1,999 രൂപയാണ് വില. 2,999 രൂപ വിലയുള്ള വൺപ്ലസ് നോർദ് ബഡ്സ് 3 പ്രോ 2,699 രൂപയ്ക്കും ലഭ്യമാണ്.

5,999 രൂപയുണ്ടായിരുന്ന വൺപ്ലസ് ബഡ്സ് 4 ഇപ്പോൾ 5,499 രൂപയ്ക്ക് ലഭ്യമാണ്. വൺപ്ലസ് ബഡ്‌സ് പ്രോ 3-യുടെ സാധാരണ വിലയായ 11,999 രൂപയിൽ കുറഞ്ഞ് 10,999 രൂപയ്ക്കും വാങ്ങാൻ കഴിയും.