സ്മാർട്ട്ഫോൺ വിപണി ഇളക്കിമറിക്കാൻ വൺപ്ലസ് 15ടി വരുന്നു; ലോഞ്ച് തീയതിയും വിസ്മയിപ്പിക്കുന്ന ഫീച്ചറുകളും പുറത്ത്

വരാനിരിക്കുന്ന കോംപാക്റ്റ് മിഡ്-ഫ്ലാഗ്ഷിപ്പ് സ്മാർട്ട്ഫോണിന്റെ ലോഞ്ച് തീയതി വൺപ്ലസ് ബുധനാഴ്ച പ്രഖ്യാപിച്ചു. ആഴ്ചകൾ നീണ്ട അഭ്യൂഹങ്ങൾക്കും ലീക്കുവരാനിരിക്കുന്ന കോംപാക്റ്റ് മിഡ്-ഫ്ലാഗ്ഷിപ്പ് സ്മാർട്ട്ഫോണിന്റെ ലോഞ്ച് തീയതി കൾക്കും വിരാമമിട്ടുകൊണ്ട് 'വൺപ്ലസ് 15ടി' അടുത്ത ആഴ്ച രാജ്യത്ത് പുറത്തിറങ്ങും. സ്മാർട്ട്ഫോണിന്റെ പ്രീ-ഓർഡറുകൾ ഇതിനോടകം ആരംഭിച്ചു കഴിഞ്ഞു. അഞ്ച് വ്യത്യസ്ത റാം, സ്റ്റോറേജ് കോൺഫിഗറേഷനുകളിൽ ഫോൺ ലഭ്യമാകുമെന്ന് പ്രീ-ഓർഡർ വിവരങ്ങൾ വ്യക്തമാക്കുന്നു. കറുപ്പും വെള്ളയും ഉൾപ്പെടെ മൂന്ന് ആകർഷകമായ നിറങ്ങളിലാണ് വൺപ്ലസ് 15ടി വിപണിയിലെത്തുന്നത്.

വൺപ്ലസ് 15ടി മാർച്ച് 24-ന് എത്തും

വൺപ്ലസ് 15ടി മാർച്ച് 24-ന് ചൈനയിൽ പുറത്തിറങ്ങും. ഒപ്പോ ഷോപ്പ് വെബ്‌സൈറ്റ് വഴി ഇപ്പോൾ പ്രീ-ബുക്ക് ചെയ്യുന്നവർക്ക് ഏകദേശം 4,000 രൂപ വിലവരുന്ന വയർലെസ് ഹെഡ്‌ഫോണുകൾ സൗജന്യമായി ലഭിക്കും. അഞ്ച് സ്റ്റോറേജ് വേരിയന്റുകളിലും മൂന്ന് ആകർഷകമായ നിറങ്ങളിലും ഫോൺ ലഭ്യമാണ്.

വൺപ്ലസ് 15ടി അഞ്ച് വേരിയന്റുകളിൽ ലഭ്യമാകും. 12ജിബി+256ജിബി മുതൽ 16ജിബി+1ടിബി വരെയുള്ള സ്റ്റോറേജ് ഓപ്ഷനുകൾ ഇതിനുണ്ടാകും. പ്യുവർ കൊക്കോ, റിലാക്സിംഗ് മാച്ച, ഹീലിംഗ് വൈറ്റ് ചോക്ലേറ്റ് എന്നീ മൂന്ന് നിറങ്ങളിലാണ് ഈ ഫോൺ വിപണിയിലെത്തുന്നത്. പ്യുവർ കൊക്കോ, റിലാക്സിംഗ് മാച്ച എന്നീ നിറങ്ങളിൽ വിരലടയാളം പതിയാതിരിക്കാൻ പ്രത്യേക ഗ്ലാസ് പാനലാണ് ഉപയോഗിച്ചിരിക്കുന്നത്. എന്നാൽ ഹീലിംഗ് വൈറ്റ് ചോക്ലേറ്റ് പതിപ്പിൽ മെറ്റൽ ഫ്രെയിമിനും ഗ്ലാസ് പാനലിനും ഒരേപോലെ വെളുത്ത നിറം നൽകാൻ പുതിയൊരു സാങ്കേതികവിദ്യയാണ് കമ്പനി പരീക്ഷിച്ചിരിക്കുന്നത്.

വൺപ്ലസ് 15 സ്മാർട്ട്ഫോണിന് കരുത്ത് പകരുന്ന അതേ സ്നാപ്ഡ്രാഗൺ 8 എലൈറ്റ് ജെൻ 5 ചിപ്‌സെറ്റ് തന്നെയാകും പുതിയ വൺപ്ലസ് 15ടി മോഡലിലും ഉപയോഗിക്കുക എന്ന് കമ്പനി സ്ഥിരീകരിച്ചു. മികച്ച ഗെയിമിംഗ് അനുഭവം നൽകുന്നതിനായി 165 എഫ്പിഎസ് വരെ പിന്തുണയ്ക്കുന്ന അത്യാധുനിക ഗെയിമിംഗ് എൻജിനും ഇതിലുണ്ടാകും. കൂടാതെ വൺപ്ലസ് 15 ലുള്ള ട്രൈ-ചിപ്പ് സംവിധാനവും ഈ പുതിയ ഫോണിൽ ഉൾപ്പെടുത്തിയിട്ടുണ്ട്.

വൺപ്ലസ് 15ടി സ്മാർട്ട്ഫോണിൽ 165 ഹെർട്സ് റിഫ്രഷ് റേറ്റുള്ള 6.32 ഇഞ്ച് ഫ്ലാറ്റ് ഡിസ്‌പ്ലേയാണ് ഉൾപ്പെടുത്തിയിരിക്കുന്നത്. 3.5 എക്സ് ഒപ്റ്റിക്കൽ സൂമുള്ള ലുമോ ഇമേജിംഗ് സിസ്റ്റമാണ് ഇതിലെ പ്രധാന ആകർഷണം. പൊടിയിൽ നിന്നും വെള്ളത്തിൽ നിന്നും മികച്ച സംരക്ഷണം ഉറപ്പാക്കുന്ന വിവിധ റേറ്റിംഗുകളും ഈ ഫോണിനുണ്ട്. 7,500 എംഎഎച്ച് ബാറ്ററിയുള്ള ഫോണിൽ 100 വാട്ട് വയേർഡ് ചാർജിംഗും 50 വാട്ട് വയർലെസ് ചാർജിംഗും ലഭ്യമാണ്. കൂടാതെ ബൈപാസ് ചാർജിംഗ് സൗകര്യവും ഇതിലുണ്ടാകും.