നത്തിങ്ങ് ഫോൺ 3a ലൈറ്റ് ഇന്ത്യൻ വിപണിയിലെത്തി; ഫോണിനെക്കുറിച്ച് വിശദമായി അറിയാം
നത്തിങ്ങ് ഫോൺ 3a ലൈറ്റ് ഇന്ത്യയിൽ ₹20,999 മുതൽ, മികച്ച സ്പെസിഫിക്കേഷൻസ്
നത്തിങ്ങിൻ്റെ പുതിയ ഫോണായ നത്തിങ്ങ് ഫോൺ 3a ലൈറ്റ് വ്യാഴാഴ്ച ഇന്ത്യൻ വിപണിയിൽ ലോഞ്ച് ചെയ്തു. ഫോൺ 3a സീരീസിന്റെ ഭാഗമായ ഈ പുതിയ ഫോൺ മിഡ്-റേഞ്ച് ഉപഭോക്താക്കളെയാണു ലക്ഷ്യമിടുന്നത്. ക്ലീനായ സോഫ്റ്റ്വെയർ എക്സ്പീരിയൻസിനും സവിശേഷമായ ട്രാൻസ്പരൻ്റ് ഡിസൈൻ സ്റ്റൈലിൻ്റെയും പേരിൽ ഇന്ത്യയിലെ ഉപയോക്താക്കളുടെ ഇടയിൽ അറിയപ്പെടുന്ന ഈ ബ്രാൻഡ്, ഇപ്പോൾ പുറത്തിറക്കിയ ലൈറ്റ് വേർഷന് അല്പം വ്യത്യസ്തമായ രൂപമാണു നൽകിയിരിക്കുന്നത്. മുൻ മോഡലുകളിൽ സാധാരണയായി കാണുന്ന ഫുൾ ഗ്ലിഫ് ഇന്റർഫേസിന് പകരം, ബേസിക് അലേർട്ടുകൾക്കും അറിയിപ്പുകൾക്കും വേണ്ടി പ്രവർത്തിക്കുന്ന പുതിയ സിംഗിൾ ഗ്ലിഫ് ലൈറ്റാണ് ഈ ഫോണിലുണ്ടാവുക. മീഡിയടെക് ഡൈമെൻസിറ്റി 7300 പ്രോ ചിപ്സെറ്റാണ് ഫോൺ 3a ലൈറ്റിനു കരുത്തു നൽകുന്നത്. 8 ജിബി റാമുമായി വരുന്ന ഈ ഫോണിൽ 256 ജിബി വരെ ഇന്റേണൽ സ്റ്റോറേജ് ഉണ്ടായിരിക്കും. മിഡ്-റേഞ്ച് സ്മാർട്ട്ഫോൺ വിപണിയിൽ പല ബ്രാൻഡുകളുടെയും മികച്ച ഫോണുകൾക്ക് നത്തിങ്ങ് ഫോൺ 3a വലിയ വെല്ലുവിളി സൃഷ്ടിക്കാൻ സാധ്യതയുണ്ട്.
8 ജിബി റാമും 128 ജിബി സ്റ്റോറേജും ഉൾപ്പെടുന്ന നത്തിങ്ങ് ഫോൺ 3a ലൈറ്റിൻ്റെ അടിസ്ഥാന മോഡലിന് ഇന്ത്യയിൽ 20,999 രൂപയാണു വില വരുന്നത്. 22,999 രൂപയ്ക്ക് 256 ജിബി സ്റ്റോറേജ് ഓപ്ഷനും ലഭ്യമാകും.
ലോഞ്ച് ഓഫറുകളുടെ ഭാഗമായി, ഐസിഐസിഐ ബാങ്ക് അല്ലെങ്കിൽ വൺകാർഡ് ഉപയോഗിക്കുന്ന ഉപഭോക്താക്കൾക്ക് വിലയിൽ ഡിസ്കൗണ്ട് ലഭിക്കും. ഈ ഓഫറുകൾ ഉപയോഗിച്ച്, 128 ജിബി പതിപ്പ് 19,999 രൂപയ്ക്ക് വാങ്ങാം, അതേസമയം 256 ജിബി പതിപ്പ് 21,999 രൂപയായും കുറയും.
ഫോൺ 3a ലൈറ്റ് ബ്ലാക്ക്, ബ്ലൂ, വൈറ്റ് എന്നീ മൂന്ന് നിറങ്ങളിൽ വിൽക്കും. ഡിസംബർ 5 മുതലാണ് ഫോൺ വാങ്ങാൻ ലഭ്യമാവുക. ഫ്ലിപ്പ്കാർട്ട്, വിജയ് സെയിൽസ്, ക്രോമ, ഇന്ത്യയിലുടനീളമുള്ള മറ്റ് പ്രധാന റീട്ടെയിൽ സ്റ്റോറുകൾ എന്നിവയിലൂടെ ഇതു സ്വന്തമാക്കാം.
ഡ്യുവൽ സിം (നാനോ + നാനോ) ഹാൻഡ്സെറ്റായ നത്തിങ്ങ് ഫോൺ 3a ലൈറ്റ്, ആൻഡ്രോയിഡ് 15 അടിസ്ഥാനമാക്കിയുള്ള നത്തിങ്ങ് ഒഎസ് 3.5-ലാണ് പ്രവർത്തിക്കുന്നത്. മൂന്ന് പ്രധാന ആൻഡ്രോയിഡ് അപ്ഡേറ്റുകളും ആറ് വർഷത്തെ സെക്യൂരിറ്റി മെയിൻ്റനൻസ് റിലീസുകളും (SMR) കമ്പനി വാഗ്ദാനം ചെയ്യുന്നു. 120Hz റിഫ്രഷ് റേറ്റ് ഉള്ള 6.77-ഇഞ്ച് ഫുൾ എച്ച്ഡി+ (1,080 x 2,392 പിക്സലുകൾ) ഫ്ലെക്സിബിൾ അമോലെഡ് ഡിസ്പ്ലേ, 3,000nits HDR പീക്ക് ബ്രൈറ്റ്നസ്, 387ppi പിക്സൽ ഡെൻസിറ്റി, സ്ക്രീൻ ഫ്ലിക്കർ കുറയ്ക്കുന്നതിന് 2,160Hz PWM ഡിമ്മിംഗ് എന്നിവ ഈ ഫോണിന്റെ സവിശേഷതകളാണ്.
മീഡിയടെക് ഡൈമെൻസിറ്റി 7300 പ്രോ ചിപ്സെറ്റാണ് ഈ ഫോണിനു കരുത്ത് പകരുന്നത്, 8GB റാമും ഇതിൽ വരുന്നു. ഇത് 256GB വരെ ഇന്റേണൽ സ്റ്റോറേജ് വാഗ്ദാനം ചെയ്യുന്നു, കൂടാതെ 8GB വെർച്വൽ റാമിനെയും പിന്തുണയ്ക്കുന്നു. മൈക്രോ എസ്ഡി കാർഡ് ഉപയോഗിച്ച് 2TB വരെ സ്റ്റോറേജ് വികസിപ്പിക്കാനും കഴിയും.
നത്തിങ്ങ് ഫോൺ 3a ലൈറ്റിൽ OIS, EIS എന്നിവയുള്ള 50 മെഗാപിക്സൽ മെയിൻ സെൻസറുള്ള ട്രിപ്പിൾ റിയർ ക്യാമറ സെറ്റപ്പാണുള്ളത്. 119.5 ഡിഗ്രി FoV ഉള്ള 8-
മെഗാപിക്സൽ അൾട്രാ-വൈഡ് ക്യാമറ, വിശദാംശങ്ങൾ ലഭ്യമല്ലാത്ത മൂന്നാമതൊരു സെൻസർ എന്നിവ ക്യാമറ യൂണിറ്റിൽ ഉൾപ്പെടുന്നു. ഫ്രണ്ട് ക്യാമറ 16 മെഗാപിക്സലാണ്. അൾട്രാ XDR ഫോട്ടോസ്, പോർട്രെയിറ്റ് മോഡ്, ഓട്ടോ ടോൺ, നൈറ്റ് മോഡ്, മാക്രോ മോഡ്, മോഷൻ ക്യാപ്ചർ എന്നിവ ക്യാമറ സവിശേഷതകളിൽ ഉൾപ്പെടുന്നു. റിയർ ക്യാമറ വീഡിയോ റെക്കോർഡിംഗ് 30fps-ൽ 4K-യും 120fps-ൽ 1080p സ്ലോ മോഷനും പിന്തുണയ്ക്കുന്നു.
കണക്റ്റിവിറ്റി സവിശേഷതകളിൽ വൈ-ഫൈ 6, ബ്ലൂടൂത്ത് 5.3, ജിപിഎസ്, ഗ്ലോനാസ്, ബിഡിഎസ്, ഗലീലിയോ, ക്യുഇസെഡ്എസ്എസ് എന്നിവ ഉൾപ്പെടുന്നു. ഇൻ-ഡിസ്പ്ലേ ഫിംഗർപ്രിന്റ് സെൻസർ, പൊടി, വെള്ളം എന്നിവയിൽ നിന്നുള്ള സംരക്ഷണത്തിനായി IP54 റേറ്റിംഗ്, മുന്നിലും പിന്നിലും പാണ്ട ഗ്ലാസ് പ്രൊട്ടക്ഷൻ എന്നിവയുമുണ്ട്. 33W ഫാസ്റ്റ് ചാർജിംഗും 5W വയർഡ് റിവേഴ്സ് ചാർജിംഗും ഉള്ള 5,000mAh ബാറ്ററിയാണ് ഫോണിനുള്ളത്. ഇതിന് 164 × 78 × 8.3mm വലിപ്പവും 199 ഗ്രാം ഭാരവുമുണ്ട്.
പരസ്യം
പരസ്യം