ഇനി മോട്ടറോളയാണു താരം; എഡ്ജ് 60 ഇന്ത്യയിൽ ലോഞ്ച് ചെയ്തു

മോട്ടറോള എഡ്ജ് 60 സീരീസിലെ നാലാമത്തെ ഫോണായും കഴിഞ്ഞ വർഷം പുറത്തു വന്ന മോട്ടറോള എഡ്ജ് 50-യുടെ പിൻഗാമിയായും മോട്ടറോള എഡ്ജ് 60 ഇന്ത്യയിൽ ലോഞ്ച് ചെയ്തു. ഈ സീരീസിൻ്റെ ഭാഗമായുള്ള മോട്ടറോള എഡ്ജ് 60 ഫ്യൂഷൻ, മോട്ടറോള എഡ്ജ് 60 സ്റ്റൈലസ്, മോട്ടറോള എഡ്ജ് 60 പ്രോ എന്നിവ നേരത്തെ ഇന്ത്യൻ വിപണിയിൽ എത്തിയതാണ്. ഇക്കഴിഞ്ഞ ഏപ്രിൽ മാസത്തിൽ ആഗോള വിപണിയിലെത്തിയ മോട്ടറോള എഡ്ജ് 60 രണ്ടു മാസങ്ങൾക്കു ശേഷമാണ് ഇന്ത്യൻ വിപണിയിലേക്കു വരുന്നത്. ആഗോള തലത്തിൽ പുറത്തിറക്കിയ വേരിയൻ്റിൽ നിന്നും ചില മാറ്റങ്ങൾ ഇന്ത്യയിൽ അവതരിപ്പിച്ച മോട്ടറോള എഡ്ജ് 60-ക്കുണ്ടാകും. മീഡിയാടെക് ഡൈമൻസിറ്റി 7400 ചിപ്പ്സെറ്റ് കരുത്തു നൽകുന്ന ഈ ഫോണിൽ 5,500mAh ബാറ്ററിയാണ് ഉണ്ടാവുക. 50 മെഗാപിക്സൽ ട്രിപ്പിൾ റിയർ ക്വാമറ സെറ്റപ്പും ഈ ഫോണിലുണ്ടാകും. മോട്ടറോള എഡ്ജ് 60 ലോഞ്ച് ചെയ്തതിനൊപ്പം മോട്ടറോള എഡ്ജ് 60 ഫ്യൂഷൻ്റെ മൈക്കനോസ് ബ്ലൂ വേരിയൻ്റും കമ്പനി അവതരിപ്പിച്ചിട്ടുണ്ട്.

മോട്ടറോള എഡ്ജ് 60-യുടെ ഇന്ത്യയിലെ വില, ലഭ്യത മുതലായ വിവരങ്ങൾ:

12 ജിബി റാമും 256 ജിബി സ്റ്റോറേജുമുള്ള മോട്ടറോള എഡ്ജ് 60-യുടെ ലഭ്യമായ ഒരേയൊരു വേരിയന്റിന് ഇന്ത്യയിൽ 25,999 രൂപയാണു വിലയെന്ന് കമ്പനി പത്രക്കുറിപ്പിൽ സ്ഥിരീകരിച്ചു. ജൂൺ 17-ന് ഉച്ചയ്ക്ക് 12 മണി മുതൽ ഇന്ത്യയിൽ ഫോൺ വിൽപ്പനയ്‌ക്കെത്തും. ഫ്ലിപ്കാർട്ട്, മോട്ടറോള ഇന്ത്യ വെബ്‌സൈറ്റ്, റിലയൻസ് ഡിജിറ്റൽ ഉൾപ്പെടെയുള്ള തിരഞ്ഞെടുത്ത ഓഫ്‌ലൈൻ സ്റ്റോറുകൾ എന്നിവയിലൂടെ ഈ ഫോൺ ലഭ്യമാകും.

നിശ്ചിത സമയത്തേക്ക്, വാങ്ങുന്നവർക്ക് 24,999 രൂപ എന്ന ഡിസ്കൗണ്ട് വിലയിൽ ഫോൺ ലഭിക്കും. മോട്ടറോള എഡ്ജ് 60 പാന്റോൺ ജിബ്രാൾട്ടർ സീ, പാന്റോൺ ഷാംറോക്ക് എന്നീ രണ്ട് നിറങ്ങളിൽ ലഭ്യമാണ്.

മോട്ടറോള എഡ്ജ് 60-യുടെ സവിശേഷതകൾ:

1.5K (1,220×2,712 പിക്സൽ) റെസല്യൂഷനുള്ള 120Hz റിഫ്രഷ് റേറ്റും 300Hz ടച്ച് സാമ്പിൾ റേറ്റും 4,500nits പീക്ക് ബ്രൈറ്റ്നസ് ലെവലും പിന്തുണയ്ക്കുന്ന 6.67 ഇഞ്ച് pOLED ക്വാഡ് കർവ്ഡ് ഡിസ്പ്ലേയാണ് മോട്ടറോള എഡ്ജ് 60-ക്കുള്ളത്. ഇത് സ്മാർട്ട് വാട്ടർ ടച്ച് 3.0-നെ പിന്തുണയ്ക്കുന്ന ഡിസ്പ്ലേ ആന്റി-ഫിംഗർപ്രിന്റ് കോട്ടിംഗുള്ള കോർണിംഗ് ഗൊറില്ല ഗ്ലാസ് 7i കൊണ്ടു സംരക്ഷിച്ചിരിക്കുന്നു. കൂടാതെ, ലോ ബ്ലൂ ലൈറ്റിനും മോഷൻ ബ്ലർ കുറയ്ക്കുന്നതിനും SGS സർട്ടിഫിക്കേഷനും ഇതിനുണ്ട്.

4nm ഒക്ടാ-കോർ മീഡിയടെക് ഡൈമെൻസിറ്റി 7400 ചിപ്‌സെറ്റ് കരുത്തു നൽകുന്ന ഫോണിൽ 12GB LPDDR4X റാമും 256GB UFS 2.2 ഇന്റേണൽ സ്റ്റോറേജുമുണ്ട്. മൈക്രോ എസ്ഡി കാർഡ് ഉപയോഗിച്ച് സ്റ്റോറേജ് 1TB വരെ വികസിപ്പിക്കാം, റാം 12GB വരെ വെർച്വലായി വർദ്ധിപ്പിക്കാനും കഴിയും. മോട്ടറോള എഡ്ജ് 60 ആൻഡ്രോയിഡ് 15 അടിസ്ഥാനമാക്കിയ ഹലോ UI-യിലാണ് പ്രവർത്തിക്കുന്നത്. മൂന്ന് വർഷത്തെ പ്രധാന ആൻഡ്രോയിഡ് അപ്‌ഡേറ്റുകളും നാല് വർഷത്തെ സുരക്ഷാ അപ്‌ഡേറ്റുകളും ഇതിനു ലഭിക്കും.

മോട്ടറോള എഡ്ജ് 60-ൽ ട്രിപ്പിൾ റിയർ ക്യാമറ സെറ്റപ്പാണുള്ളത്. f/1.8 അപ്പേർച്ചറും ഒപ്റ്റിക്കൽ ഇമേജ് സ്റ്റെബിലൈസേഷനും (OIS) ഉള്ള 50 മെഗാപിക്സൽ സോണി LYTIA 700C പ്രൈമറി സെൻസർ, മാക്രോ ശേഷിയും f/2.0 അപ്പേർച്ചറും ഉള്ള 50 മെഗാപിക്സൽ അൾട്രാ-വൈഡ്-ആംഗിൾ ലെൻസ്, 3x ഒപ്റ്റിക്കൽ സൂമും f/2.0 അപ്പേർച്ചറും ഉള്ള 10 മെഗാപിക്സൽ ടെലിഫോട്ടോ ലെൻസ് എന്നിവ ഇതിൽ ഉൾപ്പെടുന്നു. മുൻവശത്ത്, സെൽഫികൾക്കും വീഡിയോ കോളുകൾക്കുമായി f/2.0 അപ്പേർച്ചറുള്ള 50 മെഗാപിക്സൽ ക്യാമറയുണ്ട്.

68W ടർബോപവർ ഫാസ്റ്റ് ചാർജിംഗിനെ പിന്തുണയ്ക്കുന്ന 5,500mAh ബാറ്ററിയാണ് ഫോണിലുള്ളത്. MotoAI 2.0 ഈ ഫോണിലുണ്ടാകും. പൊടി, ജല പ്രതിരോധത്തിനായി IP68, IP69 റേറ്റിംഗുകൾ ഇതിനുണ്ട്, കൂടാതെ മിലിട്ടറി-ഗ്രേഡ് MIL-STD-810H സർട്ടിഫിക്കേഷനുമുണ്ട്. ഡ്യുവൽ സ്റ്റീരിയോ സ്പീക്കറുകളാണ് ഇതിൽ ഉൾപ്പെടുന്നത്. കണക്റ്റിവിറ്റി ഓപ്ഷനുകളിൽ 5G, 4G, Wi-Fi, ബ്ലൂടൂത്ത് 5.4, GPS, ഒരു USB ടൈപ്പ്-സി പോർട്ട് എന്നിവ ഉൾപ്പെടുന്നു. ഹാൻഡ്‌സെറ്റിന് 161.2 × 73.08 × 8.25mm വലിപ്പവും 181 ഗ്രാം ഭാരവുമുണ്ട്.