സ്മാർട്ട്‌ഫോൺ വിപണിയിൽ വമ്പൻ വരവോടെ ഹുവാവേ; പുതിയ എൻജോയ് 90 സീരീസ് അവതരിപ്പിച്ചു

ഹുവാവേ എൻജോയ് 90 പ്രോ മാക്സ്, ഹുവാവേ എൻജോയ് 90 പ്ലസ് എന്നീ സ്മാർട്ട്ഫോണുകൾ ചൈനയിൽ അവതരിപ്പിച്ചു. എൻജോയ് പരമ്പരയിലെ ഏറ്റവും പുതിയ മോഡലുകളാണിവ. അടുത്ത മാസം ആദ്യം മുതൽ കമ്പനിയുടെ ഓൺലൈൻ സ്റ്റോറിലൂടെ ഇവ വിൽപനയ്‌ക്കെത്തും. പ്രോ മാക്സ് മോഡൽ നാല് നിറങ്ങളിലും പ്ലസ് വേരിയന്റ് മൂന്ന് നിറങ്ങളിലും ലഭ്യമാണ്. ഹുവാവേയുടെ സ്വന്തം കിരിൻ 8000 ചിപ്‌സെറ്റാണ് ഇരുഫോണുകൾക്കും കരുത്തേകുന്നത്. ലേറ്റസ്റ്റ് ഹാർമണി ഒഎസ് 6.0 പതിപ്പിലാണ് ഇവ പ്രവർത്തിക്കുന്നത്. കൂടാതെ രണ്ട് ഫോണുകളിലും 50 മെഗാപിക്സൽ മെയിൻ റിയർ ക്യാമറയും ഉൾപ്പെടുത്തിയിട്ടുണ്ട്.

ഹുവാവേ എൻജോയ് 90 സീരീസ് വിലയും ലഭ്യതയും

ഹുവാവേ എൻജോയ് 90 പ്ലസ് മോഡലിന്റെ 128ജിബി പതിപ്പിന് ചൈനയിൽ 1,499 യുവാൻ (ഏകദേശം 20,000 രൂപ) ആണ് വില. ഇതിന്റെ 256ജിബി പതിപ്പിന് 1,799 യുവാൻ (ഏകദേശം 24,000 രൂപ) നൽകണം. ഫെതർ സാൻഡ് വൈറ്റ്, സ്റ്റാറി നൈറ്റ് ബ്ലാക്ക്, സ്റ്റാറി സീ ബ്ലൂ എന്നീ നിറങ്ങളിൽ ഈ ഫോൺ ലഭ്യമാണ്.

ഹുവാവേ എൻജോയ് 90 പ്രോ മാക്സിന്റെ 128ജിബി പതിപ്പിന് 1,699 യുവാൻ (ഏകദേശം 23,000 രൂപ) മുതലാണ് വില ആരംഭിക്കുന്നത്. ഇതിന്റെ 256ജിബി പതിപ്പിന് 1,999 യുവാൻ (ഏകദേശം 27,000 രൂപ) വരും. ഏറ്റവും ഉയർന്ന 512ജിബി പതിപ്പിന് 2,399 യുവാൻ (ഏകദേശം 33,000 രൂപ) ആണ് വില. ഡോൺ ഗോൾഡ്, ഫ്ലൈയിംഗ് അസൂർ, ഒബ്സിഡിയൻ ബ്ലാക്ക്, സ്നോ വൈറ്റ് എന്നീ നിറങ്ങളിൽ ഈ ഫോൺ വാങ്ങാം. രണ്ട് സ്മാർട്ട്ഫോണുകളും ഏപ്രിൽ 2-ന് പ്രാദേശിക സമയം രാവിലെ 10:08 മുതൽ (ഇന്ത്യൻ സമയം രാവിലെ 7:38) ഹുവാവേ ചൈന ഓൺലൈൻ സ്റ്റോർ വഴി വിൽപനയ്‌ക്കെത്തും.

ഹുവാവേ എൻജോയ് 90 സീരീസ് സവിശേഷതകൾ

ഹുവാവേയുടെ ഏറ്റവും പുതിയ ഹാർമണി ഒഎസ് 6.0-ലാണ് ഈ രണ്ട് സ്മാർട്ട്ഫോണുകളും പ്രവർത്തിക്കുന്നത്. ഹുവാവേ എൻജോയ് 90 പ്ലസ് മോഡലിൽ 120Hz റിഫ്രഷ് റേറ്റുള്ള 6.67 ഇഞ്ച് HD+ എൽസിഡി ഡിസ്പ്ലേയാണ് നൽകിയിരിക്കുന്നത്. എന്നാൽ ഹുവാവേ എൻജോയ് 90 പ്രോ മാക്സിൽ 6.84 ഇഞ്ച് ഫുൾ HD+ ഒഎൽഇഡി ഡിസ്പ്ലേയാണുള്ളത്. ഇതിൽ 120Hz റിഫ്രഷ് റേറ്റ്, 300Hz ടച്ച് സാംപ്ലിംഗ് റേറ്റ് എന്നിവ ഉൾപ്പെടുന്നു. ഹുവാവേയുടെ സ്വന്തം കിരിൻ 8000 ചിപ്‌സെറ്റാണ് ഈ രണ്ട് ഫോണുകൾക്കും കരുത്തേകുന്നത്.

ക്യാമറയുടെ കാര്യമെടുത്താൽ ഇരുഫോണുകളിലും 50 മെഗാപിക്സൽ മെയിൻ റിയർ ക്യാമറയാണുള്ളത്. പ്രോ മാക്സ് മോഡലിൽ f/1.9 അപ്പേർച്ചറുള്ള RYYB സെൻസറാണെങ്കിൽ പ്ലസ് മോഡലിൽ f/1.8 അപ്പേർച്ചറാണുള്ളത്. രണ്ട് ഫോണുകളും 10x ഡിജിറ്റൽ സൂം പിന്തുണയ്ക്കും. സെൽഫികൾക്കും വീഡിയോ കോളുകൾക്കുമായി 8 മെഗാപിക്സൽ മുൻ ക്യാമറയും ഇതിലുണ്ട്.

ഹുവാവേ എൻജോയ് 90 പ്രോ മാക്സ്, ഹുവാവേ എൻജോയ് 90 പ്ലസ് എന്നീ ഫോണുകളിൽ 50 മെഗാപിക്സൽ മെയിൻ റിയർ ക്യാമറയാണുള്ളത്. ഇതിൽ പ്രോ മാക്സ് മോഡലിൽ f/1.9 അപ്പേർച്ചറുള്ള ആർവൈവൈബി സെൻസറാണെങ്കിൽ പ്ലസ് മോഡലിൽ f/1.8 അപ്പേർച്ചറാണുള്ളത്. രണ്ട് ഫോണുകളും 10x ഡിജിറ്റൽ സൂം പിന്തുണയ്ക്കും. കൂടാതെ സെൽഫികൾക്കും വീഡിയോ കോളുകൾക്കുമായി 8 മെഗാപിക്സൽ മുൻ ക്യാമറയും ഈ സീരീസിലുണ്ട്.

ഹുവാവേ എൻജോയ് 90 പ്രോ മാക്സിൽ 8,500mAh ബാറ്ററിയും ഹുവാവേ എൻജോയ് 90 പ്ലസിൽ 6,620mAh ബാറ്ററിയുമാണുള്ളത്. രണ്ട് മോഡലുകളും 40W വയേർഡ് ഫാസ്റ്റ് ചാർജിംഗ് പിന്തുണയ്ക്കും. കണക്റ്റിവിറ്റിക്കായി ഡ്യുവൽ ബാൻഡ് വൈഫൈ, ബ്ലൂടൂത്ത് 6.0, യുഎസ്ബി ടൈപ്പ് സി പോർട്ട് എന്നിവയുണ്ട്. സുരക്ഷയ്ക്കായി സൈഡ് മൗണ്ടഡ് ഫിംഗർപ്രിന്റ് സ്കാനറാണ് നൽകിയിരിക്കുന്നത്. എൻജോയ് 90 പ്ലസിന് 212 ഗ്രാം തൂക്കവും പ്രോ മാക്സ് പതിപ്പിന് 232 ഗ്രാം തൂക്കവുമാണുള്ളത്.