സാംസങ്ങ് ഗാലക്സി S26 അൾട്രയുടെ ലോഞ്ച് അടുത്തപ്പോൾ ഗാലക്സി S25 അൾട്രയുടെ വില കുറഞ്ഞു; ആമസോണിലെ ഡീലിൻ്റെ വിവരങ്ങൾ

സാംസങ്ങിൻ്റെ പുതിയ പ്രീമിയം ഫ്ലാഗ്ഷിപ്പ് ഫോണായ ഗാലക്‌സി S26 അൾട്രാ വരും മാസങ്ങളിൽ ലോഞ്ച് ചെയ്യുമെന്നാണു പ്രതീക്ഷിക്കുന്നത്. പുതിയ ഫോൺ ലോഞ്ച് ചെയ്യുന്നതിന് മുന്നോടിയായി, മുൻഗാമിയായ സാംസങ്ങ് ഗാലക്‌സി S25 അൾട്രാ 5G-ക്ക് ഇന്ത്യയിൽ വില കുറഞ്ഞിരിക്കുന്നു. ഈ ഫ്ലാഗ്ഷിപ്പ് സ്മാർട്ട്‌ഫോൺ ഇപ്പോൾ 18,599 രൂപ വരെ കിഴിവിൽ ലഭ്യമായതിനാൽ പ്രീമിയം ആൻഡ്രോയിഡ് ഫോൺ തിരയുന്നവർക്ക് ഇതൊരു നല്ല ഓപ്ഷനാണ്. ഗാലക്‌സി S25 അൾട്രായിൽ ടോപ്പ്-എൻഡ് ഹാർഡ്‌വെയർ, അഡ്വാൻസ്ഡ് ഗാലക്‌സി എഐ സവിശേഷതകൾ, അൾട്രാ ലൈനപ്പിലെ ഒരു പ്രധാന ഹൈലൈറ്റായ സാംസങ്ങിന്റെ എസ് പെൻ സപ്പോർട്ട് എന്നിവയുണ്ട്. ഈ സ്മാർട്ട്‌ഫോണിന് സ്‌നാപ്ഡ്രാഗൺ 8 സീരീസ് പ്രോസസർ കരുത്ത് പകരുന്നു, കൂടാതെ ക്വാഡ് റിയർ ക്യാമറ സെറ്റപ്പ്, വലിയ ഡൈനാമിക് അമോലെഡ് ഡിസ്‌പ്ലേ, ദീർഘകാലത്തെ സോഫ്റ്റ്‌വെയർ പിന്തുണ എന്നിവയും വാഗ്ദാനം ചെയ്യുന്നു. ഏഴ് വർഷം വരെ ആൻഡ്രോയിഡ് ഒഎസും സുരക്ഷാ അപ്‌ഡേറ്റുകളും ഇതിനു ലഭിക്കുമെന്നു സാംസങ്ങ് സ്ഥിരീകരിച്ചിട്ടുണ്ട്.

ആമസോണിൽ സാംസങ്ങ് ഗാലക്സി S25 അൾട്ര 5G-ക്ക് വിലക്കിഴിവ്:

സാംസങ്ങ് ഗാലക്സി S25 അൾട്ര 5G നിലവിൽ ആമസോണിൽ 1,12,900 രൂപയ്ക്കാണു ലിസ്റ്റ് ചെയ്തിരിക്കുന്നത്. ലോഞ്ച് വിലയുമായി താരതമ്യം ചെയ്യുമ്പോൾ 17,099 രൂപയുടെ നേരിട്ടുള്ള ഡിസ്കൗണ്ട് ഇങ്ങിനെ ലഭിക്കുന്നു. ഇതിനു പുറമെ തിരഞ്ഞെടുത്ത ബാങ്ക് ക്രെഡിറ്റ് അല്ലെങ്കിൽ ഡെബിറ്റ് കാർഡുകൾ ഉപയോഗിച്ച് വാങ്ങുന്നവർക്ക് 1,500 രൂപ വരെ അധിക കിഴിവു ലഭിക്കും, ഇത് ഫലപ്രദമായ വില ഏകദേശം 1,10,000 രൂപയായി കുറയ്ക്കുന്നു.

തവണകളായി പണമടയ്ക്കാൻ താൽപ്പര്യപ്പെടുന്ന ഉപഭോക്താക്കൾക്ക് ആമസോൺ EMI ഓപ്ഷനുകളും വാഗ്ദാനം ചെയ്യുന്നുണ്ട്. തിരഞ്ഞെടുത്ത ബാങ്കിനെയും കാലാവധിയെയും ആശ്രയിച്ച് പ്രതിമാസ EMI-കൾ 3,969 രൂപ മുതൽ ആരംഭിക്കുന്നു. കൂടാതെ, ഉപഭോക്താക്കൾക്ക് ഒരു എക്സ്ചേഞ്ച് ഓഫർ തിരഞ്ഞെടുത്ത് അവരുടെ പഴയ സ്മാർട്ട്‌ഫോണിന് 35,950 രൂപ വരെ നേടാനും കഴിയും. അന്തിമമായ എക്സ്ചേഞ്ച് മൂല്യം ഫോണിന്റെ അവസ്ഥ, മോഡൽ, പ്രായം തുടങ്ങിയ ഘടകങ്ങളെ ആശ്രയിച്ചിരിക്കുന്നു. വാങ്ങുന്നവർക്ക് കൂടുതൽ തുക നൽകി എക്സ്റ്റെൻഡഡ് വാറന്റി, സ്‌ക്രീൻ പ്രൊട്ടക്ഷൻ തുടങ്ങിയ ഓപ്ഷണൽ ആഡ്-ഓണുകളും തിരഞ്ഞെടുക്കാം.

സാംസങ്ങ് ഗാലക്സി S25 അൾട്രയുടെ സവിശേഷതകൾ:

സാംസങ്ങ് ഗാലക്‌സി S25 അൾട്രാ ആൻഡ്രോയിഡ് 15 അടിസ്ഥാനമാക്കിയ വൺ യുഐ 7-ൽ പ്രവർത്തിക്കുന്നു. ഗാലക്‌സി എഐ സവിശേഷതകളെ പിന്തുണയ്ക്കുന്ന ഈ ഫോണിന് ഏഴ് വർഷത്തെ ആൻഡ്രോയിഡ് ഒഎസും സുരക്ഷാ അപ്‌ഡേറ്റുകളും ലഭിക്കുമെന്ന് സ്ഥിരീകരിച്ചിട്ടുണ്ട്. ഗാലക്‌സി ചിപ്‌സെറ്റിനായുള്ള സ്‌നാപ്ഡ്രാഗൺ 8 എലൈറ്റ് ആണ് ഫോണിന് കരുത്ത് പകരുന്നത്, 12 ജിബി റാമും 1 ടിബി വരെ ഇന്റേണൽ സ്റ്റോറേജും ഇതിൽ ഉൾപ്പെടുന്നു.

1,400×3,120 പിക്‌സൽ റെസല്യൂഷനുള്ള 6.9 ഇഞ്ച് ഡൈനാമിക് അമോലെഡ് 2X ഡിസ്‌പ്ലേയാണ് ഈ ഫോണിനുള്ളത്. 1Hz മുതൽ 120Hz വരെയുള്ള വേരിയബിൾ റിഫ്രഷ് റേറ്റിനെ ഇത് പിന്തുണയ്ക്കുന്നു, കൂടാതെ 2,600nits വരെ പീക്ക് ബ്രൈറ്റ്‌നസും വാഗ്ദാനം ചെയ്യുന്നു. കോർണിംഗ് ഗൊറില്ല ആർമർ 2 ഉപയോഗിച്ച് സംരക്ഷിച്ചിരിക്കുന്ന സ്ക്രീനിന് ചെറുതായി റൗണ്ടഡ് ആയ കോർണറുകളുമുണ്ട്.

ക്യാമറകളുടെ കാര്യത്തിൽ, ഗാലക്‌സി എസ് 25 അൾട്രായ്ക്ക് OIS ഉള്ള 200 മെഗാപിക്സൽ പ്രധാന ക്യാമറ, 50 മെഗാപിക്സൽ അൾട്രാ-വൈഡ് ക്യാമറ, 5x ഒപ്റ്റിക്കൽ സൂമുള്ള 50 മെഗാപിക്സൽ ടെലിഫോട്ടോ ക്യാമറ, 3x ഒപ്റ്റിക്കൽ സൂമുള്ള 10 മെഗാപിക്സൽ ടെലിഫോട്ടോ ക്യാമറ എന്നിവയുണ്ട്. മുൻവശത്ത് 12 മെഗാപിക്സൽ സെൽഫി ക്യാമറയുമുണ്ട്.

5G, Wi-Fi 7, ബ്ലൂടൂത്ത് 5.4, NFC, യുഎസ്ബി ടൈപ്പ്-സി പോർട്ട് എന്നിവയാണ് കണക്റ്റിവിറ്റി ഓപ്ഷനുകൾ. ഫോൺ എസ് പെന്നിനെ പിന്തുണയ്ക്കുന്നു. പൊടി, വെള്ളം എന്നിവയെ പ്രതിരോധിക്കുന്നതിൽ IP68 റേറ്റിംഗാണു ലഭിച്ചിരിക്കുന്നത്. 45W വയർഡ് ചാർജിംഗ്, 15W വയർലെസ് ചാർജിംഗ്, വയർലെസ് പവർ ഷെയർ പിന്തുണ എന്നിവയുള്ള 5,000mAh ബാറ്ററിയാണ് ഇതിനുള്ളത്.