ആപ്പിൾ ഐഫോൺ 16e-ക്ക് 11,500 രൂപയോളം വിലക്കുറവ്; ഓഫർ നേടുന്നത് എങ്ങിനെയെന്നറിയാം

വലിയ തുക ചിലവഴിക്കാതെ ഒരു പുതിയ ഐഫോൺ വാങ്ങാൻ നിങ്ങൾ പദ്ധതിയിടുകയാണെങ്കിൽ, ഇതാണ് ഏറ്റവും മികച്ച അവസരം. ആപ്പിളിന്റെ ഏറ്റവും പുതിയ ഐഫോൺ 16e ഇപ്പോൾ ഇന്ത്യയിൽ ലോഞ്ച് വിലയേക്കാൾ കുറഞ്ഞ തുകയ്ക്ക് ലഭ്യമാണ്. പരിമിതമായ കാലത്തേക്കു മാത്രമാണ് ഈ ഓഫർ ലഭ്യമാവുക. ക്രോമ വെബ്സൈറ്റിലാണ് ഐഫോണിനു ഡിസ്കൗണ്ട് നൽകുന്നത് ഐഫോണിലേക്ക് അപ്‌ഗ്രേഡ് ചെയ്യാൻ ആഗ്രഹിക്കുന്ന ഉപയോക്താക്കൾക്ക് ഓഫർ വളരെയധികം ഉപയോഗപ്രദമാണ്. ആദ്യമായി ആപ്പിളിലേക്ക് മാറാൻ പദ്ധതിയിടുന്ന ആൻഡ്രോയിഡ് ഉപയോക്താക്കൾക്ക് ഇതൊരു നല്ല അവസരമാണ്. മികച്ച പെർഫോമൻസ്, ക്യാമറ ക്വാളിറ്റി, സോഫ്റ്റ്‌വെയർ സപ്പോർട്ട് എന്നിവ ഐഫോൺ 16e വാഗ്ദാനം ചെയ്യുന്നു. വർഷങ്ങളോളം iOS അപ്‌ഡേറ്റുകൾ ലഭ്യമാകുന്നതിനാൽ, വാങ്ങുന്നവർക്ക് ഈ സ്മാർട്ട്‌ഫോണിൽ നിന്ന് ദീർഘകാലത്തേക്കുള്ള മൂല്യം പ്രതീക്ഷിക്കാം. പരിമിതമായ കാലത്തേക്കുള്ള ഈ ഓഫറുകൾ സ്റ്റോക്ക് ലഭ്യതയെ ആശ്രയിച്ചിരിക്കും. അതിനാൽ വാങ്ങാൻ താൽപര്യമുള്ളവർ ഉടൻ തന്നെ ഡീലിൻ്റെ വിശദാംശങ്ങൾ പരിശോധിക്കുക. ആപ്പിൾ ഐഫോൺ 16e-യുടെ വിലയുടെ വിശദാംശങ്ങളും പ്രധാന സവിശേഷതകളും ചുവടെ ചേർക്കുന്നു.

ആപ്പിൾ ഐഫോൺ 16e-ക്ക് ക്രോമയിൽ വമ്പൻ വിലക്കുറവ്:

ആപ്പിൾ ഐഫോൺ 16e ഇന്ത്യയിൽ 59,900 രൂപയെന്ന പ്രാരംഭ വിലയിലാണ് ലോഞ്ച് ചെയ്തത്. ക്രോമയുടെ ഔദ്യോഗിക വെബ്‌സൈറ്റിൽ, ഈ സ്മാർട്ട്‌ഫോൺ നിലവിൽ 52,390 രൂപയ്ക്ക് ലിസ്റ്റ് ചെയ്തിട്ടുണ്ട്, 7,510 രൂപ ഫ്ലാറ്റ് ഡിസ്‌കൗണ്ട് അവർ നൽകുന്നു. അതിനുപുറമെ, ആക്സിസ് ബാങ്ക് അല്ലെങ്കിൽ ഐസിഐസിഐ ബാങ്ക് ക്രെഡിറ്റ് കാർഡ് ഉപയോഗിച്ച് പണമടയ്ക്കുമ്പോൾ നിങ്ങൾക്ക് 4,000 രൂപ അധിക കിഴിവ് ലഭിക്കും.

ആപ്പിൾ ഐഫോൺ 16e-യുടെ പ്രധാന സവിശേഷതകൾ:

ആപ്പിൾ ഐഫോൺ 16e നാനോ സിം, ഇ-സിം എന്നിവയെ പിന്തുണയ്ക്കുന്ന ഒരു ഡ്യുവൽ സിം സ്മാർട്ട്‌ഫോണാണ്. ഇത് iOS 18-ൽ പ്രവർത്തിക്കുന്നു. 1,170 x 2,532 പിക്‌സൽ റെസല്യൂഷനുള്ള 6.1 ഇഞ്ച് സൂപ്പർ റെറ്റിന XDR OLED ഡിസ്‌പ്ലേയാണ് ഈ സ്മാർട്ട്‌ഫോണിന്റെ സവിശേഷത. ഡിസ്‌പ്ലേ 60Hz റിഫ്രഷ് റേറ്റ് പിന്തുണയ്ക്കുകയും 800nits വരെ പീക്ക് ബ്രൈറ്റ്‌നസ് വാഗ്ദാനം ചെയ്യുകയും ചെയ്യുന്നു. ഈട്, വീഴ്ചകളിൽ നിന്നുള്ള സംരക്ഷണം എന്നിവയ്ക്കായി മുൻവശത്ത് സെറാമിക് ഷീൽഡ് മെറ്റീരിയൽ ആപ്പിൾ ഉപയോഗിച്ചിട്ടുണ്ട്.

ഐഫോൺ 16e ഒപ്റ്റിക്കൽ ഇമേജ് സ്റ്റെബിലൈസേഷനോടുകൂടിയ ഒരൊറ്റ 48 മെഗാപിക്സൽ റിയർ ക്യാമറയുമായി വരുന്നു. വ്യത്യസ്ത ലൈറ്റിംഗ് സാഹചര്യങ്ങളിൽ വിശദമായ ഫോട്ടോകൾ പകർത്താൻ ഈ ക്യാമറയ്ക്ക് കഴിവുണ്ട്, കൂടാതെ വിപുലമായ കമ്പ്യൂട്ടേഷണൽ ഫോട്ടോഗ്രാഫി സവിശേഷതകളെയും പിന്തുണയ്ക്കുന്നു. മുൻവശത്ത്, 12 മെഗാപിക്സൽ ട്രൂഡെപ്ത്ത് ക്യാമറയുമുണ്ട്, സെൽഫികൾ, വീഡിയോ കോളുകൾ, ഫേസ് ഐഡി ഓതൻ്റിക്കേഷൻ എന്നിവയ്ക്കായി അതുപയോഗിക്കാം. സ്മാർട്ട്‌ഫോണിൽ ഫിസിക്കൽ ഹോം ബട്ടൺ ഉൾപ്പെടുത്തിയിട്ടില്ല, അൺലോക്കിംഗിനും മറ്റുമായി പൂർണ്ണമായും ഫേസ് ഐഡിയെയാണ് ആശ്രയിക്കുന്നത്.

സ്റ്റീരിയോ സ്പീക്കറുകളുമായി വരുന്ന ഐഫോൺ 16e ഹാൻഡ്സെറ്റ് 5G, 4G LTE കണക്റ്റിവിറ്റികൾക്കുള്ള പിന്തുണയും വാഗ്ദാനം ചെയ്യുന്നു. വൈ-ഫൈ 6, ബ്ലൂടൂത്ത് 5.3, NFC, GPS എന്നിവയാണ് മറ്റ് കണക്റ്റിവിറ്റി ഓപ്ഷനുകൾ. ചില പ്രദേശങ്ങളിൽ ആപ്പിളിന്റെ സാറ്റലൈറ്റ് വഴിയുള്ള എമർജൻസി SOS-നെയും ഈ ഫോൺ പിന്തുണയ്ക്കുന്നു. പഴയ മോഡലുകളിൽ നിന്ന് വ്യത്യസ്തമായി, 18W വയർഡ് ചാർജിംഗും 7.5W വയർലെസ് ചാർജിംഗിനെയും പിന്തുണയ്ക്കുന്ന ഒരു USB ടൈപ്പ്-സി പോർട്ടാണ് ഐഫോൺ 16e-യിൽ ഉള്ളത്. ബാറ്ററി കപ്പാസിറ്റിയുടെ വിശദാംശങ്ങൾ ആപ്പിൾ ഔദ്യോഗികമായി വെളിപ്പെടുത്തിയിട്ടില്ല. പൊടി, ജല പ്രതിരോധം എന്നിവയ്‌ക്കായി സ്മാർട്ട്‌ഫോണിന് IP68 റേറ്റിംഗ് ഉണ്ട്, 146.7mm x 71.5mm x 7.8mm വലിപ്പവുള്ള ഫോണിന് 167 ഗ്രാം ഭാരമാണുള്ളത്.