ഐക്യൂ ഫോണുകൾക്ക് വമ്പൻ വിലക്കുറവ്: ആമസോൺ ഗ്രേറ്റ് റിപ്പബ്ലിക്ക് ഡേ സെയിൽ 2026-ലെ ഓഫറുകൾ അറിയാം

വിലക്കുവിൻ്റെ മേളവുമായി ജനുവരി 16 മുതൽ ആമസോൺ ഗ്രേറ്റ് റിപ്പബ്ലിക് ഡേ സെയിൽ 2026 ആരംഭിക്കാൻ ഒരുങ്ങുകയാണ്. മറ്റ് പ്രധാന ഷോപ്പിംഗ് ഫെസ്റ്റിവലുകളെപ്പോലെ, ഈ പരിപാടിയും പലതരം ഉൽപ്പന്നങ്ങൾ വിലക്കുറവിലും പ്രത്യേക ഓഫറിലും നൽകും. സ്മാർട്ട്‌ഫോണുകൾ, ലാപ്‌ടോപ്പുകൾ, സ്മാർട്ട് വാച്ചുകൾ, വയർലെസ് ഇയർബഡുകൾ, ബ്ലൂടൂത്ത് സ്പീക്കറുകൾ, സ്മാർട്ട് ടിവികൾ, വീട്ടുപകരണങ്ങൾ, മറ്റ് നിരവധി ഇലക്ട്രോണിക് ഇനങ്ങൾ എന്നിവയിൽ ഡീലുകൾ കണ്ടെത്താൻ കഴിയും. എക്സ്ട്രാ ബാങ്ക് ഓഫറുകൾ, എക്സ്ചേഞ്ച് ഓപ്ഷനുകൾ, ലിമിറ്റഡ് ഡിസ്കൗണ്ടുകൾ എന്നിവയും സെയിൽ കാലയളവിൽ ലഭ്യമാകുമെന്ന് പ്രതീക്ഷിക്കുന്നു. ഇതുവരെ, സെയിലിൽ വാഗ്ദാനം ചെയ്യുന്ന ഡിസ്കൗണ്ടുകളെ കുറിച്ചുള്ള പൂർണ്ണമായ വിവരങ്ങൾ ആമസോൺ പങ്കുവെച്ചിട്ടില്ല. എന്നാൽ, ഈ ഷോപ്പിംഗ് ഇവന്റിൽ വിൽക്കുന്ന ചില സ്മാർട്ട്‌ഫോണുകളുടെ വിലക്കുറവ് ഐക്യൂ ഇന്ത്യ ഇതിനകം വെളിപ്പെടുത്തിയിട്ടുണ്ട്. സെയിൽ ലൈവ് ആകുമ്പോൾ പരിമിതമായ സമയത്തേക്ക് ഈ ഐക്യൂ ഹാൻഡ്‌സെറ്റുകൾ കുറഞ്ഞ നിരക്കിൽ ലഭ്യമാകും. സ്മാർട്ട്ഫോൺ പ്രേമികൾക്ക് ഉത്സകാലം ആയിരിക്കും ഈ സെയിൽ എന്ന് ഇതിൽ നിന്നും മനസിലാക്കാം.

ഐക്യൂ 15-ന് ആമസോൺ ഗ്രേറ്റ് റിപ്പബ്ലിക് ഡേ സെയിൽ 2026-ൽ ലഭ്യമായ ഓഫറുകൾ:

കഴിഞ്ഞ വർഷം ലോഞ്ച് ചെയ്ത ചില സ്മാർട്ട്‌ഫോണുകളുടെ വിലക്കുറവ് വ്യക്തമാക്കുന്ന ഒരു അപ്‌ഡേറ്റ് ഐക്യൂ ഇന്ത്യയുടെ ഒഫീഷ്യൽ X (മുമ്പ് ട്വിറ്റർ) അക്കൗണ്ട് പങ്കിട്ടു. പ്രഖ്യാപനത്തിലെ പ്രധാന ആകർഷണങ്ങളിലൊന്ന് കമ്പനിയുടെ ഫ്ലാഗ്ഷിപ്പ് മോഡലായ ഐക്യൂ 15 ആണ്, ഇത് 2025 നവംബറിൽ പുറത്തിറങ്ങി. 144Hz റിഫ്രഷ് റേറ്റ് ഉള്ള 6.85 ഇഞ്ച് ഡിസ്‌പ്ലേ, ശക്തമായ സ്‌നാപ്ഡ്രാഗൺ 8 എലൈറ്റ് ജെൻ 5 പ്രോസസർ, 100W വയർഡ് ഫാസ്റ്റ് ചാർജിംഗിനെ പിന്തുണയ്‌ക്കുന്ന 7,000mAh ബാറ്ററി എന്നിവയാണ് ഈ ഫോണിനുള്ളത്.

ഐക്യൂ 15 ആദ്യമായി ലോഞ്ച് ചെയ്തപ്പോൾ, അതിന്റെ പ്രാരംഭ വില 72,999 രൂപയായിരുന്നു. വരാനിരിക്കുന്ന ആമസോൺ ഗ്രേറ്റ് റിപ്പബ്ലിക് ഡേ സെയിൽ 2026-ന്, ഫോൺ 65,999 രൂപയ്ക്ക് ലഭ്യമാകുമെന്ന് ഐക്യൂ സ്ഥിരീകരിച്ചു. ഈ വിലയിൽ എല്ലാ നികുതികളും ഓഫറുകളും ഉൾപ്പെടുന്നു, എന്നാൽ ഈ തുക ലഭിക്കുന്നതിന് വാങ്ങുന്നവർക്ക് പ്രത്യേക ബാങ്ക് കാർഡുകളോ പ്രൊമോഷണൽ ഓഫറുകളോ ആവശ്യമായി വന്നേക്കാം.

കൂടാതെ, ഈ വിൽപ്പനയിൽ മുഴുവൻ വിലയും ഒറ്റയടിക്ക് അടയ്ക്കുന്നതിന് പകരം ചെറിയ പ്രതിമാസ തവണകളായി പണമടയ്ക്കാൻ അനുവദിക്കുന്ന ഒരു നോ-കോസ്റ്റ് ഇഎംഐ പ്ലാൻ തിരഞ്ഞെടുക്കാനും കഴിയും.

ആമസോൺ ഗ്രേറ്റ് റിപ്പബ്ലിക് ഡേ സെയിൽ 2026-ൽ മറ്റ് ഐക്യൂ ഫോണുകൾക്കുള്ള ഓഫറുകൾ:

2026-ലെ ആമസോൺ ഗ്രേറ്റ് റിപ്പബ്ലിക് ഡേ സെയിലിൽ, ഐക്യൂ നിയോ 10-നും വില കുറയും. 2025 മെയ് മാസത്തിലാണ് ഈ ഫോൺ ആദ്യം ലോഞ്ച് ചെയ്തത്, 144Hz റിഫ്രഷ് റേറ്റ് പിന്തുണയ്ക്കുന്ന 6.78 ഇഞ്ച് ഡിസ്‌പ്ലേയുമായാണ് ഇത് വരുന്നത്. സ്‌നാപ്ഡ്രാഗൺ 8s ജെൻ 4 പ്രോസസർ ഇതിനു കരുത്തു നൽകുന്നു. കൂടാതെ 50 മെഗാപിക്സൽ പ്രൈമറി സെൻസറും 8 മെഗാപിക്സൽ അൾട്രാ-വൈഡ് ലെൻസും ഉള്ള ക്യാമറ സെറ്റപ്പുമുണ്ട്. 120W വയർഡ് ഫാസ്റ്റ് ചാർജിംഗിനുള്ള പിന്തുണയ്ക്കുന്ന 7,000mAh ബാറ്ററിയിലാണ് ഈ ഫോൺ പ്രവർത്തിക്കുന്നത്.

കഴിഞ്ഞ ഒരു വർഷമായി, റാം ക്ഷാമവും ഫോണിൻ്റെ ഭാഗങ്ങളുടെ വർദ്ധിച്ചു വരുന്ന വിലയും കാരണം സ്മാർട്ട്‌ഫോണുകളുടെ വില വർദ്ധിച്ചിട്ടുണ്ട്. എന്തായാലും ആമസോൺ സെയിലിൽ, 33,999 രൂപ മുതലുള്ള വിലയിൽ ഐക്യൂ നിയോ 10 ലഭ്യമാകും.

മറ്റ് ഐക്യൂ ഫോണുകൾക്കും കിഴിവുകൾ ലഭിക്കും. ഐക്യൂ നിയോ 10R ഫോൺ 24,999 രൂപയ്ക്കും ഐക്യൂ Z10 മോഡൽ . 20,499 രൂപയ്ക്കും വിൽക്കും. ഐക്യൂ Z10R 18,499 രൂപയ്ക്കു ലഭ്യമാണ്. ബജറ്റ് ഫോണുകളുടെ വിഭാഗത്തിൽ, ഐക്യൂ Z10x 13,499 രൂപയ്ക്കും, ഐക്യൂ Z10 ലൈറ്റ് 9,999 രൂപയ്ക്കും ലഭ്യമാകും.