എച്ച്പി, ഡെൽ, അസൂസ് ലാപ്‌ടോപ്പുകൾ പകുതി വിലയിൽ സ്വന്തമാക്കാം; സർപ്രൈസ് ഡിസ്കൗണ്ടുകൾ ഇതാ

ആമസോണിന്റെ 'ഗ്രേറ്റ് ഫ്രീഡം സെയിൽ' ഈ ആഴ്ച അവസാനം ആരംഭിക്കും. ഇതിന് മുന്നോടിയായി ലാപ്ടോപ്പുകൾക്ക് ലഭിക്കുന്ന പ്രധാന ഓഫറുകളെക്കുറിച്ചുള്ള സൂചനകൾ ഈ ഇ-കോമേഴ്സ് പ്ലാറ്റ്‌ഫോം പുറത്തുവിട്ടു തുടങ്ങി. സെയിലിനായുള്ള ആമസോണിന്റെ പ്രത്യേക മൈക്രോസൈറ്റ് നൽകുന്ന വിവരമനുസരിച്ച്, ഏറ്റവും പുതിയ AI സാങ്കേതികവിദ്യയുള്ള ലാപ്‌ടോപ്പുകൾക്ക് 40 ശതമാനം വരെ കിഴിവ് ലഭിക്കും. ലെനോവോ, എച്ച്പി, ഡെൽ, അസൂസ് തുടങ്ങിയ കമ്പനികളുടെ ഏറ്റവും പുതിയ ലാപ്‌ടോപ്പുകൾ ആകർഷകമായ വിലക്കുറവിൽ സ്വന്തമാക്കാം. ഏറ്റവും പുതിയ പ്രൊസസറുകളും ഉയർന്ന റിഫ്രഷ് റേറ്റ് ഡിസ്‌പ്ലേകളുമുള്ള മോഡലുകൾക്കും ഓഫറുകൾ ലഭ്യമാണ്. സാധാരണ ഡിസ്‌കൗണ്ടുകൾക്ക് പുറമെ ബാങ്ക് ഓഫറുകൾ, എക്സ്ചേഞ്ച് ബോണസുകൾ, മറ്റ് പേയ്മെന്റ് അധിഷ്ഠിത കിഴിവുകൾ എന്നിവയും ഉപഭോക്താക്കൾക്ക് പ്രയോജനപ്പെടുത്താം.

ഈ വർഷത്തെ ആമസോൺ ഗ്രേറ്റ് ഫ്രീഡം സെയിൽ ഓഗസ്റ്റ് 7 അർദ്ധരാത്രി 12:00 മണിക്ക് (IST) ആരംഭിക്കും. സെയിൽ സമയത്ത് എച്ച്‌ഡിഎഫ്‌സി ബാങ്ക് ക്രെഡിറ്റ് കാർഡ്, ഈസി ഇഎംഐ (EasyEMI) ഉപഭോക്താക്കൾക്ക് തെരഞ്ഞെടുത്ത ഉൽപ്പന്നങ്ങൾക്ക് 10 ശതമാനം ഇൻസ്റ്റന്റ് ഡിസ്‌കൗണ്ട് നേടാം. കൂടാതെ, ക്യാഷ്ബാക്ക് റിവാർഡുകളും കൂപ്പൺ ഡിസ്‌കൗണ്ടുകളും ഉപഭോക്താക്കൾക്ക് ലഭിക്കും. ഇതിനുപുറമെ എക്സ്ചേഞ്ച് ഓഫറുകളും ആമസോൺ പേ ആനുകൂല്യങ്ങളും ലഭ്യമാണ്.

ആമസോൺ പേ ICICI ബാങ്ക് ക്രെഡിറ്റ് കാർഡ് ഉടമകൾക്ക് ഉൽപ്പന്നങ്ങൾ വാങ്ങുമ്പോൾ 5 ശതമാനം വരെ കിഴിവും 2,500 രൂപ വരെ മൂല്യമുള്ള വെൽക്കം റിവാർഡുകളും നേടാം. പ്രൈം അംഗങ്ങൾക്ക് കൂടുതൽ പ്രത്യേക ആനുകൂല്യങ്ങളും ലഭ്യമാണ്.

സ്മാർട്ട്‌ഫോണുകളിലെയും പ്രൊജക്ടറുകളിലെയും മികച്ച ഡീലുകളെക്കുറിച്ച് നേരത്തെ സൂചിപ്പിച്ചിരുന്നല്ലോ. ഇനി, ഈ ഗ്രേറ്റ് ഫ്രീഡം സെയിലിൽ ഉപഭോക്താക്കൾക്ക് സ്വന്തമാക്കാൻ സാധിക്കുന്ന പ്രധാന ലാപ്‌ടോപ്പ് ഓഫറുകൾ ഏതൊക്കെയാണെന്ന് നോക്കാം.

അസൂസ് സെൻബുക്ക് 14 (Asus Zenbook 14), എച്ച്പി 14 (HP 14), ഡെൽ 15 (Dell 15), ലെനോവോ ഐഡിയപാഡ് സ്ലിം 3 (Lenovo IdeaPad Slim 3) തുടങ്ങിയ പ്രമുഖ മോഡലുകൾക്ക് സെയിലിൽ മികച്ച വിലക്കുറവ് ഉണ്ടാകും. അതേസമയം, തെരഞ്ഞെടുത്ത ചില മോഡലുകളുടെ അന്തിമ ഓഫർ വില ആമസോൺ ഇതുവരെ പൂർണ്ണമായി വെളിപ്പെടുത്തിയിട്ടില്ല.

ആമസോൺ ഗ്രേറ്റ് ഫ്രീഡം സെയിൽ 2026: ലാപ്‌ടോപ്പുകളിലെ മികച്ച ഓഫറുകൾ